甘甘好蔗 (Moved) New Location

行過旺角見到呢間專賣蔗汁嘅舖頭🎋平時人哋蔗汁都係跟涼茶或者小食呢間淨係買蔗汁，等我睇吓啲特別先佢蔗汁可以配果汁或者咖啡☕️等等☝️真係幾特別我發現咗佢嘅蔗汁就可以配我最愛嘅西瓜汁所以即刻嗌一杯飲落去超正蔗汁甜甜地再加西瓜汁兩個味加埋唔會話好怪飲晒成杯都仲想再飲朋友就揀咗呢杯蔗杯美式咖啡嘅苦味加埋甘蔗嘅甜味幾特別鍾意飲咖啡嘅朋友，可以試吓間鋪邊係一面牆，舖頭都幾有心機設計好可以俾人打卡呢間舖頭調配嘅甘蔗汁幾正未試過朋友值得去試吓另外佢個杯個位置仲有得抽獎，我都抽中咗一個

旺角最多人既街登打士街，今日去依頭掃街睇下有乜好西食，見到有一間幾特別，賣庶汁主題外賣飲品。見到咁特別所以買返兩杯試下，叫左一杯甘庶鮮奶，一杯庶杯鮮橙。🍊甘庶鮮奶即是庶汁加鮮奶🥛，原來係估唔到咁match, 甘庶汁係天然鮮揸，加埋鮮奶到有好清新好fresh既感覺，竟然飲鮮奶都有種鮮渴既作用！而庶杯鮮橙即是甘庶汁加新鮮揸橙汁。店鋪全部用新鮮鮮揸水果，十分天然！甘庶加橙汁非常之健康。店家仲有其他茶飲，包括斑蘭椰汁，咖啡+甘庶汁☕️☕️等等特色飲品。掃完街飲返杯甘庶汁就岩岩好，解渴又好味！下次去登打士街掃街即管試下甘庶汁+咖啡。餐牌都幾有新意，夠特別，係正最旺果條街隔離，方便搵食！🤣🤣😋😋

🎋🎍【 甘甘好蔗 】🎍🎋⋄ —————⧫♟⧫————— ⋄最近旺角新開咗間主打甘蔗嘅茶飲店，號稱主港首創🆕 路過望落幾得意，就同朋友買嚟試吓🤗佢有幾個系列：經典甘蔗系列、現磨咖啡系列、生椰乳系列等🌟而我地不約而同比佢嘅「天然甘蔗水果系列」吸引🍊🍉🍈😍 揀咗「蔗杯葡萄」及「蔗杯白桃」，另外加錢配唔同toppings💖🍇蔗杯葡萄+蜂蜜爆珠+馬蹄雪晶靈（少冰）佢哋嘅甜度係固定的，冇得揀，但甜味適中，唔會過甜👍🏻 而且蔗汁配葡萄，味道出奇地夾，加埋蜂蜜爆珠、馬蹄雪晶靈，口感豐富，好好飲💜🍑蔗杯白桃+蜂蜜爆珠+蘆薈（走冰）甘蔗味道唔會蓋過白桃味，兩者相得益彰，甜度亦剛好😋 另加了蘆薈，爽甜嫩滑，清甜可口，推薦❣️🔥依家惠顧飲品，可於杯套上獲得抽獎機會一次🎟️🎊撕開抽獎位置，即有機會「嘆多杯」$34或以下甘甘特飲🥳 祝大家好運🤣😆🍾⋄ ┄ ┄ ┄ ┄ ❖ ┄ ┄ ┄ ┄ ⋄🎋蔗杯葡萄🍇（$34）加 蜂蜜爆珠（+$5） 及 馬蹄雪晶靈（+$6）少冰🎋蔗杯白桃🍑（$32）加 蜂蜜爆珠（+$5） 及 蘆薈（+$5）走冰⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：甘甘好蔗 (旺角)旺角登打士街55號鴻

