Video
Good For
Group Dining
Opening Hours
Mon - Sun
15:00 - 00:00
Above information is for reference only. Please check details with the restaurant.
Review (22)
踩單車到大尾篤自然就想bbq見呢間有任食(好似$7x / 位)又唔多人就入左去第一輪野食係要食佢執比你果兜先,丸呀肉呀乜都有d咁不過最奇既就係有d生蘿白,生菜之類...燒又唔係,佢話比我地生食既...但掂晒落d生野度,點敢食呀食物種類唔算太多,但雞翼就有幾隻味揀,南乳味正,腸仔係廚師腸蒜蓉包都好味,其他就一般地方唔算大,一片石地,冇景亦冇咩玩,係有個投射電視,算係咁行去toilet條路好黑...種左好多蘆薈,廁所清潔尚可接受同埋燒緊果陣成日有d狗行黎行去,仲有隻好肥既貓仔添!!服務好,上至老細下至開爐個哥哥仔都好nice,有求必應總括黎講都唔錯,可以再黎
continue reading
星期四朋友生日，點估都估吾到主角話要燒烤，燒烤係ok，但係壽星女好似冇睇天氣報告，當日好大雨，好彩坐小巴都停到燒烤場門口。 可能係我地來得早，場內只有我們一班人，不過都好，氣氛好似私人party！ 除了例牌的食物，我們自帶左海鮮來燒，壽星女就當正自已係美女廚神，由洗蝦蟹到燒扒，她都一手包辦，但係以我所知，佢係吾識煮飯個隻，其他佢既朋友仲話什麼 ”厲害呀!” ---(想界佢都吾使甘作撞架) 。 壽星女好似吾知燒蟹係吾使落鹽架!! 就係甘，隻日本長腳蟹就變左隻鹽焗蟹，點都好，賣相都算吾錯，而個兩位男性朋友就猛話好食(他們應該係熱氣) ，壽星女都偷偷問我係咪咸左? 後來我就請英幫手燒其他食物，壽星女一行開左去所，個兩位男性朋友就去左睇電視吾幫手(好現實) ，唉，好彩小妹我睇左幾集蘇施黃，係自帶物資有限之下，我就問左燒烤場職員拿了少許蒜容同牛油，及用左少許本來買回家整cheesecake的芝士，就係甘，最後在街市所買的帶子，魚同青口在我的處置下，香氣十足，見到壽星女笑到條舌頭都申出來我都好欣慰，而個兩位螞蟻男性朋友就假假地甘” 樓住” 個燒烤爐。 燒到一半，個燒烤場開始有其他人入場，D人經過見到我用個燒烤架燒得甘過癮，都效法我甘燒添， 而個D職員就好忙甘洗燒烤架。 個晚切蛋糕既時候突然落好大雨又打雷，好彩依個燒烤場係有蓋，如果壽星女係露天公燒烤場擺生日睇怕D男士護駕都吾係甘易。 依到個D蝦味雞翼都幾得，吾好查蜜糖甘燒，九成半熟係最好食，除左海鮮，成晚最欣賞係蒜容包，南乳、蝦味雞翼同麻辣雞扒。 Curry尤魚一般，場內的蜜糖樽倒轉倒蜜糖有點浪費，建議用掃！值得一讚既係依度的服務，有禮貌，食物算吾錯，氣氛傾到計吾會太嘈，有風扇吹，不過有埋冷氣就一流，有個大型投影電視，可能打大風，冇開。 位置吾” 隔攝” ，只係冇像其他燒烤場有賣玩具的店鋪，而所則可以。 幾好，有活動可以再來。至於同行人士，我比較希望係全女班
continue reading
週曰同事相約踩單車,上半場由大圍踩去大尾篤,下半場再燒烤!我當然贊成參加.....下半場啦!佢有佢地踩兩個轆我有我揸四個轆!下午兩點來到入場,燒烤場的小姐非常緊張地問有無訂位?仲以為好爆場...原來到六點燒完走時都唔超過二十人!食物方面水準真係好一般!無一樣係特出嘅!唔似得其它燒烤場,有某樣食物係耐唔耐想起就會去食(好似劉星花園嘅台灣腸,朱古力燒烤場的黄心蕃薯)環境係弱項!只得一片石矢地同草叢全無景觀,仲要有好多蚊!不過員工態度友善同埋都有蚊怕水供應嘅!比上不足比下有餘,總好過某間喺監獄咐近,去完之後連寫都費事寫的地方!
