甜牙牙 (Closed)

見甜牙牙終於裝修好，就來試一下。 晚上10點來到還是差不多滿座的狀態，裝修後樓底低了令聲音走不了，環境比未裝修前的滿座更吵。我點了紅絲絨鮮苺千層蛋糕和草莓族輕盈窩夫餐。先上來的蛋糕令我十分失望，上碟時見到有一堆cream的殘骸，蛋糕上的生果四散碟內，明顯是打翻了再扶正😔可惜忘記拍下來。但換一碟蛋糕也沒有太好，新上的蛋糕碟還是全濕的再來的窩夫上碟也十分求其，雪糕有冰未裝修前的甜牙牙一直都是我宵夜首選，明白剛開店有很多東西需要適應，希望甜牙牙能有所改善。

甜牙牙已經無一出既時候咁多人食, 聽人講質素下落左好多。不過今日又去左葵芳睇戲, 睇完見甜牙牙都仲未收,同朋友食堆個糖水宵野吹下水先走啦。野食方面我叫左紅豆綠茶窩夫，三式蕉焗杏仁片片窩夫..紅豆綠茶窩夫一般般啦, 窩夫都熱既同有好重牛油味, 紅豆都幾甜~綠茶味就唔係好食到~~三式蕉焗杏仁片片窩夫d蕉都幾稔幾熟, 甜既, 上面有d 朱古力醬, 窩夫都係脆脆地既, 無咩特別..不過呢度唔多人, 叫個甜水吹下水都幾好既

同朋友係葵芳行完街食飽飯，又係時候要嘆返個甜品喇，之前試過尖沙咀既甜牙牙覺得幾好味，見到新都會都有就一於食呢間啦。咁啱唔係太多人。一入去就有位。地方唔算太大，不過比起尖沙咀已經大間d龍眼荔枝號 $72龍眼同荔枝都有好多粒，味道好清甜，不過佢另外加左d桂花碎，食到既時候會苦苦地，影響晒成個味覺心太軟+雪糕 $50雪糕同朱古力卷都好味，心太軟夠流心，不過感覺佢仲間既流心係加左d酒，所以都會有d苦苦地，都係影響左味覺呢個甜品唔太滿意，試兩樣野都係有d苦澀味，有d失望

今日帶埋3個女去食甜品，叫左個朱古力士多啤梨窩夫比佢地，我就要左個心太軟配movenpick 雪糕，再加一個椰子雪山。先講個窩夫，好香嘅朱古力味配朱古力雪糕，窩夫夠脆，正！椰子雪山就有椰汁綿綿冰，好香嘅椰汁味，有椰果同龍眼肉。但我個心太軟就一黎到已經見到佢係燶左，一食落去係勁苦.......同好粉..........如果唔係因爲有個movenpick雪糕，佢係唔值呢個價錢的。

現正身處這店，真係忍唔住要即刻寫個食評。開心要SHARE，唔開心都要SHARE。經過見到有all day breakfast，就入黎食個下午茶。menu有四頁：叫左個英式全日早餐，優惠價$58餐飲的柚子冰紅茶，零柚子味、零甜味、零冰塊，只係一杯凍凍地既紅茶好多時都會食ALL DAY BREAKFAST，友人話齋，好難整到唔好食。我第一次，真係第一次食到個難食既，真係難得一遇。呢個英式全日早餐，全個餐三個字形容，乾! 硬! 凍!   先唔好講個份量喇，你個焗豆唔整返熱佢亦都算喇，蛋、腸、煙肉全部都係凍既!!! 真係好唔尊重食物，亦都唔尊重啲食客，咁都上得枱!! 睇下條腸都擺到皺晒皮，你就知擺左好耐，又硬又乾又凍。連個煎蛋都係凍，硬掘掘既!  呢個味道係值零粒星，唔好話唔值$58，免費請我食我都唔想食!問個職員你呢個餐全部都係凍架? 佢話: 我攞入去整返熱佢。 隔左陣又攞返出黎，係熱左既，求其擺入微波爐叮吓佢敷衍了事! 啲菜都叮到變梅菜。另外叫左個吞拿魚沙律芝士大牛角包連湯$45，再加$8有熱咖啡及鮮果沙律吞拿魚沙律芝士大牛角包，味道OK既，有幾粒仔芝士碎(見圖，總芝士量係細過個一毫子)咖

甜品就是讓人拋開不快的良藥😝晚飯後同妹妹到葵芳附近搵食！由於該區甜品店有限，2人便直接走到新都會甜牙牙並叫了2個木糠布丁！上餐時間算快，不用多久侍應門便送來綠茶木糠布丁與妹妹order的提拉米蘇口味。。我2話不說便將面頭的綠茶雪糕放入口，哇.....完全沒有味道可言，更不用說綠茶味了！嬲嬲地再繼續食啦！衣...個木糠布丁反而做得唔錯，夠滑，配埋圍邊的紅豆一齊食仲正！而且紅豆份量很多，挽回不小分數呢！呢個時候才發現妹妹份甜品已經被她消滅左半個，我急不及待嚐了一口，好香濃既咖啡味，木糠布丁比綠茶更滑溜，粉狀沒有散開，好出色，好好味...今天工作的屈悶終於一掃而空，滿足地歸家去😆

