嚐仙

Open Now

Now Closed

用左咁耐openrice第一次比分仲要係負評星期四夜晚7點左右去到 鋪頭唔忙 亦冇催落單 只係睇緊menu其中一名男店員幫我落單後問我要咩味雪糕其間並冇指示邊度可以揀於是我就問有咩味可以揀但該名店員用極其惡劣及不耐煩嘅態度指住餐牌並答我 「呢度！」個刻已經心諗做乜L野😓又唔係我催你落單 你自己過尼問 之後仲要串77好啦 到比完錢 佢比個號碼牌我個陣仲要勁悔氣咁講「坐低等」自問已經唔係西客亦冇要求你非常好嘅服務態度但一定唔係要比啲staff兇番轉頭

係元朗雖然已經有好多糖水店但經過Yoho真係想試下呢間嚐仙~今次叫左五色黑糖冰五色黑糖冰- 綠豆•芋圓•仙草•珍珠•薏米我揀左少甜同少冰會細碗少少，但都好足料芋圓煮得岩岩好，唔係好硬又唔係好淋咬開有QQ嘅口感仙䓍都好有味道薏米同綠豆都好好味珍珠應該煮得唔夠耐 有啲硬但整體係幾好的❊落左單唔洗10分鐘就有得攞🤤份量都幾大，好有驚喜！❊嚐仙 (元朗 YOHO MALL I)地址：元朗元龍街9號形點1期1樓1091號舖

🍡五式燒仙草 $59尼度既仙草淨係可以揀常溫或者熱食，冇乜點樣另外加糖，味道會比較淡口一啲，但係對於我呢啲唔係太鍾意食好甜嘅嘢嘅人嚟講就啱晒！！💓💓仲可以喺10款配料入面，任揀五款（注意：唔可以重複揀同一款），我自己就揀咗芋圓、小丸子、芝麻湯圓、珍珠同埋綠豆！超級足料又大碗👍🏻👍🏻！係抵食又好食嘅選擇～如果食完飯過嚟嘅話，兩個人一碗份量啱啱好！推介大家試吓🥰🥰桂花珍珠綠茶拿鐵 加配芝士奶蓋 $43有淡淡嘅桂花味，入口有清新嘅感覺，芝士奶蓋唔算係好重奶味，味道亦都唔會好鹹，珍珠就幾有咬口，不過不失咁啦～

純粹想食個甜品 行過見到有地瓜泥嘅甜品 心心眼左🫣🫣今日去人流唔多 但要等15分鐘先出到餐🥱🥱🍠黃金地瓜泥黑糖凍🍨一球地瓜泥 海量珍珠紅豆同埋黑糖凍 再加啲芋圓 仲有少少冰第一啖食左地瓜泥 陣🍠味出左黎😍😍海量嘅珍珠同紅豆 食極都仲有得食😅仲有少少冰少得可憐 唔知係為左想凍食定係預設有🤔🤔但想要凍嘅感覺又唔係太凍💭個人唔建議加鮮奶油 太搶味 連黑糖凍嘅味都搶走嘛😅😅下次再試下其他系列先🤭🤭

點了招牌仙草、豆花和布丁，口感都不算好吃，布丁感覺就是粉做的，配料的花生很乾不好吃，大豆很甜也有點粗，加價10元的芋泥有一球的大小，綿密但有點乾。空間寬敞，用餐環境還算不錯！

路過Yoho Mall 醒起有朋友住係度即興急call 召喚meetup😆🤣😆🤣😆🤣😆本來諗住搭的士去天空之城食糖水，但又凍又冷最後墻守係Yoho Mall 行晒成個商場行足15mins 搵到有熱糖水♥️💯♥️💯♥️💯生意好到誇張要排隊，但都好快有位入， 豆腐花一早賣晒😭叫咗2碗于圓小丸子，糖水唔太甜同彈牙煙un嘅芋圓岩岩好，如果糖水可以再熱小小就完美，天氣凍暖粒粒嘅糖水食到一半就凍晒😩😩😩

食完飯後，就打算去嚐鮮試下。去到要去cashier 買完野食，再搵位坐。今次叫左3碗4個人share。熱薑湯雙芋豆花 $52芋泥既芋頭味濃，豆花既豆味唔算重，薑味都唔重，而且唔算熱，下面有d珍珠同芋圓，都十分煙韌，芋圓芋頭味唔算重。凍五色豆花 $56雖然叫左凍，但冇諗過佢下面咁多冰，材料豐富。招牌燒仙草 $48我地叫左常溫既仙草，因為又唔想食冰，但熱又會變水，所以叫常溫就最好。仙草味唔算太重，冇甘甘地既感覺。

食完夜晚想同朋友吹多陣水，喺YOHO搵咗間台式甜品店坐低傾多陣。🔴招牌燒仙草 $48滿滿嘅仙草調味甜度適中，唔會好似涼粉太大舊咁中間冇味。中央嘅芋泥非常實淨，𢳂細細啖都食到芋香。芋圓非常有咬口，芋香番薯香充分唔會淡口。珍珠係半透明有黑糖味嗰隻。🔴雙芋仙草奶凍 $45雖然配搭差唔多，但呢度有得自己倒奶油。鍾意奶香嘅人呢款更適合，紅豆亦都非常夾。🏠嚐仙 (元朗)📍元朗元龍街9號形點1期1樓1091號舖

