太興 (Closed)

太興一向都已燒味自居，可是現在的太興越來越差，叉燒硬的想石頭一樣，燒鴨完全沒鴨味。完全失望。只有奶茶還可以。。。。現在這裡只有工人來吃飯，沒有遊客了，可能是這個原因，他們越來越不注重quality.下次不會再去吃

大食妹啱啱去完旅行返香港, 咁啱食晏時間到步, 有啲肚餓, 就去咗附近嘅太興食個quick lunch...反正巴士都仲未到<梅菜扣肉飯餐>梅菜扣肉飯餐包括梅菜扣肉、白飯、菜心, 再加一杯嘢飲。分量都幾多, 一個女仔食可能有啲太飽。扣肉嘅份量有啲少, 只有薄薄嘅幾片, 下面全部都係梅菜同埋菜心...再配多一個菜心, 菜嘅份量顯得有啲多再加上菜有啲生, 好難咬飯就還好, 加上梅菜同埋佢嘅醬汁, 雖然唔係好食, 但都可以入口... 飲番杯咖啡提提神, 就要出市區啦.

落機好想食個荼記，就黎左太興食飯，燒味不嬲出名，就緊係叫個叉雞飯，叉燒肥瘦度適中，雞件好滑，仲有鼓油撈飯真係好唔錯。另外仲有豆腐火腩飯，火腩既皮幾厚，豆腐好入味，醬汁味道剛剛好，唔好過咸。奶茶入口順滑，中意佢奶同荼味都濃郁。

今日入機場接機，好好好好好好好多人，價錢高就預左ga la, 同女朋友都中意食中式野，所以二話不說，揀都吾洗揀就食太興！夜晚9點幾，吾洗等咩，就好快有位。去得太興食，當然食拒最出色嘅燒味飯，本身想叫四寶飯，因為女朋友中意食咸蛋，搞到我都中意食，突然見到有咸蛋燒味雙拼飯，我就叫左切雞燒鵝，女朋友叫左燒肉叉燒飯。味道好好，不過好想講我都吾係好夠食，如果大我一，兩個碼咪要食多碗，最後，以中國茶作結，完美！！

每次上飛機前都鍾意食定早餐先，check in 之後佢之前鍾意食麥當勞，依家就鍾意食太興，因為有糯米雞食。但係相片與實物出入就好大，糯米雞細細隻瘦小的，$55 於機場來講係幾抵食，個粥就普通都OK。反而榨菜肉絲米粉早餐就好抵食 $37，半塊厚多士要盡快食，因為凍左有啲硬。炒蛋唔錯，半流心。雖然榨菜肉絲米粉明顯是味精湯，但我喜歡佢味道喊中帶甜，米粉同我哋平時食開嘅不同，爽口又彈。湯就好多米粉就好少。奶茶唔夠香濃，味道有OK！

最近要飛，坐早機打算係機場食早餐，其實機場食野偏貴就預左，太興反而係做正常價就算唔錯。五香肉丁米，份量剛好，肉丁數量和一般茶記差不多。有雙腸，而炒蛋算是幾滑，合格，加杯提神奶茶，雖說無太大驚喜，但都是40左右，都唔算太貴了。

眾所周知，太興最出名係燒味，但其實佢個牛腩飯都好好食，呢度個咖喱係唔辣嘅，所以唔食辣嘅人都可以品嚐，咖喱好香嘅椰香味，牛腩炆得好淋，一啲都唔韌，除咗大大嚿牛腩，仲會連埋牛筋，咖喱送飯簡直一流! 再配合埋最出名嘅冰鎮奶茶，茶入口香滑，茶味濃，值得一試

機場 foodcourt 大裝修，冇乜選擇下，唯有遊左去 40 閘到搵食。原來有太興，早餐有7個 set , 中西式任揀。最感動的地方係佢只收正常早餐價，三十幾四十蚊咋。沒有因為生於機場禁區內而開天殺價，感動感動 我地叫左兩個 basic 早餐，分別係炸菜肉絲米粉炒蛋多士餐$37五香肉丁炒蛋多士餐 $40朋友叫的，五香肉丁好似偏少，唔及我的炸菜吸引。炸菜肉絲夠足料，米粉係比較有彈性的新竹米粉 （好似係），特別好味的。炒蛋和多士尚算熱辣，有一貫茶記的水準。最欣賞佢杯熱奶茶，香濃幼滑又有茶味仲有無敵大機場景陪你早餐，三十幾蚊咋，邊到揾吖？

在Hong Kong International Airport 太興110個餐，有燒腩飯和一碟油菜。貴都算啦，仲要等10幾20minutes。佢counter有六七個staff，但係預備之前果燒味飯10幾盒都要搞咁耐。百幾蚊嘅燒腩飯，同市區Maxim、Cafe de Coral的質素差無幾，但係賣相真係唔係太得，啲燒肉有啲甩皮甩骨，一啲都唔似腩仔。難道機場的快餐不能有質素嗎？我知道喺機場食嘢貴，收咗人超過一倍價錢嘅嘢，應該俾返超過一倍嘅服務同埋質素嘛。

