Sweetology (Closed)

同朋友葵芳, 新都會仲係裝修緊, 本身呢個位置係係甜芽芽, 而家變左西餐同甜品~ 就試下新野啦!入到去坐低左成十幾分鐘都冇人理我地..... 叫極都冇人落單....由於唔係好餓, 我地3個女仔, 叫左2個set dinner... 意粉套餐價錢50幾60蚊都有, 唔貴就叫黎食下啦!先來左個拿破崙辣肉腸意粉味道非常一般!! 味道好淡..... D汁又好似水咁稀....我覺得自己煮會好食D!! 另一個卡邦尼三文魚意粉 好乾好乾好乾........味道一D都唔卡邦尼~ 三文魚亦係乾的~而家好易爛又霉....  唔知自己食乜!! 完全係FAIL..... 我地仲加$10叫左個薯皮....但都係麻麻地.... 冇料又乾.....跟餐特飲叫冰紅茶, 原來只係一杯雪凍左既紅茶....lol 水果都好頹朋友仲叫左個心太軟... 雪糕係雀巢雲呢拿味朱古力味唔濃, 而且冇左甜味! 冇甜味既心太軟我都係第一次食...雖然佢價錢係OK, 但食物水平真係好有待改善, 員工服務都係!! 完全冇服務可言..........冇人serve過我地咁滯!! 唔夠人手??所以我諗我唔會再黎食..... 寧願去返對面間Eur

▶ 西瓜豆腐花：★★★☆☆滑和沙的口感交雜融合在嘴新鮮感強，但味道太甜-豆腐花講求的是滑嫩和豆腐的清甜味，西瓜天然帶著沙沙的冰甜口感，兩種一起配搭是滑中帶沙，沙中有滑的奇妙滋味。口感來說真的不錯，但西瓜不可能每一口都是甜的，但這個西瓜豆腐花的而且確是這樣，而且吃得出是加了糖水的甜，沒辦法吧，始終豆腐花也是要加糖水的，我覺得太甜了吧？
-▶ 芒果豆腐花：★★☆☆☆每一口都是甜！-這個整體來說我會說是不過不失，唯一扣一分的就是太甜了，我覺得豆腐花是應該像傳統店一樣讓客人自行調較甜度的，始終一種甜度很難滿足所有人吧？

今日想食西餐，旁邊euro gogo好多人，其餘幾間都爆場。咁見sweetology有位，俾個機會佢都係個機會自己。一個lunch set 包沙律同熱飲，凍飲加6蚊。我以為沙律係有菜呀，有蕃茄有d醬。點知一黎就兩盒仔水果，唔緊要，食生果健康。兩杯野飲黎到，凍奶茶係奶多過茶，茶底唔夠，唔知以為自己飲凍淡花奶。意粉黎到，無賣相，唔好食，碟邊好污租。我見有人話店員態度差，我唔覺差，但唔係好。你落單唔寫低，憑記憶有就話姐，又落錯單。d相我盡力執過架啦....

吃膩連鎖快餐店的Tea，女士們不妨試試這裡的Tea呢。葵芳新都會廣場一樓的Sweetology是女孩很喜歡的風格客人都以女士為主看來女士們挺喜歡去這裡Tea一Tea呢。除了價格相宜又可追加8-10$小食的Tea Set外，還有其他小食和兒童套餐，亦有女士很喜歡的cake set店舖還有不少甜品選擇的，窩夫、鬆餅、班戟等等的選擇也很多！在這裡吃甜品也很不錯。作為Tea很適合呢！白汁與吞拿魚很配，並加上了芝士碎。牛角包外皮很鬆脆呢，配上生菜蕃茄很健康，女士應該會喜歡的椒鹽令雞翼更惹味，外層則沾上一層蜜糖，又甜又惹味TEA後甜品是女士很愛的千層蛋糕希望下次再來Tea一Tea

