Video
Introduction
With the theme of 60s & 70s Hong Kong, Table Seven x W. Burger Food Truck serves fusion dishes like sorrowful hamburger, HK style pork neck panini and roaster suckling pig bagel.
continue reading
Above information is for reference only. Please check details with the restaurant.
Signature Dishes
今日是去迪迪尼酒店住一晚慶祝女朋友生日，知道迪迪尼有車仔檔位，所以走去一睇有甚麼車仔檔一試，去到有兩架車仔檔，最後決定食這間。其實一睇都覺幾貴的，不過有感新鮮感，而且知道車仔檔生存艱難，就一試睇下如何，我們只叫了一樣，因為一會就會食晚餐，這就當食下午茶吧。用菠蘿包做漢堡都是第一次見，再加上穀飼豬柳，蛋，連同包裝和環境，其實是無可能一口咬晒，所以最後是分開食，包，蛋，豬柳。。。違背食漢堡的食法。菠蘿包脆口，豬柳厚“實”，有咬口，醬汁好味，因為分開食，變相失去特色，有點失望。當然70元有點貴，但有飽肚感，味道一般，如果包裝有助個漢堡可以一口食晒包同餡就好，有待改善。
continue reading
早排帶個女去星光大道行下，見到薯片叔叔大力推介既美食車，就過去睇下有咩食啦，下午茶時間，老公表示餓啦，我地襯左佢地一個黯然銷魂堡，$70連埋飲品，都幾貴喎！呢個黯然銷魂堡又唔係浪得虛名喎，首先，包是菠蘿包皮，好有親切感，呢隻脆過一般菠蘿包好多，咬完仲有脆脆的皮跌落地！之後有好大件叉燒，我覺得是瘦叉，因為完全沒有肥肉，叉燒汁好特別，甜甜的，仲好juicy，一邊咬，汁一邊滴。隻蛋我都幾欣賞架，是流心蛋，一咬d蛋漿就必出黎，有d當然食左啦，有好多流左落其餘的包中，加重左味道！另外一個正既地方，就係洋蔥，洋蔥好林，仲帶有洋蔥汁，同叉燒汁一樣咁juicy！雖然要$70，但係味道取勝，起碼我會覺得是值得的！如果唔要野飲平$2，咁要唔要先？
continue reading
又係要自己一個食孤獨Lunch既時候，個腦實晒完全諗唔到食咩先好。突然有個朋友facebook tag我去食黯然銷魂漢堡，喺正我公司附近，去試吓新事物先😊車入邊有兩個男仔整嘢食，我叫咗黯然銷魂漢堡加熱朱古力，等既期間主動提議比咗杯朱古力我先，可能佢feel到我喺度打緊冷震，俾我可以暖吓手先👍講返重點先，黯然銷魂包賣相好正佢好好食，真係好好食！菠蘿包表皮脆卜卜，入邊仲有一塊厚厚既叉燒，肥瘦適中、再加上一隻蛋😊美麗的太陽蛋！一咬落去啲蛋黃流到我一手都係，請準備紙巾standby 😎定價$68真係貴咗少少，但係值得試既😊👍
continue reading
今日行過中環海濱長廊終於見到美食車喇😍😍雖然推行咗一段時間，可惜都未見過真身不過去到既時候都等咗一陣先開，下就黎就好d「黯然銷魂菠蘿包」個名咁特色冇理由唔試下😂個包份量都算大，如果一個人絕對可以當做lunch👍🏼👍🏼最上面有鬆軟既菠蘿包皮，之後係接近全熟既蛋再下面係叉燒，肉質夠林，而且味道啱啱好唔會太咸，最抵讚係半肥瘦既肉，my favourite😋😋價錢方面，我就覺得比較貴，$78 (可另加$2要汽水)
continue reading
第一次接觸Foodtruck是去美國旅行, 那裡的Foodtruck很多特色食物, 有固定地方Foodtruck, 亦有要在facebook追蹤才找到的foodtruck. 大都是由一架貨櫃車改裝到裡面有製造食物的設備, 多得薯片叔叔引入foodtruck(其實是進化版的流動小販車仔), 現在也可在香港吃到這特色. 今天來到牛頭角站附近的觀塘海濱公園找七桌子. 黯然銷魂漢堡 $68 現點現做的Burger選用了大家熟悉的菠蘿包面, 咬落奇脆無比; 逐層看看有太陽蛋, 超厚叉燒, 切片蕃茄, 然後以生菜墊底, 細心地插上粗扁身竹籤固定包身. 這個重量級burger吃上來少不免有點messy, 好在burger放在紙盒中不會浪費食物, 吃時不要拿走固定的竹籤呢, 那塊叉燒很值得一讚就是它的厚度足足1cm, 醃得入味之餘生熟度也控制得很準確, 每啖都是肉, 肉質tender得非常容易咬開.乳豬Bagel $60 平日吃乳豬的機會大多數飲宴才有, 誰會無啦啦買隻乳豬回家當晚餐？見到板上寫了乳豬bagel, 實在要一試, 橫切bagel, 由下至上鋪上生菜絲, 掃上甜甜乳豬醬, 再放進燒乳豬連皮的肉, 非常重本, 乳豬皮咬下去是超Crispy的! 那附在肉片上的點點脂肪正好給生菜來個平衡. Bagel是硬了一點, 但這才可以夾得穩乳豬片.新開張期間送了兩罐汽水, 食物很用心準備, 值得follow行蹤.
continue reading