Syphon Coffee

Open Now

Now Closed

朝頭早九點見冇乜人入去食啦，嗌咗個佢話手指公嘅公司三文治，菜都冇條；唯一好處就係夠熱。餐肉火腿芝士蛋正常發揮。我阿媽叫咗個腸仔煎蛋多士，冇乜特別。我就要咗個Flat white，佢話同人哋唔同，即管試吓，我覺得好普通。今日嘅焦點嚟 》我阿媽唔飲咖啡叫咗杯熱朱古力，上到嚟成隻杯半個唇膏印仍然響杯度🤬 係血紅色 （唔係淺淺一個）係半個嘴！ 跟住我話仲有成個唇膏印喎？！跟住佢話哎呀唔好意思。。。 有冇洗杯？ 佢應該就咁將個杯熱朱古力倒落另外隻杯度。以後都唔會再來！ 成間舖頭得三個人佢會有幾忙？

見寫住syphon coffee專門店，專程嚟試一試。點咗杯Ethiopia Guji嘅虹吸，諗住比較大路，相對穩陣。\一試難忘，因為好難飲，極度失望，完全冇風味、冇果味、冇香氣，淨係得個苦字，亦稱唔上係醇厚。虹吸式應該比手沖更能將咖啡的風味特出。即使傳統日式咖啡店用深焙嘅咖啡豆，都可以將單豆咖啡嘅特性做到出嚟。所以唔關深炒淺炒事，呢杯啡係 零！風！味！劣質程度似便利店coffee! 或更差。\臨走店員/ barista 問我覺得杯啡如何，我直言冇乜風味。佢竟然回應：Guji嘅特性就係甘香醇厚。我話：其實唔係，如果咁講所有咖啡都要甘香醇厚，但係單品咖啡就係需要有風味，我係完完全全飲唔到有任何香味，唔fruity亦唔nutty……佢最後亂答話：咁要試吓11號，我完全冇睇11號係咩產地，直接走人。好明顯個barista係死撐亂吹，冇誠意。\我唔知究竟係barista學藝未精，定係本身啲咖啡豆有問題。態度上亦唔似對咖啡有要求，似係想蒙混過關。對於自稱虹吸式咖啡專門店而沖出如此垃圾，實在好離譜！！😡😡

我與友人飲咗好多年精品咖啡，路過見到店名叫Syphon Coffee，諗咗一陣。。。決定入去試吓。總括嚟講，唔該店員、老闆重新再學吓咖啡先開。這餐廳以精品咖啡作為賣點，幾十款唔同產區嘅咖啡豆，最淺嘅已經係中炒。其實冇淺炒都唔係問題，因為日本主流都唔興淺炒，同樣帶出不同咖啡豆嘅特色。好啦，所以我哋叫咗一杯中炒嘅尼加拉瓜，不過這都不是重點。重點係，店員真係唔識的：我地：「你地有無啲炒得淺啲嘅豆？」店員：「淡啲呀？」我地非常愕然，唔明佢講乜，心諗：「乜野呀？」我地再問：「唔係，有冇炒得淺啲嘅豆？」店員：「炒得淺啲淡啲。」頓時間，我同友人真係着咗，有點想噴血的感覺我地：「炒得淺唔代表會淡啲個喎。」店員仲要再兜，我哋已經唔想同佢講咁多，直接嗌咗一杯。而呢杯咖啡亦都係呢位店員沖泡的。其實我只有聽過，沖得薄身，而唔係淡啲。呢樣係喺咖啡沖泡手法上面嘅調整，整杯咖啡唔係會淡咗，而係出嘅味道，同埋層次會唔同咗。無論你沖深炒豆或是淺炒豆，都可以調整。到我哋真係飲呢杯咖啡啦，好簡單，佢帶唔出一杯syphon coffee嘅特色。其實佢啲豆炒得咁深，正常都會帶一點點朱古力或者焦糖甜味，二如果用syphon（虹吸