旺角最多人既街登打士街，今日去依頭掃街睇下有乜好西食，見到有一間幾特別，賣庶汁主題外買飲品。見到咁特別所以買返兩杯試下，叫左一杯甘庶鮮奶，一杯庶杯鮮橙。甘庶鮮奶即是庶汁加鮮奶🥛，原來係估唔到咁match，甘庶汁係天然鮮揸，加埋鮮奶到有好清新好fresh既感覺，竟然飲鮮奶都有種鮮渴既作用！而庶杯鮮橙即是甘庶汁加新鮮揸橙汁🍊。店鋪全部用新鮮鮮揸水果，十分天然！甘庶加橙汁非常之健康。店家仲有其他茶飲，包括斑蘭椰汁，咖啡+甘庶汁☕️☕️等等特色飲品。掃完街飲返杯甘庶汁就岩岩好，解渴又好味！下次去登打士街掃街即管試下甘庶汁+咖啡。餐牌都幾有新意，夠特別，係正最旺果條街隔離，方便搵食！ 🤭🤭👍🏻👍🏻

在旺角行街嘅時候總覺得邊行邊飲野更寫意😊唔想習慣飲台式手搖飲品，在女人街近廣華醫院方向附近的甘甘好蔗係個好選擇😊小店位置肥姐小食旁，呢個街口好旺好多人首先吸引我哋嘅係佢得意嘅港式廣告牌。另外，舖頭牆身都有好多得意嘅圖畫同埋金句，搞笑🤣甘蔗鮮奶甘蔗嘅清甜滋潤感覺同牛奶好配合，係一杯好適合女仔冬天飲嘅熱飲，溫暖☀️斑蘭生椰拿鐵之前在越南旅行飲過椰子咖啡，想不到這間店嘅椰子咖啡比我們在越南嘅更好飲😊仲有班蘭葉係裏邊，入口順滑，咖啡味道出色😊慢慢嘆慢慢回味佢哋而家仲有個抽獎遊戲，幸運地我哋抽同一個免費飲品，下次可以再嚟😊香港比較少主打甘蔗嘅飲品店，呢度嘅選擇都係比較健康，值得下次再嘗甘甘好蔗😊

店名: 甘甘好蔗地址: 旺角登打士街55號鴻達樓地下6號舖油麻地站A2出口，行5分鐘前幾日經開旺角就留意到有一間新開嘅茶飲店，見到成間店都係以蔗汁🎋為主題，所以第一眼👀已經俾佢吸引咗，最重要係佢新鮮即榨！佢而家仲有個推廣優惠👍🏻凡購買1️⃣杯飲品，就可以抽獎一次，杯上可以撕開抽獎位置，就有機會獲得飲品一杯❗️嗰日我哋買咗兩杯，其中一杯抽中咗免費送一杯，大家可以去試吓😍環境: 外賣價錢: 4/5味道: 4/5蔗打檸檬❤️❤️❤️❤️❤️$32呢杯香水檸檬🍋再加入新鮮嘅甘蔗，飲落去酸酸甜甜😚，好適合食完晚飯飲番一杯，好解渴🫶🏻。而且飲落去好清新，冇咩負擔嘅感覺🤤生椰拿鐵❤️❤️❤️❤️$40飲落去有一陣淡淡的咖啡☕️香味，再加上椰子🥥嘅配搭，帶出有微苦同埋少少甜嘅味道，而且椰子味好出，完全好夾，好有驚喜☺️

記得以前香港既傳統店會有即榨蔗汁， 門口都會有一堆斬好洗淨既蔗係度。 隨住時代進步 依啲即榨既蔗汁已經絕跡，基本上剩番啲係一早榨好哂既。 依間係旺角既新開左一段日子既飲品店， 主打既唔係珍珠奶茶都唔係手打檸檬茶，而係即榨既蔗汁配上多種配搭，走出傳統既圈子🤣🤣雖然依間係賣蔗類飲品， 但係今次既我反而唔係買蔗汁類飲品🙌🏻🤣 反而係買左佢期間限定既特調-宮崎的夏天。 聽個名好有日本夏天的感覺，而事實上的確如此。 宮崎的夏天（$38） ， 外表是好有夏天感覺既藍天白雲。 其實是椰奶加蜜瓜， 加了藍色的色素 。 白雲是用cream 點上杯邊而成（但其實好快就冇左。 飲落去椰奶味意外地唔算太重好膩咁 ， 蜜瓜味都好重 因為係有蜜瓜粒係內裡既關係 其實杯野都幾清甜， 仲要蜜瓜果肉都幾多😅

