Sweetology (Closed)

同朋友喺新都會食完晚飯，見時間尚早，就搵甜品食，葵廣都同新都會選擇唔多，呢間幾乎係唯一選擇，點知就中伏了，先喺門口睇餐牌，見賣相好似唔錯，但睇完之後就企左喺度差不多五分鐘都冇人理，侍應們冇出過黎，而門口就一直有位阿姐背住我地企，亦冇理會過我地，於是我地就自己行入去，木無表情侍應終於見到我地，亦安排好座位，入黎之前已經決定叫個梳乎厘班㦸，睇相當然充滿期待，但當送到黎嗰陣，感覺真係完全兩回事，望落已經唔覺係鬆軟，一刀切落去，嘩，實心嘅！連蛋糕都唔係，直情似麵包嘅質地，再食落口，同我食開嘅梳乎厘班㦸簡直係天壤之別！簡直超級後悔，咁嘅價錢食咁嘅質素，真係永遠唔會再黎！

之前去葵芳約個客人見面....點知佢又遲到....我又要搵個位坐下玩下電話....卒之有你呢一間格調餐廳.....食個午餐嘆下冷氣淨係睇個門面都好優雅不過今次櫥窗個蛋糕就少咗啲裏面地方都好大位置都唔差而且佢哋有好多唔同嘅午餐套餐.... 價錢都好相宜我叫左呢個煙三文魚意粉....份量好足....而且意粉都好彈牙我加錢飲咗杯紅豆冰.....不過就冇乜紅豆得啲紅豆蓉所以味道一般不過最驚喜....係會有個小生果盤埋單都係＄69......所以我會喺呢度嘅常客

今日放左工约朋友在葵芳新都會行街, 見到有間新食店, 先入去醫肚。 餐牌內分了很多類別可供選擇。有雪山系列, 咖啡系列, 其他飲料, 花果茶系列, 鮮菓系列, 中式甜品, 雪糕船系列, 輕盈雪糕系列, 木糠布丁系列, 心太軟系列, 梳乎班㦸, 經典鬆餅系列, 窩夫。亦有意粉套餐, 包括每日特飲和沙律, 另外還可以加錢點湯, 多士, 红荳冰等等, 完全可以滿足自己的需要。每日特飲 - 凍蘋果檸檬茶, 有蘋果的清香味。 沙律- 即是生果沙律, 有青蘋果, 西瓜, 哈蜜瓜, 生果很爽甜和新鮮, 完全沒有加任何沙律醬, 非常健康。卡邦尼煙三文魚意粉 $55煙三文魚肥美肉厚又大塊, 仲有魚脂魚油的味道, 意粉很爽口, 卡邦尼亦很creamy. 洋蔥磨菇汁扒雞扒意粉 $55雞扒已切好一小件一小件, 方便客人食用。雞皮煎得香脆香口, 雞肉很嫰滑亦啖啖用, 而且醃製味道亦剛剛好。最初以為是磨菇粒, 後來才知道是蘑菇扒。豐厚的.蘑菇扒, 很有菇香味道, 似食緊啖啖肉。日本紫薯BB心太軟 $62平時食得最多係朱古力心太軟和綠茶心太軟, 今次可以試下日本紫薯BB心太軟, 紫薯味很突出, 很有紫薯既味道, 切

與家人約了在葵芳新都會午餐，間間都爆棚，見到呢間同另一間越南食肆人龍不算多，兩間都攞飛，與家人各自排隊，最後，呢間先可入座，便坐低呢間。我們五人，叫了三個煙三文魚意粉，味道普通，不難食，也不能稱好食，而且，份量偏細。另一位叫了煙肉意粉，又係麻麻。另一位小朋友叫了兒童餐，有薯條，雞翼，煙肉，窩夫及水果沙律，橙汁，外型討好，氹得小朋友好開心，因唔好意思攞嚟試，免得整喊小朋友，所以，未知道食物好吃與否?這間食肆，日後嚟開呢頭，除非其他食肆又冇位，不然，試過便算。

由於趕時間關係，就坐低左係邊間鋪頭，叫咗個下午茶餐。芝士火腿牛角麵包配香草薯條。首先特飲係荔枝柚子茶，有色無味。15分鐘過後，主菜上枱。有乜理由咁嘅食物都要訂15分鐘烹調，如果係好有心地做，15分鐘冇問題。但係垃圾食物都要15分鐘就有點兒過分。香草薯條冇香草，仲要喊到不得了。薯條點樣可以炸到硬到不得了？真係食到一半都想再食。未見過間鋪頭員工得閒到爆。新都會廣場新裝修諗住有啖好食，點知發現都係食垃圾，知道想去食麥記好過。

