甜牙牙

Open Now

Now Closed

個窩夫塔真係好正 有六層咁多🧇有抺茶🍵朱古力🍫同原味😛窩夫係偏薄身同脆 唔係外脆內鬆軟🧐每層內餡夾住嘅配料都唔同 有生果、綿花糖、紅豆同忌廉 再加埋雪糕🍦口感十足 又大份✨

同朋友太耐無見食完晚飯，雞啄唔斷...喺附近見到呢間甜品店內幾寬敞，坐低食埋糖水先，開動甜品第二個胃。打開Menu好多款式，款款都好吸引。「榴槤小丸子西米露」熱愛榴槤一定要試，小丸子同芋圓，口感煙煙靭靭配上超惹味嘅榴槤蓉味道超濃郁，加埋西米露好夾呀。「水晶梳打 - 莫希托」加入玫瑰豆花茶 製成嘅啫喱，增加口感，加埋新鮮薄荷葉，味道好清新，加入有汽梳打。搞拌後變咗紫色一樣好靚炎炎夏日透心涼。下次一定要試窩夫

屹立不倒嘅經典糖水舖，對上一次黎好似已經係中學時期，好懷念當時同同學仔放學後嘅𝘛𝘦𝘢𝘵𝘪𝘮𝘦時光😌 仲記得好多年前「甜牙牙」已經創新推出多層窩夫🧇 限時食晒仲有得免費添😜 今時今日雖然早就無左哩個活動，但仍然激起想食多層窩夫嘅念頭😎《 六層樓窩夫塔 》 $168 3.5 / 5前排食過佢哋嘅窩夫🧇 都算大份又厚身，睇圖以為六層會好巨型，點知黎到係比正常一層窩夫嘅細同薄好多🥺 有點失望🥲 六層3色窩夫分別係抹茶🍵 原味同朱古力味🍫 窩夫雖然好薄無咩咬口，但蛋香重而且脆身，尤其係朱古力層仲有朱古力漿係入面，味道中上～而每層中間夾雜嘅配料都唔一樣，係好有心思👍🏻 層與層之間嘅忌廉亦唔會好多，所以整體唔油膩😋2個人食剛好👍🏻總括而言水準咁多年都保持到，普通單層窩會更吸引，價錢略進取🤏———————————————🏠環境舒適度：💛💛💛👅舔脷回頭度：💛💛💛📸打卡able度：💛💛💛💛💛🙇🏻‍♀️服務滿意度：💛💛💛———————————————

辛勞了的一天 食完飯 行下街 近油麻地廣華街 好多唔同嘅模型店 睇完之後 想坐低食個甜品 呢條街都有幾間唔同嘅糖水店 ♥︎芒果窩夫 $66窩夫外脆內軟 😍 新鮮嘅芒果果肉 🥭 加上圓圓一球芒果雪糕球 仲有不可以缺少兩舊cream 有少少曲奇餅碎伴邊豐富口感 好食 呢度仲有2人大份size 秒速食完 ♥︎水晶蘇打 $36 青檸配玫瑰豆花茶配新鮮小青檸 鍾意啫喱嘅 同埋酸味味 嘅青檸 一定要試下 底層仲有jelly 酸味100分 真材實料 仲有兩個新鮮嘅青檸喺裏面

呢間絕對一試一試全部menu隨便點一個☝🏻都好好味對得住價錢同埋整得很用心地點十分方便翻桌率高，就算前面有五個人，都好快到自己因為佢上甜品速度都好快快食快走，去下一場正正正😍其實佢個芒果冰都好好味😍😍😍會再去食，會再次光臨

