尚八日式燒肉店 (Closed)

今天到尚八吃午市烤肉放題，每人收費$108加一。因為價錢便宜，所以牛肉和海鮮不是任吃的，只在一開始上的拼盤中出現。拼盤中的牛舌很好吃，其他普通， 海鮮都沒有鮮味，牛肉的味道也不濃，有時還有點韌。放題的豬肉都比較肥，味道一般，調味不會非常重，配着桌面的檸檬汁、燒汁或豉油，可以按自己口味輕重來吃。牛舌的味道像五香肉丁。沙律的醬汁非常咸，吃不了。胡麻菠菜和青瓜等質素正常，麻醬給得很慷慨。整體來說，肉的質素一般，配菜質素時好時壞，但這個價錢性價比還算高。餐廳客人不算很多，環境不錯，但服務非常一般，放茶水很大力。

日式燒肉一向都係好受歡迎，而今次食呢一間亦都有好多人推介，普遍和牛燒肉都係散叫，但今次係任食所以好啱食肉獸去。一坐低已經有一個刺身拼盤，刺身質素正常，咩款都有啲 ，算幾新鮮，冇乜雪味，不過重點都係食返個和牛！佢會先上一碟拼盤，係唔同種類嘅牛肉上面亦都有個名牌方便大家分辨返，試到邊樣好食就可以再叫，和牛嘅質素唔錯，色澤同油脂分佈都好平均，大部分食落都好有牛味，除咗和牛，牛舌亦都係一個唔錯嘅選擇。呢度仲有得任食海鮮，有部分嘅海鮮用一個鐵盆裝住 ，燒嘅時候都會霸住好多位置，變成冇乜機會燒牛肉，所以最好就燒完一堆肉之後先開始叫海鮮嚟燒，如果唔係要等啲海鮮燒熟就要好耐 。不過甜品方面選擇比較少， 同埋好準時就會要你交枱，但係以呢個價錢同食物嘅質素，算係性價比高嘅燒肉放題，可以約埋身邊嘅食肉獸朋友一齊去試下!

肺炎期間，因應限聚令，餐廳都有所規矩，差不多都要隔開一張檯來坐，但我吃的1700時段仍然坐滿了，這證明這家餐廳吸引力很強！這次跟朋友兩日選了日本a4和牛放題，價錢為$388+1服務費，這個價錢可能不算最便宜的燒肉，但這裡的是日本的a4和牛，那就應該是香港最便宜的日本和牛放題了！一開始店員會送上刺身拼盤，有三文魚, 吞拿魚赤身跟帶子，味道普通，如沒特別想吃可以不用叫。然後會送上和牛拼盤，每一款牛都會送上一次，讓你試試哪一款較好，那就可以選自己喜歡的來點！然而我跟朋友試完後，一致確認是日本a4和牛牛三角最好，油脂分佈很足，有入口即溶的感覺！所以之後的主力都是選擇了他，但怕油膩的人可以選擇其他！燒肉放題還有其他選擇，熟食，沙津，海鮮等等...而我們就選擇了海鮮，有虎蝦，扇貝，蜆。其中虎蝦跟蜆都很好吃，我們重複叫了好幾次！唯一的遺憾是最後的甜點雪糕只能叫一次，這個太傷心了！雪糕控表示不能滿足！

朋友生日，上年我生日嘅時候佢請我食晚餐，今年當然到我好好「孝敬」返佢。朋友獨愛食燒肉，做足功課之後，揀咗呢間風評唔錯嘅和牛烤肉放題。一出𨋢就見到門口有間玻璃房，擺放住各式各樣嘅和牛，非常樣眼。餐廳主打高質和牛，一個價錢就可以任食A4和牛，即使價錢高少少，但仍然有佢嘅吸引力。先送上刺身拼盤，可能著眼喺和牛上面，刺身質素麻麻，中規中矩，食咗一轉亦冇咩意欲再添。主角當然係A4和牛，第一碟有齊各個部位，可以慢慢品嚐同比較，不得不讚賣相相當精緻。和牛油花算係細密，但一入口令人失望，味道同賣相完全唔成正比，明明望落咁靚嘅和牛，入口居然淡而無味，冇乜牛味，而且各個部位味道分別唔大，好奇怪⋯⋯之後再點嘅牛明顯冇咁靚，而且依然係淡茂茂⋯⋯對牛肉大失所望，轉戰海鮮類，質素亦係一般般，選擇唔多，新鮮程度亦麻麻。蔬菇類新鮮程度亦一般，粟米略嫌乾身。反而小食類質素可以，麻醬豆腐凍冰冰，醬汁落得夠，清新開胃。芝麻雞翼非常香口，外皮炸得夠酥脆，係成晚最好食嘅一道。甜品方面選擇比較普通，以為呢個價位會有少量名牌雪糕可以選擇，不期然有少少失望。最後我哋揀咗本地品牌Cocoberry嘅雪糕，雲尼拿味普普通通，沖繩海鹽比較

