瑞士咖啡室 (Closed)

<瑞士咖啡室>去得瑞士咖啡室，一定要食瑞士雞翼啦。佢地個午餐有瑞士雞翼腸仔飯楝。個餐只需要Hkd50, 凍飲加3蚊，仲有大大碗中湯送，超抵👍 個中湯仲要一 d都吾 hea, 幾好飲嫁❤️最抵嘅係個飯有兩大隻雞全翼同兩條腸仔，絕對比足料。個飯配埋瑞士汁真係冇得頂！好味😋回頭率：80％

瑞士雞髀＋奄列😎$33今日去左新蒲崗下午茶😂響雙喜街個度有間瑞士咖啡室😋佢地最出名嘅茶餐當然係瑞士雞翼或者瑞士雞髀啦🤤我二話不說就揀左瑞士雞髀👍雞髀好香，好入味，夠哂淋，而且啖啖肉😬個區人少少，坐落環境都幾舒適，正😏

颱風過後同阿爸去咗工廠區嘅瑞士咖啡室嘆早餐。早餐有好多選擇，我食麥皮同奶醬多， 阿爸食沙嗲牛肉米，厚多士同火腿煎蛋，飲熱奶茶。食物中規中矩，最好食係厚多士，夠厚又脆。我都係鍾意食茶記早餐多過快餐店。

新蒲崗呢間瑞士咖啡室好低調，冇門牌，要從後門進出。而呢度的瑞士雞翼/雞脾向來聞名，每次過黎都必叫常餐A($48):瑞士雞全翼兩隻公仔麵火腿奄列牛油多士在工廈淋立gei新蒲崗黎講，呢個價錢確實略為高。但瑞士雞翼的吸引力真係無法阻擋，秘製瑞士汁又香又唔會鹹。火腿奄列又是好足料，好多火腿絲被滑蛋包圍，好好味！牛油多士已經放好好多牛油，雖然好高膽固醇，但一場黎到冇理由唔會！另外，餐牌上除左經典常餐，仲有其實午/下午茶選擇：

《瑞士咖啡室》#新蒲崗📍新蒲崗雙喜街19號雙喜工業大廈地舖-🔹#美極川辣豬扒包配薯條或沙律 推薦🔝軟身嘅包 包住夠淋嘅豬扒 仲有半熟蛋 蕃茄 生菜 同埋最重要嘅醬汁❤️個醬汁係帶點甜辣 都幾特別而且材料好豐富好好味 又大份又抵食 絕對值得一試.🔹#瑞士洋蔥豬扒包配薯條或沙律煮到軟身又入味嘅洋蔥 配埋好味嘅豬扒 仲邊有得輸？有無人同我一樣覺得美極煮咩都咁好味？.而家黎瑞士咖啡室食豬扒包仲有機會贏瑞士機票🇨🇭✈️即日起至8月16日upload<KO美極豬扒包>相片上facebook並hashtag #瑞士咖啡室 及 #美極豬扒包 最有創意嘅就贏到架啦店鋪：全線瑞士咖啡室、廉記冰室、南龍冰室「詳情可以留意瑞士咖啡室facebook 或 參閱店內宣傳品」-byT: 8.5/10

又到下午茶時間我同朋友就去咗喺新蒲崗嘅瑞士咖啡室當然係要點佢最出名嘅茶餐有得揀瑞士雞翼或者瑞士雞髀為食嘅我梗係揀瑞士雞髀朋友仔同我介紹吓公仔麵可以揀番茄湯咁我都梗係要試一試啦好快就已經有得食有我最鍾意嘅火腿蛋仲有牛油多士當然唔少得香噴噴嘅瑞士雞脾同埋羅宋湯底公仔麵雞髀好香而且唔會太硬番茄湯底公仔麵都幾好食環境舒適真係唔錯推介俾各位☺️

話說今日去開新浦崗果頭做野⋯行左好耐唔知食咩好⋯都係入番d食開既餐廳穩陣！今日叫左個set lunch 薯仔牛柳粒飯，盛惠$44，味道不錯，咸左小小囉！不過黎到我最想飲杯咖啡姐！飲完成個晏就晨醒哂呀！

真是好耐好耐冇食過瑞士雞脾喇!中午專登唔食咁飽，就係為左來食下午茶雖然食完個車仔麵都唔肚餓，但係食多隻雞脾都擺得落嘅。睇睇個餐牌...咦!又加一蚊了!今次同爸爸都係揀食瑞士雞脾，但佢食沙律，而我就試下食熱氣到死嘅薯條（仲有奄列可選擇）斷左骨嘅雞脾，賣相唔得，睇落好細隻!薯條啱啱炸起，超辣口!（平時都唔食炸薯條嘅我，今日就破例試下，粗薯條又幾好食啵）我地兩個都嫌隻脾差啲瑞士汁，如果可以比多啲汁沾下就正了久不久食一次好了，始終都食左午餐，咁快又食，會好肥嫁

食過無數次...幾乎每個星期都想來幫襯價錢比出面的茶餐廳抵食，又比起其他分店仲平啲添~（可能因為喺工廠區）我地叫了兩個茶餐T16，分別係瑞士汁雞腿和炸雞腿，兩個都配沙律。這個餐可以揀配薯條/沙律/奄列。瑞士汁雞腿很大隻😋見到都吸引，相比下炸雞腿就較失色，有啲細隻囉！好采沙律份量多啲補足番。想不到，第一次試炸腿有點失望，下次都係食瑞士汁算另外，還叫了瑞士雞翼配金磚，西多厚身，炸得好香，熱辣辣放入口，好正。

