茶啡檔

Open Now

Now Closed

我今日約同好友去位於粉嶺聯和墟聯安街47-49號寶昌大樓地舖的 T Cafe 茶啡檔食早餐，小店型式經營，環境舒適，坐得舒服。我點左個 香煎牛扒+忌廉炒蛋+牛油粟米+奶油脆豬包（半件），配上湯迷你火腿通粉，餐飲係凍即磨咖啡；好友點左個 雞扒脆豬包，配羅宋湯迷你火腿通粉，餐飲係熱即磨咖啡。牛扒煎得外脆內嫩，牛味濃郁，忌廉炒蛋好嫩滑，牛油粟米好食，脆豬包好香口；雞扒脆豬包賣相不錯，以漢堡包型式上檯，夾住香口雞扒，洋葱及生菜，好味又好食。

話說好似冇嚟過聯和墟(つд⊂)ｴｰﾝ咁啱經過先發現原來勁多嘢食，而且好多都係小店形式完全選擇困難，最終 unsurprisingly😂就被呢個門口餐牌個蒸魚套餐吸引咗😂 大部分顧客應該都係經常幫襯嘅街坊，見好多個都係，一坐低，餐廳職員已經知佢想食咩🤣 ✿ 王立倉dinner set $76大大條，魚肉雪白嫩滑送例湯，可以揀中湯或者西湯，呢日嘅中湯係沙葛豬骨湯，唔油膩，有兩大舊沙葛😋+$8要埋苦瓜，份量都幾多，質感軟硬適中我鍾意 👍本身都仲有洋蔥、豆豉同蒜粒，好送飯不過下次會想揀清蒸，感覺本身條魚新鮮，簡單清蒸應該已經好好味

今日走入北區到 #粉嶺 #TCafe 嘆返餐 #住家菜 先在聯和墟見人流多菜單款式也多， 走進吃小菜#茶啡檔 裝潢簡潔乾淨樓底極高 毫無壓迫感人流多， 有翻枱， 年輕服務員聰明勤快✅#清蒸王立倉魚 就最划算魚肉嫩滑， 清蒸最能突出魚香質感滑嘟嘟， 火候啱啱好， 不老不鞋沒有魚腥臭味✅#沙嗲金菇肥牛煲 熱騰騰沙嗲味香稠， 不死咸，份量足 肥牛片明顯有醃煮過， 入曬味配個 ✅ #特飲紅荳冰 紅荳成沙，味道不太甜 中和濃郁的餸菜味變成淡淡奶香， 非常推介

最近朋友搬了進粉嶺，今天剛好來找他看看，晚上在附近找看到，看到這間人氣挺高的，就進來試試，想不到有驚喜！美國Prime (慢。煮)牛扒套餐（１７８元）牛扒套餐比想像中的要豐富，跟餐玩有田園沙律和蒜蓉多士。沙律就像凱撒沙律的簡易版，有煙肉，麵包粒和沙律醬。蒜蓉多士亦非常足料，超濃郁的蒜香！而主角牛扒亦不輸蝕，比起部分專門做牛扒的都做得好，經過慢煮吃起來肉嫩多汁，牛肉香味濃郁，帶點油脂香，而且特別是厚切，滿滿的肉感！蕃茄牛肉炒滑蛋（７６元）這個很有家的味道，調味就是陣陣的番茄酸甜，沒有特別加上味道較濃烈的茄膏，再加上大量的牛肉和炒得嫩滑的滑蛋，味道非常下飯，而且份量很足！華田紅豆冰（１０元）／椰汁紅豆冰（１３元）紅豆冰味道挺香甜的，紅豆綿滑，味道偏甜。

茶啡檔（T-Cafe)位於粉嶺聯和墟聯安街47-49號寶昌大廈地下，街坊茶餐廳「茶啡檔」，小店經營。今天早上去到已經見很受街坊歡迎，店員與顧客有說有笑👍👍充滿人情味。餐廳用QR-code 點餐。T-Cafe 價錢實惠非常低食：✅原件香煎豬扒+紐倫堡腸+火腿丹麥多士+迷你通粉+（餐飲）凍即磨咖啡$62✅吉列脆炸魚柳+餐肉+火腿丹麥包迷你通粉+蒜蓉脆豬仔（跟餐）即磨咖啡（熱）$652份早餐大大份，份量足夠，口感豐富。即磨咖啡香滑😀

