太興 (Moved) New Location

呢日唔洗返工, 起身之後就落街食個豐富早餐, 去左太興, 因為食物質素穩定D, 同埋都坐得舒服.要個午餐肉滑蛋公仔麵$34, 兩塊午餐肉比較薄, 肥瘦平均, 滑蛋夠滑, 不過放埋落湯都索晒湯, 口感無咁好. 麵質未至大光面咁硬, 都算彈牙. 個湯都類似出前一丁既湯底.仲有冰鎮奶茶, 夠滑, 茶味香濃, 不過就唔夠凍.

今日放下午去元朗換領護照，我取完號碼之後，就約屋企人在富達吃下午茶，就揀了近近地太興,反正只志在吃飽就算，對它冇咩期望，我坐下之後等埋屋企人才叫 ，屋企人在10分鐘就來到太興 ,我同屋企人分別叫四寶飯同叉燒飯，它的份量偏少,我覺得不太抵食,白飯有些小硬,並不太軟熟，咸蛋味道一般 ,紅腸都OK,，整體味道只是一般,奶茶反而幾好飲，茶味夠甘香,奶又好滑 30元已經不算太貴，環境就一般啦

父親節，同父母加bb去茶樓同茶餐廳都等唔到位，去太興碰下運氣。店員見到我地有bb車，比左張大啲嘅埋邊位我地，佢話方便擺車喎，又幾好人。原來有下午茶餐，三十幾至四十幾蚊，又唔貴喎，話哂都父親節，樓下啲街坊茶記都加左價。雞翼撈丁雞翼滷得入味，丁麵有咬口，調味唔錯。乾炒牛河炒得夠鑊氣，份量大，抵食。福建炒飯有叉燒，大蝦，冬菇等，炒飯底乾身，但個汁略鹹左啲。奶醬厚多士多奶多醬好味，多士又真係算幾厚身喎。熱鹹檸水無乜特別啦，一粒鹹檸檬加熱水，沖多一杯仲係好夠味。熱奶茶夠香滑，又真係幾出色。凍紅豆奶茶，凍紅豆咖啡。少飲特飲嘅兩老突然返老還童想試下呢兩款飲品，佢地話紅豆好甜好淋好好飲，但又驚糖尿病超標，真係好矛盾嘅心情呀。埋單，三個人叫左四個餐，飽到上心口。落單，覆單，上菜，收碟等態度都好好，真係幾意外，聽人講話太興好串又唔覺喎。

每天早上嘅早餐都係不可劃缺嘅~早餐雪業菜肉絲米-好似只有雪菜無乜肉絲，米粉都粗身半透明狀，湯底味道適中。粉炒滑蛋配厚多士-蛋炒得好滑,好甘好creamy。多士脆都脆。熱奶茶-茶味濃郁，奶都好rich好甘。但價錢偏貴，可以有其他選擇！

由於為了換領passport及放便的理由，所以沒有多想就在附近的太興來過快的午餐。雖然不用排隊等候坐位，但餐廳內都有頗多人在用餐。褔建炒飯 $48褔建炒飯對於我來說是一個safe的撰擇，所以沒有多想便點了一個。褔建炒飯材料包括蝦、菜芯粒、雞肉、冬菇、叉燒粒。炒飯是頗香和有鑊氣的，但熱度有點不夠。菜芯粒和冬菇沒有甚麼特別，中規中矩。而蝦是冰鮮貨，但仍帶點蝦味還頗爽口彈牙，不錯的。相反雞肉帶點雪味，雖然這雪味不是很濃列，但肯定是不討好的。其實這雞肉不是整碟褔建炒飯最差的，最差的是叉燒粒。叉燒不但不新鮮，而且帶有一股很不討好的味道，像是隔了幾夜才用這叉燒來炒飯。其實整體褔建炒飯的味道是可以的，但就是被那不新鮮的叉燒破壞了。希望太興能注意食材的新鮮，不要再令食其食客失望。

以連鎖店去計，最有好感必定是美心，其次就是太興了，我偶爾也會幫襯。除了燒鵝，餐蛋麵亦是太興的名物。又是吃餐蛋麵，端上來時確是陣陣麻油香，麵條淥得爽口，雞蛋是炒得嫩滑，只是兩片大午餐肉，沒有以前的厚身，不再太邪惡了。原本應喝冰鎮奶茶，但早午才喝過奶茶，還是來杯凍檸茶好了。現在是太興唔知幾多年慶典，食滿一百，可以優惠價二十五個大洋吃到紅酒燴牛筋。試了一客，幾腍身又入味，吃得過。

今日我和太太到上述餐廳一試出名的燒味飯，我叫了燒鵝叉燒飯而太太則叫了燒肉飯。怎知！他們的燒味真是在普通水準之下！燒肉皮燒得不脆，看真塊皮還未燒透，叉燒就外咸內淡、燒鵝就不新鮮（肉黑）。最離普就是連個奶茶杯邊都是黑色的，超級失望！！

