甜牙牙 (Closed)

今晚同同事吃完晚飯，便在尖沙嘴閒逛看看有沒有甜品想吃。很久沒吃過甜牙牙，只記得它的多層窩waffle挑戰。一就坐，侍應便叮囑每人要點一個甜品。其實這做法確實會令食客反感。芒果雪山$55華而不實，雪糕及雪花冰非常快溶。爆爆珠數量不多，索價非常進取！黃豆粉忌廉杏仁窩夫$62左邊大少少的是雲呢嗱雪糕，太甜同人工味道。右邊小球的黃豆粉忌廉根本不配這甜品。一條條的朱古力脆筒沒半點甜味。窩夫上檯時完全不熱，這個價錢我要熱呼呼的應該不過份吧！另外，楓糖漿一點都沒有甜味，真的微甜。這個價錢要我接受這個質素未免太過份，算了，還是沒有下次吧。

無意路過..想吃甜品見有位就入去了，裡面的手錶店裝修有d嘈，我地3個女仔，距必須每位都點嘢吃，我地其中一個唔想吃甜品，唯有我地2個吃咗3個甜品！綿綿冰同芒果船都一般！特別推薦朱古力那個！忌廉不膩！朱古力雪糕溶了粘上松餅超好吃😂😂！

話說剛剛在附近晚餐吃了回拉麵晚餐實在「輕便」得過份，和友人在街上隨便行了不到半小時就已經有肚子空空的感覺，但又不想再多食一次正餐；友人便提議到尖沙咀的甜牙牙食甜品。伯爵茶木糠布丁 ($50)：木糠布丁是我每次到甜品店都必叫的心頭好之一，價錢相宜又好味。見餐牌上推介伯爵茶口味，便試試它究竟是龍還是鳳。Regular size 的木糠布丁是雪到冰硬的程度，用力咬下去就感受到冰涼的快感。餅底不太甜，讓那層冰凍的忌廉在口腔內溶化一會，淡淡的伯爵茶香味便滲透出來，整體味道十分清新，屬可 encore 之選！Oreo瘋狂朱古力窩夫 ($62)：4件心型窩夫，一球雪糕，一串士多啤梨加丸子，再加上一個可吃的 spider web 圖案，甜品師傅有心思地將它們放在一個白色的碟上。除了食物本身的味道外，簡單但亮麗的 presentation 亦是能增進食慾的！朱古力窩夫微熱但烘得十分鬆脆，而兩塊窩夫之間是那半溶的 Oreo 餅。窩夫雖然已經是朱古力口味，再加上 Oreo，但吃下去甜度恰好。可是，那球雪糕只是一般貨色，可憐地淪為了窩夫的陪襯品。法式焦糖燉蛋 ($36)：說穿了就是中式燉蛋加上一層焦糖。用小巧

是晚在尖沙咀吃過晚飯後，就同女友人到了甜牙牙食甜品。店內的坐位數量都很多，不過坐無虛席。宇治抹茶梳孚厘($64)：宇治抹茶梳孚厘焗得香噴噴，漲卜卜的，十分堅廷。面層香脆，內裡十分鬆軟，暖暖的，是新鮮烘出來的，否則梳孚厘的外型亦會因接觸了空氣已塌下。宇治抹茶味的梳孚厘，抹茶香氣自然清新，梳孚厘底部是紅豆粒，非常爽甜。另外，附有抹茶味的雪糕，雪糕連埋梳孚厘一起吃，一冷一熱，感覺很特別！芒果可麗餅伴movenpic熱情果芒果雪葩($58)：可麗餅即是薄的烤餅，在可麗餅放上鮮芒果肉，忌薕，杏仁碎及熱情果芒果雪葩。可麗餅薄薄的，味道清淡，帶點牛油的香味。熱情果芒果雪葩味道帶酸，芒果肉相對下比較鮮甜。整體還不錯的！

