糖妃 (Closed)

同朋友食完晚飯之後去咗呢間店食甜品。叫咗法式金磚蜜吐司系列，個賣相好靚，味道仲好好，麵包好脆，淋上焦糖好靚，加埋靚靚黃色新鮮粒粒芒果，配埋雪糕一齊食真係好好。呢間店仲有好多其他好靚嘅甜品。

又貴又唔好食, 叫左個芋圓仙草, 點知加左梆汁, meun冇寫有椰汁, 本身加椰汁已經怪味, 想叫店員加返少少花奶蓋過椰味, 咁都話要加錢, 真痴線, 以後都唔會再黎

平時千百次路過都冇入去（因為次次經過都冇見咩人係入面），早兩日因為約左朋友係附近見面，就近行左入去。叫左一個芒果西米露，一份窩夫，一份雞翼撈麵，一份雞翼，一份餃子。芒果西米露水水地，不過味道還好，窩夫幾香脆，撈麵就係七仔撈麵，雞翼都好味，外脆內嫩，一d都唔柴，餃子都新鮮好味。味道整體都唔錯但係點解冇咩人入去呢？首先價錢偏貴；服務員態度非常hea；上菜勁內… 由我哋入去到食完經歷左兩個多小時，即叫先煮… 如果稍微改善一下服務同上菜速度，呢度應該都係一個唔錯的high tea地方

天氣好熱 就去咗屋企附近嘅糖妃食糖水 好平 20幾蚊就有一碗好好味嘅西瓜西米露😚😚💕💕又平又扺食又好味仲要啲裝修好靚💕 喺度食嘢真係好有feel 好正 有機會會再幫襯

估唔到土瓜環有間座得好舒服嘅甜品店， 大大張梳化椅，又有位。 店主好nice😊。叫咗個士多啤梨朱古力雪糕雞蛋仔$35，唔算貴啊！ 與menu張相一樣👍🏻， 雞蛋仔特濃朱古力好好味😋 雪糕大大舊。

天氣炎熱 🥵念住入去呢間令令糖水舖坐下一入到去要量體溫 搽酒精搓手液 店舖好乾淨 清潔做得好好 而且裝修非常令好拉 5知係咪虛有其表呢一坐低睇個餐牌 好有心思 老闆娘態度好好我就嗌左個鮮雜果芋圓仙草凍一上枱 嚇左一跳 又大份 又令 連餐具都別有用心比起外面的糖水舖 性價比好高 讚👍🏻睇相就知道

食完晚飯經過見到特色甜品決定入去一試選擇都算多，最後揀左牛奶綿綿冰同士多啤梨窩夫牛奶綿綿冰都多配料，但如果有練奶會更好士多啤梨窩夫即叫即整，所以都等得比較耐但好食既👍🏻一上枱超大份應該2個女仔share先食得哂店員都話遲d會改半份半份咁賣

叫左個雞中翼同椰皇鮮奶燉蛋白，個椰皇真係幾香，質地好滑，甜度岩岩好，真係好食。店長話椰皇係每日即日燉，新鮮出爐，先至可以咁香，而且價錢合理。個蜜糖雞中翼好正，店長話係用空氣炸爐整，真係好特別，冇油又唔熱氣，好健康，而且好香，值得推介！另外再叫左杯椰青水，飲落去好天然，好新鮮，啲椰皇水係即日劈，飲落去好舒坦。環境方面都幾乾淨，裝修幾靚好舒服，感覺好窩心，個餐牌都幾多嘢食，種類好豐富，下次可以約埋朋友黎試其他野。

今日唔小心入左間糖水舖，見到綿綿冰就想試下黎到個賣相好大碟，好吸引香芋綿綿冰真係好好食，又香，又甜，又好吃但係冬天食真係好凍，一路食一路打冷震職員見到我打冷震，即時熄細個冷氣好窩心，佢地既服務態度一流本來個身好凍都由個心暖返出黎你睇下我，成碟食哂就知咩事啦我女朋友點左個芋圓地瓜圓仙草凍，睇個名咁長就個用料豐富啦，不過個味道就唔係好岩我喇，但我女朋友就話好好味，可能女人既味覺同我唔同，哈哈，整體黎講，都係一個好好既體驗，一定會再黎幫襯呀呀呀！仲有，佢呢度有個蒜香雞翼尖，辣辣地好好味，因為我好鐘意食辣