平機票的唔好處就係無野食。早機就要早點去。但不是間間都早開門。太興好彩有開。佢好近拎wifi蛋的地方。所以對我來講好好。早餐都有a-g多重選擇。因為有小丞哥所以我都簡通粉餐。另外叫個五香肉丁米。有bb登抵讚。通粉餐另有蛋同腸。同包。但包就好似不太新鮮ok 。奶茶又估不到好飲。另我4點起身都醒一醒。另一個餐就一般般。食物都不太大碗。但肉丁都ok啦。叫了杯凍檸茶。都叫做整得好飲。環境都算大。食品選擇都算多。

當快餐店麥記要排20分鐘嘅時候，快餐已經唔再係快餐。由於裝修，機場過咗海關之後d食肆條龍長到呢🙈，於是去咗40號閘附近果個逸連堂搵野醫肚食，竟然見到泰興早餐仲有三字頭嘅早餐，簡直係開心大發現。早餐選擇唔多，但呢度坐得幾好舒服，少人同個景好靚，真係值得推介。選擇唔多係因為例如米粉唔可以轉麵，冇好立克同華田，只得檸茶檸水咖啡奶茶。食物方面就一般般啦，分麵份量就偏細，不過夠熱，個包同蛋就乾咗小小，計埋環境算係物有所值。

這裡的乾炒牛河，不但沒味道，整碟牛河只得一牌牛肉。千其不要order。餐具又不乾淨，職員又沒禮貌。叫了另外一碟燒鵝雞飯，啲燒鵝可以，啲雞非常差，又得小小汁，我見好多人反轉頭要多啲汁。整體質素好差。

今早同老婆去日本旅行，去到機埸食個早餐先辦理登記手續。無乜得選擇之下去左太興，叫左個早餐($40)，包括有五香肉丁湯米粉、滑蛋配多士、熱咖啡。米粉份量比較少，米粉口感唔錯，湯底味道都可以，五香肉丁夠晒辣幾好味，外面的餐廳好少有咁辣。滑蛋煮得太熟一點都唔夠滑。多士幾脆口，可惜份量少，只得一少片。熱咖啡味道唔錯，熱辣辣咖啡味濃奶夠滑，唔加糖都好好味。總結，味道不過不失，無乜得選擇，食飽肚就算，等去到日本先再戰！

早排一落機覺得肚餓求其簡咗間太興食燒味飯，本身係機場食野就比一般食店既價錢貴但又無辦法一定要食。埋單要大約80蚊！ 好貴呀！ ！食咗個燒肉雞飯飯凍檸茶，燒肉同雞都太細舊好似無咩肉咁，但就有幾多舊下既，可以話當平衝返咁，味道就普通無話特別好食，但白飯煲得岩岩好唔會太硬太軟而且都好多可以食得好飽！ 但因為岩落完機太肚餓所以都冇辦法，成個飯食曬架！另外凍檸茶唔夠甜而且好淡，唔建議大家叫。唔合格午餐快餐：機場太興燒味飯

早上我們四個人，拖着行李坐上旅遊巴，跟隨西貢的旅行團，去到「香港赤臘角國際機場」和準備登機前往韓國首爾。我們完成了登記飛機機位，和託運行李的工作之後，記拿着護照和登機證，進入機場禁區位置。機場禁區內，除了有不少免稅店和找換店之外，還有不少餐廳食店，讓乘客可以吃完飯，還有便利商店讓乘客，可以買支能夠帶上飛機的蒸餾水或礦泉水。我們四人就選擇了先在機場禁區內吃個午飯，因為我們不知道自己乘坐的航機，會否有飛機餐和飲料提供。結果，我們決定選擇在禁區內的「太興」餐廳內食個午飯「塾底」，以防萬一。以前我印象中的「太興」，除了凍奶茶飲品，和燒味飯比較有代表性之外，就好像沒有什麼值得一試的午餐之選。但是我今次反而還有食品可以選擇。就是一客傳統中式茶餐廳，午餐都有提供的「北菇蒸雞飯」。機場禁區「太興」的午餐除了「北菇蒸雞飯」之外，我還買了「太興」的招牌凍奶茶一杯，可惜凍奶茶不能用冰鎮，否則效果應該更佳。「太興」凍奶茶的奶甜味和紅茶味始終如一，只是凍奶茶不是以冰鎮的方式，冰塊融化時會溝淡奶茶原有的濃厚奶茶味，最後觀感因此打了折扣。北菇蒸雞雞肉口感中等，不算嫩滑，但又未至於太韌。雞肉連着的骨頭不算很多，不太阻