尚八日式燒肉店 (Closed)

依排天氣開始涼🍂，有冇人同小肥妹一樣會特別想食燒肉同打邊爐🤤？今次小肥妹就留意到一間超抵食既燒肉店 ，晏晝每位只係$108，平時食個燒肉set都係差唔多價錢，但係依間係任食！無錯係任食呀😏！• 午市燒肉放題 每位$108另收加一雖然牛肉同海鮮只有固定份量，但係質素都唔差，只係廣島蠔比較腥同埋青口冇咩味，重點位係每人有兩塊A5和牛😋，正！雖然牛肉就唔係任食，但係講真佢地豬同雞質素都好唔錯㗎，而且一般都有幾隻味揀，夠哂滿足😚除咗燒肉之外仲有唔少既前菜，可以參考返圖二～ 而今餐MVP就係...登登登櫈！！竟然係香草牛油燒大啡菇呀，香草牛油啲精華入哂菇菇入面超香超入味，食既時候小心熱同爆汁，必食推介👍🏻

咁岩今日有時間空左出嚟，咁就去尚八食燒肉放題，座位算闊落，坐得舒服，可能第4波疫情原因又加上日間，人5算多，都隔得好開吓。 今日我揀左$388（日間免加一）嘅A4和牛放題。主力食牛胸腹同牛三角😋。 牛胸腹有牛味同咬口，牛三角油脂分佈靚仔，接近入口即溶。 海鮮方面都5錯，都食左幾盤。 飲品方面5算多，甜品同雪糕5多，冇咩選擇。另外我食和牛同海鮮食到5記得左order食甜品同雪糕，過左截單時間，咁就算啦😂😂😂。 另外一提嘅係，每次都會點溫泉玉子湯烏冬（彈牙又好味）！

首先我光顧左幾年，由旺角食到荃灣，環境方面是不錯的，裝修不錯，通風改可接受。不過食物質素方面，今日一食和牛就不妙，不論是各個部位一食就同之前好唔同，應該係和牛既產地轉咗去第二度，非常難食，多數好"鞋"好韌。之前好多部位都好好食，如今完全相反，難食極，加咗價但係難食咗好多。服務方面都差左好多，而且last order方面同我講完仲有10分鐘可以叫，我即刻落埋個last order，點知點完餐後送唔到出去，而當時肯定未到最後半小時，仲可以落單，我即刻揾侍應搞，侍應check左幾分鐘單，最後check到不能落單的最後半小時，就同我講岩岩到不能落單時段了！！！！！！！真的非常失望。而家無人等位，原來全場8成空位是有原因的！這間垃圾鋪頭，我永遠不會再光顧。

今日去咗間和牛任食燒烤，見到都幾多人幫襯，一來上咗三文魚腩，蝦，帶子魚生，刺生質素幾好。再上一碟不同部位嘅和牛，有6種，都幾好，等我試完覺得邊款好食，就可以再叫，不過試咗6種，得一款我係覺得ok既，因為如果連一款都無，我唔知可以食什麼，我比較怕韌，我係試食果時,有2款係要硬吞，有2款直情係要吐反出嚟。唔知係咪A4和牛，係咁嘅質素呢？不過下次都唔敢再試，其他野都係好普通，2個人埋單，大約$1100。

口痕想食烤肉！就去了荃灣 尚八燒烤如果唔一定要食牛，佢地中午任食好低食$108+$30（星期六，日及公眾假期）+10%總數都係$152/@1一埋位開爐，就有一份海鮮拼盤及幾款小份牛肉試食如果烤肉唔點汁，其實都好夠味汽水任飲係差啲點品可能當日唔爆場，個冷氣夠晒凍