今天突然想食下午茶， 一般茶餐廳的質素參差，太興比較穩陣。入到去唔係咁多人， 叫左雞蛋西多士熱奶茶。等左約5分鐘，食物上枱。呢度的雞蛋西多士係一塊方包然後兩邊沾上雞蛋漿，所以中間係麵包, 兩邊係雞蛋，自己塗上牛油及蜜糖，入口有雞蛋的蛋香及蜜糖的甜味，十分好味。熱奶茶杯身厚，食完多士後仍能保持溫度，荼味香濃，不錯不錯。呢度勝在環境舒適，服務好，食品有一定質素，有時間還是會再來。

專程到新元中的太興試吃,但點知成個商場裝修,太興都執左 心有不甘,於是到西菁街的分店吃! 價$有點偏貴($50-80)但都照入拉!坑燒牛排飯$50成$50!!但算是最平,於是叫了一個,點知又幾好味!!牛排夠軟、香,黑椒汁濃!!!!飯有1大碗!!!!![b]京都豬排$62豬排夠軟,汁都吾錯,送飯一流!!紅豆冰+$8 紅豆超多多多多多多,奶香濃推介之選價$有點偏貴,但質素好!8.5/分!

今日放假,訓醒都下午啦...突然好想食脆脆豬,就去元朗搵,係太興搵到有TEA SET WOR...今日仲有喉嚨痛,太興居然仲有咸甘桔飲,真係好意外味道好好,連服務態度都好好,呢個下午茶令我覺得好滿足呀...

太興係元朗開了好耐了, 今次我第一次幫襯, 入到去已經係夜晚八點半後了, 所以大把位任揀, 八寶飯 (好似大約50蚊)總之燒味的估計都全齊了, 如燒肉, 紅腸, 叉燒, 雞, 鴨, 咸蛋, 墨魚等燒肉的皮還有一點脆, 紅腸估不到的好食, 叉燒亦唔差, 燒鴨/鵝 雖然係凍, 但味道OK的個餐還有一碟油菜, 餐飲要了凍鎮奶茶, 雖然要加5蚊, 但真係好好飲的, 值得推介但另一個單點的小菜套餐 滑蛋炒蝦仁就普通了一點蝦仁夠大粒, 但無乜味, 滑蛋炒得唔夠滑, 水準連大X樂早餐的炒滑蛋都不如, 廚師哥哥以後要醒神少少了兩人埋單 HKD125, 比去食西餐, 都叫做價格相宜的

從呢個餐牌所見..選擇並不多.38元一個湯底.二選一.60多元至70多元一個主菜.仲可以加錢加配料,不過2個人食,正常食量計,不用加配料都好飽.如果3個人食就一定要加配料..呢個湯好鮮甜.白菜加上半隻煲溶左的雞.仲有一些素翅.落足料.我相信間店提醒客人打邊爐前要飲一碗湯.目的都係表達出湯底有幾好飲.幾真落足料.不過長輩時常教出街食飯無益.雖然煲湯落足料.都有少少味精.打邊爐中途我發覺個湯..有多粒白色物體,係香料來..傻更更的媽媽乜都唔理.見到個煲有乜都食..哈....服務員好細心,呢碟餸末到前,就問客人要什麼配料,只要講得出配料.而間店有都會俾的,同一般火鍋店無異.的邊爐材料新鮮.肥牛都好多而有雪花..的菜新鮮而無黃葉...除左丸類比較硬,其餘都無問題..值得一讚的邊爐鮮料佔大部分.底部只是少量的粉絲,一人一鍋的市場竸爭都好大.呢的叫有竸爭先有進步

價錢好貴.....但都好好食.咖喱最緊要的香味都有不算辣....紅豆冰不太甜是最好的

年三十星期日下午和同老公去太興食下午茶, 發覺太興已改用新春餐牌, 被迫捱貴餐, 平時叫開的餐蛋麵餐由$27加到$32, 凍奶茶另加$3, 不過太興未至於咁無良心, 雖然比平時加咗$5, 但都俾返塊牛油西多過你食。 我同老公都幾不滿元朗區啲食店興未到新年就搶錢, 所以我們只叫了一份一齊食,味道基本上和其他分店差不多, 可是那兩塊特級餐肉明顯薄了, 靈魂不再, 成個餐失色好多, 而且呢間仲要搭枱坐, 人手又極度不足 , 下次唔會再嚟呢間太興

已經唔係第一次幫襯, 不過懶所以遲遲冇寫食評今日又去食午餐, 雖然$43個雙拼飯, 難得個餐連"乳豬"都可以揀叫左"叉燒(肥叉)乳豬飯"-->> "叉燒"好腍d蜜汁好惹味, "乳豬"好脆又唔肥 冰鎮奶茶(凍飲要加3元)-->> 奶茶都幾香滑夠曬凍, 好喝**ps.最細心係張單打明"叉燒要肥d"