地點都算工廠區，方便泊車，門口或隔離有時租車位都得。坐底先發現原來呢到既早餐係去到中午12點！早知早D出黎！差少少就可以試！餐牌同餐廳設計好有特色，叫左個茶餐瑞士雞翼意粉，配多士火腿奄列。可能時間比較接近午餐，人唔係太多，待應好快同我落order,意粉黎到係同雞全翼兩隻分開上。我首先試左雞翼個味，好香，但入口偏淡，要不停點返個汁去拉返個味~如果味道鹹多少少會比較好。火腿奄列就正正常常啦，不過不失，反而係個多士有驚喜，好少仲見到大大塊，唔係太燶仲有溫度散出牛油香味既多士！餐飲叫左杯冬檸茶，檸檬唔錯，茶可以再濃多少少會比較好。不過份量唔係冰室大大杯飲唔哂個D，係平時水杯洗野個個份量😅我入去個時太熱，所以一坐底已經飲哂，要叫多杯野飲，所以叫左杯紫薯紅豆，呢杯令我喜出望外😍入口淡淡紫薯味，而且奶好明顯唔係平時飲個D cheap 野，冇諗過可以甘夾，另外紅豆既比例多到飛起！的確值呢個價錢！單叫$19蚊。係我差唔多走個時，先留意到原來佢地既時日午餐都係瑞士雞翼飯😂如果茶餐唔飽既朋友可以考慮下叫午餐，價錢都只係$42，無記錯的話。餐廳仲提供八達通支付，冇帶夠錢既朋友八達講都幫到你😂😂

好耐冇去過呢一間餐廳.......以前去食都覺得好好味.......點知今日佢質素差左好多......以前12點半去已經要排隊.....依家一點都大把位.....選擇雖然好多.....本來抱着興奮嘅心情....希望食到佢嘅主打推介.....點知......呢個吞拿魚石斑意粉......平時係我最鍾意食嘅款式....點知你一個意粉比較林比較梅.....完全唔合我河🚗🚗.....呢塊雞扒尚算大塊......不過幾十蚊是但啦.....呢個直頭食唔晒......牛肉麵就一般般雖然係台灣興左好耐......但係依家見到都覺得幾得意

今日同朋友去鑽石山，之後行去新蒲崗附近搵嘢食，見到網上講有間瑞士咖啡室唔錯，於是跟住地圖行去搵啦。 當日係公眾假期，所以咖啡室只係開咗一半坐位，我哋搵咗張卡位坐，仲叫咗一個常餐配公仔麵。 餐廳裝修十分有特色，掛咗好多懷舊香港嘅畫同埋一啲牌。 過咗五分鐘左右瑞士雞翼同面分別送上，瑞士雞翼係放喺個面上面，瑞士雞翼有兩隻。個瑞士汁好香，隻雞翼都好入味，至於過面就不過不失。 過多五分鐘，火腿奄列同埋西多士一齊送上。火腿奄烈味道不錯，而多士牛油比較少，味比較淡。

新蒲崗工廈入面，唔細心睇真係會錯過，同店面唔同，入面空間好大而且裝修幾有特式。2點後有下午茶，除左下午茶餐，其他野都有特價。雞脾大大隻，肉唔算好滑但夠哂入味，雞皮一d肥膩感覺都冇，唔錯；金磚唔太脆，不過幾鬆軟，加埋糖漿食都幾好味乾炒牛河色就夠，味就真係一般，食唔到瑞士汁味，加埋牛肉份量唔多，整體黎講麻麻。奶茶反而最有驚喜，有茶味又有奶香，飲落好滑，果然奶茶係港式茶餐廳飲最正！雖然係下午茶時間，但價錢唔可以話抵食，食物質素算係不過不失，整體評價屬於可以。

態度差劣居然趕人走, 一啲禮貌都冇, 客人未走, 將枱面所有嘅物品收曬, 叫第啲人入嚟坐, 簡直是趕客走😠😠客人坐下, 連一杯水也沒有送上, 叫餐時也沒有禮貌, 在今時今日仍有這些毫無禮貌的咖啡室, 真叫人難以再去第二次😠😠😠

上一次吃午餐，感覺差強人意。 瑞士咖啡室的瑞士雞翼水準極低，實在是意想不到。今次週日路過附近，想坐得鬆動點，在沒有選擇下，便試試他們的下午茶，居然有驚喜火腿鮑片通粉，普普通通，一貫的茶餐廳水準。豬扒飽配火腿奄列：實在驚喜之作！豬扒醃得非常入味鬆軟，配以洋蔥汁，不會太乾。飽本身烘得鬆脆剛好不燶，而奄列都頗嫩滑。這個set $31 抵！奶醬多 好多醬！由於今次是weekend食下午茶，所以可以慢慢給他們的特別裝飾拍照。他們主打的是懷舊茶餐廳風。得意有趣的繪畫，舊式鐵皮信箱、懷舊款暖水壺、特大雞翼佈置及老香港照片等，都很有趣有心思。最特別就是餐廳內綠白色「瑞士咖啡室」的招牌，是用麻雀牌砌成的！今次給好評，好評全屬於豬扒飽的！