葵芳開了間西餐廳，係新都會廣場入面。光線充足，環境幾寬闊。同朋友食飯叫左個all day breakfast 牛角包早餐餡料充足，大大份。有芒果，鮮蝦，番茄蔬菜。 又配薯條。雖然薯條有點淋軟，但牛角包補反，香脆鬆軟，好食。另外仲叫左白汁芝士焗吞拿魚意粉白汁味道適中，不太油膩，吞牙魚份量多夠曬充足，好食。意粉保持彈性，唔錯另外仲食左芒果輕盈窩夫餐外型似蝴蝶，大大嚿芒果雪糕，窩夫香脆鬆軟，讚仲有朱古力心太軟濃郁嘅朱古力，切開有暖烘烘的朱古力流岀，正

炎炎夏日，忙碌完一天工作，身心需要填補填補白亮的裝潢，令我有種放輕鬆的感覺……門前放置了一束粉紅花點綴，玻璃凍櫃陳列多款甜點及蛋糕。入內牆身掛了黑白色調為主，另一面牆的大鏡令店面感覺更寬闊。 翻開餐牌有很多甜品選擇，估計這家主要是甜品為主。窩夫巨無霸，我相信起碼要3人才可吃清。日本紫薯心太軟，看來吸引。看到意粉餐牌，另有All Day Breakfast 我們先點了拿破崙煙肉雜菌意大利粉及美式全日早餐。雜菜湯有紅蘿蔔、青豆、少少扭扭粉等，帶有黑椒味的菜湯。跟意粉及全日餐各跟了一杯蘋果茶，蘋果味帶微微的甜。想不到意粉嚼口質感很好，是那種剛剛熟透，不腍不硬，煙韌適中。美式全日餐很豐富，牛角酥、蜜糖香蕉、香草腸、煙肉、茄汁豆等……牛角酥熱熱的鬆軟，脆脆外皮。煙肉煙燻味重，肥瘦均勻。飯後不用轉餐廳便可直接吃甜品。朋友點選了朱古力味布朗尼，雪糕是用Movenpick朱古力雪糕，內有很多朱古力薄脆，布朗尼不太甜，配上雪糕一起吃感到滿足紫薯BB心太軟，外表平凡，忌簾、心太軟及雪糕都有紫色粉末，估計是紫薯粉。切開心太軟後，紫薯流心湧出，没有到紫薯及朱古力味道很夾。心太軟外脆內軟，把雪糕混合一同吃，熱騰

成日都好好奇，點解隔離eurogogo成日要等位，呢間就成日有位，今日一於去試下係咪有伏。我地下午茶時間去，我叫左個拿破崙香腸長通粉，配每日特飲，今日係凍柚子紅茶，再加$8要個焗薯皮，我媽要左個公司窩夫配沙律，呢個唔係餐嚟嘅。首先杯柚子紅茶，我已經叫少冰，但味道超淡！到個長通粉，雖然有汁，但係無味嘅！當時我知道點解隔離咁多人，真係走去eurogogo食好過！然後到公司窩夫沙律，佢好似公司三文治咁，但面包變窩夫，中間夾住蕃茄生菜煙肉，其實賣相唔錯，但窩夫口感不足，似係開粉落唔足料。最後黎埋個薯皮，本身expect佢只有一舊，但竟然有兩舊再配沙律菜，諗住$8咁抵食，切切下唔對路，望下張單，原來阿妹落左個$38正常價薯皮，我明明指住個加配價錢落單㗎啦，不過都怪自己佢拎張單黎時無即刻check，唯有照食，呢個味道不過不失！算係正常少少！一句講晒！無下次！

葵芳一向多餐廳，見到呢間新開張，價錢及食物吸引就入去試。套餐五十至六十多元，有是日沙律，是日餐飲及正餐。　是日沙律是雜果，青蘋果略酸，西瓜及唔蜜瓜不錯。餐飲類似花茶，個人不太喜歡，沒喝完就走了。如果可以自選飲品，會更好。　卡邦尼煙三文魚意粉，面頭舖滿芝士碎，賣相不俗。如其說卡邦尼，比較似忌廉汁，但不錯吃。煙三文魚三塊，份量合理，而且好味。　以新都會廣場來說，這間餐廳午餐價錢算便宜，而且有沙律，又有飲品。

