泰昌餅家 (港鐵青衣站)

Open Now

Now Closed

今日行過唔覺意見到斑蘭芝士蛋糕特價$28,原價$38已經好平，而家仲要平多$10,忍唔住買黎試下一心抱住咁平應該唔好食既心態，點知真係唔錯，估唔到！首先個蛋糕好有重量，質地好濕潤，可能有人會覺得太濕，但我本身就中意比較濕既質感，所以覺得好正呀。。而且好綿密，沒有打入過多空氣，所以一整個很重身，斑蘭味清香，其實即係好似椰子味，而斑蘭同芝士味兩者味道又不會互搶呢個價錢真心好抵食，性價比極高！

Had a visit from a friend and whenever she visits, she always gets eggtarts and Chinese donuts from Tai Cheong.★☆★☆★☆★☆★☆★☆★☆★☆★☆★☆★☆★Chinese donut:The donut was very airy inside not like the western donuts and the inside was interestingly soggy and cold.The donut exterior was like a huge choux bun and crispy coated in sugar.At first I thought the dampness of the dough was the frying oil, but it was not.The donut is big but when you bite into it, it is actually like a sponge and compresses. The

我有個非常精靈又饞嘴的外婆，每星期總要花心思買些東西氹她開心。前陣子因為新買了一台麵包機，外婆便迷上了手造的麵包和果醬，可是轉眼還未夠兩個月，她竟對我說已經很悶了，叫我買別的，真是有點想暈倒。是日經過青衣城的泰昌餅家，想起他們馳名的蛋撻，禁不住停下腳步，排隊買了幾個回來。雖然不是剛出爐狀態，不過仍然是熱烘烘的。因為有外賣盒比較好帶走，於是問店員要買幾個才有盒，店員回覆說五個。為什麼是五個呢? 沒有深究，買了五個就走。將蛋撻從錫紙盤敲出來，感覺整件蛋撻很聚手，底部的曲奇皮特別薄，彷彿隨時會散開似的。內裡凝固的蛋漿有一寸厚，咬一口又彈又滑，雖有蛋香但不會太甜。曲奇皮不像酥皮油膩，感覺比較健康，口感依然鬆軟，有淡淡牛油香。五蚊便能換到外婆滿足的笑臉，很值得。

蛋撻沒以往在擺花街老店那般美味，是不爭的事實，多年前它開幕時都不是太美味的了。迷你雞批 外皮薄脆，不油不膩，外賣取走當然回暖，叮一會兒仍然美味、多餡，叉燒餡可能比pie&tart更多，pie&tart的「肉類tart」大多都是「掛名」，內裏肉餡極少，而泰昌的雞批，餡多、豐富肉汁，皮薄鬆脆。茶果，紅豆／眉豆餡還是多的，但皮也極之厚，死實實，沒有特別好感，只是肚子餓時可以醫一醫肚的小吃吧。

每次經過中環擺花街，我也會想起泰昌，雖然現在的擺花街仍設有一間泰昌餅家，不過已不在那些年的舊舖位上了。若不是因舊有舖位的業主瘋狂加租，引起記者們將泰昌的背景進行大搜查，再旋即作出了多翻報導，就這樣作風低調的老餅家，就因為末代港督 — 肥彭以前也經常惠顧的緣故，一下子觸動了眾多香港人的神經！自從泰昌搬進了擺花街的新舖後，印象中只惠顧了一、兩次，不知怎的總覺跟以前在舊舖的泰昌已不同了。當天在青衣吃過午飯，返回港鐵站，發現久違了的泰昌，老公提議一試。提著這個新設計的餅盒回到家中，以前餅盒的模樣較為古老。仍舊買了我們以前至愛的蛋撻與沙翁。沙翁一大、一小，看來外表沒有什麼變化。將大的沙翁撕開，內裡明顯有著大大的空洞，以前茂密富張力的小洞子卻不翼而飛了。入口質感當然較為鬆散，蛋香亦欠奉，有點濕濕的，完全不是泰昌沙翁舊有的本色。仍記得以前中午經過泰昌，還有一絲希望可買到沙翁，下班後是沒可能的了。小的沙翁，質感較大的細密，不過味道仍是差強人意！現在的泰昌備有酥皮蛋撻的選擇，不過那些年的時候則只有 Cookie 皮一款。仍保留舊有的 Cookie 皮蛋撻。酥皮不算很鬆化，介乎酥皮與 Cookie 皮之間

