瑞士咖啡室 (Closed)

餐廳感覺懷舊，好有6、70年代的感覺，尤其以國粹麻雀砌出來既background, 招牌名稱先明！瑞士常餐$45，有多士奄列，兩隻瑞士雞全翼+公仔面，飲品，價錢合理！瑞士雞翼無煮得過火，肉質好滑，味道一流

屋邨茶餐廳，好少會裝修好靚，一般會以簡潔為主,但呢間茶餐廳好特別，裝修好懷舊feel,好特別！Order左同餐廳名有關既食品---瑞士雞翼撈面好好味，個汁甜味剛好，撈公仔麵別樹一番風味，成個感覺好fusion

記得這間茶室開幕時聲勢奪人，早午晚都有人排隊等位！現在重遊舊地，又來試下吧！下午五時多，客人不多，不用等位。這裡下午茶去到六時半，所以我們都有下午茶優惠。下午茶除了有自己menu外，也可叫晚飯的menu，同時可便宜6至8元。我們叫了瑞士牛河和焗o加哩牛腩飯。瑞士牛河色香味俱全！味道很好！份量比一般下午茶多！可能食得呢個牛河就預左油，但今次ｄ油多到有ｄ唔慣。。。菜在底，非常油，建議不要吃焗o加哩牛腩飯o加哩牛腩很好吃，不過數量少。飯就大大碟，再加埋幾個著仔，食完一定夠飽！兩個飯跟餐都有飲品，凍飲加三元，價錢不算太貴。

大家唔好俾佢的名字誤解，其實這間食店根本就是一間茶餐廳，有飯餐、麵餐、粥餐、早餐、午餐和晚餐。這間店走的是高價茶餐廳路線 ，所以大家請有心理準備食物價錢唔會便宜。但我今次都會比好評，因為質素真心覺得很好。我今次和媽媽兩位去試，其實我之前自己一個都試過一次，但那次因為新張優惠半價，所以好唔好食都覺得好食，唔客觀。今次試的是這兩款：其實雞髀可以選擇炸雞髀，我當然要試一試這里出名的瑞士汁，雞脾幾入味，但這個價錢又唔算大，驚喜在沙律，沙律真的很可口，應該會比薯條可口，不是生果沙律，薯仔沙律是本人很喜愛的。睇餐牌時都研究過咩係金磚，我就估會唔會係西多士，真係中左啦，那個吉列豬扒是即炸的，所以真係一流，那個金磚很式，但又很夠食，可以一試再試，佢地每位叫的客人都會比支蜜糖，客人自由選擇甜度，但我其實喜愛煉奶多一點，下次問一問睇下可唔可以轉一轉。今次兩人食了七十多元，下午茶我覺得算貴，不過試試無所謂。

一個簡單早餐B,沙爹牛肉米粉，餐肉蛋多士，奶茶就有一份愛心的感覺。牛肉的味道很好，湯也合适！多士脆度適中，看見别人的沙爹牛肉包也想吃。很久没有吃到不是機械式早餐了早餐也滿坐的餐廳。

上星期入左將軍澳找朋友，求其搵左間屋村茶餐廳食個晚餐。我叫左個焗咖喱雞趴飯，朋友叫左個焗芝士西蘭花煙肉飯。等左大概20分鐘，兩個飯都上台啦。份量都幾多下，入面好多塊雞扒，好滑，每塊雞扒又唔會好大舊，好方便食落口！至於飯底，無叫炒底，飯全部都一粒粒，不會爛融融。至於個汁多少份量剛剛好，落了花奶，所以好香，不辣，適合大小朋友食！

