嚐仙 (Closed)

今晚早食完晚飯，經過銅鑼灣嚐仙，難得唔洗等位，即刻滿足下甜品胃。叫左個杏仁布甸🍮一號，有芋圓、水蜜桃🍑、椰果。杏仁布甸非常可愛，係兔仔造型，搖下隻碟仲會「鄧鄧」下😂好可愛，未食先加分。布甸食得出隱隱約約既杏仁味，不過淡淡既奶味相較下更為突出。芋圓食落煙韌，有口感。水蜜桃都係水果罐頭既感覺，無咩特別。椰果甜甜地，又係好好咬。嚐仙位置不多，但地方寬敞，坐得都算舒服，甜品款式都較為新穎，感覺唔錯。