食完正餐，當然要食埋甜品😋，先叫完美啦！我哋去咗附近一間睇落窩夫幾好食嘅甜品店，每個人最低消費1️⃣個甜品，所以我哋一人叫咗一個。食食下，突然店員熄曬啲燈😯，原本以為係有人生日，點知原來係有人叫咗火焰雪山🏔️，所以要熄燈先容易見到啲火🔥。-🍴朱古力心太軟🍫($60) - 有雲尼拿雪糕🍨、忌廉、曲奇餅碎、杏仁同埋一啲水果，都偏向比較大個，切開中間，係流心嘅朱古力🤩，而外層烤到脆身，做到外脆內軟嘅感覺！熱辣辣嘅心太軟加埋凍冰冰嘅雪糕，冰火交融，完全抵抗唔到🤭！-🍴提拉米蘇窩夫🥃🧇($66) - 有雲尼拿雪糕、忌廉、咖啡酒、曲奇餅碎，隔離有一件提拉米蘇，依個口味還好，唔會特別驚艷，都係正正常常。-🍴朱古力窩夫🍫🧇($60) - 有朱古力雪糕、忌廉、棉花糖同埋脆桶，依個口味係三款入面最好食😚，因為個窩夫唔係只係得個樣，唔止見到係朱古力色，食嘅時候，仲會食到有朱古力味，加埋雪糕，超朱古力🍫！-🍴芒果窩夫🥭🧇($66) - 有芒果雪糕、忌廉、芒果同曲奇餅碎，依款口味都係正正常常，不過啲芒果可能因為啱季節，所以都食到好鮮甜😁，令到個甜品唔會太膩！

係旺角食完飯梗係要食返個甜品先滿足啦🤣咁啱見係OpenRice 見到呢間似乎性價比高嘅甜品就去咗食😋叫咗個芒果綿花冰～～聲稱有一個芒果㗎🥭綿花冰好食！但係芒果偏酸…..仲有叫咗個綠茶心太軟綠茶味濃 。心太軟做到流心效果😋😋正！Btw叫火焰雪山係會全場熄燈然後食一次甜品熄咗三次燈…..

今日去旺角廣華街附近做野，一早做完就周圍行下，經過見到有一間糖水舖，睇吓佢地個餐牌都幾多野食，天氣咁熱食番啲冷既糖水高興一下。-朱古力窩夫👍🏻，最緊要有朱古力雪糕，仲有棉花糖。朱古力窩夫係半份，好鬆脆，棉花糖有輕輕燒過，配上朱古力味蛋糕一齊食，雙重高興，好滿足。-南北杏雪耳燉木瓜(冷)👍🏻，食糖水舖，當然唔少得食番啲中式糖水，木瓜份量夠多，雪耳好爽口，夏天食番個冷冷甜甜既糖水好正。******************************👍🏻好食 | 👌🏻可以 | 😔 難食評分 : 7/10簡評 : 朱古力窩夫好鬆脆，木瓜糖水味道岩岩好

最近食肆可以營業到午夜十二點，終於可以食完晚飯去食個糖水先返屋企啦☺️抹茶心太軟 $60個心太軟比我想像中大件😆抹茶嘅茶味唔係好濃但超甜😅我覺得甜得有啲 over😅反而紅豆好腍好好食👍🏻水晶仙草芋圓杯 $48呢個杯配料豐富👍🏻有寒天水晶、仙草、四種味道嘅芋圓、西米同 QQ 丸，整體都 ok。芋圓雖然有啲硬，但四隻芋圓嘅味道 (紫薯、芋頭、抹茶、番薯) 都好突出座位方面都算坐得舒服，應該已經係同一條街四間糖水舖裡面，比較闊落嘅一間架啦😂店員亦有禮貌👍🏻雖然甜品質素唔稱得上好好食，但絕對適合同朋友聚一聚食個糖水☺️

食完串燒之後未夠喉，喺附近搵下場繼續吹水🤣🤣點知一出去就勁大雨，所以就轉個街口見到呢間就入左去食～舖頭入面人山人海，好彩啲位都唔會坐到好迫🙏🏻三個人坐卡位幾好😄甜品價錢正正常常，不過就規定咗每個人最少嗌一份甜品🍮所以我哋叫咗一份窩夫派對（當2人份量）一份冰火燉蛋🙈（個名好搞笑）冰火燉蛋其實就係一個焦糖燉蛋放咗入雪櫃變咗凍嘅，在喺上面加啲忌廉同埋水果🥭，都幾好食份量啱啱好一個人👍🏻🍮窩夫派對就係原份窩夫🧇勁大碟，可以切成8塊仔，新鮮整熱辣辣👌🏻而且最鍾意佢上面有好多水果🥭舖滿曬😆我哋三個女仔傾住偈，食下食下就冇曬⋯而且原來用餐時間得45分鐘😐😅覺得好趕，希望可以適當地調整下，始終食甜品都係想同朋友見多一陣，70-90分鐘會好啲～🙌🏻😊見到有好多人嗌火焰雪山🤔🤔次次一上枱就會全場熄燈😓😂然後全世界都會望過去，唔多唔少都有啲尷尬😳下次朋友生日可以嚟呢度整蠱下佢😛😆😆😆

