大尾篤紅樹林燒烤場 (Closed)

踩單車到大尾篤自然就想bbq見呢間有任食(好似$7x / 位)又唔多人就入左去第一輪野食係要食佢執比你果兜先,丸呀肉呀乜都有d咁不過最奇既就係有d生蘿白,生菜之類...燒又唔係,佢話比我地生食既...但掂晒落d生野度,點敢食呀食物種類唔算太多,但雞翼就有幾隻味揀,南乳味正,腸仔係廚師腸蒜蓉包都好味,其他就一般地方唔算大,一片石地,冇景亦冇咩玩,係有個投射電視,算係咁行去toilet條路好黑...種左好多蘆薈,廁所清潔尚可接受同埋燒緊果陣成日有d狗行黎行去,仲有隻好肥既貓仔添!!服務好,上至老細下至開爐個哥哥仔都好nice,有求必應總括黎講都唔錯,可以再黎

星期四朋友生日，點估都估吾到主角話要燒烤，燒烤係ok，但係壽星女好似冇睇天氣報告，當日好大雨，好彩坐小巴都停到燒烤場門口。 可能係我地來得早，場內只有我們一班人，不過都好，氣氛好似私人party！ 除了例牌的食物，我們自帶左海鮮來燒，壽星女就當正自已係美女廚神，由洗蝦蟹到燒扒，她都一手包辦，但係以我所知，佢係吾識煮飯個隻，其他佢既朋友仲話什麼 ”厲害呀!” ---(想界佢都吾使甘作撞架) 。 壽星女好似吾知燒蟹係吾使落鹽架!! 就係甘，隻日本長腳蟹就變左隻鹽焗蟹，點都好，賣相都算吾錯，而個兩位男性朋友就猛話好食(他們應該係熱氣) ，壽星女都偷偷問我係咪咸左? 後來我就請英幫手燒其他食物，壽星女一行開左去所，個兩位男性朋友就去左睇電視吾幫手(好現實) ，唉，好彩小妹我睇左幾集蘇施黃，係自帶物資有限之下，我就問左燒烤場職員拿了少許蒜容同牛油，及用左少許本來買回家整cheesecake的芝士，就係甘，最後在街市所買的帶子，魚同青口在我的處置下，香氣十足，見到壽星女笑到條舌頭都申出來我都好欣慰，而個兩位螞蟻男性朋友就假假地甘” 樓住” 個燒烤爐。 燒到一半，個燒烤場開始有其他人入場，

週曰同事相約踩單車,上半場由大圍踩去大尾篤,下半場再燒烤!我當然贊成參加.....下半場啦!佢有佢地踩兩個轆我有我揸四個轆!下午兩點來到入場,燒烤場的小姐非常緊張地問有無訂位?仲以為好爆場...原來到六點燒完走時都唔超過二十人!食物方面水準真係好一般!無一樣係特出嘅!唔似得其它燒烤場,有某樣食物係耐唔耐想起就會去食(好似劉星花園嘅台灣腸,朱古力燒烤場的黄心蕃薯)環境係弱項!只得一片石矢地同草叢全無景觀,仲要有好多蚊!不過員工態度友善同埋都有蚊怕水供應嘅!比上不足比下有餘,總好過某間喺監獄咐近,去完之後連寫都費事寫的地方!

我地得3個人，唔想自己買野咁麻煩，所以就上openrice睇下有咩BBQ場係包晒所有野啦，咁見到呢度食評幾好就去試下！本身打電話去問過明明話包埋２包炭，一枝水加一罐飲品點知去到呢，先講包炭，得一包！！佢話幫我地起爐o個度已經用左一包！！但得幾粒炭！野飲方面，佢話得水「或者」一罐飲品，同佢講話我地打電話問過明明話兩樣都有，佢就話係有，不過係５月之前，o個陣做緊個優惠期，接我地電話o個個人可能唔清楚wo~佢話!!有呃人成分!!!野食方面，選擇真係好少！D雞翼真係好難食！！有陣「格勒底」味！真係食到眼都突！！D扒類ge味道都係好奇怪....有陣味~主要成餐都食腸仔同D丸類,好唔抵不得不提ge係，個環境真係好差！！好多蟲，飛黎飛去！又飛去D食物度!!又飛去個身度！真係食到怕！！好dirty!!!!不過，佢地D服務態度都幾好！但係我地食左一陣就頂唔順走左...下次都唔會再黎~~