如果說到台式甜品，我最喜歡的就是芋圓！當心思思想吃甜食，見到有芋圓+薑湯就二話不說決定要吃囉！嚐仙就有冬日限定的薑湯系列。🥣薑湯小丸子一號 ($49)這個有芋圓、紅豆和珍珠，全是我喜歡的！薑的味道很濃，紅豆也沒有很甜，喝起來會有點暖胃。煙韌的手工芋圓、帶點軟糯的小丸子，還有Q彈有嚼勁的珍珠，口感也太豐富了吧！🥣薑湯五式豆花 ($60)10款材料中可自選五款，豆花舖面看不到配料。其實選了芋泥、芝麻湯圓、紅腰豆、芋圓、薏仁。豆花的豆味幾濃，但完全沒吃到薑湯的味道 ... 

係Yohomall食完晚飯，行咗陣街，想食甜品就黎咗呢到～❤️五式牛奶冰 $55可以任選五款唔同嘅配料，揀咗芋圓、布丁、仙草、黑糖凍、珍珠。芋圓同珍珠煙靭，有Q彈感。仙草香滑，黑糖凍甜度適中。最鍾意係佢哋嘅布丁，蛋味香濃，好好食。牛奶冰有透心涼咁！份量仲夠兩個人食～呢個甜品好適合夏天熱辣辣食，食完成個人降溫👍🏻

今日叫左杯熱奶茶，點知熱到燙傷個嘴。我超有禮貌地問當值的男服務能否換杯凍的，點知他的態度非常差。他說因為我已經飲左一啖，所以就不能換凍的，說是“公司規定”。試問如果我不是飲左一啖，被燙傷，又點知杯奶茶太燙呢？匪夷所思！那我建議加冰吧，他就肯。但是他說杯野會難飲，結果弄出來杯奶茶超難飲。因為他的態度寸寸貢，要不是他這樣對我講話，我也不會特意問他拿經理的電話投訴。最後我打電話同經理解釋情況後，經理跟我說抱歉並且馬上答應換杯凍的給我，他才肯換。他去沖飲料的時候還諷刺地問“小姐，凍的你會不會嫌太凍啊？”。我跟他說：”你不要整給我了，這麼委屈。“ 他就吩咐其他同事幫我整杯新的。今日真是貼錢買難受，不會再來！

食完飯好想搵間甜品食， 而我特別鍾意食台式甜品，尤其係仙草。 Yoho Town 內有一間台式甜品，主打手工芋泥同仙草。我點了一個招牌燒仙草，材料非常多，入面的芋泥同芋圓煙煙韌韌，非常好味，仲有我喜歡的紅豆，好滿足。朋友叫咗個雙芋仙草奶凍，一樣滋味。

嚐仙，沒有老字號的傳奇故事，來自一位七年級熱血青年西洋劍國手的堅持與執著。 係台灣坐擁8間分店，香港除左元朗分店，係尖沙咀、銅鑼灣等其他地區都設有分店。主打仙草、芋泥、芋圓甜品，後來發展到手搖外帶。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 招牌燒仙草 $48甜品底層鋪滿碎冰，仙草、芋圓、紅豆🫘、珍珠、芋泥球鋪滿冰面，食之前再倒入淡奶，仙草味道有啲似涼粉，芋泥️球食到有芋頭粒，但冇乜芋頭味，三色芋圓均係台灣店手製，再運到香港，食落煙韌有嚼勁，紅豆🫘軟淋而有顆粒感，唔太甜，珍珠煙韌彈牙，整體份量大碗，兩個女仔Share一碗就差唔多，味道唔會太甜，但就冇乜特別，未有回頭既衝動。溫馨提示🫶🏻係商場食加埋冷氣有啲凍🙈，帶件褸仔。- - - - - - - - - - - - - - - - - - - - - - - - - - - - - - - - - - - -——————————————♥———————————————

成日經過周圍都見到有嚐仙，今次行過yoho 又好熱順便可以試試佢。有好多甜品同飲品選擇，芋頭控揀左一款trytry.😋🍠雙芋黑糖凍🍧黑糖凍，鮮奶油，芋泥，芋圓，紅豆，珍珠-芋圓同珍珠煙韌-芋泥泥綿密-紅豆軟淋淋-唔太甜， 可以叧外再落糖漿有室內和室外可以坐，outdoor 都幾chill

🍧五式黑糖冰(芋泥，地瓜泥，紅豆，芋圓，仙草)果日由元朗踩單車去南生圍，運動完經過扛唔住誘惑坐左入去，一向都好中意食呢間熱嘅燒仙草，因為好正宗，唔會好似普通涼粉咁。試下佢個黑糖冰，都無令我失望，夏天食冰當然係透心涼~ 佢個冰本身都淋左少少黑糖，再跟一兜黑糖for你唔夠再落，幾貼心！芋圓夠煙韌，芋泥地瓜泥夠綿密，紅豆軟淋而不爛，仙草就小小似涼粉，可能凍嘅仙草都比較難同熱嘅比較。總括嚟講係好滿意，值得回頭嘅一間台式甜品店(⁎⁍̴̛ᴗ⁍̴̛⁎)