1330落單，等到1400都未有野食，餐廳坐滿人，但係得10%嘅枱面係有野食。無咁大個頭就唔好戴咁大頂帽，明知廚房整唔切，就唔好放咁多張枱，一係你就請多個人/買多部機。等左超過半個鐘，終於黎左兩份餐。一份係English All Day Breakfast, 另一份係Salty Waffles (Sausage Dijon)。先講All day breakfast, 其實我理解唔到係點樣整到半個鐘。牛角包未焗熱，腸係微暖，沙律菜個汁雖然清新開胃但略嫌酸，太陽蛋煎得幾靚不過都係唔熱，茄汁豆係唯一一樣夠熱兼無可能難食。 然後salty waffles, 救命塊waffles係凍過室溫，上面d沙律菜似係求其灑上去，不過煙肉腸卷包得有心機同係熱嘅(finally!)。雖然我知到喺甜品店叫正餐係有一定風險，不過我係估唔到我等左咁耐佢都比d凍野我食啫...

本身就快返到屋企的，突然有條友打黎話口痕想食甜野，開始時係係想推左佢嘅，但經佢一番游說仲出動埋負責埋單呢個條件，咁當然食啦，於是近近地的左佢黎葵芳呢間分店。以為落雨天呢度會多人，但黎到咁啱有位就即刻坐底落單了。睇左一陣叫左呢個紅豆綠茶布甸味道方面唔太甜，啱我呢種食甜野唔想食好甜嘅人。不過個布甸好易散，''不''左幾下就同啲紅豆撈埋晒了，可惜。紅豆煮得幾腍，粉粉地補救返。呢啲糖水鋪最啱同朋友坐底吹水，hea下，所以唔錯。

The interesting shop front has attracted my eyes and so, I have spent 30 mins here to try their waffle, as the picture on the menu seems nice.  Yet, the waffle is not great, egg taste not strong and not crunchy... ice-cream choices were not good either.  But I have to say, spending HKD35 for a tea set is OK... 

係新都會廣場食完飯，朋友提議不如去食甜品，即刻上Openrice 搜尋下有咩甜品店，見到呢間鋪頭個名咁得意，剛好又係附近，即刻去試下先龍眼水月流，應該係龍眼刨冰，清清甜甜，凍冰冰夏天食真係透心涼，配埋白色涼粉，整體十分清新冰火朱古力木糠布丁，濃濃OREO餅味，其實似蛋糕多過似布丁，Buy anyway 好好味，唔會太甜太流，味道岩岩好，配埋cream 一齊食，中和返個OREO味，我覺得算唔錯木糠綠茶布丁，呢個絕對要介紹比d綠茶fans，綠茶味好純，一d都唔苦，甜度適中，布丁入口幼滑，我朋友係綠茶迷，佢勁贊好好味！記得叫侍應比匙更你食，因為易散，所以用差好難畢。

突然想食waffle,見呢度有間甜牙牙，即刻落去食。叫咗個鮮果waffle,同香蕉三色雪糕waffle,一上枱個鮮果waffle有西果,橙,火龍果及奇異果各兩舊再加一大球朱古力雪糕，貨真價實，但另外個香蕉三色雪糕waffle就強差人意，話明香蕉waffle,主菜係香蕉係常識吧，但此店嘅香蕉waffle竟然得一小片香蕉另加三小球三色雪糕，問店員點解得一片香蕉，佢話因為有三色雪糕，呢個理由太牽強吧！鮮果waffle都有六舊生果加一大球雪糕啦！香蕉少到得一小片，呢個唔應該叫香蕉waffle,應該叫三色雪糕waffle啦！對個waffle好失望，對啲店員嘅解釋更失望，完全被騙，唔會再幫襯。

睇完戲向隔離食甜品最正😁Earl Grey 木槺布甸😍 幾特別~ 有淡淡茶香~ 呢個係現成 waffle 餅乾~ 仲以為係即制 waffle 添~ all day breakfast 晚上無供應試唔到添~ 都唔係 all day 既😅 同埋見餐牌有我超 like 既青檸雪糕~ 想 order 時店員話暫停供應~ 失望🙄 另外可能樓底矮好好好嘈😑

今日同媽咪係葵芳行完街, 想搵個地方抖下, 食個甜品, 就揀左新都會入面甜牙牙喇門口都有幾班人等緊, 我同媽咪等到15分鐘左右就入得喇,叫左一個紅豆抹茶木糠布甸抹茶雪糕幾濃抹茶味, 不錯, 但係布甸入面既抹茶味就唔夠, 不過布甸都幾滑, 加埋d脆片得都幾好食上面既cream都係比較稀身, 唔夠creamy,紅豆得個甜字, 都係好稀身, 麻麻地啦,, 下次唔會再食

每次出去葵芳飯後甜品都會去食甜牙牙，每次都會叫宇治金時木糠布甸食，無他既...就因為我係一個綠茶迷.木糠布甸軟硬適中，唔會太多cream，口感好滑，抹荼配紅豆很夾，上面仲有綠荼雪糕，茶味香濃，不會太苦，紅豆都唔算甜，好好食。

突然間想食甜品，最就手就去左甜牙牙。成日食開古力，於是揀下士多啤啤啦，個樣幾吸引！！ 不過。。。發現好dry，因為冇太多古力醬丫，士多啤醬丫，好干，得一球雪糕。但不得不贊佢個餅底整得幾好，唔干身，外脆內軟 幸好佢又唔係咖啡x咁厚身，就咁食都未至於干啃，但多d醬就好prefect啦！！