甜源居

Open Now

Now Closed

吃過晚飯後, 決定吃埋甜品先離開西貢 最後決定幫襯甜源居晚上六時半左右去到, 店內八成座位已坐 相當熱鬧 幸好有兩人位 不用搭台點了一個自己常吃的甜品 「芒果河粉」 價錢好像是 $35味道與許留山的差不多, 芒果好甜 河粉亦夠椰味 反而芒果蓉有點失色 沒有太多芒果味

After hearing people rave about this place, I have got to say I am not sure what about. I am a renowned dessert lover among my peers, I love to venture, but I seriously regretted not going to my usual haunt. I had a pomelo and mango pudding and mmm let me just say it was tasteless, even after pouring the evaporated milk on the pudding it did not make much improvement. Their 5 thumbs up speciality dessert made of mangosteen is a definite thumbs down, very strange combination indeed, not to mentio

上個禮拜我地一行8人去左呢間店食甜品,我就叫左個雪糕七喜,其實冇乜特別,我既朋友們叫既甜品,好多地方都有,而且呢間店既質素只係一般,冇必要都可以唔試.呢間店既小二勁落錯單,可以落錯3次,來錯3次,果晚都唔算多人,多人真係唔知回點.

去完西貢食pizza，點可以錯過食甜品？滿ｘ食到悶　甜源居係又一好選擇！佢門口好夢幻架　好似世外桃源咁去到叫左佢好出名既楊枝甘露同白雪公主！楊枝甘露真係一推話說前一日食左滿ｘ既楊枝甘露　真係冇得比依個係好香芒果味　而唔係好似滿ｘ酸meiemei而且仲有西米香味芒果又大大粒而白雪公主係佢獨家既材料有山竹 意米 清心丸 同雲呢拿汁個汁好香架都隔離枱叫左芒果沙冰同雜果河粉都好似好好味咁甜源居sweetheart house 真係我sweetheart呀!

夜晚一點半到~~突然間好想食糖水~~~同男朋友同埋佢3個朋友黎左西頁食~~~其實我之前都黎過幾次~~~覺得幾好味~~好鍾意食佢個芒果河粉~~特登揸車入去食~~我地唔係咁識路~~~因為都好耐冇黎過食~~~打去間店問路~~接線個個人都好有禮貌教我地點行~~~入到去~~叫杯水飲下姐~~叫左幾次先有~~之後叫左例牌河粉~~~今次好失望囉~~~唔夠凍囉......朋友叫左個白雪公主~~~點知一食,淡而冇味~~~點解會差左咁多架......最好味都係個炸雪糕~~~但問佢有咩味~~佢話有雲呢拿~~~佢話最好味喎~~~咁我再問~咁仲有咩味~~佢答:今日得雲呢拿~~車~~~玩野咩~~得返個個就話個個好~~~我地5個人總共叫左6個野食~~二百幾蚊到~~~差唔多走個陣~~問佢拎杯水~~~嘩~~個女仔勁過份囉~~~超冇禮貌咁講:冇水!!!!嘩~真係想鬧佢囉~~~我地只不過問你拎杯水姐~~唔好意思都冇~~仲要咁串~~係咁成間店一杯水都冇呀~~???冇可能囉~~~~況且由頭到尾都只係拎左一杯~~~洗唔洗咁呀~~~等我仲咁夜都介紹班朋友揸車入黎食~~我以後一定唔會再黎食囉!!!!太過份喇!!!!!!!!!

次次都去滿記, 真係有D悶, 今次不如去另一間, 開拓新的版圖來到晚上的西貢大街, 氣氛真係幾似長洲~去到甜源居, 無論室內或室外, 裝修都絕不失禮, 我地兩個人, 首先當然叫左最出名既芒果河粉, 另份就叫左個白雪公主~芒果河粉, 河粉其實以"九弱"(唔識寫)整成的, 另外"湯底"可以話係芒果撈, 好有趣, 芒果唔酸的, 放心, 夠甜, 而且廿八蚊, 大大碗, 絕對抵食另外, 如果大家唔想要芒果, 可以轉為雜果河粉的, 價錢份量一樣白雪公主 (榔汁, 海底椰..)仲有架..只係唔記得左唔錯的, 雖然冇咩特別, 不過味道都幾清無論如何, 今次成功開拓新的版圖

