茶啡檔

Open Now

Now Closed

侍應服務態度勁差落左單話要湯三催四請都話黎繄再追問有個態度勁差既侍應話無湯不斷重覆同一句說話 無解釋過就走黎一碟焗豬長通粉乾身到爆蕃茄又燶衣間下次都唔再幫襯 食到一肚氣

今天去試咗呢間T-cafe 入到去位置都多 空曠 坐得都算舒服 之後嗌咗一個蕃茄焗德國腸長通粉。等咗大約十分鐘左右就到啦。都算大碗，最意外係條睇真係好大🤣🤣🤣仲有滿滿既蕃茄好足料！味道唔錯，粉嶺既朋友仔可以去💕💕

星期六一朝早踩單車🚴‍♀️, 入左聯和墟, 快食早餐, 呢個早餐收$38配熱飲。天呀! 咁普通嘅早餐, 佢係用難食黎形容！炸魚柳用好多梳打粉處理過, 紐倫堡腸係又硬又乾, 煎咗擺咗好耐的感覺。火腿冇咩要求...牛油多士都出事!!!! 個包本身好差, 嚟貨用好平嗰啲, 食得出個包本身有添加香味....😝😝😝 （有啲似國產什麼奶素小饅頭嗰陣味, 假到呢) 奶茶都係唔好飲😒有大大大進步空間！千祈唔好星期六黎, 破壞咗美好的周末!

餐廳環境尚算整潔 一入到餐廳員工就即刻過黎比茶比餐牌好有禮貌朋友叫左個印度咖喱牛腩飯 而我就叫左個芝士肉醬千層麵佢個飯好快就到左 我個千層麵應該就因為即叫即整 所以就要等耐少少個咖喱都幾有驚喜， 一般除左正宗咖喱店好少會跟埋塊印度薄餅雖然塊薄餅其實都無咩特別 但係都幾得意咖喱十分惹味 但係d牛腩就略嫌多根左少少不過份量十足 一個女仔真係未必食得曬成個飯。而我個芝士肉醬千層麵就賣相100分係普通茶餐廳入面食到呢個水準既千層麵真係好意外份量望落有d細 但係可能因為d芝士既關係 所以其實都好飽好滿足另外飲品方面我地每人都叫左一杯紫華田（唔記得影相sosad）幾特別幾好飲 有少少紫薯粒粒係入面 幾過癮～下次會再試過！

今晚同個女去搵食，成日揸車都經過T-Cafe門口，今晚就泊係門口食佢啦! 入到去係間茶記，見到佢個牛扒$148 咁抵食，就試一試佢。我食牛扒配薯角，亞女食西班牙豬鞍! 賣相唔錯，見到都會流口水囉! 牛扒7成岩岩好，裡面些小紅，好有牛味，夠淋! 亞女舊豬鞍配意粉，好厚好大件(真係估你唔到)呀!都係好淋，正呀! 認真有西餐廳水準!!GOOD GOOD GOOD! 仲跟一個例湯同飲品，抵呀! 出面食塊牛扒行行地都過$200啦! 樓面亞姐服務就...都係茶記服務啦~ 有問有答，不過不失啦!!推介~~ 下次試埋你D午餐先!!!

一直喜歡這裏的特色小食餐，但繁忙時間人多不易等位，所以有一年沒有來T-Cafe了，今天比較早食午餐，有位，但覺得比以前貴了不少。我們點了一個特色小食餐：豬柳漢堡、蘑菇炒蛋、薯餅，一個西式午餐：煙三文魚野菌長通粉。各款特色小食餐比去年加了幾塊錢，但內涵和份量都少了許多。蘑菇炒蛋炒得香滑美味，餐牌圖片有兩塊薯餅但上桌的只有一塊，雖然少了，整體仍是很好味。煙三文魚野菌長通粉雖然用焗盤上桌，但不是焗的，只是白汁長通粉上面放兩片煙三文魚，三文魚很快就變熟了，分量較少不過很好味。一如既往，這間餐廳十分嘈吵，每桌客人都高聲談話，我們二人來吃飯對面而坐，互相傾談基本都聽不到對方說什麼。另外一點值得一提，就是這間餐廳沒有安排專人派發等位籌和叫等位的人入座，有時進去想拿籌但等了很久都沒有人有空派籌，到有人派籌時四五人一擁而上拿籌，都不知道是誰先誰後，更有人根本沒有拿籌直接走入去自行找座位，店內的服務員一樣照樣招呼，拿了籌的看著乾著急。所以如果要等位拿籌的話，我就會放棄這間餐廳去另一處，這就是我為什麼一整年沒有來的原因。

今日來粉嶺睇完戲，然後搵野食，原本想試一間泰國菜，因為聽講吾錯，點知4點幾去到落左場，唯有去搵其它餐廳填肚。門口幾靚啲字，但入面係好普通港式西餐咁。下午茶時段我叫左滷汁雞翼撈丁：滷水汁吾算太咸，可以講偏淡味，但雞翼滷得好入味，啲麵煮得岩岩好，好爽口，雞翼有5隻豬扒包配薯角：有蕃茄，西生菜，酸青瓜，豬扒中等厚度，偏乾，調味吾差，但亦吾係好好味檸檬茶小甜總括而言，我見客人不停有入尼，證明有一班長期顧客，有吾少熟客，我覺得普普通通啦～

