太興 (Closed)

第四次寫食評一支公，心想：「去邊到食“癲拿“好呢？」正在猶豫之際，發現眼前有間太興，二話不說，衝進去，點了我的至愛：餐蛋飯，冰鎮奶茶。餐蛋飯：夠頹，餐用夠厚，加上豉油汁，絕配冰鎮奶茶：味道不變，又滑又濃放下幾十蚊，帶著滿足的笑容離去

$73 燒肉油雞飯加冰鎮奶茶， 分量足以填飽一個兒童， 奶茶細杯但味道還可以， 燒肉和油雞就真係少得可憐，白飯加豉油味道已經不討好，油雞鞋拾拾，燒份量少到我食吾到評價，兩年無黎過呢間，應該都無下次了！

上個月食，依家先補番個食評，本身對呢間連鎖餐廳嘅印象都係麻麻，咁耐冇食，好似質素有所提升。我地人多坐左大枱，因為食物份量唔算好大，本來叫人頭數嘅餸唔係好夠食，最後加左個燒味飯同一碟餸先夠食。以下係部分餸嘅相片，我覺得當中最好食係兩碟菜，蝦醬鮮魷通菜好香蝦醬味，西蘭花炒牛柳肉嫩菜爽，調味都好好。另外京都洋蔥豬扒都好唔錯，其他都算正常發揮，唯獨係唔鍾意佢個煙燻燒鵝，普通燒鵝好食啲，佢比較乾同埋乾同埋煙燻味太搶。

星期六午餐去咗許久冇去嘅太興，發覺，頗貴！12點度，仲有位，去到唔洗等就有得入！8寶飯: 選擇恐懼發作，最尾揀咗8寶飯！認真，好似無以前好食，燒肉就脆皮嘅，但好鹹; 墨魚🦑唔好食，食得岀唔新鮮; 燒鵝好食; 叉燒好食就好食，但切得唔知太大舊，定直頭畀切剩d角切; 元蹄ok好食; 成碟嘢最好食係隻鹹蛋🤣!鵝絲雪菜米：普普通通，岀邊茶餐廳應該3x幾埋到單，cp值真係。。。紅豆冰: 奶味夠，紅豆都夠淋，略甜，但整體好飲！總括黎講，cp值唔高，應該短期唔會再幫襯！

食評連鎖茶餐廳大部分我都無興趣。因為就算唔系難食，都唔會有咩驚喜。唯獨太興我系仲會食。因為佢個下午茶系好抵食。又飯有面揀，亦幾好食。今次我揀呢個燒鵝米粉就系其中一個例子，份量可接受，燒鵝幾嫰同埋有煙薰味幾香。另一亮點系紅豆冰。因為佢特別多cream,比其他地方飲既紅豆冰更香更滑。地方乾乾淨淨，唔錯啦，諗唔到食咩既話都會黎食下午茶。

旺角咁多間太興以金魚街(通菜街)的一間最細，常常都迫滿人，今日真係好彩唔使排隊即時有位，見佢收銀枱有臘腸買，心血來潮想食，一向孤寒就啱時間食下午茶的迷你叉燒鈑，因為低食，今日時間就唔到，焗著貴都要食喇！留意到餐牌有臘腸飯和臘腸雙併飯，有點奇怪是臘腸雙併套餐$61竟然平過單併$63，不仿一試，臘腸併雞胸走雞皮，來到果然對眼，臘腸偏瘦七、三比例，腸衣脆、肉質有咬口，算唔錯，侍應話系公司自設工場，放心食用。

$46叉燒咸蛋飯＋$3招牌冰鎮奶茶叉燒肥瘦剛好﹑顏色光澤又唔乾身Jucy Jucy~太興奶茶口感滑潤,茶同奶既比例完美。太興既冰鎮奶茶咁出名都唔洗我點介紹,所謂既冰鎮,就緊係將成杯太興奶茶擺入冰塊碗中,保持冰凍口感。$42大都牛肉麵＋熱奶茶牛肉都唔比燒味遜色,味道夠濃而入味,又唔會太un,有成3大塊牛肉,麵底足夠。總括以下午茶黎講,價錢係比其他茶記貴少少, 但食物既質素是成正比的。地址 ：太子通菜街142-146號啟運大廈地下C號舖電話號碼：23929448營業時間：星期一至日07:00 - 22:30

耐冇食燒味所以走入太興揾食！睇menu原來promote緊煙燻燒鵝，就叫個紅腸燒鵝飯啦！一上枱，嘩！幸運地有下肶食，起碼有嫰肉食，正！食入口真係有陣陣煙燻味，我本身愛吃的味道！加埋係肶，要把幸運幸福share一下！環境就迫㗎啦，坐二人枱，人在隔離行出行入（通道），茶仔就係咁！

