嚐仙

Open Now

Now Closed

一個人睇完戲悶悶地整返碗甜品🍮雙芋仙草奶凍 $45芋圓同地瓜圓口感煙韌，食落有淡淡既蕃薯味同芋頭味👍🏻芋泥夠棉滑紅豆夠淋不會太甜😋份量夠哂大碗如果飯後甜品既話兩個人Share一碗都可以🤗

是日飯後甜品來到元朗新開左排嘅嚐仙，同超高人氣店鮮芋仙一樣都係主打手工芋泥、芋圓，雖然分店無鮮芋仙咁多但係自己幾鍾意食佢個牛奶冰，偶爾口痕都會幫襯下。-🍧五式牛奶冰 $55自選5️⃣款配料牛奶冰，簡左芋圓、地瓜泥、嫩仙草、黑糖凍、小丸子。推薦芋圓同地瓜泥，兩者都好啱我口味😋芋圓煙煙韌韌有咬口唔粉，地瓜泥口感綿密，牛奶冰唔似平時食開日式刨冰/台灣綿綿冰果種入口即融感覺，相對上比較硬同大舊，但係依然無損味道，加埋跟餐細細杯嘅煉奶甜度恰到好處。

正正子👏👏👏呢間係我食過最好味芋丸，先講鮮草凍三個單子幼、滑、嫩👍芋丸充滿芋香同蕃薯香，軟糯煙韌有嚼勁。👏紅豆軟稔芋泥雪糕香軟仲有芋頭粒非常可口。糖水底的鮮草汁同奶香味俱全，真心好食。👍🥣招牌燒鮮草 $48另一碗係朋友嘅五式牛奶冰，五式係自己選擇自己喜歡食材，朋友喜歡芋丸、布甸、鮮草、珍珠同小丸子$55我試了一口布甸😍😍香甜軟滑好吃。這裡用的餐枱具及環境都有點要求，在這裡嘆一碗甜點感覺超值！👏

嚐仙試下呢間位於元朗形點一期既嚐仙先，主打台灣甜品，有我最鍾意嘅芋圓同仙草啊😍五色牛奶冰~$55可以自選五款配料，我揀咗芋泥，芋圓，紅豆，仙草同小丸子，芋圓同小丸子非常煙韌，係我鍾意食嘅口感，上面嗰球，唔係雪糕嚟㗎，係芋泥嚟㗎，好好食，雪花冰都好綿，牛奶味亦都好濃郁😍芋泥西米露鮮奶~$32鍾意芋泥嘅我當然飲呢一個啦，有幾好飲喎，不太甜，西米都幾多架玫瑰烏龍鳳梨~$29朋友話呢個烏龍鳳梨都幾好飲喎，清清地嘅，都係不太甜☺️嚐仙 🏠：元朗元龍街9號形點1期1樓1091號舖☎️：52114724

同朋友食完Dinner 想食甜品過下口癮，朋友未食過嚐仙所以決定帶佢黎試試😂款式選擇多除咗基本芋圓之外，仲有沙冰、仙草同野飲比大家揀，岩哂大家食完飯仲想同朋友仔搵地方傾計既你。✨雙芋仙草奶凍如圖配料非常豐富有芋圓、珍珠、紅豆、仙草同芋泥，並配有鮮奶可以倒落去。倒鮮奶嗰陣終於明點解要放個盤係下面😂因為一倒就滿瀉了，所以餐廳真係唔孤寒。整體黎講都幾好食，因為唔太甜👍🏻珍珠又唔太硬，而我最鍾意就係芋泥🤣口道唔太死甜芋頭味又夠突出.

元朗真係美食天堂2……剛剛食完steaker嗰份all day breakfast同意粉 ，其實個肚都唔係咁飽。講真丫，我正常食量食2碟意粉/all day breakfast 都應該冇咩問題。不過，唔緊要，留肚食甜品。經過yoho mall見到嚐仙，我成日行銅鑼灣都經過，但都未試過堂食，依段時間14:45冇咩人，就衝咗入去試下。刨冰、芋圓之類嘅甜品，係香港我心目中把尺就係「鮮芋仙」、「康瑞甜品」，其實依兩間都幾好，前者抵食夾大件，後者芋圓煙韌有味但野食永遠唔夠凍。而今次我地黎「嚐仙」一行三人各點左三樣甜品/野飲：芋泥紅豆鮮奶（熱）$32夠熱，但Mcdull話佢上次響銅鑼灣店飲好味啲，會有唔同層次嘅紅豆、芋泥，今次麻麻地，pass五色牛奶冰（芋泥、芋圓、小丸子、地瓜泥，仙草）$55賣相正常，芋圓少，但小丸子多到唔想食，芋泥地瓜泥都幾好食唔太甜，啲冰夠奶夠甜，其實都正常，pass芋泥牛奶冰（芋泥醬、紅豆，珍珠）$43外貌協會成員之一嘅我都覺得幾靚，外表討好，打卡一流，但可惜……連最基本嘅冰都做唔好🌚佢真係成舊硬實實嘅冰放落去，痴線，真正有奶有甜味嘅得下面嗰層。你俾幾多煉奶我都冇用啦，舊冰