依家連蔗汁都可以玩到新意思，排隊買肥姐時見到有隔離茶飲店優惠券😆跟風試下新野🤓蔗杯葡萄蔗汁+青提🤤好清爽，係天然蔗糖 唔洗擔心肥🤣，天氣熱飲一流😆最緊要係成個杯底都係提子肉 好足料😋😋斑斕椰奶拿鐵平時已經好鍾意飲拿鐵☕️呢杯真係超surprise😋 斑斕醬掛杯 唔會太多太濃霸曬啲味👍椰奶同咖啡味都好夾、好滑😋正🥹如果返工附近有應該日日幫襯🤣等緊期間，見到鋪頭啲擺設幾盞鬼🤣同埋外牆都幾有趣👍

全港首創甘蔗主題手搖店🥇健康手搖飲品✌🏻🔹下次想試d特別 cross over 嘅味道😬🔹但係又想試下鮮榨甘蔗汁🤭好欣賞唔唔落 糖，係天然嘅甘蔗汁 同埋 水果味蔗杯蜜瓜🍈（少冰）味覺好特別，蔗汁味同蜜瓜味都有衝擊味蕾，蜜瓜味稍為多少少，超多蜜瓜肉 漂浮喺杯裏😋，飲時啖啖都有蜜瓜肉👍蔗杯白桃🍑（少冰）先是蔗汁味，後是白桃味，冇蔗杯蜜瓜咁搶味，一粒粒嘅白桃肉 沈喺杯底😋📍旺角登打士街55號鴻達樓地下6號舖（港鐵油麻地站 A2 出口, 步行約5分鐘）＃肥姐小食旁邊

估唔到咁易中獎🌸宮崎的夏天🌟🌟🌟🌟原來係蜜瓜肉同生椰黎，啱啱出時都幾靚，味道重椰味，蜜瓜肉香甜。🌸庶杯西瓜🌟🌟🌟🌟西瓜味十足，有好多西瓜碎，方便吸入口，庶味被西瓜味遮蓋位，飲完都能解渴消暑。🌸庶杯葡萄🌟🌟🌟🌟呢杯是抽獎中架，葡萄味十足，用原粒葡萄打成，每一啖都有豐富的葡萄肉連皮，感覺好fresh。店家每杯杯封都有得抽獎，但估唔到咁易中，店員非常禮貌及服務態度好好。======詳情======甘甘好蔗 (旺角)旺角登打士街55號鴻達樓地下6號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #旺角美食 #旺角好去處 #香港美食探店 #香港探店 #我是吃貨 #打卡熱點 #打卡美食 #著數報料 #秋日美食 #庶汁 #宮崎的夏天 #蜜瓜肉 #生椰 #西瓜 #葡萄 #有得抽獎 #中獎機會高 #登打士街 #甘甘好蔗

店名: 甘甘好蔗 地址: 旺角登打士街55號鴻達樓地下6號舖油麻地站A2出口，行5分鐘環境: 外賣價錢: 4/5/5味道: 4.5/5今次黎到登打士街，旺角同油麻地不嬲都好多茶飲店同埋小食店，係肥姐小食旁邊有全港首創甘蔗主主題手搖店，主打甘蔗汁，比起其他手搖飲品同珍珠奶茶更健康，今次同朋友一於嚟試吓😗鮮榨甘蔗汁❤️❤️❤️❤️$28純甘蔗汁飲落十分清甜，蔗味香甜，無額外加糖，飲落唔會過甜，清爽解膩又健康😍蔗打檸檬❤️❤️❤️❤️❤️$32第一次試甘蔗汁加檸檬🍋檸檬嘅酸配上甘蔗汁嘅甜，出奇地夾，而且令蔗汁嘅甜度有所中和，整體十分清新😙