這裏以白色為主,好光猛,中間亦夾了些黑色的椅子,牆邊一排白色的梳化,令人感覺舒服。這間餐廳主打意粉和甜品。最啱睇戲前食少少來醫肚 。看下餐牌有好多不同嘢食,有常餐，大牛角包早餐,多款的意粉套餐還有很多甜品選擇。我和友人揀了個洋蔥磨菇汁扒雞扒意粉 , 芒果蝦大牛角包配薯條 套餐是包每日特餐及樽裝沙律。但今日轉了送餐湯餐湯菜湯，味道剛好,不會太酸,而且還有很多什菜,已煲到好淋,帶點黑椒,好香,好飲。今天特飲是冰紅茶,也可以選擇其他熱飲我選了熱檸檬茶套餐可以加錢追加啲小食.我和友人加追加了蒜蓉焗多士,只需8元 有兩件,多士塗了足料的牛油和蒜蓉，即焗的,所以食落好脆和好香蒜蓉味。之後再上的是芒果蝦大牛角飽配薯條 蝦的數量真是十足,填滿全個牛角包,蝦好爽 芒果更是香甜。牛角包都是暖的,所以吃起來好鬆脆,但可能蝦同芒果都大大粒，吃牛角包時會掉了出來,要分開食才行。薯條都是新鮮炸起,熱的。配了沙律菜一起吃,就中和返薯條啲熱氣。洋蔥磨菇汁扒雞扒意粉 嘩，足足有5 件雞,份量不少,顏色都好吸引,皮煎到好脆,意粉煮得剛好,不會太淋,連埋雞扒食,份量啱啱好。食完正餐,梗係要叫番個甜品.我叫了紫薯夾心baby

最近葵芳新都會廣場新開了一間sweetology，自己一向都愛食甜品，特別是提拉米蘇，當然去食下啦。餐廳裝修得充滿氣生氣， 以白色為主，空間寬闊俱空間感，不會很侷促。我和朋友order了提拉米蘇千層蛋糕，紫薯夾心鬆餅，朱古力味梳乎厘。提拉米蘇千層蛋糕入口是軟綿綿的，食落不會太滯。甜的程度剛剛好，不會過甜。只是夾心鬆餅，溫度控制得剛剛好，不會煮得太燶，鬆餅口感軟綿綿，鬆餅中間配合紫薯令人十分開胃。最後是朱古力味梳乎厘，等候需時大約20分鐘，梳乎厘很鬆軟，味道不錯，但有點過甜。

梳乎厘pancake見過唔少，但比較少見有夾心既，仲係紫薯味添，梗係試試佢啦！佢寫明要等15分鐘既，咁我都覺得ok，話哂係即做嘛。一黎到見到賣相係靚既，不過就好細件，好似2啖就會食哂咁，唔怪之得叫baby啦....食落口感都唔錯既，好軟淑，但細件得黎仲要食到中間先食到紫薯夾心，配vanilla雪糕都幾夾! 味道唔錯!

知道葵芳都開了sweetology..今晚就約左朋友來食了。。。之前已經去過又一城食。。覺得又有鹹食。。又有甜食。。十分好設計跟又一城分店一樣都是以簡約的白色為主。。。而且這分店座位數目更多。。十分舒適。。。今日是平日晚上。。幸好不用等位便可以入座了。。看到有多款all day breakfast...每款都有不同。。。除外。。仲有意粉可以選擇甜品menu都有多種唔同甜品。。。有窩夫。。雪糕。。蛋糕。。應有盡有。。。我當然order了近期都大熱的鬆餅我們點了一人一份的all day breakfast...每一份都跟上一杯是日特飲。。。今日的特飲是凍蘋果茶蘋果味都幾香。。而且微甜。。都不錯。。由於我朋友想飲熱飲。。所以我們另外點了一款熱飲。。而我則把這兩杯蘋果茶飲光熱飲的抹茶跟壺都很靚。。茶壺放在茶杯上。。。是同一set花紋系列很lady。。很美。。。抹茶飲起來很清新。。帶有香濃的綠茶味。。而且不會太甜。。很好我所點選的美式全日早餐看到放滿了整個碟子很吸引。。入面有2塊pancake。。有腸。。煙肉。。薯條。。沙拉菜。。茄汁豆。。還有香蕉。士多啤梨每樣食材都有少少。。岩曬眼闊肚窄的我。