晚餐同左男朋友去咗食太興，因為佢話好想食燒味，附近嘅酒樓大部份都要擺酒，可能係七夕掛～ 太興食燒味就最方便，同埋價錢相對唔貴！呢間鋪頭唔係好大，直行到尾都係大概有10幾張枱！我哋算幾早食飯，所以有個卡位！我男朋友慣性就係叫燒肉切雞飯，我就叫咗叉燒燒鴨飯 其實餐廳都有其他小炒，例如魚香茄子煲同埋乾炒牛河之類，迎合唔想食燒味但係又想食晚餐嘅人～ 因為我哋兩個交換食，所以叫咗四個餸，感覺好抵！燒肉真係幾大舊，肥肉瘦肉分布一半半，男朋友話咁樣先至最好食，但係我就好想減肥所以食咗兩舊就冇食！雞幾好味，肉好嫩滑！我覺得最好食嘅就係叉燒，因為佢嘅叉燒汁撈飯冇得頂叉燒冇肥肉！唔會好難咬，一咬就落到肚 至於燒鴨，就還好！唔算超級好食，因為佢嘅肉比較厚，可能係胸位比較多整體來講味道幾好，係衛生有待改善！

今日一個人去太子金魚街，買啲狗狗用品，逛下逛下覺得肚餓，就去幫襯開始呢間太興餐廳，地方唔算大，可以說呢間連鎖餐廳來講，比較細嘅一間。下午茶竟然有午餐肉煎蛋飯，有理冇理，梗係試吓先啦，咪同我講對健康唔好呀，午餐肉好香，好好味，兩隻流心蛋簡即係絕配，好鍾意呀

其實很久已經沒有入太興食過野, 一黎連鎖, 二黎做旅客生意, 三黎價格偏貴, 今日與台灣朋友路經, 他忽然想吃燒味, 為了滿足他的願望,就勉為其難, 入了太興。通菜街太興其實是在太子金魚街, 人流很多的一條街。太興門面較少, 但門口光猛, 並有燒雞燒鴨掛窗, 一目了然。內裡裝潢光猛, 一貫太興作風。設置大量卡位, 迎合顧客需求。我們獲安排在看得到師傳切肉切叉燒的卡位。叫了兩個餐, 附菜和飲品。燒肉油雞飯 和 叉燒燒肉雞3拼通粉由於我們獲安排在看得到師傳切肉切叉燒的卡位, 師傅的一舉一動我們一目了然,師傅在切好燒肉切好雞後, 他把飯拿去微波爐叮!!!!!雖然我們是晚上九點光顧, 但我究竟用不用付幾十塊錢吃微波爐食物呢?即使燒味多好吃, 當食物叮完一的刻, 有幾好吃也變得不好吃吧!而且, 貴店所用的膠碟能叮得嗎?究竟有沒有將顧客的食物安全排在考慮之列?係, 我最後係無叫佢換過碟飯,但總之這一次以後, 我下次再入太興是100年後。

我地2個人食3份早餐，因為我地坐張細枱，所以成枱都係野食野飲！由於我自己飲其中2杯係茶走！所以我因侍應可以張2杯野倒落凍飲杯！佢地所有人既服務態度真係好好，好親切！值得再黎

有天到旺角買東西，買完後趕得及六點前來吃個下午茶做晚飯～ 第一次來這一間太興分店，這間分店是我去過最細間的呀！我叫了個＂鮑汁雞翼撈公仔麵＂和熱奶茶，原本想點泡沫咖啡，但店員哥哥話這間分店沒有弄泡沫咖啡的機器，想起太興的冰鎮奶茶好喝那熱奶茶也應該不差，於是就試試熱奶茶～果然幾好喝呢～入口濃滑，茶味香～不過撈公仔麵就令人失望了，鮑汁的味道好似沒有其他分店那麼好，雖然有三隻蠻大又入味的雞翼，但雞翼上面和撈麵入面都有一小塊疑似煎燶的焦，為數也不少。。幸好公仔麵煮得不錯，口感爽彈！另外也讚一讚這間分店的服務是特別好的，店員都幾有禮貌，特別是一位帶眼鏡瘦削的後生仔～

今天帶些台灣朋友來到旺角，想找一些比較好吃的燒味店。最後還是選擇了太興，連鎖式原想比較穩定。我幫忙點餐叫了:切雞要做得好，是要夠滑，吃下去有鮮甜的味道。而這家大興的切雞正正做到這兩點，加上蔥油也不會覺得油膩。一吃上口有淡淡上湯的味道，與街市吃的完全不同。廚師完全沒有放好就拿出來，而已外皮被燒過濃了，吃上去帶了皮雖然脆，但帶上了點微苦。內層肉汁雖然還保留，但吃腩仔果然還是看皮較為重要。叉燒果然是特搜，但吃上去就知道廚師醃制的技術還沒到家。叉燒外層雖有蜜汁的味道，但在口裡咀嚼的時候，不到一秒就沒有味道，而且皮還帶上了燒焦的味道。

太興都寫食評？但個人覺得這叉燒絕對值得推介。抱羔在家，媽媽買外賣回來。一打開，竟然是太興的叉燒飯。叉燒非常入味，燒得外層有點點的焦，肉質很腍。甜度剛好的蜜糖包著裡面的肉汁，實在出色。