裝修幾靚～整個商場冷清，上到12樓，就是呢間燒肉店。一個人坐一張枱，4人位，隔離一位身型狀大，應該食好多野！我胃口不大，大約每樣食一至二塊，無法試曬全部項目，容量有限可燒菠蘿，我中意食～豬大腸都好正吖🤤蟹子沙律：好好味，絕無欺場，我食左2碗！吉列蠔、一口芝士：都好好味，encore左3次！雞軟骨：又硬又乾，完全唔香，唔知係米炸起好耐，放左好耐的？泡菜：正吖，夠入味，同食韓食店的差不多。牛舌？：好厚，好淋，都ok,唔知係米牛舌？因為凍左，我倒份金針菇一齊燒，希望可以食曬佢！真心不想浪費～此盆不是任食，只得一份的！隔左2隻好腥的蝦，其他都好好味！呢碗漬蕃茄好難食！好硬，同醬料完全不夾！總結：一個人食量好有限，除左送的一盆靚牛肉外，可以任食的雞、豬都無咩點叫，有檸檬雞、柚厚豬粒，都好食😋掃Q code落單，黎齊曬，上菜速度快！任食午市真係抵～

個女待應服務態度好差， 食物幾好都唔會再幫襯。 但a4和牛三角， a4和牛外腿同a 4一口牛係幾好食，入口即溶，又重牛味。不過都係果句，幾好食，都唔會再去，唔想俾錢買難受，大家要認真考慮下。

因為娘親一直好想食燒肉，對於我既印象尚八係好食又價錢合理既燒肉店！不過我係年幾前係尖沙咀食既🙈佢搬去荃灣之後就冇食過就諗住試試佢。.我地大概就嚟5點去到，入去既時候入面都未有人既。我哋坐卡位，位置都好闊落。.我哋揀238果隻，(因為之前既經驗238已經好好食）一坐低就俾左一碟牛肉同一碟刺身。刺身都好食嘅，然後工作人員就俾左張單，要用電話掃QR code落order。.基本上牛肉就係有3隻牛舌，牛肋骨同牛胸腹然後每一隻都分唔同味既醃料去醃既。老實講，牛肋骨同牛胸腹都韌。一開頭都以為係自己燒太熟，但之後食左塊中間都仲係生嘅，但都咬唔開😂.雖然真係好平，238加一食2個鐘，但真心唔會推薦朋友去！不同有樣嘢我覺得好好，係佢哋既服務，一揮手就留意到你👍🏻👍🏻上餐上得好快👍🏻👍🏻

好食到都無咩點影相🤣🤣就咁睇啲牛既油脂分佈就知好高質👍🏻和牛黎講4百幾可以任食兩個鐘，性價比真係好高啊～～/一坐低就會比set肉你！有哂佢地既王牌😍，試完好食再encore唷～個人推介一定要叫牛舌👍🏻有口感之餘仲好juicy🤤/每張枱都會送返一客刺身，都算新鮮👍🏻

肉入口即融海鮮也夠鮮味服務態度不錯有禮貌餐廳環境夠大不會迫飲品種類多有茶可解膩酒以大吟襄為主只需百幾蚊就有酒易入口再吃日本牛肉真是人生一大樂事吃早鳥價也不失一個好選擇這絕對是一間與朋友聚舊或以吃釋放壓力的好地方🤤🤤🤤🤤🤤👍🏻👍🏻👍🏻👍🏻👍🏻

本人超鍾意食牛，聽朋友講尚八和牛好好味，抵受不住牛肉的我終於去試他們的和牛放題，因為想慳錢所以我們4人就9:30後先去食，如果想最平最好就平日5:00去食就最抵，呢晚雖然我們9:30後先去食，但超場爆滿，尚八的隔格幾好，我們4人坐一張大圓枱，位置舒適。一上菜就放低2盤和牛和1盤刺身，刺身就普普通通，但重點係和牛，我們就逐一試試邊款和牛岩我們口味，尚八用電子落單，非常方便，我們除左點牛，都有試其他小食，但無影相，因為不太吸引一開始有6款和牛部位，我們4人都鍾意牛三角，入口即溶，好有牛油香，而且重牛味，因為太好味，所以見相全部都係牛三角如果鍾意重牛味，都可以點牛胸腹，牛味重，而且肉質都易咬口，而牛外腿就太肥美，牛油重，如果鍾意牛騷味可以點呢款。我們最喜歡呢三個部位和牛，每次落單既牛都好靚，紋理清晰，見到會心心眼。食到最後忍唔住要encore牛三角，今次切左比較厚我們，初初以為好正，個人覺得薄切好食d，厚切有啲流，哈哈。其實牛舌都好好味，不過忘記影相