平日lunch有唔少選擇，以今日為例，中餐有五款（44蚊），西餐（51蚊）都有三款，包湯同餐飲。menu都仲有其他野食，但係價錢會貴啲同埋通常要等好耐先有，趕時間唔好叫。平日食飯一時間都幾多人，大部分時候都唔洗點等位，不過要併枱，會有啲迫。今日食香煎豬扒茄茸長通，豬扒好大塊，啖啖肉。醬汁唔咸唔淡味道剛好，仲有新鮮番茄係入面。長通份煮得剛好，唔會太軟。可能今日天氣比較凍，上面黎果時唔夠熱，涼涼地，依度有啲失分。可惜今日湯冇曬，平時老火湯都幾好飲又冇味精。

先講焗豬扒飯先一睇就知係香煎豬扒飯換左飯碟就收多我20蚊但都唔緊要重點係一黎凍既同埋難食到完全不能入口再講個肉醬千層麵基本上味道接受到既但份量令我想起幼稚園的午餐少到一黎我都o左咀我問佢呢個下午茶黎嫁？佢又唔答總結焗豬扒飯我覺得1蚊都唔值但千層麵收40幾我都覺得合理但60就⋯

T Cafe 係粉嶺聯和墟都好有歷史，我搬入黎就開始幫襯，呢二年都少來了，今日興致勃勃專程坐車來回味一下。食材尚算可以，座位舒服，服務就你要無要求個只囉！煙燻蜜糖豬肉腸鮮奶炒蛋 $36豬肉腸皮脆肉質甜甜地，鮮奶炒蛋幾香滑，$36 呢個份量幾抵食，咖啡水準一般喇！脆豬扒配薯角 $36明明餐牌寫薯角上檯竟然係薯條，咁都得😓，不過好彩件豬扒都幾入味算可口喇！凍飲不另收費！西式下午茶選擇👍中式下午茶有客家農家米線同咸雞米線選擇👍

今日下午我們約咗個好朋友去粉嶺聯和墟嘅「T Cafe」飲下午茶！我們叫咗鷄翼撈丁嘅丁麵就煮得腍身咗啲，唔係好彈牙，而且啲醬汁多到好似係湯撈丁咁，至於鷄翼就雖然相當入味，但就好似中咗「化骨綿掌毒」咁，祇要輕輕力一夾起，就會睇到咩叫做「粉身碎骨」，認真嚇人呀！所以肉質就當然會極之「粗嚡」啦！炸魚雜果沙律炸得都幾金黃香脆，炸粉唔算好厚身，魚肉嘅肉質都幾結質彈牙，至於雜果就相當新鮮，唔會好似擺放咗好耐咁！迷你公司三文治個名叫迷你，但出到嚟嘅實物就一啲都唔迷你，因餡料嘅份量相當足料豐富，而且亦都好新鮮熱辣，當中我們最欣賞嘅係鷄蛋，因非常厚身！

外表貌似cafe，咁就諗住入去試下啦，嘩伏黎嘅，原來係茶記🙄算啦，入到去坐低睇個餐牌，樣樣都50蚊以上，咁我以為啲野又真係值呢個價，我就是但叫個海南雞飯食下啦不過一坐低，個呀姐就拎左碗例湯過黎，飲左啖，冇味嘅，又多油，我以為自己飲緊一碗有油嘅水囉🤭最後我同我爸都叫返個呀姐收走碗湯，呀姐仲要好似好質疑咁🙄講返碗飯，真係世紀上最難食！啲雞成陣雪味，又少肉得啲骨，完全係唔值50幾蚊囉。總括黎講，野食唔得、呀姐會比面色你睇，完全係唔值得比50幾蚊囉，50幾蚊我唔好去比貴啲食返幾件壽司？永久blacklist，完。少黎北區嘅唔好食，住北區嘅更應該唔好去食。

琴晚兩口子，簡簡單單去飯堂醫肚，平時我地多數叫US prime steak🐮🐮 $128食😍，今次我地高想試下食羊架🐑🐑！因為上次見到人地食賣相都唔錯👍🏻💪🏼，加上只係$98, 咁抵要試下！🤤🤤😜😜羊架一上抬，賣相果然好吸引！😋😋有成三條骨咁大件，皮脆肉嫩，我地叫咗七成熟，上抬時剛好！平時我怕食羊，因為我怕羊羶味🙊🙊🙊，但呢個唔太羶，本人覺得唔錯！以呢個價錢食到有d 質素嘅羊架，真係唔錯也！

男朋友仔接放工😽😽，兩個🐮魔王又想去据扒🐮🐮🐮😋😋😋⋯⋯又唔想食咁豪💸💸💸💸！我地就會嚟呢間T cafe ！因為只是$128就可以食到有質素嘅美國prime 牛扒🤗😋👍🏻，呢個價錢已經包湯同飲品🍵☕️🍷🍹，仲要係冷熱飲同價！無加一！😽👍🏻💃🏻簡直係抵到爛，呢度係我地兩口子既廉價飯堂呢！😋😋講返塊牛扒，好牛味，火喉剛好，唔會好似出面茶記咁掩到d 肉無晒味，正所謂有圖有真相 ！👍🏻😋

琴日清明節唔使拜山，所以就嚟到聯和墟食個下午茶，猜不到全餐廳滿座😅😅，還要等位等了10分鐘左右有位入座，下午茶餐一律$31至到＄42，冷熱凍飲同價，但分量十足全部都大大份好heavy, 好邪惡！🙊🙈🤣我哋叫咗個炸豬扒包併薯角，薯角炸得不夠香脆，豬扒一向都不錯，但我還是覺得不夠雞扒好！我最愛就係牛油果炸雞扒包，特製嘅沙律醬加牛油果，再加香脆雞扒，麵包係熱同脆的，呢個包簡直係天衣無縫嘅配搭😋😋👍🏻👏🏻今次試咗下午茶餐加＄3試一下華田脆爆，不過不失啦😅😅