瑞士咖啡室 (Closed)

同同事們去瑞士咖啡室吃午餐，我就是第一次來，我的同事們都吃過好幾次。眼見午餐價錢都係40幾蚊左右，就叫左個常餐42蚊，有牛油多士、火腿奄列、瑞士雞翼、公仔麵和熱飲。多士係厚多，中間牛油偏少，我比較不愛吃太多牛油，所以剛好，但同事們愛多牛油，跟侍應說，他們都會額外給碟牛油，服務也算不錯。火腿奄列不太生，味道還好，有一點淡。重點是在瑞士雞翼，我個人認為有點咸，汁都算入味，整體也算合格。

嚟過新蒲崗呢間好多次，因為佢食物質素幾好，店內環境乾淨、光猛又坐得舒服。但係唯一佢d茶底啡底真係做得麻麻哋... 啡底酸而冇咖啡香，相信係因為啡底沖咗又放耐咗而變酸。可能有讀者會話係有咖啡豆類型係本身帶酸，但試諗吓，茶餐廳點會用呢類咖啡豆沖港式咖啡。而茶底，卻偏淡而不重茶味。所以，茶底和啡底已經調得不好，需要用到佢哋嘅飲品都唔太好飲。另外，水吧人員似乎唔知咩叫茶走....曾經叫過一次係滿意嘅，之後再飲幾次都係嚟杯正常奶茶，唯有要再要求加練奶...

今次跟朋友黎到鑽石山上皮銀包制作Workshop，整完之後走左去附近既茶餐廳食個下午茶。呢間瑞士㗎啡室門面睇落一啲都唔覺得呢度有間茶餐廳，哈哈哈哈。有個棚遮住左個入口，但入到去，企企理理，睇落又幾okay喎。望望餐牌，啲野都唔係平，我叫左個下午茶吉列炸魚薯條。Waiter哥哥拎左幾杯水過黎比我地，個杯有印住佢地餐廳名，都幾別緻。等緊野食既同時，八卦既我4圍望，見到佢有一面牆有佢地個餐廳名，旁邊仲有好一堆唔同既海報，黑板，擺設，寫住好多茶餐廳既術語，同埋唔好Side野既字句。睇真啲，原來佢地個餐廳名個面牆，係用麻雀砌成嫁！！！好特別！裡面應該有幾副麻雀先砌到咁大。話咁快，我既下午茶到喇，野食熱辣辣，抵讚！食落薯條都幾好，夠熱夠脆。到個魚柳，有少少失望，佢都係熱辣辣，新鮮炸起咁，但美中不足既係佢有點太乾，破壞左個魚既肉質，好可惜，好彩有沙律醬點下，先冇咁Dry。朋友見呢度叫瑞士㗎啡室，就叫左瑞士雞翼，原來真係佢地既招牌菜之一，早知我都叫瑞士雞翼喇！

今日來試下個營養餐，因為我想食通粉。這餐有茄腿通丶蛋沙律丶單拼治丶鮮奶/朱古力鮮奶。因為冇哂鮮奶及朱古力奶，所以轉了熱啡，這裡的咖啡是即磨的，即咖啡機做出來的咖啡是有細滑的泡沫，味香，喜歡飲咖啡的人應該會讚，如果有啡糖會更好。烚蛋沙律的沙律是雜菜加雜果，雜果是罐頭那種，沙律醬酸中帶甜，食落味道很好。單拼治我揀了呑拿魚，這裡的吞拿魚醬也是撈沙律那個沙律醬吧，所以味道很清新開胃，麵包是厚切，但可能麵包放得久了表面有點乾。通粉一望就見到鋪滿茄蓉，再看茄蓉下有火腿絲，然後是通粉。通粉大小適中，沒有煮得太淋，茄蓉冇咩蕃茄味，不過湯係有少許蕃茄味但不強烈濃郁，有加點楜椒粉先帶出味道。扣少許分吧！這裡侍應都好有禮貌，枱抹得乾淨，算是一間企理的茶餐廳。