尖沙咀出名多甜品店的街道莫過於是厚福街，但由於等位的人實在太多，於是就決定到離厚福街不遠的甜牙牙。尖沙咀分店的甜牙牙都是第一次去，等了一陣就可以入內。和朋友點了三款甜品一起吃，雖然晚飯吃得很飽，不過吃甜品是另一個胃的。店內環境十分和諧，給人一種舒服的感覺。流心芒果粒粒布丁 ($45)：布丁份量不算太少，布丁放上幾塊新鮮芒果肉，芒果肉味道很鮮甜。切開布丁，芒果汁緩緩流出，芒果汁味道帶點酸，布丁口感不錯，廷硬身的。夾著少許芒果肉，非常有咬口。西瓜特飲 ($30)：炎炎夏日，喝一杯西瓜特飲，特別透心涼！西瓜特飲是西瓜沙冰，西瓜味濃郁，味道鮮甜，口感清涼，沙冰打得很碎，沒有西瓜核，十分解喝。朱古力雪山 ($55)：朱古力雪花冰份量都蠻多，一座雪山似的。另外再配上冰凍的朱古力雪糕，香脆的朱古力脆脆，脆條及杏仁碎，鮮甜的士多啤梨肉。雪花冰配上朱古力醬，朱古力更見香濃。雪花冰，口感冰涼，是夏天最適合的選擇！

第一次去甜牙牙食甜品因為係下午時間，所以無乜人但都因為咁好舒服其實好多甜品個賣相都好吸引但係因為得兩個女仔，所以最終都係叫左兩款甜品一個綠茶紅豆木糠布甸雪糕一睇就知唔錯唔算太甜！味道都幾夾另一款就窩夫雪糕因為個人十分喜歡食甜品所以真係好開心

✨抹茶二丁目 ($188)✨同朋友下午茶 心大心細 揀左個抹茶雜綿拼盤小壺綠茶 抹茶心太軟 木槺布甸 可頌 焦糖燉蛋十幾分鐘就上桌 最適合心急人的了小壺綠茶僅是用一堆抹茶粉溝開 粉感重抹茶心太軟驚人地大個 可惜外皮太燶 有點膿味切開也不夠流心 焗得頗熟 抹茶夠濃 但同時很甜木槺布甸從冰箱取出 沒有生厭的甜 反而清淡馬利餅不脆 輕鬆粉碎 忌廉滑溜 但回甘欠奉可頌淋上抹茶糖粉 夠酥脆 不過甜度驚人焦糖燉蛋是迷你版 過甜的味道 算是滑的燉蛋倒是不足抹茶味 勿說是回甘了 脆脆也淋整體滿滿甜膩感 份量適中 食完渴求一點鹹鹹味法國芥末香腸窩夫 ($72)賣相多色彩 配上飲品稍放一回已經淋得不行 幸好是沒有過甜煙肉 香腸 火腿很鹹 於是用窩夫平衡了一下沙拉菜不太清甜 但稍解鹹也好Rating💁🏻(5.5*/10*)整體選擇多 坐位算舒適 食物賣相比食味好

很多時在尖沙咀吃完晚飯後，如果要直落吃甜品，「甜牙牙」是其中一個好選擇，因為地點方便，而且甜品款式算比較多。過往主要點窩夫及法式焦糖燉蛋，水準都是滿意的。不過今晚晚餐吃得有點飽，所以點了一些較輕盈的甜品，結果卻教人有點失望。荔枝特飲的表面只有一粒罐頭荔枝果肉，味道飲落似梳打水溝罐頭荔枝內的糖水一樣，味道甜而奇怪。每次吃梳乎厘，總感覺似吃一陣風一樣。既然晚餐吃得太飽，所以點了梳乎厘，希望不會吃得太滯。明白梳乎厘製作需時，但我們至少足足等了超過半小時才上枱。先嚐了一口，吃得出綠茶味外，還帶有酸味。朋友試完之後，亦都有同樣的評價。起初以為只是表層蛋糕帶酸，但再挖深少少，除了吃到粒粒紅豆的甜味外，同樣吃到酸味。結果我們只吃了幾口就不敢再吃了。向侍應反映了意見，他們都表示會了解情況，並願意重新制作過新的給我們。幸好他們的態度都很好，只不過如果要再等多半小時的話，還是算了吧。吃過這麼多次「甜牙牙」，還是頭一次覺得品質令人失望，希望餐廳不要因為食客增多而忙亂，令到品質變差。