細個喺坑口住左十幾年，最近兩年搬左，今日返坑口行下，啲舖換得非常非常快，以前成日都食瑞士咖啡室前身間茶餐廳，今日換左瑞士咖啡室，試下好唔好食先！夜晚近八點到，唔洗排隊入座，但坐低左大約十分鐘就要開始等位了！店內有用麻雀砌成「瑞士㗎啡室」的裝飾，幾特別。呢到同一般茶餐廳分別不大，食物可以叫碟頭飯、叫餸食飯、輕食、或者鋸扒都得！我同屋企人一齊黎，所以叫左四人餐。四人餐如上面餐牌所示💰HKD318餐湯: 每日例湯不同或可要羅宋湯個碗就好大喇，但係實際上啲湯好少，幾淡都飲晒。個湯係好濃嘅味精湯，不要太高期望。薑蔥豉油皇煎封銀雪魚個size一上枱，都幾細條，而且條魚冇乜魚肉，同埋都幾鬆散，外層係脆脆都，味道一般，不過幾香口。咸魚蒸肉餅肉質不錯，味道好濃所以都幾咸，用黎配飯食就最好不過了。蜜桃菠蘿咕嚕肉我食完成碟之後，我好似一舊菠蘿都食唔到，唔知係真係冇菠蘿定比人食晒。咕嚕肉份量都幾多，肉質幾實，唔會太酸，味道適中，好評！椒鹽鮮魷勁差。我個人expect椒鹽鮮魷應該係一條條，就算唔係條條都係咁，最起碼唔會係件件都一舊舊成個波咁。鮮魷呢？有嘅，勁細舊，完全冇味，外層嘅炸粉超級厚！而且炸到非常乾，食一

吾洗講咁多,睇圖大家最公道,起初個陣都叫到大食夾抵食,估吾到而家縮皮縮得咁緊要,雞蛋姐,吾夠同我講聲咪轉其他囉,放少少落黎⋯⋯⋯貪過癮呀⋯都吾係第一次架啦,之前都諗住打食評,到今日為止,真係忍無可忍😡😡😡😡😡😡

取道將軍澳上班的一天，我好奇地又在明德邨的巴士站早落車，心中想，咁耐冇入過呢條邨，在飲食上有沒有什麼變化呢? 然而，一入門口，就給我發現一件喜事及一件壞事了。壞事就是以前的 local 茶仔《明德餐廳》結業了，喜事就是多了這一家連鎖的《瑞士咖啡室》，好讓我又寫下短文了。早上，都是以公仔麵早餐為主，簡單地，亦在沒有太多合意選擇地，我選了這一個沙爹牛肉麵。這麵倒是不錯的，至少湯底的自身是有味道的，而沙爹牛夠香，入口也夠滑，麵條的口感也夠滑，感覺不錯。附帶的餐肉蛋及多士，頓時令到這一個早餐非常豐富，蛋是半熟的，放入湯麵去食更加之香嫩味甜，餐肉雖薄，但煎得夠香，多士烘得香，也是令人覺得好的。最後是一杯濃香滑都合心意的奶茶，為這一個早餐，寫上了一個美好的句號。有得，是邨內多了一間好味既茶餐廳，有失，是邨內少了一間 local 茶仔。公屋邨....又進一步變成連鎖店天下了。

坑口街坊們都係新屎坑三日香,所有新野剛開張第一個月一定排哂隊,如果好食既話第二個月都會排隊,第三個月無論好唔好食,都一定唔會有太興咁多人。唔好食既話就會即刻無哂人! 聽講瑞士㗎啡室雞翼最出名,一於星期日食返個下午茶先! 三點去到,排長龍,等左大約15mins,都算好快。下午茶選擇都好多,老公叫左薯條雞脾,我叫左雞全翼(有三隻)。 d野食黎得好快,侍應生都有好多人,落order,收碟,各樣都好快手,唔會叫極都無人。茶記黎講,服務算好好!食物: 瑞士雞全翼有三隻,比起預期大隻。瑞士汁不是黑蚊蚊的,顏色像滷水汁。一切落去就知道應該好入味,因為好腍但係又唔會散開👍味道有些像太平館的,我比較喜歡這個因為咸味甜味都剛剛好。雞脾其實可以選炸脾或瑞士,當然選瑞士啦! 顏色黑d,d肉好滑好腍,不過隻脾就細左d。其實坑口既茶記都食到好好好悶啦,呢間係我們既救星!