茶啡檔行過見到好多人，所以我地入去試下入面都坐滿哂，少少逼，上菜快，係無飯家庭好去處💛 菜心炒牛肉 $76+羅宋湯及白飯菜心脆嫩爽口，牛肉軟嫩多汁，口感豐富。調味恰到好處，唔油膩，鹹鮮並重，回味無窮。💛沙嗲金菇肥牛煲 $76+中湯及白飯肥牛肉質鮮嫩多汁，無任何老柴感。煨煮既時間恰到好處，令肉質入口即化。金菇既選擇也很適當，不但口感脆嫩，仲可以吸收湯汁既鮮味，增添左菜餚既層次感。沙嗲既調味料配比拿捏得宜，唔會過於濃郁，恰到好處。價錢：$152 (二人）⭐️⭐️⭐️評分：7.5/10⭐️⭐️⭐️📍茶啡檔 (粉嶺)粉嶺聯和墟聯安街47-49號寶昌大樓地舖

一路以為T-cafe係淨係飲咖啡☕️食蛋糕🍰，原來佢都有好多唔同中餐都西餐食架😆原來佢仲要每日個lunch menu都唔同架喎😙沙嗲雞串配冷烏冬｜$58冷烏冬配上麻醬，最啱咁熱嘅天氣食🔥，加埋青瓜絲🥒非常清新沙嗲雞串肉質好嫩滑，但如果可以多啲沙嗲汁會更好😆煙三文魚All Day｜$68all day係每日都有嘅款式，份量都幾多，有沙律菜🥗、蕃茄🍅、蘑菇🍄、煙三文魚、豬肉腸、粟米🌽同埋蒜蓉豬仔包🧄🥖$68有咁多野食嘅all day真係幾抵食👍煙三文魚都有3大塊😍見到原來好多上左年紀嘅街坊都會落黎幫襯😙，老闆娘都見佢同街坊有傾有講👍服務非常熱情❤️

今次黎到粉嶺，同大家介紹一間街坊茶記 一 T CafeT Cafe 茶啡檔 開業於一玖玖伍年，屹立於粉嶺聯和墟，將近叁拾個年頭，作為聯和墟舊有地標之一，可以話佢見證住聯和墟既變遷亦絕不為過。T Cafe 亦非常有誠意，每日午市都會有九款吾同既選擇(六款中式，三款西式)🌟焗白菌汁雞扒飯 $58飯底炒得夠香，搭配大大塊雞扒、白菌汁、三色芝士，絕對滿足🤤👍🏻📍茶啡檔 T Cafe地址：嶺聯和墟聯安街47-49號寶昌大樓地舖#粉嶺 #茶啡檔 #TCafe #茶記 #留港消費 #支持小店 #覓食粉嶺 #食在粉嶺 #粉嶺食乜好 #為食關注組 #香港美食地圖 #焗白菌汁雞扒飯 #九十後行到邊食到邊#HKIG #HKIGER #HONGKONGFOODIE

今日去粉嶺搵朋友，佢帶我食茶餐廳，又平又好味，緊係嚟試吓！午餐時間好多人食，好受街坊歡迎😍 每日嘅午餐款式都唔同，好有心思～招牌炒飯 $58餐廳推薦！即叫即炒好有鑊氣，米飯粒粒分明，加上豐富配料一齊炒，啖啖滋味😋😋 回味無窮搭上熱騰騰的熱檸蜜，清新酸甜，恰到好處🥰炸雞翼配芝麻醬冷烏冬 $58雞翼超正！外層炸得非常香脆，內裏肉質好嫩滑，仲要每隻都好肥美！😍 冷烏冬質地爽滑，搭配香濃醇厚的芝麻醬，最啱夏天食😆配上香甜嘅凍朱古力好滿足🥤🥰🥰

今次要介紹嘅餐廳，係位於聯和墟既一間經濟實惠嘅街坊食堂❤️。平時晚飯時間都坐無虛席，今次介紹嘅下午茶餐，選擇多，幾十蚊一個，好適合一班學生仔，同老友記👍🏻👍🏻⭐️白菌火腿意粉小朋友必食嘅經典，菇同火腿都多，白汁濃郁掛麵，意粉軟硬適中。上枱時熱辣辣😬，好吸引。👍🏻👍🏻⭐️豬扒脆豬包另一款細路都愛食嘅經典下午茶，豬扒都炸得幾脆，仲有條肥邊，脆口惹味。包就可以再軟熟啲，再加埋沙律醬就完美☺️。