諗住睇OpenRice 啲食批去搵嘢食應該唔會太中伏，點知都中晒！諗住生日去食下和牛啦！原先仲係$438一位，以家要$458位，都唔緊要，好食就得，如果要食刺身再加$48位，因為我驚食唔到咁多嘢，就無加到！一去到比左碟刺身，一盤雜錦和牛拼盤！咁我地更係第一時間落肉，再落燒汁，點知兩枝都係豉油咁既味，咪叫佢地攞枝燒汁，跟住都係豉油味，然後個經理行埋嚟問我啱唔啱，我話都係豉油，佢話係甜㗎，然後我再講「咁呢個係甜豉油」🤦🏼‍♀️，算啦，心諗應該係佢地公司入貨問題，我最多點岩鹽，不過真係失色左！（隔離兩張枱都異口同聲話啲汁唔得，唔係燒肉汁）點知啲和牛無咩和牛味、啲枝豆係熱既、啲飯唔熱既、啲金菇咸到爆、青酒蜆係清水蜆、啲粟米咸既🤦🏼‍♀️不過都有啲好食既係「慢煮牛根同薄牛舌」！但係呢個價錢真係唔抵食，因為啲牛唔好食🙈另外甜品蜜瓜雪條係一定要食既🤣不會有下次👋🏾👋🏾👋🏾我20:55交枱，20:15已經放張單比你埋單

今日朋友話不如出黎食燒肉，因為佢話上網見到好多人推介尚八，朋友即日book 位，都7點食，入到餐廳侍應安排我哋坐既位置都舒服，野飲自助式，我哋決定好叫$3百幾set , 用電話掃code 下單，一黎到一盤刺身一盤海鮮一盤肉，之後我們可以自行下單想咩燒肉，見到選擇好多，牛舌都有幾種味道，仲要分厚切同薄切都有，食落口感不一樣。 雞排有一大堆洋蔥🧅，可以攞去一齊煎香佢，雞排好香洋蔥味。熟食方面一口芝士，雞翼，都係新鮮炸。選擇性都好多。

天寒地凍想試吓燒肉放題，其實自己不太大食，驚放題食唔到幾多，但這次尚八燒肉質素唔錯，絕對值回票值。一開始的和牛拼盤及刺身已經回本，比出面燒肉做得好食好多。而且上菜速度快，基本上沒有漏單。醬汁有檸檬汁，食多幾碟和牛也唔覺得咁漏，其他小食也幾好。由第一round到第N round既和牛質素保持水準。至於海鮮都唔差，仲有d燒番薯🍠、菠蘿🍍都好味。服務員收野上野都好快手。如果呢個價錢最后可以有d質素好少少雪糕結尾更好！

日式燒肉不嬲都係我最愛食嘅野☺️今日接個朋友放工，佢揀左間喺佢公司附近荃灣呢間燒肉店俾我，話非常好食😛原來餐廳係主打A4和牛放題，價錢都係三四百蚊，好抵食！餐廳裝修漂亮，環境闊落，燈光偏暗，店員會先上左一份刺身拼盤，甜蝦三文魚帶子海膽都有齊晒，最好食嘅當然我覺得係海膽，creamy得黎又帶出鮮味👍🏻除咗刺身拼盤之外，餐廳都會上左一份全部位嘅燒肉拼盤，仲有個牌仔指示，方便我哋記得邊款肉打邊款肉。全部都食咗一輪之後我覺得A4和牛外腿同埋前肩肉係最好食，油花最多，入口即溶。另外厚切牛舌、薄切牛舌都唔錯。食到中段都叫咗啲泡菜同埋豆腐清一清油膩感，然後繼續挑戰