星期六唔想阿媽煮所以齊齊去食新餐廳，雖然話新但都開左一個月有多，晚上七點左右到達無人排隊，坐近門口的檯，但大約七點半開始就有少量人龍在門口，亦間唔中有人叫外賣，吃了以下：焗茄汁豬扒 配 薯茸$52可以揀飯或意粉或薯茸配，另跟熱飲或加三蚊變凍飲，難得有得跟薯茸所以我揀薯茸，餐牌已寫明焗飯類要等二十多分鐘，但比預期時間快，上檯時超級熱，好味道！是多汁的！媽媽叫了焗咖哩魚柳配意粉，這個餐亦可選擇跟飯或意粉或薯茸，另跟熱飲或加三蚊變凍飲，一樣上檯時間比預期快，超級熱，魚柳很大塊，配以數粒炸薯塊，好味道！亦是多汁的！爸爸叫了日式吉列魚柳飯，亦跟熱飲或加三蚊變凍飲，喜歡少汁的人應該覺得唔錯，而且吉列很脆啊！亦很好味！加三蚊的凍檸茶少甜，少甜呢方面唔錯，但茶底方面始終不及灣仔分店的味道，(我是灣仔分店的凍檸茶fan)，另外唔知啲冰有味還是啲水有味，呢方面就係要扣分啦！希望水吧可多加留意和努力改善！

早放工，打算食個下午茶，見餐廳內得四、五個客，就入內吃！睇完餐牌叫個四十幾蚊出名瑞士汁雞翼撈麵！😊諗住咁少人會快！😊伸手叫侍應！個個扮忙碌！😡😠得幾個客忙什麼？😡😡等咗五分鐘才理我！個撈面等咗三個字多(我五分鐘前已經見個麵在水吧枱上無人理)😠才送嚟！一吃雞翼入口，一陣燶味！雞翼皮都焦了！點食呀！叫人換！係換咗兩隻雞翼！不過，瑞士汁一樣係燶味！😠😠😠😠😠😠😠完全唔想吃，埋單走！這間永不再吃！！！！😠😠😠😠😠

住左十幾年，難得見有新餐廳，點都要一試點知個炒飯同麵好大碟，同個價錢相符，四十幾咁多唔算貴，但女仔一定要搵friend一齊開心share服務方面唔錯，上菜幾快但啲侍應未太有默契，可能開鋪初有啲未習慣啫味道就唔錯啦，幾有水準，但唯一美中不足係蝦有蝦腸仲有沙，唔係一定俾五分跟餐有枝裝鮮奶真係一絕，吸引到我依一啲未介奶嘅黎，亦留低一個幾深刻嘅印象不過仲有一點，依個價錢係小屋苑，可唔可以留得住上一間明德茶餐廳薄利多銷低價量小嘅熟客，我就覺得未必啦

第一次食瑞士咖啡室，就係灣仔分店食得最多就係極品早餐同下午茶瑞士雞翼公仔麵，不嬲食物夠份量，味道ok。而家屋企附近都有間瑞士咖啡室，咁當然要試試。沙爹牛肉味道夠，意粉好多。多士夠厚，餐肉就薄左少少。

所謂「新屎坑三日香」，有新舖當然要湊下熱鬧。咁啱見到有人喺將軍澳個FACEBOOKGROUP到講明德有間新嘅餐廳，咁就緊係要去試吓啦！約咗他係坑口等然後一齊行過去，入到明德商場，離遠都見到有一大班人圍住一間舖嘅門口，目的地即刻非常明顯！埋去問個姐姐拎咗飛等位之後，居然要等成廿幾張枱咁多，究竟間嘢可以有幾好食，令到一間冰室都可以派咁多張飛？正想離開嘅時候就聽到有人講：「啲優惠券今日用唔到喎，遲吓先食啦！」笨安妮即刻話：「我哋等啦！」唔使半個鐘，就已經有位啦！間舖都幾細，啲位一眼睇曬！而個招牌都相當有趣，成個舖名都係用麻雀砌出嚟，唔知一共用咗幾多副麻雀呢？老闆係咪好鍾意打牌？望吓個餐牌，真係嚇到有少少跌咗係到，係一個街坊商場入面竟然會有啲咁貴嘅嘢食，「撈公仔麵餐」跟杯嘢飲竟然要成40幾蚊，我就睇下你有幾好食！咁安妮與他，就各自叫咗一個「瑞士雞翼撈公仔麵」同「滑蛋肉片飯」。（其實其他嘢食價錢都OK，係笨妹死命要叫撈麵。）瑞士雞翼撈公仔麵 加飲品$42額，搵條菜望吓都無，張相唔執，只會見到白色碗載位一堆黑色嘢。（其實執完仲奇怪，因為唔識執。）呢個麵一共有兩隻雞全翼，成碗麵就大約有1個半麵左右。