🍨雙芋仙草奶凍 💵45🍀🍀🍀🍀🍀🍀🍀🍀🍀 入面有珍珠、芋圓、紅豆、仙草、同芋泥，超級足料👍🏻旁邊亦配埋小瓶牛奶🥛，比客人倒落碗芋圓到🤪因爲都幾大碗既關係，落奶既個陣，啲奶同糖水滿瀉左🥲食落唔算好甜，芋圓好煙韌，但珍珠比較腍，欠缺左啲煙韌度，芋泥就一般般，唔算好重芋頭味～☀️整體而言，嚐仙係Yoho mall 入面，一上電梯就搵到，十分方便，環境寬敞，燈光亦好岩影相📸️甜水就ok 既～

我係芋圓控&芋泥控, 依個雙芋仙草奶凍就合哂我心水! 芋圓、地瓜圓煙韌好有口感, 幾好味;仙草凍、珍珠、紅豆正正常常冇特別;芋泥就好淡口, 似原味冇加糖....整體我俾佢 75分

今日食評有✍🏻 嚐仙@yoho mall試食指數⭐️⭐⭐⭐店舖衛生⭐⭐⭐⭐侍應態度⭐️⭐⭐⭐((每項5⭐️為滿分)) ·試過堂食幾次今晚買外賣與家人共享1️⃣烏龍茶奶蓋⭐⭐⭐/5芝味奶蓋係幾好味冇得去少甜都唔太甜👍🏻2️⃣桂花茶椰果⭐⭐⭐/5半甜就真係半甜幾好👍🏻唔似得有啲飲品店走甜都係甜3️⃣黃金地瓜泥豆花⭐️⭐⭐⭐/5配料有地瓜泥、芋圓、珍珠🍡全部配搭得好，加埋個甜度適中的甜湯讚👍🏻4️⃣杏仁布甸二號⭐️⭐⭐⭐/5配料有杏仁布甸、芋圓、紅豆、水蜜桃🍑所有野都好好但甜湯中多咗舊碎冰塊🧊食落唔方便一係俾碎冰一係落冰粒會比較好·外賣每樣加$14樣甜品$169·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

今日食評有✍🏻 嚐仙@yoho malll試食指數⭐️⭐⭐店舖衛生⭐️⭐️⭐侍應態度⭐️⭐⭐((每項5⭐️為滿分)) ·今晚試另一類甜品1️⃣$45/紅豆湯二號(芋泥、珍珠、小丸子)加配紅豆@$6大碗份量夠兩個人食紅豆湯甜度適中紅豆湯再加紅豆係咩玩法😂因為我鍾意食紅豆囉😙·2️⃣$45/小丸子一號(芋圓、紅豆、珍珠)呢碗又偏甜咗少少🤏🏻其他配料都擺得唔靚🙃對上嗰次食「雙芋仙草奶凍」賣相靚好多🥲·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

我很多時候，都喜歡去Yoho嘅嚐仙，亨受一下食甜品嘅滿足感，今日下午亦如是。可惜今日碰啱有位小姐做我張單，就當堂有氣受多過享受！其實我睇嘅中醫，唔俾我食凍嘢，所以我落order個 “五色黑糖冰” 嗰陣，就要求走冰。點知小姐堅持拒絕，話公司規矩無得走冰。之前亦想要兩份仙草，因為只有四欵喜歡嘅選擇，但小姐亦係好誇張咁講: “一定唔得”！我話佢知，其實我食過好多次，之前兩個要求都冇問題。而且之前啲職員都好好，幾次都俾咗多啲水/糖水我，好解渴，唔使乾啃啲芋圓小丸子！但小姐話: “公司係唔可以，所以一定唔會做俾你囉！”小姐見我好堅持，佢話唔想同我鬧交，所以終於肯俾我走冰。原來落單嗰位職員，就係做甜品俾客同一個人。唔知佢係咪故意，今次個甜品，係乾到一滴水都無，我唯有乾啃，好委屈咁食完呢餐！真受氣！今時今日消費，原來消費者有咁多規矩要遵守！其實打開門口做生意，點解唔可以彈性一啲呢？客人食得開心的話，一定會多啲幫襯。下次如果再去，一定要睇清楚輪到邊個職員落單。講真，如果又係呢位 “乜都唔得小姐”，真係要走夾唔抖、唔想再貼錢買難受！