星期五的lunch time 同同事出去食午飯,本來係想去第二間但太多人,咁見到喱間個樣都靚靚地,又有位,咁就黎左啦點知.......中伏到不得了....我地都叫左set lunch,咁就包一碟意粉,一杯特飲同水果,我地問個侍應特飲係咩黎嘅,佢答係柚子蜜紅茶咁我見其他枱有飲管但我地冇,原來要問先有,都算啦,飲左一啖,真係想打人,茶冇茶味,柚子蜜味呢？似一湯匙柚子蜜開稀99杯水咁嘅味道,堅嘔心,唔怪得叫特飲,原來係特別難飲咁解,我好心佢送杯凍水我好過喱個水果不得不提,因為係全餐飯唯一正常嘅嘢等左都幾耐先黎到啦我個茄汁吞拿魚長通粉,望個樣都心知不秒,食落簡直想喊,長通粉overcooked,一堆嘢咁,呑拿魚應該係罐頭呑拿魚,但都可以難以想像地嘔心,粉粉地咁,d汁又怪,過咸,真係好想拜會下個廚神係咩料子大佬,錢唔係咁賺嫁!做得餐廳都俾少少heart 呀,我個人係有d fussy,但我唔會以你50幾蚊嘅quality同500幾蚊嘅去比,茶餐廳式嘅長通粉都整得好過你幾十倍食左2啖就頂唔順,我d同事都叫晒救命,搞到晏就要叫下午餐。堅係似乎嘔心嘅一餐

好耐無再寫食評，但今次真係吾寫吾得。同老公係葵芳食完飯後，想食個甜品才回家，這間店前身係甜牙牙，講真，以往對甜牙牙都無興趣，見佢轉左，咪試下。。。點知。。。唉。。。仲衰左以前。叫左個「經典窩夫系列之草莓族配雪糕」，當時店內吾算係多客人，而我哋係9:18落單，點知。。。等等等等等，等了30分鐘還未有。。已去問有關待應，佢走入廚房看看，出嚟只講一句，整緊。好，又等等等等等，等多了10分鐘，終於到，我以為因為個窩夫係即叫即整，所以先咁耐，點知，個窩夫係凍，完全吾覺得即整，只係一個已整好嘅窩夫，加個雪糕球，配上少少草莓，點解要等成40分鐘先上枱。。。真係好離譜。。。講番個「經典窩夫系列之草莓族配雪糕」，老實講，真係好一般，一個好普通嘅窩夫加雪糕，你話值吾值係度等咁耐而去食個一般甜品，真係一啲都吾值囉，絕對吾會有下次。至於服務，基本無服務可言，幾個待應只顧自己圍埋係度傾計，揮手揮到手破都吾應你。。。真係嬲到想即走。。。所以再三講多次，絕對吾會再有下次。。。

可能我見識少 周圍搵嘢食嘅機會唔多 但我真係未食過一間由飲品,前菜 甚至甜品都唔好食嘅一間餐廳。由於女朋友鍾意食pancake嘅關係，嚟咗呢間買相唔錯嘅疏乎里pancake鋪頭食嘢，順便食埋飯。嚟過呢度兩次，食過薯皮，意粉，今日食瑞士雞翼意粉，同隔離間雞翼同意粉都好好食既Euro gogo 簡直兩個層次，差天共地。到之後食疏乎里pancake，一啲都唔疏乎里，係實既== 好似食緊一堆麵粉落肚咁。永不錄用。如果老闆睇到呢篇食評，當我係打手無辦法，要真係諗下食物有冇質素，有冇用心製造，感覺好似搶錢😌

人生緊係要瀨下野先完整想瀨野就去試下啦個瑞士汁雞亦意粉-啲汁係甜豉油味個卡邦尼三文魚意粉-三文魚鹹到阿媽都唔認得叫乜無乜跟餐嘅野食都可以無嘅對哩間食店真係無言⋯⋯

行葵芳其實有好多食物餐廳選擇，鍾意平食掃街有又得，食貴價餐廳又得！見到呢一間新開嘅餐廳主菜甜品只係幾十蚊！又可以坐低慢慢同朋友chit chat! 意粉配埋沙律，再加飲品都唔使＄100！我哋要左兩款！茄汁豬肉腸意粉，唔算特別但番茄鮮味濃郁！豬肉腸同埋意粉份量都多！另外一個要咗煙三文魚卡幫尼意粉，忌廉芝士味好香，唔太漏，三文魚份量唔多剛剛好。加＄8就可以要一件芝士煙肉焗薯皮，樹皮焗得好香脆，芝士味濃！但甜品的確比主菜出色！呢個朱古力鬆餅好香軟！朱古力味雪糕好香濃又滑！鬆餅好軟熟好有蛋味！而且份量好多，二至三個人share都可以！