甜牙牙 (旺角)旺角廣華街3號百利達廣場地下4號舖呢間甜品店係好多年青人幫襯嘅地方，全場爆滿，拍完拖見到咁多人就衝入去睇吓有咩好食😋睇份Menu賣相最勁就係呢一個地獄火焰雪山🏔️成個雪山包住晒心太軟同雪糕，仲可以睇噴火表演，為咗呢個原因都抵俾啦。之後全場熄燈，表演點火，正😄服務驚喜一流！地獄火焰雪山$98Ice mountain on fire 2.0雲呢拿雪糕🍦甜絲絲，口感細滑。朱古力心太軟蛋糕鬆軟，流心暖笠笠，朱古力濃度高。蛋白霜最欣賞就係呢個絲滑蛋白霜，淡淡香滑留在口中，配埋雪糕或者心太軟產生出多重嘅口感。朱古力粉和醬甜到剛剛好，食甜品梗係唔可以冇咗佢哋啦。

同完同事食晚餐，那就一起食過甜品🍮在廣華街有很多甜品店，有中式有西式而我們就走進甜牙牙，其為西式甜品多以pancake等為主😍😍😍-而我地今日叫了一個芋圓榴連糖水口感十足，份量較少，但榴連似好正服務員一放下，已經嗅到榴連的味道而內裏有爆珠的口感，也有西米露不同口感令味道變得很豐富-而另一個甜品為tanimisu 的鬆餅雪糕應該是movepick的雲厘拿而比較上此甜品口感較為普通而鬆餅也很脆 又熱配上雪糕混合食會較好

兩個人去食甜品，又唔係話好肚餓但又唔飽，跟住就叫咗一個兩人份量嘅四重窩夫派對，呢個選擇有齊四種雪糕口味，啱晒兩個人share嘅時候可以試到唔同味道。四重係芒果、綠茶、朱古力、雲呢拿，再有朱古力窩夫同原味窩夫做底。在家有個新鮮嘅士多啤梨做裝飾，切到個甜品好靚好有心機，完全係可以打卡。同埋鍾意食雪糕嘅人真係可以一試，滿足哂食咁多球既雪糕。食完係會飽咗。呢間甜品舖下次會再嚟㗎，下次係會想挑戰勁高嘅pancake哈哈

約咗朋友食個靚下午茶，夾埋喺中間點旺角搵甜品，撳撳下見到呢間就行過去，旺角站行過去都有少少遠，油麻地站會近啲😮去到附近原來都有幾間甜品舖，不過唔想諗嚕就入呢間食啦，晏晝三點幾得一枱客，人少少，都可以坐耐啲😚提拉米蘇窩夫 $118☕️🧇 全份轉配咗朱古力雪糕🍫入面有朱古力粒粒，朱古力窩夫勁鬆脆，配埋上面嘅tiramisu cream，好有咖啡香味蜂蜜肉桂窩夫 $60🍯🧇 半份窩夫同樣外脆內軟，好香烘焙味，蜂蜜香甜撈落雲尼拿雪糕，朋友唔鍾意肉桂味所以彈到九尺遠，證明勁香肉桂味😋然後不時咬到曲奇碎🍪配埋cream好正，佢個cream係勁有奶香味，唔係勁甜，用手打，唔係吱吱cream嗰啲味雖然都好食，但價錢偏貴，$60先得半份，個形狀仲要係花花形，少過平時其他舖嘅份量🥲如果淨係食半份唔會太滿足，我哋兩個女仔食咗份半share先會滿足（定係我哋太大食？！🙈）服務方面，真係勁好，朋友勁多要求，雪糕味要轉其他味，窩夫底味又要轉，本身menu冇話可以轉，問下個靚仔哥哥竟然肯轉比我哋🥰不過可能因為人少，大家千其唔好喺人多時咁做啊!!!😵‍💫😵‍💫🫣

叫咗個水晶仙草，啲西米未熟，用涼粉扮仙草，芋圓又少，成個份量都好少🤣🤣🤣入到去成個餐廳都唔多人，裝修唔係好靚，啲書用牆紙痴出嚟真係好好笑hahahaha座位又好窄