太興 (Closed)

今早同老婆去日本旅行，去到機埸食個早餐先辦理登記手續。無乜得選擇之下去左太興，叫左個早餐($40)，包括有五香肉丁湯米粉、滑蛋配多士、熱咖啡。米粉份量比較少，米粉口感唔錯，湯底味道都可以，五香肉丁夠晒辣幾好味，外面的餐廳好少有咁辣。滑蛋煮得太熟一點都唔夠滑。多士幾脆口，可惜份量少，只得一少片。熱咖啡味道唔錯，熱辣辣咖啡味濃奶夠滑，唔加糖都好好味。總結，味道不過不失，無乜得選擇，食飽肚就算，等去到日本先再戰！