新一年來臨食返餐好既慶祝下，上網搵到呢間有A4和牛仼食，仲有仼食刺生。一次過滿足哂所有食慾🤣一入到門口就有和牛部位圖解，一定知食緊咩位😂一坐低食物就好快上枱，首先有送既刺生拼盤。海膽大大塊，仲好鮮甜🥰和牛刺生，比較小有任食。牛肉又冇乜筋，唔錯。仲有幾款和牛壽司，各款都有試下😬雖然仲有豬同雞揀，不過緊係主打A4和牛啦🤣超重牛味同油脂👍🏻👍🏻入口即溶，勁好食😋😋😋😋😋😋仲有幾款海鮮選擇，有蜆，海蝦，蠔同帶子，又係各款試下。各樣都唔錯🙂🙂仲試左三文魚骨面屎湯，都唔會求其🙂🙂整體抵食，四百令蚊有得任食和牛係唔錯！😋😋

高質燒肉店呢間燒肉好店面裝修好新好靚好新淨，睇落高檔，唔似一般韓式燒肉店好多油煙或者嘈雜。門面已經見到佢展示左唔同嘅牛肉，流晒口水。餐牌主要都係兩種放題，一種係普通燒肉，另一個就包括和牛，亦都可以再追加刺身和壽司。每月慶祝就食豪d，和牛放題追加刺身壽司啦。最期待嘅和牛頭盤，每種都牛既部位有名牌介紹，咁之後鍾意食邊隻就可以再qr code落單啦。和牛雪花紋正，岩晒鐘意肥膩既我。我最喜a4和牛，勁抵可以任食，入口即溶！啲刺身都幾新鮮，海膽好鬼正。仲有好多唔同嘅嘢食揀，不同肉類之餘，仲有好多熱食同凍食揀。牛肉刺身韓式地道野，新鮮牛肉先整得好食，呢個係新鮮既，撈埋蛋，正。海鮮-廣島蠔，清酒煮蜆，帆立貝海鮮都有，可以食下肉，又食下海鮮平衡下味覺，加上質量都係吾錯既！

相信大家都知道如果一要出去食日本A4和牛的話，往往兩個人埋單都要過千幾兩千蚊。今日朋友就帶左我去位於荃灣站同荃灣西站附近去食約三百幾蚊左右價位既任飲任食放題了。佢哋嘅放題好抵食，有各種部位嘅日本A4和牛用上了新款燒烤爐，一個價位全包連飲品，加少少錢仲有刺身壽司任食。入去無幾耐就set好晒位給我們了。刺身拼盤首先來到的係刺身拼盤，刺身全部新鮮厚切，款式又多，食得出係不錯的好嘢來的。推介淡淡香濃嘅海膽，淡淡新鮮，成本高，味道好。其他刺身唔夠食仲可以任叫的。日本A4和牛有不同部位既A4和牛，牛淋肉，前肩肉，一口牛等等。味道入口即溶，新鮮香口，有口感，讚。推介牛三角同埋前肩肉。脂肪肥美，牛味香濃，有高級日式居酒屋風味。其他燒肉配料除咗和牛之外其實用佢嘅程式可以有各種唔同嘅日式燒肉配料任叫任食。例如有麵豉湯，嘢味嘅雞翼，口感一樣咁好嘅牛舌等等。鮮味十足既海鮮類放在爐上鮮味出晒來，讚好推介。飲品類方面另外佢有各種任叫任飲唔同類型嘅汽水，茶，仲有鴻福堂嘅特色果汁。為完美嘅一餐畫上完美嘅句號。

話說如果食過最好食嘅和牛，抑或係韓牛，你係唔會再食到普通嘅牛肉！係食唔落嗰隻，今日一行5人， 一齊去到位於荃灣嘅尚八日式燒肉店！呢度出名靚和牛，咁就試吓個和牛套餐啦！每位四百幾蚊再加一，咁佢哋嘅肉嘅部位選擇非常多！咁我哋當然每款都試吓啦。一上枱有幾種鋪滿雪花嘅和牛！油脂分布平均，每款肉嘅口感都不同，另外佢仲會上一盤海鮮拼盤！有好好味嘅海膽，仲有其他刺身，佢係用QR code喺手機度下單嘅，不過食落啲蝦就真係唔係幾新鮮，希望呢樣可以改善一下，因為香港人始終都係好嘴刁。好食同唔好食一食落去就分得清楚，如果選擇最貴嘅餐，都食唔到價錢嘅質素，咁就會慢慢少咗客人嚟食！整體氣氛環境係唔差嘅👍🏻😉

