泰昌餅家 (港鐵青衣站)

Open Now

Now Closed

今日去青衣城攞鞋，咁啱經過泰昌餅家，連前港督都大讚，當然要買返幾個蛋撻返屋企。我自己鍾意食酥皮，但撻皮啱啱出爐，所以都忍唔住買，最後買咗3個酥皮2個撻皮，5個或以上有盒裝，$8.5一個，少少🤏🏽貴啦。唔知係咪因為酥皮唔係剛剛出爐，所以食落無撻皮咁好食。酥皮同撻皮嘅牛油味都好香，撻皮香味稍勝一籌。酥皮口感唔夠「酥」，食落比較實同厚，同時亦較乾，好似唔係好夠油。蛋餡嫰滑清甜，蛋香撲鼻，我鍾意食蛋撻好大原因係因為個蛋餡😁，嗰種香甜真係叫人不能抗拒。

今日路過見到買一送一，即刻買返六個食，蛋撻熱辣辣，好好味！買咗曲奇皮，我覺得好味過酥皮好多，曲奇皮鬆脆，蛋好香滑，六個都只係$24，除開都係$4個，好抵食喎！下次會再買

位於相當方便既位置-青衣站老婆餅$6.5本身只係想填一填肚外表平平無奇，點知一食之下出乎意料之外！ 好驚喜！ 一令上手已經加分！因為老婆餅係熱熱地，暖暖地～再者，意想不到外皮係好鬆脆！鬆脆得黎又唔會整到成身都係～好讚👍🏻至於個餡唔會好甜～甜度適中👍🏻而且好口感好煙韌～好滿意～

有時出門口都冇時間食早餐所以我早一日買定泰昌餅家嘅西餅麵包以備不時之需 最新佢哋推出左藍莓撻 紫色嘅外表好香好特別 所以我即刻買左非常吸引 上面仲有少少糖花最得意係有幾個笑哈哈紙牌插住 感覺趣緻另外買左酥皮蛋撻口感有層次 曲奇皮夠實淨👍🏼👍🏼仲有最經典嘅老婆餅 內裏煙煙韌韌返工之前焗一焗熱食 味道更佳有朋友仲向我推介佢哋嘅雞批都唔錯所以下一次我決定都要試吓！ #taicheongbakery#泰昌餅家#藍莓撻

今日返屋企行經泰昌，見到蛋撻岩岩出爐，太吸引，所以行埋去望下。見到好多好靚既撻，好多款。香噴噴，而且都好多人買，而且如果買半打蛋撻既話，會抵點。不過我貪心。見到又有新出品，藍莓撻，所以又想買黎試試。貪心既我，最後買了兩個曲奇皮蛋撻、兩個酥皮撻、兩個藍莓撻、兩個老婆餅。返屋企慢慢嘆。曲奇皮蛋撻是我的至愛，我好鍾意佢個曲奇皮，曲奇皮脆卜卜，同中間既蛋口感一軟一硬，好夾，好好味。中間既蛋好杰身，蛋味香濃，就算放耐左先食，蛋撻都唔會塌下。而爸爸最愛吃酥皮蛋撻，所以兩隻皮都各有fans，爸爸說酥皮好鬆化，一咬開好鬆脆，層次感好重，好好味。另外新出口的藍莓撻，好特別好足料。成個撻都鋪滿了藍莓醬，好惹味，酸酸甜甜好醒胃，鍾意食藍莓既都必要試試。唔錯唔錯。另外港式傳統既老婆餅都好好味。入面餡料豐富，外皮煙韌，中間餡心都軟綿綿的，超好味。行經買少少小食，過下口癮果然唔錯👍🏽

呢個藍莓撻 $12新出架，平時好鍾意食藍莓，見到佢出我就即刻去買咗嚟試吓，諗住冇乜特別啦！點知好有驚喜我覺得好味，加上特製既金黃鬆脆撻皮，同埋鬆軟既藍莓粒果肉既蛋糕， 再鋪滿濃郁既藍莓果醬，最後有一層雪白糖花，酸酸甜甜岩岩好🤤🤤真心有驚喜！我覺得好香比我預期中好食🤤同埋個賣相都好可愛啊！同傳統嘅蛋撻好唔同，好想再食！佢嘅老婆餅蛋撻同埋酥皮蛋撻都好唔錯，蛋撻重蛋味😶可以去買來試吓呢個藍莓撻，我會再試！