係加拿分道附近食飽飯，但個心仍然好似差D什麼咁！行過佢門口有人排隊，望望原來係等食甜品！係啦個感覺就係食甜品啦！等待時看看餐牌，選擇超多，重有咸食！早知一次過係到食啦！下次先在次一次過！解決今晚嘅心引先！有雪糕，有窩夫從餐牌上點了orea 瘋狂朱古力窩夫$62，心形窩夫中間夾心係orea餅乾，窩夫充滿朱古力味道，再加埋朱古力味orea 餅乾，同一個朱古力雪糕！個名字內瘋狂朱古力真的沒有改錯！窩夫香脆，充滿朱古力味道！加埋雪糕一起吃一凍一熱正！朋友就點了芒果伴窩夫配芒果雪葩$53重點係個雪葩係用Movenpack 嘅雪葩同之前個朱古力雪糕真係唔同！超滑香醇！係雪葩上插了一件菠蘿乾，中間呈心形，好靚！另芒果都好甜，配上窩夫一脆一軟入口，真的不錯！吃完真的整個人都即時滿足了！

打開Menu,最吸睛莫過於，9層窩夫，限時45分鐘一個人，成功挑戰唔洗比228之餘仲送你證書一張，雖然未食晚餐好肚餓但都有應該食唔曬，咪做大嘥鬼，但係我哋4個人比錢share就冇問題啦～我地要哩個吖唔該，但佢話8點半之前先有，吓…你又冇寫，失望，唯有叫其他啦…我同3個朋友仔分別叫左抹茶，朱古力，原味窩夫，另外1個就叫左木糠布丁我嗰個抹茶之窩夫伴侶定食，有抹茶窩夫，紅豆，細球芝麻，綠茶，雲呢拿雪糕同自家製黃豆忌廉，窩夫唔夠熱同鬆軟，整體味道合格啦！朋友仔個宇治金時木糠布丁就好唔掂啦，我試過木糠布丁乾憎憎，佢淨係食左球雪糕同幾啖就有食…另外2個朋友仔的窩夫佢地都話ok 啦，不過不失

遲d 去旅行，所以出左重慶唱錢經過加拿芬道，睇左出面menu,覺得呢度甜品幾正 就同fd 食左呢度tea time 除左甜品仲有其他小食 不過我地係甜品控，就揀返甜品食喇 haha朱古力心太軟 $60賣相好靚,估唔到咁份量咁大，係比平時心太軟大件的同朋友share 就好夠雪糕偏甜，如果冇咁甜會正d士多啤梨果肉甜甜地，心太軟算流心，味道偏濃，冇通常咁甜蕉糖燉蛋$36可能食得太多甜野，覺得燉蛋唔算太甜，蛋味足夠，表面蕉糖層夠脆tiramiru木慷布丁$58tiramiru 味好重，中層除了布丁層仲有濃郁的tiramiru 味中間夾住忌廉同creamy蛋糕布甸層，口感唔錯朱古力雪山$55雪山炎熱既天氣食就一流驚喜既係份量唔似其他店成座山咁高，份量足夠食落唔重冰味，朱古力味好出，朱古力醬同雪冰食幾夾朱古力雪糕都幾濃朱古力味，甜度ok

於Sogo 血拼後，想找個地方休息、順便吃點甜食，就來到The One後面的甜牙牙!下午4時多，店內客人不多，寧靜且舒適. 士多啤梨特飲 ($30)天氣炎熱，先來一杯冰凍的士多啤梨特飲，幼滑的沙冰酸中帶甜，還附上一顆鮮紅的士多啤梨，漂亮又好喝!伯爵茶木糠布甸 ($50)木糠布甸已雪得硬實，有如吃雪糕般，質感依然幼滑，還帶有清淡的伯爵茶香，個人都幾喜歡.雜莓伴Movenpick士多啤梨雪糕 ($62)賣相極精美的可麗餅是我最喜歡的雜莓味道. 酸甜的藍莓、士多啤梨再加上一球香甜的Movenpick士多啤梨雪糕，以及暖烘烘的可麗餅，一口冰凍雪糕再加上可麗餅，可說是雙重享受!!抹茶心太軟伴抹茶雪糕 ($72)本來想點朱古力百蘭地酒心心太軟，可惜售罄了，故改選另一款我同樣喜歡的抹茶心太軟. 心太軟是即叫即製的，所以等了大約20mins才送到，擺盤相當精緻呢!一大個心形的抹茶心太軟，再加上一球有如青蘋果造型的抹茶雪糕，以及精美的拉花，美得令人不捨得吃呢! 當然這是說笑啦，心太軟就是要襯熱吃的切開心太軟，抹茶醬緩緩流出，是濃郁且帶甘香的抹茶味，配上冰凍雪糕，抹茶迷實在不容錯過呢!數款甜品水準也不俗，