也有訓過龍的時候，如這天趕著赴會，也沒有時間吃午餐於是就拿拿臨買見酥皮撻當早午餐，撻皮尚算酥，但蛋不夠滑，總覺得從前的味道較好，三啖用兩啖吞下，總算在入閘前完成這速食。

2-1-2012(Mon)同男友去完挪亞方舟回程,去到青衣城o係Bento Express買完o野又行經呢間又睇睇,見有男友上次o係北區花卉動物展,冇買到o既龍鬚糖,就買一盒,呢o度要$15.00.然後又望到$9.00一盒o既椰蓉花生酥,呢兩樣都o岩我o地同爸爸吧.再行入啲又見到$10.00四個o既雪藏流心奶皇包,不過原來呢個係稻香做o既,咁呢個流心奶皇包食評應該寫畀稻香定泰昌 返到屋企食完飯同Bento Express o既朱古力慕斯後,冇可能再食泰昌o既o野,於是先收好食物.到3-1-2012(Tue)朝早,男友竟然都一早起身,咁佢想陪我食早餐,就不如一人一個流心奶皇包同食麥片做早餐啦. 我依照指示先煲滾水後蒸5分鐘,拎出o黎好軟熟,食吓先,奶黃餡好熱,而且真係流心,味道唔太甜,皮唔係好厚,而成個size適中,唔會太飽太滯,都幾好喎. 味道: 4.5分 而夜晚食完飯,就忌唔住要試另外兩樣,先試椰蓉花生酥,食落口香脆,食到適當o既芝麻同花生味,呢種花生酥一定有砂糖o既甜同黐牙,泰昌係做到,亦幸好我食唔到椰子味,但佢寫明係椰蓉花生酥,雖然o岩我口味,但就唔對名啊. 味道: 5分 之後到

朕認為一個好吃的蛋撻，只要是新鮮出爐，蛋夠滑溜就已經是無敵，叫誰都歡喜。新鮮出爐蛋撻與放涼了的分別，就妨如近日受「鹹豬咀」襲擊的某𡃁模化行妝與素顏開記招的分別一樣，完全是兩回事。。。若大路分辨的話，蛋撻一般可分為曲奇皮及酥皮。曲奇皮的牛油味重及較香脆，口感像吃餅乾；酥皮的則多是用豬油搓成，口感較鬆化，各有捧場客。曲奇皮界 - 泰昌這「肥彭蛋撻」總店為於中環擺花街，早年因為租金上漲而暫停營業，怎知現在分店愈開愈多，港九新界都有，看來賣蛋撻也頗好賺呵。朕喜歡「泰昌」的撻皮不會過硬，香脆又鬆化，蛋心做得滑又有點流心效果，味道不太甜，賣 $5 / 個也算值。是日吃的是青衣分店出品，不知是否心理作用，始終覺得總店的較好吃。

放左學，唔知點解覺得有點空虛。所以食小小甜野黎慰藉心靈都係一個唔錯既選擇，唔知點解呢刻就會想起食蛋撻。因為熱量比較高之餘，同埋會飽肚小小。不過，$4.5一個又真係貴左小小。算啦，都係餵飽自已既空虛姐。蛋撻因為真係有小小肚餓，所以就買左兩個蛋撻食。分別係傳統既酥皮蛋撻同曲奇皮蛋撻，兩種蛋撻都各有特色。個酥皮蛋撻入口鬆化相當，食落個酥皮都有好多層厚。呢個酥皮蛋撻既蛋味都幾濃，食落唔會覺得太甜。最少，我既空虛已經俾佢填補左一半。另外，仲有個曲奇皮蛋撻。呢個都算唔錯，個蛋撻皮真係同食曲奇沒有兩樣。最少，食落真係好脆，個感覺都唔錯既。而且，個蛋撻既蛋同之前既蛋撻一樣咁好食。兩個蛋撻既蛋都好滑，都唔會話有好粗鞋既感覺。食落都覺得個蛋係好滑同好香。就係咁，個心靈既空虛俾兩個蛋撻所填補左。雖然$4.5一個蛋撻真係貴左小小，但食完之後仲有一啖啖既滿足，已經足夠啦。