見相片唔差，又想食漢堡，即管試一次，午餐時間都唔滿座，係舒服嘅，不過，入店後一啲咖啡味都無，唔太似佢主打多種專業咖啡店😅食物賣相基本上唔差，但就係家庭式嘅吝嗇材料，變相差咗好貴黑松露意粉，差不多食唔到黑松露味，上枱好香，但係黑椒味，黑松露醬只有尾指甲大少份量，收$78有點騙人了😅如果呢個收平廿蚊係蘑菇白汁意粉會好好多，個白汁都好味，可有3-4星，但宜家只值2星彩椒煙肉味道太健康啦，太清淡，應該可以更好味牛油果夾餅（無記錯的話$48)，牛油果算多，醬汁少但同事都接受少汁乾身，沙律菜都有點醬汁漢堡加錢轉牛肉，醬汁就只有包底少少，無肉汁關係，漢堡太乾，漢堡肉較實，味道濃，可能唔係手打肉，菜都算得上新鮮，不過西生菜賣相唔夠好睇，除咗太乾之外，味道都唔錯。沙律菜有幾滴沙律醬綠茶咖啡，啡味同樣好淡。朱古力奶又係淡，同事甚至話淡過麥記😆以四五十蚊杯真係太貴凍利賓納唔洗廿蚊，夠味相對抵飲😅😁基本味道唔係差唔係難食，如果唔係咁孤寒吝嗇所有味道材料醬汁，其實可以更好，但呢個價就太貴唔值了，尤其咖啡朱古力奶

Walked into this half empty coffee shop at lunch hour with all seated customers already served their meals. Ordered a takeaway large latte for $58 and ended up waiting for 15 minutes when my order was the only one in the kitchen. When I requested for no plastic bag, I was told by the barista that he recommended I keep it because the plastic lid was ill-fitted and that he warned me to be wary when drinking from the cup in case of spillage. I ended up drinking straight from the cup without the lid

有點驚喜. 平常來到cafe 會吃三文治，既然午餐時間來到，今次試下意粉。 新鮮即製，白汁冇漿住啲意粉，適量的黑椒洋葱更香。68蚊幾值推介。配虹吸㗎啡加套餐30蚊，又開始悠閒又忙碌的周末。

鬼佬意粉，川味香辣，港式雞粒，加啲青瓜絲，錦上添花，東西中滋味共冶一爐。這種美食，只有香港才能做得到，值得米芝蓮推介😘加埋店舖入面有多達40種咖啡豆供人選擇，全部用syphon沖煮，每一隻咖啡豆都值得一試，還可以根據自己的口味和咖啡師交流，調整濃度，讚👍

世界各地咖啡豆應有盡有，合共40款由40-60蚊不等如果叫食物，可以以combo 叫價值40蚊既咖啡，如叫60蚊補差價就可以，加奶泡要加5蚊作為咖啡門外漢既我，嚟左幾次開始分辦到自己喜歡既係邊一類咖啡豆每次嚟都十分滿足，比起好多Cafe,用心經營咖啡既專門店令我十分喜愛慢慢尋找到自己最愛既咖啡豆係一個開心既話過種程而lee 間咖啡店就提供左一個方便係學習品味咖啡既好地方食物味道就一般食過漢堡同意粉，意粉比漢堡好兩樣同樣屬味道正常，不過不失如果想要透過食物獲得味蕾的感動，lee間咖啡店可能就幫唔到你啦只對咖啡有期望就對了評分係以咖啡作標準

食物無特別，茶餐廳快餐味道，炒意粉放青瓜，各人喜好吧。咖啡先極品，本人品啡唔叻，但怪味啡真係第一次試到，外貌似朱古力，但其實係一杯焦糖啡，飲唔出焦糖味都算，咖啡味都非常獨特，極限飲兩小口走人！

因為附近嘅cafe都好爆,唯有同朋友入去試試。諗住叫個漢堡食下，睇相嘅時候見到薯角得兩舊，諗住冇咁度叔得兩舊嘅。點知嚟到，送多舊俾我，有3舊！都算啦，食左兩舊薯角諗住留最尾一舊最後食，點知最尾嗰舊食落去係餿臭架！嚇到我馬上lur 出嚟！仲有杯flat white, d奶嘅味又係怪怪地架！朋友食嘅忌廉意粉，就好似cooking cream就咁加意粉，所以”creamy”到不得了！毫不特別，但竟然要90幾蚊！整體體驗十分差，唔會再食！

路過見到無乜人又好似好專業咁有好多咖啡豆揀入到舖就知道環境選址好失敗隔籬天后廟啲香火味飄曬入舖杯咖啡點飲都係香火衣紙味喺度開舖真係無腦嘅水吧部收音機開到鬼練咁大聲，嘈住曬

之前在土瓜灣，今次試新店。老闆非常有heart，超過40 種coffee選擇。一個月都試唔哂。 唔知試邊隻好的話，老闆會介紹。三文治和凍飲都很有水準。Very good iced lemon tea , definitely recommended to tea lovers🍋😊

The coffee is reasonably priced 50 ish dollars, which is about average for the area. I got the cold black coffee and it tasted pleasant, given im not a coffee expert. For those more advanced coffee people they have a ton of choices and seem to sell some coffee appliances. But it's nice little coffee shop to watch the world go by or have a quiet(ish) coffee. Staff were lovely to me too.