經過泰昌餅家，出咗個新嘢~~~杏仁Latte牛乳撻~~~$10/1個😁😁仲要有個優惠，$15就有埋個皇牌🥇蛋撻，就買來試吓啦！🤗🤗泰昌餅家最出名而我又最鍾意嘅就係佢嘅皇牌🥇蛋撻，自己比較鍾意嘅蛋撻係曲奇底多個酥皮底，因為酥皮底會食到周圍都係😵😵，比較麻煩🤣🤣佢嘅蛋漿永遠都咁黃咁閃✨！蛋香味重又夠滑！正呀😋😋新角色～～～杏仁Latte牛乳撻～～～佢都係曲奇底，中間係白色乳漿，而表面有幾塊杏仁片！味道好似食緊杏仁餅一樣！本身唔鍾意食杏仁餅因為佢太硬啦！但呢個根本就係軟化左嘅杏仁餅，牛乳嘅甜味加上杏仁嘅脆口，好襯呀！🥳🥳

泰昌餅家蛋撻出名係人都知👍🏻尤其是王牌蛋撻🌟餅底用咗鬆脆嘅曲奇無論新鮮出爐定係放咗一段時間餅底都可以做到酥脆可口今次出咗個新嘢邪惡口味嘅鹹蛋黃蛋撻🌟喺王牌蛋撻上面加上厚厚嘅鹹蛋黃鹹蛋黃經過特別配方食落去唔會死鹹同甜嘅蛋撻味道好配合😋雖然係擺咗一晚，第二朝早先食擺番落氣炸鍋整熱佢食都依然係咁好食👏🏻👏🏻👏🏻餅底都依然好鬆脆依家有優惠價$15套裝鹹蛋黃蛋撻+王牌蛋撻一次過滿足兩個願望

10月24號下午三點在青衣城泰昌餅家買咗三個沙翁同五個蛋撻, 年青四眼女服務員，將三個沙翁直袋落去 手抽袋, 我問佢點解唔放落去白色麵包袋 ，佢冇出聲然後 另外一位中年服務類服務員幫我從手抽袋取回三個沙翁放回麵包袋再放回手抽袋。其實我明白 環保亦唔介意你唔畀手抽袋我，只不過係沙翁咁多糖， 究竟係佢公司指定定還是係佢自己用大腦想一想？ 另外沙翁食落去有一部味道不同, 好似唔熟。 好彩酥皮蛋撻仍能保持水準， 佢依個蛋撻價錢喺外面買真係一開二。

泰昌是蛋撻老字號，不過由於居住和工作的地方也沒它的分店，所以不是常可吃到。今天經過青衣港鐵站分店，又聽到店員說蛋撻剛出爐，即使剛吃完下午茶，也要買來一吃。蛋撻有三種，分別是酥皮蛋撻、曲奇皮蛋撻和蛋白牛乳撻。三種蛋撻我都吃過，各有風味。今天剛出爐的是酥皮蛋撻，我當然就吃它。酥皮是脆的，但我覺得好像沒以前那麼脆，蛋嫩滑，而且不太甜，正合我心意。下次經過泰昌的分店，希望剛好遇上其餘兩種蛋撻新鮮出爐，那便可知道是否能保存以往的水準。

呢間泰昌真係一次經驗比一次差 依家真係咁難請人咩 點解啲阿姐仲係大聲夾惡又鐘意吹水做野又懶散 問句野都答得串串烘 真心要請過班人啦 唔係連鎖大眾野就唔駛禮貌呀市場仲有好多選擇架

之前好一段時間買不到沙翁，今日經過青衣城分店居然比我見到，急不及待買一個來試試。 結果真係估唔到，難食、油溢味很重、帶一點點苦味，九大元一個，吃到一半想丟掉。和以前的味道差天共地，好像前一晚放到今天那樣。不能相信泰昌出品居然如此之差。

經過泰昌口痕, 買左個蛋撻食, $7一個。蛋撻溫度熱熱地唔算好辣手。曲奇皮唔係好鬆脆, 有d腍腍地, 可能唔係岩岩焗起, 攤左陣, 而且牛油味唔係好香濃。蛋漿既蛋味都係一般, 而且偏甜左d, 狀態仲有d過實, 熟到有d老。以家泰昌越開越多分店, 食馳名蛋撻係就係方便左, 但係品質就唔係好控制得到, 倒不如專注係中環總店keep住品質, 總好過做壞名聲。

話說小弟買蛋撻個陣 啊姐搞錯佐產品名牌 仲大大聲話無錯 係我錯心諗 你都幾好野 你自己認得啲蛋撻 人地唔知 仲要比你話 係得嘅本身見買二送一 所以想買2酥皮4原味佢就剩係比佐6件我 返轉頭就用咁嘅語氣招呼我 哇 到底有幾不爽啊？

泰昌蛋撻不嬲出名，但價錢亦幾貴，成$5一個。又一定要買５個先有盒。蛋撻要哂牛油皮，熱辣辣拎上手，蛋部份又甜又滑又CREAMY！！皮方面都唔錯，食完好香牛油味，加埋蛋食就一流，蛋嘅香滑感減低牛油皮嘅口乾，食完一個再想食多一個！！