上次同媽咪去左尖沙咀果一間分店覺得原本香港都有正既日式燒肉放題架~所以今次同男主角行完荃灣廣場都黎左呢度食喇~位置係正楊屋道街市對面，去到門口會見到有好大個肉櫃雪住左好多唔同牛既部位。座位闊落，另外佢都有吧枱係for兩個人嘅~感覺都幾得意一坐低店員就會介紹返佢哋呢度有兩款放題～一款係A4和牛放題，另外一款就係普通燒肉放題！同媽咪食就梗係食好啲要食A4和牛放題啦，另外我哋仲追加左刺身放題同止次一樣，首先店員都係會預先上一盤刺身同埋一盤牛肉俾我哋試試先～再按照我哋鍾意食邊一個部位再去落返order刺身種類都幾新鮮！海膽係有驚喜的! 係鮮甜呀!!! 一口食晒真係好滿足^^ 而且佢嘅鮮帶子都幾鮮甜😂😂😂《A4和牛拼盤》你可以見到左邊嗰三個部位嘅油脂明顯比右邊嘅部位多！但係我就比較鍾意食右邊嘅多啲我最推薦嘅係：牛前肩；佢入口會溶～而且肉質軟腍~ 可以享受油香之餘仲有牛既似味!牛三角既肉味同埋牛胸腹既肉味會比較重~ 中意食肉味既朋友仔可以留意下~~另外和牛外腿嘅質感同胸腹同牛冧差唔多，但係會再比胸腹有更多嘅咬，而牛冧有再多一重既口感~ 牛冧都係今次先試到咋~ 香味都好唔錯!!食日本燒肉另外一樣野我

今晚又係時候自私食，舊地重遊～去咗荃灣川龍街嘅百悅坊～改建番新後初次喺度食嘢，雖然地利位置較偏但好爆場，因為用和牛招來，可見質素一班！一入去就見到陳列的和牛，吸引非常！而環境和座位亦舒服好座，抽風設備也很好～不會煙霧離漫同好大陣烤肉味。我地揀咗和牛燒烤～用QR code落order～前菜丶炸物丶刺身丶壽司丶小食丶飯粉類丶湯品，應有盡有，而燒物種類廣泛，豬丶牛丶羊丶海鮮丶蔬菜同A4和牛各部位任君選擇😍而飲品亦係任飲一入坐便送上刺身拼盤同和牛拼盤嚐鮮先～刺身好鮮味，又腍滑又鮮甜，不但鮮甜～仲超厚切，尢其海膽，重量級size~A4和牛分咗六個部位選擇～牛三角丶牛前肩丶牛外腿丶牛胸腹丶牛冧同一口牛～牛冧，一口牛，前肩和牛胸腹較有咬囗～牛味香濃，而牛外腿就較腍滑，牛三角就油脂分布最均勻，入口即化跟住仲叫咗海鮮同虎蝦嚟燒，夠新鮮又鮮甜。吃肉多了，也要食D蔬菜調劑下，個人推薦蒜蓉烤蘑菇同燒菠蘿。今次晚餐Cp值超高，淨係前菜熟食已經夠飽足常餐，而幸是好多也可一件件上，如果每款都想食，可以一件件叫，留肚食A4和牛呀～

經朋友介紹去呢間餐廳食燒肉，第一次幫襯呢間餐廳，去到感覺已經覺得相當高級，裝修好有格調，亦好有氣氛，而且呢間餐廳係用手機點餐，感覺好前衛同方便我同朋友揀咗刺身加和牛嘅任食套餐，我哋先試刺身，點咗三文魚，海膽等等，刺身非常新鮮，一定要試呀！再嚟就係主菜 - 和牛，勁正呀，好高級嘅牛！和牛係油而不膩，充滿口腔，勁滿足，而且餐廳好貼心，和牛上面已經標明好晒部位，方便客人再點餐，好窩心！除咗和牛同刺身，尚八仲有好多款熟食，壽司等等，我叫咗款烏東，好好味！大家可以試試！尚八真係十分出色，極力推薦大家一試！