今日難得放假, 同媽咪出左去新蒲崗試食新開張冇耐既瑞士咖啡室。 諗住會係一日好美好既一日。一家人05:30PM 到達餐廳,準備入內進餐。 點知去到, 餐廳職員同經理就話團購券今日5:30PM 後唔堂食得。 我地當堂企曬係度。團購券講明到06:00PM , 職員就話要趕收工, 只可以外賣比我地。  我仲見到好多個客人同我地情況一樣。最後我地無奈接受外賣, 明明仲有半個鐘, 我地應該食埋都未夠6點。 唔知職員係咪好趕收工, 定平時服務質素都咁差。 我地有幾份外賣拎走,點知職員將佢地既"招牌瑞士雞翼" 浸落外賣公仔麵度比我地帶走。 我地當堂同佢地講咁樣接受唔到,希望轉用店內膠袋/自備食物盒分開裝雞翼同有湯既公仔麵。點知佢地話一向做法係咁, 堅決唔肯分開。 我好想知道用膠袋分開有幾麻煩 ? 有冇諗過瑞士雞翼既精髓係D 瑞士汁雞翼? 將所有野浸落有湯既公仔麵度, 我見到已經唔想食。眾所周知,招牌瑞士雞翼係乾身加汁咁食, D 雞翼經過水浸後,同我自己用水煮既雞翼一樣,冇味 !   已經影左相, 等大家知咩係水浸雞翼。阿媽之前試過荔枝角既分店,感覺真係唔錯。今次新蒲崗分店有客人05:45PM 去到餐

我同朋友下午約2時半慕名而到,唔係太迫,好快揾到位,叫了2客午餐,毎份$35(炸雞脾腸仔飯和咖喱豬軟骨飯+奶茶),再+1客牛油多士。雞脾炸左都覺有雪藏味,咖喱豬軟骨飯,得3塊豬軟骨,份量少,d飯又唔熱,d奶茶又唔熱,剩係暖暖地,唔係水滾茶靚。牛油多士唔係多士,我認為仍是一塊方包,因我睇住佢擺入多士爐都冇15秒就取出!d伙記又燶口燶面,得其中2個比較好聲氣。下次我唔會再光顧!!!

可能是位處工業區又或是團購客太多吧，侍應總是悶氣地回應，說多了有點不奈煩...... 也難怪，是星期天的下午，竟還是座無虛席，大部份還是拿着$19的茶餐券、我便是當中的一位 ^_^由在荔枝角發掘這餐廳到有灣仔吃這餐廳的團購。這次再試試新蒲崗這間的團購餐，為的除了是超值外，當然是有水準。就以這次為例，只是簡簡單單的公仔麵已是超爽而不硬不腍了； 瑞士雞翼更是鎮店之寶，又甜又香的瑞士雞汁令雞翼美味非常，可惜是肉質不太滑，這可能是選擇大種雞全翼的代價； 再加上合格的火腿奄列和厚多士，份量十足，難怪吸引了對面體育館的使用人士過來聚腳了。不足的反而是外賣時竟將雞翼浸在麵湯中，令長處盡失，無疑是自毀良將，可惜！以茶餐廳來說有62分。

上次光顧十分失望，但月多前在團購活動中已買了此店的瑞士雞翼茶餐卷,無奈再光顧。牛油猪仔包-外脆内軟，好味火腿奄列-蛋煎得太耐，乾左D瑞士雞翼湯公仔麵-好入味，雞翼煮得夠時間，而又唔會太淋。比起上次光顧，今次算係有進步。不過服務仍然未合格，等左好耐先有侍應幫我哋落單。

平時久唔久就會去灣仔間瑞士咖啡室嘅我，今日嚟到新蒲崗新開嘅瑞士咖啡室食午餐。原來星期六好多餐都無得供應。最後揀左是曰午餐($35)—茄汁焗豬排飯加熱奶茶。係新蒲崗嚟講，依個餐算貴，但個焗飯真係做得唔夠好。D飯好爛,豬排還可以，但個汁無蕃茄。整餐得杯奶茶令人滿意。服務都麻麻。可能門口有駕垃圾車經過，令到成間餐廳一陣垃圾味。有客人忍唔住,經多次要求後侍應才把大門關閉。仲有我一起身侍應就急不及待抹枱，成條抹枱布抹到我隻手上！依篇食評係想管理層能注意到問題，下次幫襯時，希望有所改善。