餐廳晚市好旺場 平日夜晚未夠7點 就已經好難搵位見到好多都係熟客 收工唔想煮飯 已將餐廳變成飯堂 非常溫馨既一間餐廳!同樣地想偷懶既我地 ORDER 左2份住家小菜套餐！套餐會送例湯, 中湯/羅宋湯2款都多料又好飲, 前者吾會覺得落左味精 好清甜滋潤， 後者酸甜好開胃!!⭐豉汁涼瓜王立倉王立倉好新鮮!肉質嫩滑，肉厚同好鮮甜! 大大條好抵食! 加入豆豉、薑葱蒜、涼瓜 惹味之餘又帶出埋魚既鮮味 好正!⭐豬潤啫啫雞煲雞件滑 豬潤新鮮爽厚 熱辣辣煲仔上好香好惹味!整體來講 餐廳水準高 食材新鮮而且味道好岩我地，一邊食一邊都見到出左好多份外賣 支持小店!

已經食過好多次 t-cafe 早餐，今次專登影啲相分享😋。牛扒勁大件！煎到剛剛好，咬到又唔會太熟，調味唔錯，濃郁牛味。配菜多選擇，腸仔都有兩款選，我今日配紐倫堡腸。牛油多士唔求其，烘過所以香脆。太陽蛋都煎得好靚。農家米粉係勁好食，今日轉通粉底，可以索埋啲湯😆。非常足料嘅農家，冬菇🍄‍🟫、大粒蝦米🦐、木耳絲、炸菜，全部份量都多，好香，口感又豐富，仲比較健康。😀😀熱奶茶☕都好飲，奶滑茶香，有回甘。

Lunch 同晚飯都食過T cafe下午茶餐牌都幾抵，四十幾有交易今日喺公司早少少出嚟食終於比我趕得切食tea menu喇！！本身四十幾我都冇乜期望點知有驚喜，怪不得聯和墟谷個個推啦塊扒真係有誠意喎，唔頹好過大x樂嗰啲冇肉味淋曬嘅頹扒差得遠講真，豬扒幾厚切，煎得好香意粉都唔差，港式粗身粉粉，略淋唔係瑩光汁，真係有茄蓉㗎！正常人去茶記應該唔會叫牛扒但谷友推介過，我又試吓真係好好食噃！認真！當然唔係頂級幾舊水嗰隻牛但佢煎得靚，加上係有牛味四十幾仲有埋擺盤，乎復何求！我諗下午茶嚟講冇乜邊間抵得過呢度抵我lunch成日幫襯🤭餐飲，ok la夠凍夠涼入心條紙飲管仲幾得意添😄

我今日去粉嶺探好友，順道去位於粉嶺聯和墟聯安街47-49號寶昌大樓地舖的茶啡檔（T Cafe) 食早餐，環境舒適，坐得舒服。我點左個 1002 原件香煎豬扒 $42，配太陽蛋、紐倫堡腸、牛角包 $8（跟餐），餐飲係椰汁紅豆冰 $10（跟餐）；好友點左個 1004 吉列脆炸魚柳 $42，配牛油粟米、忌廉炒蛋、奶油脆豬$8（跟餐），餐飲係凍西洋菜蜜（跟餐）。豬扒煎得香脆有汁，肉質鮮嫩好味；魚柳炸得嫩滑好食，配料豐富好味；2杯餐飲都好好飲。

T CAFE環境舒適，地理位置好近聯和墟巴士總站🙈因為開始接近下午食飯時間，所以人流會比早餐更加多🙈咁我哋就嗌咗兩個餐1）煙三文魚 ALL DAY $55咁就有煙三文魚、沙律菜、牛油栗米、白菌菇紐倫布腸 扒蕃茄、太陽蛋、大大件既牛角包🥐我最鍾意嘅就係煙三文魚同埋腸🥹黎到就食到停唔到口！份量真係都幾多🤣價錢又便宜好值得一試特別係個牛角包！表面好酥香！入面好軟熟重點係趁熱食🥐😍2）白煎雞扒，紐倫堡腸，忌廉炒蛋，奶油脆豬雞扒好入味，切開入邊嫩口🥹忌廉炒蛋好滑😍重點係個奶油脆豬！牛油加煉奶絕配！如果包外皮好脆！ 另外就叫咗兩杯嘢飲一杯咖啡一杯奶茶甜到適中！奶茶茶底都唔錯地點：粉嶺聯和墟聯安街47-49號寶昌大樓地舖