聽講以前yoho mall喜茶嗰個位依家新開咗呢間台式甜品鋪，就嚟咗試吓想講個環境算唔錯，枱之間距離唔算近，但真係幾多人上菜係有店員拎過嚟，唔洗食客自己出去拎，算係值得加分就咁睇份量好似好多，但因為等朋友等咗幾分鐘先開始食，發覺下面冰已經溶曬，淨番食物量好少

今日食評有✍🏻 嚐仙@yoho mall試食指數⭐️⭐️⭐⭐店舖衛生⭐️⭐️⭐⭐侍應態度⭐️⭐⭐((每項5⭐️為滿分)) ·今晚甜品時段去了嚐仙台式嘢1️⃣熱紫米紅豆湯芝麻湯圓⭐️⭐⭐/5($38)呢個就冇乜特別芝麻湯圓冇圖中咁大粒不過$38就冇開錯價👌🏻2️⃣雙芋仙草奶凍⭐️⭐️⭐️⭐/5($45)賣相同相片給一樣👍🏻讚紅豆、芋圓、涼粉、芋泥舖面所有食材配搭得宜份量剛剛好另配上鮮奶代替花奶👍🏻讚·店內衛生👌🏻店員都好勤力送堂食及清理枱面👍🏻·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

元朗呢間喺大型商場內嘅嚐仙環境好舒服，好開揚，有大玻璃，望住出面嘅綠色植物🌵🌻，好清爽怡人，一路食住甜品，傾吓計都幾寫意，唔怕熱仲可以坐室外感受吓大自然氣氛🌴不過就要自己搵位，多人嘅時候都要耐心等候，平日4-5點都差唔多滿座，但落單都快手______________________________🍀🅼🅸🆂🆂 🅻🅸🅾🅽🅽🦁推介🧋招牌燒仙草 $48仙草可以選擇常溫或冷，好滑入口即溶，配埋多種配料：芋泥、三色芋圓、珍珠、紅豆，真係好似正餐咁飽，份量好大，價錢算合理，但未算好特別好出色，中規中矩，略嫌芋泥過硬，食落有少許難度，未能輕易用匙羹切開🧋雙芋熱豆花 $48豆腐花都好滑，配埋多種配料：三色芋圓、芋泥、珍珠、紅豆，珍珠同芋圓煮得唔錯，煙韌又唔會過甜，紅豆好大粒好飽肚，所以加埋一齊恰度好處回頭率：60%普普通通可以一試，當飯後甜品🍮外賣盒連袋加$1______________________________

同朋友響附近食完飯，經過見到嚐仙新開舖頭，決定入去食個飯後甜品🤤🤤🤤$49杏仁布甸一號🐇睇圖片係布丁樣🍮點知上袋係QQ兔仔樣😚可愛い💕碗內有芋圓、椰果🥥、水蜜桃🍑但叫果陣見期間限定，唔知係沙冰底😂我就覺得麻麻地，可能因為我本身唔鍾意椰果同水蜜桃😂更加唔食沙冰$45雙芋仙草奶凍🌱雙芋係芋圓加一大球芋泥😍😍呢度芋圓做得出色，熟透又煙煙韌韌😚咬落唔會實心，好軟糯😋芋泥綿綿粉粉的☺️☺️好香芋頭牛奶味☺️☺️☺️好滿意👍🏻香草唔會苦，滑嘟嘟易入口😋加埋奶精食又係另一種享受🤤紅豆一樣煮至熟透，但又保留一粒粒綿綿口感👍🏻總括而言，呢個價錢食到咁嘅份量係十分抵食👍🏻芋圓出色，店舖尚算闊落，適合三五知己晚後甜品慢慢傾計😋