大欖燒烤

Open Now

Now Closed

燒烤場環境唔錯，都幾乾淨，每場枱都有返d距離唔會太迫，足夠一大班朋友仔玩。到左夜晚佢會有d吊飾開返 同埋把遮都有環境燈，感覺上幾舒服。食物方面就唔算太多，當日過去都有d食物無提供，佢除左燒烤仲可以打埋邊爐。佢一入場就會俾一個大圓鐵網同打邊爐用既鍋俾大家，如果要拮住燒就要問佢拎燒烤叉。服務既話，係燒烤區幫手起爐既叔叔服務好好，一叫佢過黎幫手就好快過黎，相反夾野食個邊既職員就麻麻，問佢野唔係好想答，講野又無尾音。

裝修後重開，環境OK啱一大班人gathering 雞翼多款唔錯都嫩，牛就麻麻哋基本嘢都有，望落都多款啲丸都OK，仲有紅腸餐肉方包法包可以搽蜜糖蒜蓉有個爐仔可以擺埋落個網度當打邊爐但係得菜同埋麵嘢飲除咗汽水仲有蘋果綠橙汁青檸水有雪條同埋沙冰機可以DIY

琴晚同一班朋友三五知己去屯門大欖燒烤場燒烤！Halloween後一天帶埋小朋友👦🏻 派糖，一早喺網站book咗位，每位大人188, 100 cm以下嘅小朋友免費，小朋友就自備餐具啦！有BB餐椅👍🏻性價比幾高⭐️⭐️⭐️⭐️⭐️食物種類豐富，基本上所有肉類都有滿足晒食肉獸嘅要求（我）火爐中間仲可以打邊爐🍲非常啱小朋友食啊！打邊爐食材都好豐富蔬菜面類齊全，湯底係豬骨湯底，可以加其他醬料搭配！場內仲有啤酒吧，特定時間都會有啤酒試飲真係surprise ～環境⭐️⭐️⭐️⭐️⭐️裝修完之後第一次嚟，環境闊落咗好多！啱晒小朋友跑跑跳跳～場內一片綠色草地，有小朋友自備球類活動。天上嘅燈光好似星星咁！非常浪漫～風扇設備同埋廁所設施都非常乾淨！周圍都有大型風扇👍🏻冇噴蚊怕水都完全冇俾蚊咬！場內設有兩部小遊戲機$10一局，啱晒小朋友飯後活動！

之前成日去大欖呢度bbq點知有排突然close左好彩最近又重開返襯住開始有啲涼意就約朋友黎燒野食❤️呢度有重新裝修過地下鋪過 爐都全部換曬二合一真係懶人福音😂😂😂😂飲品變左有幾款汽水同果汁係可以無限暢飲仲有茶包可以沖岩曬唔同人士食物方面選擇多左淨係雞翼已經有六款味道仲有不同肉類，丸，菜我個人最鐘意食咗豬頸肉❤️麵類都有幾款個爐依家咁設計真係好方便中間個煲可以打埋邊爐tim不過個火好猛 比較易燒燶

今日嚟到大欖嘅燒烤場，上網見到佢係重新裝修過，地理位置都OK，有唔同嘅巴士，落車後行5分鐘就到達場地😆呢個燒烤場會幫你起爐，比起出面有啲燒烤場自己起爐方便，同埋佢有包埋個架比你放食物上去😝而且中間仲可以打邊爐！我諗冬天嚟會更加正 🍲食物區都非常乾淨，我見到職員都不停會清潔，主要都係以雞翼雞扒豬扒燉肉類同埋大量嘅丸類，肉類味道正常，反而食得出佢嘅丸類係高質嘅！有時燒烤場啲丸都幾難食🤣重點係廁所都好乾淨 冬天我會再黎

開始有d涼意，星期二收工想bbq就試下呢個場😊 環境真心好正好chill，爐與爐之間距離好闊，地下佈咗假草好靚又好乾淨，整齊又光猛，地方仲好乾淨添，日頭同晚上影相打咭都真係好靚👍 枱面網燒bbq 中間又可以打邊爐，枱邊夠位放小碗同快子真係幾方便，燒嘢食到乾乾地時，滾返個菜，金菇等濕濕地平衡一下都幾好👍係枱面燒烤同打邊爐，個地下都好乾淨唔會踩到d 鞋底有蜜糖痴痴笠笠👍比完入場費就帶餐具用品去選爐，嘢飲方面係汽水機出汽水綠茶，亦有水機出冷熱水，可能係平日關係食物方面覺得種類偏少，數量都不多， 加上剛開爐火勢很猛，食物放底落網好快就燶咗，很難控制，眼明手快要同個猛火鬥快咁😑 要燒到炭火細返才能唔再燶😅

