太興 (Closed)

旺角咁多間太興以金魚街(通菜街)的一間最細，常常都迫滿人，今日真係好彩唔使排隊即時有位，見佢收銀枱有臘腸買，心血來潮想食，一向孤寒就啱時間食下午茶的迷你叉燒鈑，因為低食，今日時間就唔到，焗著貴都要食喇！留意到餐牌有臘腸飯和臘腸雙併飯，有點奇怪是臘腸雙併套餐$61竟然平過單併$63，不仿一試，臘腸併雞胸走雞皮，來到果然對眼，臘腸偏瘦七、三比例，腸衣脆、肉質有咬口，算唔錯，侍應話系公司自設工場，放心食用。