一條街仔有成七八間甜品：有連鎖店、有街坊價、有夫妻小店、有幾蚊一碗、據講仲多左間土瓜灣天價糖妃。帶埋朋友仔落去試番次，都幾難搵架（強烈建議吊番個招牌係街）。裝潢設計幾有味道，蠟燭台、貴妃椅、果然是幾個小妹妹開的。老闆娘好有禮貌，金磚系列用來打卡一流。棉花糖同豆腐花都好好玩可以試一次拍下片高CP推薦魷魚🦑餃子椰皇水追求味道的話蒜香系列同椰皇帝都係花心機花時間舒服傾計的地方，100蚊/人頭食到半飽土瓜灣來講算係貴。想對自己好返次就記得去試吓啦。選對時間 / 選對菜式 CP值自然高

Amazing and delicious dessert and their menu have a wide variety of choices! The interior design and ambiance are very delightful and cozy, and the staff and owners are very friendly and attentive. I recommend this place 💯, would definitely come again

土瓜灣嚟講 間野算裝修唔錯價錢亦都係全街之冠但勸大家唔好嚟食！！！價錢貴 份量少 質素低 員工態度惡劣甜品好唔新鮮 有種雪藏味員工落錯單又黑面之前見間野係不同傳媒到有訪問 所以嚟試下 但根本垃圾到貼地 千千千奇唔好再嚟食！！！

我有一日係屋企食完晚飯突然想食甜品，諗起有鄰居介紹依間鋪頭。我以前食開嘅甜品鋪都係去連鎖店嘅海記，或者係平價嘅甘露甜品。我諗住既然我未食過糖妃，咁我去食下啦，而且我都未食過咁貴嘅甜品鋪。我通常係甜品鋪食嘅都係綿綿冰，食落去即刻消暑解熱。咁我今次係糖妃都嗌左佢嘅綿綿冰—糖妃綿綿冰。佢嘅配料雖然叫多，但主要想食嘅綿綿冰得好少。而且佢比起出面其他鋪頭貴好多，根本唔值呢個價，CP值極低。另外，佢地嘅服務態度一般，冇主動去迎接同理會顧客。我入到黎佢地都冇咩反應，第一印象極差。

第一次幫襯，可以令我事隔十多年，也按不住要寫，還要是一個劣評。土瓜灣開間養眼靚裝的食店已經不多這間新開張甜品店不但以價格全街之冠，服務生似聽了下單又不似下單的生硬服務態度、加埋那什麼賣相如珍珠奶茶而入口《無味道》的「黑珍珠桃膠」，一股錯踏食店的愧咎感，即時驅使我極速離座結帳！看來，我也是幫襯回海記的廿多蚊糖水更來得滋潤可囗至於，那受歡迎的飲食旅遊書刋刋載綫稿，所介紹的靚裝食肆、也是糖衣包裝、華而實不實真的待有❤️人去碰運氣😂

新開張至今已來過兩三次，每次都是小孩要求下才來，有些甜品確是很吸引小朋友。星期日tea time時間，由頭到尾就只我們一枱客，但店內所有店員都像很忙各顧各，沒太有人理會我們，感覺是冷漠一點，但也算自由自在！signature 中有款棉花糖「神燈」，小朋友覺得有趣，其實也只是一枝普通的棉花糖，收$32大洋確是貴！不過小朋友喜歡也就算了！另叫了一份waffles 套餐，有四片waffles , 一小杯雪糕，少許芒果粒！ 芒果也甜！$48吃了棉花糖/waffles 口很乾，想要一杯水過過口，店員說是收$3！Fine! 家就在附近，忍一忍不要了！可能我想多了！ 想想Haagen Daz 也會明白客人吃完雪糕會需要清水過過口，客人會欣賞這種貼心細節吧！若不介意用中高價去「享受」冷感式服務，但又想用少於$100 去包場，這裡或可以是選擇！客，是要儲回來的，尤其是這區的中價位食店！下次，我仍然只會待孩子強烈要求才會再來！