今日(8-9-2010 Wed)老闆娘o係lunch time返工,佢竟然o係o度買o左啲糕點畀我o地同auditor食,佢話佢買晒咁多款返o黎畀我o地揀,到我o既時候我穩陣啲,揀男友至愛紅豆糕.一個都唔係好大件,唔影相食lu,食落,不單止唔甜,重覺得苦苦地,重似有藥材味,紅豆未到夠腍o既程度.雖則o衣o家興甜品都唔好太甜,但呢個真係一啲啲甜味都冇,咁究竟我係食甜品定藥材? 雖然我唔使畀錢,但應該唔平同唔抵食.

方才的烏冬只吃了十分一，胃納不好，也真的吃不下去，心悔意冷，要找些甜的味道彌補心靈損失。最簡單快捷方式，是吃件甜口蛋撻，一來當甜品，二來有些熱量下肚，否則空著肚子落水幾難受的，是日酥皮達售罄，牛油撻非新鮮出爐，不過吃起來蛋滑而皮夠香，$4.5／件，很貴，但質素不錯，最難得是保持到水準，是間做得不錯的連鎖撻店。

呢日路過青衣城，見有熱辣辣既蛋撻食。我就即刻買左黎食，結果真係無令我失望。曲奇皮既蛋撻真係好脆口，比酥皮蛋撻更好食。蛋撻係好新鮮熱辣，最吸引既莫過於係個曲奇皮。真係好脆口，而且食完都唔會覺得好滯。而且好有蛋味，真係好正。如果下次路過係新鮮出爐，我都會忍唔住買黎食。其實都唔平架，1個都四個半。不過唔係成日食，都無乜所謂啦。

三月上旬路過幾次，也買了幾次蛋撻在回家途中「走吃」。這裡做法是連外賣托罩跟撻一起賣走，也是收$4.5／件的原因之一吧，值得一讚是傳統皮撻吃起來夠熱，皮不算厚，偶爾也會吃上又鬆又脆的演繹，但牛油香度反不及樓下麵包店新鮮出品，是市場口味之顧吧，脆皮撻加上甜蛋，由細吃到大，在街邊嗅到出爐撻的味道，是不能抗拒的。

黃昏歸家途中…有D肚餓, 腦裏就閃起個”食”字…又睇下商場有咩即食的可買…泰昌o既熱騰騰蛋撻固然好味…但又見蛋撻隔離放住盆雞批播…雞批又係我至愛, 吾知味道又如何呢??...$7.5一個…又試試吖…個酥皮同佢地做o既蛋撻皮一樣, 都冇乜好挑剔!!...夠酥又鬆!!...好好!!...裏面亦見大大粒雞肉…白汁做得挺好味!!...唯一就係佢地落左急凍蔬菜雜豆 – 即有青豆、粟米粒同甘筍粒…顏色就豐富左…不過, 因為雞吾屬於味濃o既肉類…蔬菜雜豆會有D搶味!!...個人認為吾放仲好呢!!!

以我這個縱橫擺花街老店之顧客, 青衣城這新開, 摩登新店, 與老店相比, 可謂高下立見.當然還是吃蛋撻.蛋撻, 外皮總算不過不失, 可能沒有放很久, 外皮還是脆脆的.但蛋, 這兒的全沒震盪感覺. 亦沒有燙手之觸感.吃下, 只像街邊普通貨色. 沒有告訴你是泰昌的話, 應不會有太大回響.還是老店的最佳.p.s. 之前買過龍鬚糖給小豬兒反而很好吃