見到有YouTuber推介呢間舖頭即刻嚟咗試晏晝A4和牛放題入到去座位好闊落舖頭嘅抽風系統都做得唔錯唔會燒完成身味🤣🤣見到座位上面有得dl app做會員生日或者新入會會有優惠🙆🏻‍♀️一嚟到佢就會放低刺身同埋燒肉拼盤我就唔識生野🙈不過男朋友食咗話質素正正常常🤣去到萬眾期待嘅A4和牛最鍾意食就係牛胸腹同牛三角前者會比較有咬口同牛味後者就非常多油花 接近入口即溶😍😍其他個幾款雖然望落好靚但係食落質素就一般般 唔似A4和牛🙈佢每款都預先加咗少少岩鹽所以其實唔使點點醬就夠味👍🏻 不過去到後期食到有啲悶就可以落order叫佢走鹽點醬食🤣🤣其他仲有好多唔同款嘅食物試咗海鮮🦞質素一般可能佢都預咗大家主力食牛🤣🤣佢嘅好處係每輪既食物質素都一樣覺得值得一試👍🏻👍🏻

今日幫兒子慶祝生日，無得去旅行食烤牛，就喺香港食一餐啦！我們一行三人，選擇了早鳥時段，大人$388, 小童$2xx， 加一收費，感覺都算合理啊！飲品任飲，但選擇比較少，由於食烤牛的關係，如果餐廳可以提供一啲茶類的飲品會好好多。甜品只有好少選擇，每人只可叫一樣。講到主角A4 和牛，我覺得好好味啊！ 也可比得上在日本食的那些呢！ 其他配菜都有驚喜啊! 餐廳環境也乾淨寬趟， 每人覺得好舒適。侍應服務方面沒有什麼特別，遇上難題其都願意解答。整體來說也是很滿意的!

預早book 左位食晚市第一輪早鳥 5點食到7點 今次揀左和牛放題一坐低就會自動送上刺身一盤同埋一盤有哂各種和牛部位既肉睇落紋絡係非常靚既食落都係入口即溶 不過牛味就略嫌淡左d 不過三百幾貨仔有咁既質素真係唔錯之後不斷再encore 既係牛三角同牛前肩 應該order 左10次 每次上台既質素都係幾好 唔會愈食愈差（ 睇落去既紋絡都係非常靚既）比較有驚喜既係除咗燒肉佢地既其他熟食都做到非常出色今次唸住一心食和牛都有encore 左佢地既雞軟骨餃子煎得非常香口 好明顯係即刻煎既 不係煎好放左好耐烏冬都好好味😋其他佢地有既8成熟食都有叫黎食 都真係樣樣都整得好味 野飲方便就選擇唔多基本汽水野 韓國個幾隻放題必出現既 係罐裝自己拎 座位都闊絡坐得舒服都算新開環境唔錯上菜速度都快下次可以試下唔係和牛既放題😋

見有66個諗住都唔錯就訂檯食晚飯，聽電話嗰位小姐完全冇乜禮貌可言，其實佢都唔係第一次用呢把“唔願做”聲線講嘢，早幾日都打過去問價錢，態度語氣都係咁差，Anyway 照去試下。疫情關係檯與檯之間闊落d 坐得舒服，就算唔洗隔開坐應該都ok.我地點咗A4和牛任食，一坐低會俾一碟有齊各部位嘅牛你，貼心地方係會標籤著邊塊牛代表邊個部位，等你可以翻點時知道想叫邊隻。見到門口寫嘅係嚟自宮城縣，睇落牛脂分佈平均，但燒完後完全冇乜牛脂嘅香味，質素我覺得一般啦，同我地早幾日食另一間有比較之下呢間完敗。其他食物方面都Ok嘅，上菜速度尚算Ok, 不過係唔收碟！又唔俾隻碟你擺殼/枝豆，等等，可見餐廳都唔細心。飲品選擇方面好少，得幾款仲要冇啤酒，雪糕得一款唔知咩牌子？點菜用QR code 幾方便，不過成日漏單，或者係你寫4件但俾兩件你，感覺佢唔捨得俾人食。綜合今次用餐經驗:絕對唔會再有下一次，食物質素一般，對不起呢個價錢，我早幾日食過嗰間仲要平＄30但質素係好好。呢間地點喺楊屋道街市旁，樓下衛生情況糟糕！