下雨天的星期日跟好朋友到家附近商場晃晃，中飯過後逛一逛霎那間又來到下午茶時段，咖啡配甜點是必須的下午時間330餐廳人流滿滿但不用輪候也立刻有位，看看餐牌選擇頗多，有多款前菜，沙拉，意粉，全日早餐，多種類甜點及咖啡和飲料，我點了喜愛的窩夫「抹茶窩夫山」和熱咖啡，上餐速度也延快，先來咖啡一杯，淡淡的沒咖啡香，然後不到10分鐘端來窩夫山，抹茶窩夫有四小片，小杯子裝著忌廉，白色丸子和紅荳，另有一球抹茶雪糕和一杯淺淺綠色像是奶昔的東西，先嘗一口窩夫，表皮微脆，可惜沒有甘甘的抹茶味道，牛油香氣欠奉，沒帶點些微香甜的窩夫，就是吃著一片零感覺的東西，再來嚐嚐抹茶雪糕也是全無抹茶味道，紅豆輕甜不過軟，小丸子有嚼勁，尚算合格，忌廉一般，淺綠色奶昔物體，沒什麼味道只是奶奶的，服務也一般！就以這價格來說整體感覺不值有待改進。

響葵芳睇完戲，想搵個地方坐低傾計食餐好嘅，見到戲院門外有一間新嘅餐廳，裝修不錯而且價錢仲好實惠！呢度嘅意粉只係幾十蚊，而且仲係包括沙律及餐飲嘅套餐！除咗意粉仲，可以要全日早餐或者牛角包窩夫。甜品亦有唔少選擇。我哋要咗個英式全日早餐，材料包括煎蛋，牛角包，豬肉腸，雞肉腸，煙肉，生菜，茄汁豆同薯條。薯條揸得超級香脆！又唔會過咸， 我哋一條接一條好快食晒！蕃茄雜菜湯好香香草蕃茄味，入邊仲有螺絲粉增加口感。我哋仲要坐一個士多啤梨窩夫做甜品，窩夫好有蛋香，外脆內軟。士多啤梨雪糕亦都好香甜軟滑，兩個人share啱啱好！每人幾十蚊已經食到飽，有飲品又有甜品！雖然食物質素唔係真係最出色，但性價比十分之高！我個人已經感到好滿意！

今日天氣真係好熱......熱到我今日都唔想出去戶外工作係熱到我有一種就快暈嘅感覺行到來葵芳.....都係走入去葵芳新都會行吓....起碼涼下冷氣冇咁慘有正值下午茶時間.....卒之揀咗呢一間特色餐廳個門面好靚好舒服好典雅個裝修令人有一種好清新自然嘅感覺不過櫥窗嘅蛋糕款式就略嫌少咗一啲唔會令你有種即刻想買來食嘅衝動但係坐嘅環境都尚算舒適自然啲下午茶餐都幾平我叫左呢個梳呼班cake 加雪糕送一杯冰凍柚子密不過杯柚子蜜就甜左少少個班cake味道一般下次想來試佢嘅意粉

Sweetology 環境清潔衛生，餐廳裝修以白色為主，令人感覺充滿生氣。餐廳推出不同套餐，是日我order一個黑松露意粉，意粉口感爽彈，份量適中，但黑松露味較為清淡，如果濃郁多些會更好。隨餐奉送荔枝特飲一杯，不用加錢，但味道較為淡，有待改善。不得不提是甜品，餐廳提供各式各樣款式和味道，看看餐牌就知道，而且價錢也不算太貴。個人食了芒果窩夫，大約1人份量，窩夫煮得剛剛好，不會太燶，溫度暖暖的，加上雪糕配搭令人更開胃。

今日同朋友係葵芳果頭食晚飯 行街行到10點幾想食甜品 就見到呢間鋪 咁我地就入左去食 我地叫左梳乎班戟同四季鮮果伴雲呢拿及士多啤梨雪糕首先講下四季鮮果伴雲呢拿及士多啤梨雪糕先la 冇士多啤梨味 未食過d咁既士多啤梨雪糕 d生果唔新鮮 條蕉同芒果都有d黑黑地🌚 但係果陣我地冇影到相就食左而梳乎班戟同我想像中既pancake係唔一樣 唔係好鬆化果種 感覺似係麥當當既熱香餅。。好一般 唔值呢個價🤦🏻‍♂️講完野食就講下服務la 餐具上有上一手既食物 我地舉手叫野食又冇人理 剩係掛住傾計😡 我個朋友叫佢比杯水又冇反應 係到游緊雲☁️☁️ 都冇理過我地呢間甜品店成功咁顛覆左我對甜品既印象 食完之後掃曬興 以後唔會再幫襯🏃🏻🏃🏻