香港真係各式各樣嘅手搖店都有，偏偏就冇蔗汁🥹諗起細個喺鄉下一到夏天就拎住碌蔗係到咬，真係好甜好消暑🤤而家就算飲都係得某店既甘蔗青茶，而家終於有蔗汁主題嘅手搖店啦😻係排隊排到開巷嘅肥姐小食店隔離，非常之容易搵！又估唔到甘蔗可以有咁多mix😳係咪真係樣樣都得架試下時下最興既手打檸檬aka蔗打檸檬先！老公話突破啲試下蔗杯薄荷🌿舖頭啲裝飾好搞笑，簡直心聲🤣店鋪隔離巷幅牆好特別，係到影相幾唔錯😻究竟邊個走去打罵過老闆🤣兩杯如我所料，係一模一樣的，就係蔗汁樣既蔗汁我既蔗打檸檬冇想像中咁酸，反而係有陣檸檬香氣既蔗汁，飲下飲下好解膩老公既蔗杯薄荷有驚喜！薄荷味唔算重，但兩者mix埋到一齊毫無違和感，好fresh而家杯套仲有抽獎，老公抽到送多杯！(姐係我有多杯😌)woooooooow即刻超級抵飲，有獎抽抽中獎種感覺真係好開心🤣

今日途經旺角，竟然比我哋發現咗一間隱藏版嘅甘蔗汁手搖店☺️呢度嘅選擇以甘蔗汁為主，但加入不少材料，令味道單一嘅甘蔗汁更加豐富，佢哋仲有嘅咖啡同斑蘭椰奶等，非常特別❤️我哋最後揀咗呢兩款，好好飲，無揀錯😍甘蔗檸檬🍋: 經典款式，酸甜酸甜，愈飲愈想飲，而且好解渴，唔似有啲地方飲完會喉沙嘅感覺👍🏻甘蔗提子🍇: 甜蜜蜜的但又唔會過甜，飲到甘蔗汁嘅清甜又食到提子嘅甜，佢哋好足料，真係食到好多提子粒❣️最後原來飲品可以揭蓋，睇吓大家有冇運，我哋勁好彩，獎多一杯🥰真係好開心呀

旺角茶飲店一街都係，今日經過呢間叫甘甘有好蔗的飲品店覺得幾特別就想try，這裡以甘蔗為主題，提供了各種以甘蔗為原料的飲品，選擇都唔小架！我呢就叫左甘蔗青茶和蔗杯蜜瓜🍈1. 甘蔗青茶：甘蔗青茶是「甘甘好蔗」餐廳的招牌飲品之。第一口入口，我感受到了清甜的甘蔗味，這種天然的甜味與茶味係一種完美結合，形成了一種獨特的平衡口感。除了口感上的驚喜外，甘蔗青茶還帶有豐富的營養價值，富含維生素和抗氧化物質，對健康非常有益。整體而言，甘蔗青茶令我回味無窮，絕對是一道不容錯過的特色飲品。2. 蔗杯蜜瓜：蔗杯蜜瓜是「甘甘好蔗」餐廳的另一道招牌甜點。這道菜品以新鮮的蜜瓜為材料，飲落會食到粒粒果肉，蔗杯蜜瓜中的蜜瓜肉質鮮嫩多汁，與甘蔗汁的甜味交織出令人難以抗拒的美味，呢一種清爽的口感，非常適合作為一餐後的甜點享用。

平時不嬲有食開肥姐，今日見到佢隔離有間新開嘅蔗汁店，唔係咁多地方有得飲到蔗汁（仲要係鮮榨）點都要幫襯下佢 。呢度片有好多蔗汁嘅配搭，好有新鮮感，揀咗杯蔗汁拿鐵同甘蔗清茶。甘蔗清茶飲落好清香，茶味喺甘蔗嘅襯托下更加香醇，飲落唔會淨係得甘蔗嘅甜味反而有一種平衡，甜度亦源自新鮮嘅蔗，飲落非常潤喉，清新好飲！另外蔗汁拿鐵亦都係上意料之外嘅好飲，咖啡同蔗汁之間嘅味道配合得好好，唔會互相搶咗對方嘅味道，淡淡嘅咖啡清香加上蔗汁嘅香甜，值得一試！呢間蔗汁嘅包裝同門面設計都值得一讚，個杯托仲有得抽獎（雖然我冇中獎😅），另外鋪面嘅設計都好有型！