continue reading
同男朋友拍拖9週年紀念~諗住黎番個2人bbq~去到大埔之後打去問幾錢位!老細答$88 位!包一枝水同飲品~勁好禮貌呀!!!感覺已經好好!去到之後老細原來話好彩我地有訂位~原來冇訂位貴d ga!^^去到環境好ok呀!比我想像好好多~又唔熱!搵位坐低之後就有人幫我地起爐~拎野俾我地食~d野全部細細塊~可能就係因為咁~d野全部都好入味~好正~雞翼有3隻味~3隻都好ok!!!特別係南乳~~~淨係雞翼同男朋友都食左起碼30隻呀!!!雞扒都好正呀!辣辣地~牛扒個樣唔得!但燒起上黎又幾好食wo!燒足4個鐘!2個人2包炭都用唔晒呀!!!呢4個鐘聽到前面o個台同後面o個台都話d野好味!最衰我住得遠!唔係短期內一定再黎~
continue reading
(續上文: http://www.openrice.com/restaurant/commentdetail.htm?commentid=1989797)離開西貢後，我們到科技園一遊，之後也是時候想晚餐在那裡吃。朋友想燒海鮮，便先到大埔街市買來帶子及大蝦，之後驅車到大尾督找燒烤場開餐。本來見「燒烤王」很旺，也想光顧，但原來車位早已爆滿 ，而門外已有通告說明不准帶外來食物入場（至少收$100）！這樣，我們唯有離開。好不容易才駛離狹窄的出口，到了隔鄰的這裡。雖然人氣明顯不及「燒烤王」，但勝在有位泊車，而且沒禁止攜帶外來食物，於是便決定入場。入場費 ＝「海鮮價」... 下面有食家報告是每人$88；我們當時詢問是每人$120，但另一人收錢時，卻只收每人$100！(包一枝水及一罐汽水、膠义紙碟紙巾、兩包炭，食物任取)先說店方提供的食物： 雞中翼：咖哩及老水味各有幾隻。咖哩味的好重料， 非常辣；老水味的就幾好； 雞全翼得一款味，也不錯； 豬扒：好入味，沒有冷藏味； 多春魚也好，沒有甩頭甩骨； 麵包：絕大部份已塗上蒜蓉牛油，如想要原味的...只能講彩數 不知為何，朋友燒的第一塊，怎樣也不燶，難道是假的？ 哈哈！ 魚旦、牛丸、墨丸、貢丸、獅子狗、芝士腸等都幾好， 沒有雪得硬似石頭；（沒取普通腸仔、紅腸） 錫紙任取，我們用了不少來包粟米和蕃薯烘， 及自攜的帶子。 原來沒有任何腌製或調味的海鮮也很鮮美！ 大蝦頭有好多膏，好正！ 帶子燒到 over-done，裙邊有幾多黑色的東東，不敢吃。兩包炭真係唔夠，不過見有鄰枱離開，我們就取來剩下的炭，所以儘管由8點燒到11點，一直都有足夠燃料，無需再買！當晚天公不造美，時有小雨，好在在簡陋的大鐵皮屋下，不用被淋。場中央有電視，但只有三十幾吋大，接收也十分差，畫面不時跳動及「落雪」，想邊吃邊看「美女廚房」也不盡興！洗手間距離都幾遠，而且要穿過一個低矮的溫室地帶，燈光昏暗... 不能說污穢 (好過旺角的茶餐廳)，但幾有大陸feel！
continue reading