美食遊當然要以甜品作結喇！每次來西貢都是吃滿記，感覺很悶，又不見得特別好吃，今次決定走遠些、走入點試試這間甜源居才五時多，竟然那麼多人！幸好等了一會便有位了頗漂亮的裝飾和擺設，還有數張露天座位，感覺寫意舒服。我倆坐室內，牆壁上貼滿明星的照片，很巴閉！甜品的名字很特別，例如白雪公主、荔枝螞蟻ｘｘ，沒有列出所用材料，齋看名字很難聯想是什麼，看照片又不清楚（又不是每個都有照片），於是問問店員是什麼名堂，但店員的態度甚敷衍，我們問得沒趣也就罷了．．．最後唯有點回熟悉穩陣的楊枝甘露和什果西米看到很多人點這裡出名的芒果河粉，奈何我們都太飽了，實在吃不下這個望到都覺得滯的大大碗河粉！等候甜品期間，我們都見識了店員們令人吃驚的服務！有位母親想叫店員拿一張可靠背的椅子給年幼的女兒坐，怎料她問了三次也沒有一個店員理會她，有個店員更是望著她但不作聲好像不懂中文似的！後來她好像有反應了，但原來只是遞上餐牌！那位母親可能問得悶了，也就算了沒再追問，我和妹妹看在眼內覺得太離譜了跟著隔鄰來了一枱人，他們才剛坐下，餐牌就在我們兩枱之間“霍”的一聲飛到他們枱面上，看得我們傻了眼 可能他們是吃慣了的街坊，也只是呆了呆又沒

今日來西貢買海鮮...順道中午吃個甜品點了該店的出名楊枝甘露 及 什果涼粉先講楊枝甘露, 好吃... 不過沒什麼驚喜了, 太多甜品舖做, 只有說一句: 不難吃罷了~什果涼粉也不錯的, 很消暑的甜品... 什果有西瓜, 木瓜, 奇異果, 士多啤梨, 用上芒果汁底, 很好吃... 涼粉切大粒的, 很咬口!這店出品是不俗的, 只是60元2個甜品, 有點貴! ;P

芒果河粉..... 正一個人份量, 食完好滿足 第2次去.....覺得炸糯米糍好味D , 炸雪糕個皮太硬 麻麻地 中西式都有, 有好多選擇, 去到 唉 !!!! 真係要諗好耐至諗到食咩好地方唔太大, 所以假期去一家要等位 3 5 朋友聚會有得, 一家人去食又得, 而且份量適中... 去西貢行下見累, 口淡淡, 去食碗甜品, 休息下, 都唔錯

小弟第一次發食評,希望分享一下.無相呀,下次去就影一影.早前同太太去左西貢玩, 之前聽朋友講,西貢有間叫甜源居既甜品店唔錯,幾特別. 所以遊完船河食過晚飯,就去試一試. 我地經過西貢海鮮街, 果然眼前一亮. 玻璃屋加上綠化裝修, 感覺清靜優閒.相就可以睇一睇其他食家影既,環境真係唔錯.入去坐低叫左D 甜品推介, 生磨杏仁蛋白,味道香濃.炖蘋果又清甜,仲有果碗芒果河粉比想像中既大,河粉原來唔係真係河粉,係"苟約".味道好正, 已經飽飽地既我,今次真係要大戰芒果河粉.正當決戰河粉既時候,見到隔離台叫左個炸雪米糍, 哎呀, 我個人最鐘意食雪糕, 不過個肚已經無位,無計, 下次再品嚐. 服務仲可以再好少少...都值得推介.