在繁忙的都市、沉重的工作環境下生活，適當的鬆馳是須要的，尋當女子 - 如我 - 也下班跟朋友聊天，食一點甜食。此店除了地理之便，位於交通樞紐，往來港島區十分方便外，最主要是有早餐和鹹點可供選擇，店內人流不算太多，我們可以隨意挑一張枱，舒服地坐著談天，幸好在晚餐食甜點，至少可以先食鹹點才食甜品，我們點了一個鹹點、兩個甜品和一個飲品。分別是: 法式喬麥可麗餅，四季鮮果窩夫，伯爵茶焦糖燉蛋、熱蜜糖玫瑰花茶。法式喬麗可麥餅： 是首先上枱的鹹點，可麗餅口感類似pan cake，是一種薄薄又煙的包皮，加上喬麥味的可麗餅麥味重了不少。把半生熟的蛋打上可麗餅上， 拌沙律菜感覺好清新，最特別是那塊乾橙肉片，甜酸甜酸又脆口，只是覺得如果蛋再熟多一點點就更理想。四季鮮果窩夫：新鮮的生果鋪滿了剛烘的窩夫是再澆上朱古力醬，生果足料唔在講，芒果大大粒，單看側面就知。窩夫鬆軟，再配上雪糕，舌頭簡單享受冰火二重奏。伯爵茶焦糖燉蛋： 伯爵茶原來可以跟焦糖燉蛋融合，表面的焦糖燒熔再以茶碎寫成一個字，伯爵茶茶味道獨特，即使多吃幾口燉蛋也不會膩。惟燉蛋糼滑度可以變得更好。熱蜜糖玫瑰花茶：蜂蜜去除玫瑰花茶的苦澀、加上新鮮雜果，

同班朋友去完按摩，見到附近呢間甜品店好多人排隊，就入去試下。入到去見到個menu都幾多款可以揀，有咸有甜。本黎想食佢啲咸既窩夫set,但原來有時間限定😢綠茶之窩夫伴侶定食 $68個窩夫又唔會好脆又唔會好淋，岩岩好。綠茶雪糕雖然個味甜得假假哋但都唔錯,個啲雪糕加埋啲紅豆好正👍法式焦糖布丁 $40好靚丫個I❤U😍😍,但係食哂成個有啲膩既感覺，味道偏甜。宇治金時木糠布丁 $40個布丁有啲失望，好硬一切落去飛埋啲散出黎，同埋太苦，啲紅豆又有啲過甜，食埋去成個感覺好奇怪。整體黎講不過不失啦，可能個時太晏，叫咗幾款甜品都話冇😦😦

好夢幻既甜品店，光站立喺門外都被佢既設計深深吸引住，感到自己也充滿活力年輕了。打開餐牌超多款甜品，樣樣都好吸引，花多眼亂，諗左好耐，終於揀左3款唔同款式唔同口味既甜品share一齊食。實物如圖，超大份超足料喔，見到都覺得好飽😂，有點後悔，估到食唔哂，由於剛才晚飯完泥食，下次應該當tea食會興奮啲😜。底層係碟咁大既pancake，軟綿綿的，很鬆化，滲透住絲絲既蛋香同牛油香味，不會太甜，上面放滿草莓雜果和movenpick士多啤梨同雲呢拿味雪糕球，再淋滿自家制既雜莓醬和朱古力醬，十分可口迷人。食既時候撈小小雪糕同士多啤梨果肉一齊食，口感同味覺直頭甜到入心。上面係movenpick芒果同雲呢拿雪糕，底下舖滿芒果果肉，椰果同芒果啫喱碎，除了有香滑雪糕食之外，椰果夠哂嚼勁。簡單而夠特色既一款甜品，味道好清新。最上面係荔枝雪芭溝左荔枝果肉，入口即溶，下面係荔枝果肉流心布丁，布丁好足料，混左滿滿既荔枝果肉，由頭到尾都不停食到荔枝果肉好正，充滿口感好sweet好窩心