下午茶時段 諗住叫cream brûlée 點知賣曬 見到佢門口個餅櫃都幾靚 諗住佢放得出黎外賣都唔會伏掛 就叫左一個raspberry tart 堂食 另外仲叫左一個蜜糖椒鹽雞翼跟餐有杯蘋果茶 等左十分鐘 隔離檯遲入過我地都已經又有飲品又有食物 個tart只係係餅櫃攞出黎都無人去攞 真係好難食 一陣膠味 以為外面係果醬 點知係好似膠咁既一層皮 好似香口交咁要扯開 裡面更係好難食既海綿蛋糕 $38.....呢個雞翼都多蜜糖 但裡面係無味既 建議可以去隔離eurogogo食最嬲係叫左杯蘋果茶走冰 我地食完所有野都未黎 叫左個侍應黎催催佢 點知唔知係聽唔到定點 態度勁差：咩話!? 哦 差杯野咋! 🙄 天啊 係啊我地係差杯野啊 真係唔好意思要你幫我地攞.... 最後終於黎到 但係無走到冰...連我自己都唔好意思再麻煩佢換一杯無冰既茶... 最後個侍應bok一下就將杯茶dump係張檯度 一個轉身就走左.... 我都黎唔切唔該佢....真係唔好浪費時間食呢間野

前幾晚同個朋友去左葵芳新開嘅sweetology食晚飯，落單嘅時候，有侍應話八點前係晚餐，八點後就開始食甜品，所以想去試嘅朋友，睇清楚時間呀？首先叫咗一個'鮮茄煎雞扒意粉'味道酸甜帶有濃郁鮮茄味道，啲雞肉就非常之嫩滑，而且份量都算適中。至於「黑松露焗芝士菇意粉」味道亦清香淡雅，入口時仲會滲透出濃濃嘅芝士味道。仲有'白汁焗芝士吞拿魚長通粉'雖然份量唔多，但有香味濃郁嘅芝士，調味合宜，唔算太飽，仲可以留肚食甜品添!最後，所有set dinner都有水果附送，都好新鮮美味㗎!

之前一直好想試下又一城店，但地點對我來講不太就腳，最近知道新都會有分店，近近地就黎食個下午茶~平日下午4點多黎到，都坐左一半客人，打開menu發現，原來食物同又一城有d唔同，無我想食既Galette，咁就食下其他野啦三芝煙肉焗薯皮伴沙律 $38一隻薯仔切開，加煙肉同芝士去焗，外皮微脆，芝士都幾多，沙律汁用上沙律醋，酸酸地好清新~雜錦大拼盤 $78朋友見咩都有唔洗諗就點呢個，有薯皮，腸，雞翼，火腿，煙肉，薯條，橙，沙律，都幾豐富！雞翼係瑞士雞翼，外皮滑，肉入味~薯條外脆內綿，面頭加左d香草幾惹味~當中最好食係兩條腸，外皮烤得香脆，一咬落去有肉汁必出黎，紅色果條入面好多芝士添！梳乎班戟 $78店員話呢個班戟入面加左乳酪去做，食落會特別鬆軟~顏色金黃都幾靚，質地軟熟，但就比較濕潤似蛋糕，班戟面灑上肉桂粉同蜂蜜，味道唔錯呀~