餐具按你人數限你，碗、筷子跌左要攞張單去攞過一套，想要個大啲既盆裝食物都冇。攞個時好似當你小偷咁，小朋友手腳論盡跌左兩套，去攞多套仲話要比兩蚊，驚你偷野咁。（仲要你攞個跌左既餐具去換。）汽水唔凍，格離有冰櫃，打開啲冰溶溶地，唔敢比小朋友飲。野食就普通燒烤店啲肉囉，唔係因為屋企人就腳同中秋唔想霸爐，以後唔會再去。綿花糖35 蚊一包，我冇買，唔知自己帶入場得唔得。爐唔好揀最出面，行好遠先到個自助水吧，未去過啲咁既場，同我計兩蚊個紙杯。

今日悶悶地揸車嚟到屯門食燒烤， 超平， 二百幾蚊就可以食成日， 第一樣嘢梗係燒啲雞翼同埋雞件， 消耗之後食落去甜甜地爆汁， 然後又燒咗咖哩魷魚， 有咖哩味之餘仲好爽口彈牙， 燒咗陣悶悶地隔離仲有籃球場， 可以打陣波再返嚟繼續食真係又方便又抵食阿!

呢日黎到大欖呢度BBQ, 呢度其實都算方便, 好多車可以到屯門公路轉車站再行大約12分鐘就到~ 我地呢日黎個陣冇落雨, 但燒燒下個陣落大雨, 不過佢有帳篷, 所以都唔駛擔心燒唔到~ 呢度主要有分3個價錢分別住日間、夜間同全日BBQ 價錢, 咁當然星期六日同公眾假期又會貴少少~ 我地要左日間BBQ, 因為都食唔到全日, 志在燒下野食玩下~ 估佢唔到呢度又有得打邊爐,又有得燒野食,佢D 炭就放左係隔離, 隨時任加~ 而打邊爐既話係拎野食個度已經有湯同煲可以拎埋黎打! 呢度仲有BB櫈提供, 一班朋友一家人黎就岩哂! 食物方面都有唔少選擇, 佢有任食任飲, 有氣水同水任裝,但罐裝同枝裝飲品就要另外俾錢, 食物種類都有唔少, 岩哂唔同人口味! 值得推薦!

大欖燒烤 - 任食自助燒烤今日介紹一間位於屯門嘅燒烤場，場地大，設備齊全亦都新淨，一個價錢就可以任食燒烤，同朋友家人嘅一個好聚腳地方。午市自助燒烤 $168/位一個價錢，就可以由晏晝2:00食到5:30，所有爐具、餐具、炭都會幫你準備埋，起爐都係，一站式嘅服務，仲有帳篷，唔怕天雨影響。每張燒烤枱都設有燒烤網，中央仲可以放置火鍋嘅湯鍋，燒烤食材一應俱全，豬、牛、雞、火鍋丸類包羅萬有。地址: 屯門大欖涌村385地段

好開心，今日可以同朋友一齊去BBQ😍😍 恨左去BBQ好耐啦🤣 終於約到成班人一齊去，仲要勁近我喺屯門大欖嗰一邊，車嚟講嘅話呢K51或者係去到屯門轉車站落車行12分鐘左右就會到😎😎👍 所以對於屯門嘅我嚟講非常之方便🤣 其實我都係第一次去大欖燒烤🍗 本身以為都係要用燒烤叉去BBQ，點知呢度嘅圍爐係勁靚，佢又燒烤望中間仲可以打邊爐😍😍👍 一物兩用滿足晒我打邊爐同BBQ嘅願望👍 另外飲品方面嘅話佢都會有自助汽水機可以免費飲斟一啲汽水👍 肉類方面嘅話雞牛豬都係基本，雞翼嘅話佢仲會有四種口味😎😎 啱晒鍾意食雞翼嘅我🤣🤣 同埋豬頸肉都有另外佢亦都會有打邊爐嘅食物，佢係豬骨湯底，仲有一啲麵係俾你用嚟打邊爐食用，亦都會有一啲蔬菜例如蕃茄生菜，粟米等等你可以加入去打邊爐🥬🥬😎👍地址：大欖燒烤 (屯門)屯門大欖涌村385地段