同朋友入西貢行下食下野入左一間甜品舖食甜品之前已經知道有呢間野因為係open rice 睇過人地d食評果然真係好好味叫左芒果河粉($30)&雜果河粉($35)芒果1d都唔酸,好甜,份量好多河粉好滑~ 直程可以sir落口喉度 感覺好奇妙好得意雜果有蜜瓜,士多啤梨,芒果,奇異果...奇異果酸酸地~ 其他生果都唔會"淡某某"至於環境尚算舒服, 都係一個同朋友傾計的好地方下次去西頁都會食多次個芒果河粉

星期五晚上和一眾好友吃過晚飯..(好味的泰國菜) 咁大家就提議搵個地方食糖水啦..N年前我黎過呢間野...覺得都幾OK..所以都諗住再試下..點知今次就出事...首先係店員黑面..其次我好禮貌地問佢其中一個名叫"椰汁黑糯米甜甜" 既甜品 "甜甜"請問係咩既時候..一個疑似老闆娘既物體勁晦氣答"名黎既唧..." 好啦..照要囉..我另外一個朋友叫左椰汁紫米露配海底椰...佢碗野一黎到..我簡直嚇一嚇..成碗野係好似水咁..紫米係得少少..同埋成碗野個樣係水還水..紫米還紫米..椰汁就係一D 浮係面一粒粒既野...D海底野係成餅野咁..完全一舊無CUT開過...唔係話要佢切到一條條..但起碼都分開少少丫..舊海底椰好似成個嘴唇咁..簡單黎講係見到都唔想食..我個朋友好禮貌地問店員..點解碗野係咁"稀"另一個黑面既店員只係死講.."係咁架..係咁架..." 跟住行開左..完全唔想理我地....到我自己果碗黎到...同樣地效果都係一樣...快快手食完之後我地都即刻走左...我決定BLACK LIST佢..好食又態度好既糖水鋪週街都係啦...入到西貢仲要受你地氣..唔係掛?

事隔左兩星期先得閒上黎打食評今次無影到相.真係可惜下次再食就會影我都係第一次黎呢間甜品鋪食甜品感覺好舒服個裝修員工態度真的很友善,男朋友成日黎食,佢話芒果河粉好味就叫左一個另外都叫左個士多啤梨沙冰,個芒果河粉真係好好食,芒果唔酸嫁平時去甜品鋪係不嬲好抗拒食芒果,多數係酸既,呢間真係味道好好係甜甜地既士多啤梨沙冰好大杯,可以啜黎食不過真係份量太多,飲到個肚凍晒埋單$60,貴左少少但好滿足^-^

很久沒有夜晚來西貢了, 今天參加完朋友女兒的生日會, 沒有定計劃地四處遊走, 想起了西貢便進來了. 沿著海鮮街往六福菜館方向走, 很快便到達市場街和海傍街, 自己比較喜歡這邊的氣氛, 感覺有點像到了東京表參道的小街裡面, 氣氛和環境都令人放輕鬆, 有種渡假的感覺. 由市場街轉往海傍街便可看到甜源居了, 晚上的甜源居更有吸引力, 大門掛起了點點藍色小燈泡, 路過的途人都不禁看上一兩眼, 我們也是這樣被吸了進來.店內的顏色以淡色為主, 木製的檯椅使人感覺溫暖, 牆身當眼處掛了很多客人到訪的照片, 當中應該不乏名人; 另一邊的牆身是一個心形燈箱, 內容是這店的招牌甜品. 我們就是坐在這個心形的燈箱之下, 一種另類的浪漫 分別點了兩個甜品, 她點至愛的蛋白杏仁露, 我點了滋潤的雪耳木瓜糖水. 蛋白杏仁露好香好滑, 女友尤其喜歡蛋白是一塊塊還可以吃進口的, 不是那種把蛋白攪勻完全溶入杏仁露裡面的做法 (這純屬個人喜好). 我的雪耳木瓜糖水都很清很甜, 而且材料十足, 差不多啖啖都食到木瓜或雪耳. 兩個人都吃得很滿意, 之後再叫了幾款糖水外賣帶走給家人宵夜, 但因為自己沒有試, 所以沒有放入這篇食

上星期4, 去左西貢, 下午去左當叫甜源居坐底.環境幾優雅, 我就中意坐室外, 依家天氣涼涼地嘛~我睇完MENU 就叫左個勁量炸雪球, 40$到, 因為見特別所以試下.佢黎到..嘩..好大個, 食落佢係用蛋糕包住雪糕黎炸到金黃色, 出面好香好脆, 入面係好滑既維記雲呢拿雪糕, 好好食呀. 點解我知係維記,士頭婆講我知既~佢仲有2塊西瓜伴碟添~食緊同時見到隔離有個人叫左個沙冰堡壘, 賣相唔錯, 下次要試下先~