復活節假期尾聲，一家人相約屯門親友到大欖燒烤。起初覺得路程遙遠，但經親友指點路線後，感覺都不是太遠，下車後步行7分鐘便到，都算方便。服務：屯門比較遙遠，相對價錢比外邊的燒烤場便宜。入場費已包目助飲品吧、食物、蜜糖、膠手套，膠袋、廁紙、餐具和鐵夾等。有專人開爐，職員都算友善。環境：燒烤場的環境不算太大，燒烤爐很特別（其實是一張燒烤桌子）燒烤桌中間可擺放食物在燒烤架上燒烤，又可以用燒烤叉叉着食物燒，悉隨尊便。燒烤場中間還可擺放火鍋爐，燒烤之餘還可以吃火鍋。整體環境十分乾淨。食物：有一間冷氣房專放着食物和飲品。種類算多元化。有牛扒、雞扒、豬扒、腸仔、肉丸、漢堡扒、多春魚、粟米、茄子、叉燒粒、金沙骨、甜辣雞扒、金沙骨、咖喱魷魚、墨魚仔、蔬菜及麵包等。單是雞翼已經有5-6款，如椒鹽、蒜蓉、土匪、四川麻辣、孜然味。食物都醃得非常惹味。我們還煮了多印尼撈麵呢！還有特色格仔餅！飲品：一般既任燒BBQ場都只是1支水和1罐飲品。這裏汽水和水任自由斟，其他罐裝飲品、啤酒、雪條雪糕可自由購買，選擇非常之多。總括來說，去過很多的燒烤場，也很久沒有去燒烤場燒嘢食了。這裏標榜港式燒烤，食物、環境、配套都不錯，實在是

復活節假期，仲有少小涼意，當然最後就係燒嘢食啦！俾我搵到一間又平地方又乾淨嘅燒烤場！😆😆交通都算方便，有巴士到，落車行10分鐘左右！好方便👍🏻👍🏻去到買飛，職員會根據人頭提供紙杯、紙碟、筷子俾我哋，之後自己揀個位，職員就會幫我哋開爐啦！😊😊燒烤食物都好多選擇，我私心推介牛仔骨，燒完好好食🤤🤤encore咗幾次！另外燒雞翼一定冇走雞！燒雞翼我最鍾意食😂😂食物調味啱啱好，唔會過鹹！👍🏻👍🏻另外要讚嘅係，中間可以擺火鍋，小朋友老人家唔使食得咁熱氣，方便又快熟！抵讚👍🏻👍🏻有少少兒童設施，要另外收費

以前好怕去燒嘢食🍢 因為覺得要燒到天荒地老都未燒得熟 🥹當反轉以為熟既時候，點知又燶9哂🙄TLCBBQ喱度設有專屬超大燒烤桌， 可以一邊打邊爐一邊燒嘢食 😁更舒適的燒烤環境。燒烤食物由自家工場新鮮醃製，秘製叉燒粒，香茅豬扒，美國黑椒牛扒，咖哩魷魚， 蜜汁金沙骨， 豬腩肉， 秘製蝴蝶雞全翼 ，韓式甜辣雞扒 ，魚露雞中翼 ，椒鹽雞中翼 ，麻婆豆腐雞中翼， 蒜蓉雞中翼 ，日式照燒雞扒 ，豬頸肉 ，麻辣雞中翼 ，土匪雞中翼，龍蝦味沙拉丸， 泰式魚餅，日式鯖魚 ，甜粟米雞肉腸 ，煙肉漢堡扒， 煙鴨胸多春魚， 種類繁多🥹大欖燒烤📍屯門大欖涌村385地段☎️26131811#大欖燒烤 #大欖 #大尾篤 #大埔 #港燒 #燒烤 #港式燒烤 #美食 #香港美食 #屯門美食 #大埔美食 #屯門友 #大埔友 #龍友 #loong友 #BBQ #任食 #任燒 #燶9 #燶喇 #loong #loongla #陳法蓉 #龍九 #kowloon #kowloong

✨港式燒烤全日任食一個價錢可以燒足全日 另加開爐費唔玩足全日 有日間或夜間選擇會平少少包左任飲汽水機 另有兩張飛可換飲品可以揀$10以下嘅飲品 或補差價飲其他嘢食物種類有基本肉類 腸仔丸類等選擇都幾少下 全部食物都唔夠入味雞翼 好細隻 唔夠入味 有幾隻味但冇食落分別牛扒肉質乾柴 丸類有部份都未解好凍 午餐肉極粉 連腸仔都唔好食😩真係攞咗兩轉嘢之後就冇乜嘢想再攞了以下幾款已經係當中比較推介雞扒厚肉容易燒夠穩陣 金沙骨算比較入味方包同法包 可以自取蒜蓉同牛油整蒜蓉包我地當日食得最多係蒜蓉包😅另外比較特別 係有個野炊小吊鍋可以烚蔬菜同淥麵食 有啲菜食吓都幾好✨ 炭烤BB豬另外加左隻乳豬 需提前預訂乳豬交到我地手 已有八成熟左右 我地只需要將皮燒到脆身就食得但要燒到均勻 所需時間都唔少乳豬 唔算好好肉 少少偏肥醃得唔入味 成隻豬係冇乜調味😩皮脆但略硬 唔夠鬆化 肉質軟腍 帶油香 建議大家真係可以唔使嘥錢總結：食物質素麻麻 種類又少 環境唔錯 闊落舒服 唯一嘅優點服務好一般 由訂乳豬開始到燒嘢食當日都係麻麻地 首先訂乳豬好快覆 當比完錢就冇回應 要追問係咪已經成功訂到先有回應 感覺已經扣晒分 到