本來諗住去左大尾篤個霸度玩先架, 但太大雨, 決定先燒野食。我地去左呢間"紅樹林"度燒, $88一位, 任食包1支水同1罐汽水, 價錢平過隔離既"燒烤王", 聽團友講呢度環境企理D, 就決定向度開爐。落雨關係, 我地包左個場成2粒鐘先有其他客黎, 正, 我地玩晒!!點解要影人開爐呢? 事關呢位哥仔非常勤力 (成個場冇人冇老細, 都好乖咁向度執野整理D野), 而且服務態度非常好 (我地好Q煩, 又呢樣又個樣, 佢都冇唔耐煩, 仲記得晒我地成揪既要求喎), 你話係咪要讚丫! 十個好!!!講下食物, 真係好唔錯架! 尤其是雞翼, 有好多口味, D肉又好滑, 讚!另外仲有腸類, 扒類, 丸類等大路野, 其他有魷魚, 多春魚等等, 不過蔬菜少左D, 得粟米, 蕃薯, 青瓜, 蕃茄同洋蔥。另外, 蒜香牛油麪包都好GOOD!去廁所途中見到好多蘆薈, 原來後面係自耕地, BBQ既蔬菜都係自己種架! 蘆薈附近有幾隻狗, 不過唔使驚, 佢地好乖!6位團友都覺得有機會一定再黎呢間BBQ場!

同男朋友拍拖9週年紀念~諗住黎番個2人bbq~去到大埔之後打去問幾錢位!老細答$88 位!包一枝水同飲品~勁好禮貌呀!!!感覺已經好好!去到之後老細原來話好彩我地有訂位~原來冇訂位貴d ga!^^去到環境好ok呀!比我想像好好多~又唔熱!搵位坐低之後就有人幫我地起爐~拎野俾我地食~d野全部細細塊~可能就係因為咁~d野全部都好入味~好正~雞翼有3隻味~3隻都好ok!!!特別係南乳~~~淨係雞翼同男朋友都食左起碼30隻呀!!!雞扒都好正呀!辣辣地~牛扒個樣唔得!但燒起上黎又幾好食wo!燒足4個鐘!2個人2包炭都用唔晒呀!!!呢4個鐘聽到前面o個台同後面o個台都話d野好味!最衰我住得遠!唔係短期內一定再黎~

(續上文: http://www.openrice.com/restaurant/commentdetail.htm?commentid=1989797)離開西貢後，我們到科技園一遊，之後也是時候想晚餐在那裡吃。朋友想燒海鮮，便先到大埔街市買來帶子及大蝦，之後驅車到大尾督找燒烤場開餐。本來見「燒烤王」很旺，也想光顧，但原來車位早已爆滿 ，而門外已有通告說明不准帶外來食物入場（至少收$100）！這樣，我們唯有離開。好不容易才駛離狹窄的出口，到了隔鄰的這裡。雖然人氣明顯不及「燒烤王」，但勝在有位泊車，而且沒禁止攜帶外來食物，於是便決定入場。入場費 ＝「海鮮價」... 下面有食家報告是每人$88；我們當時詢問是每人$120，但另一人收錢時，卻只收每人$100！(包一枝水及一罐汽水、膠义紙碟紙巾、兩包炭，食物任取)先說店方提供的食物： 雞中翼：咖哩及老水味各有幾隻。咖哩味的好重料， 非常辣；老水味的就幾好； 雞全翼得一款味，也不錯； 豬扒：好入味，沒有冷藏味； 多春魚也好，沒有甩頭甩骨； 麵包：絕大部份已塗上蒜蓉牛油，如想要原味的...只能講彩數 不知為何，朋友燒的第一塊，怎樣也不燶，難道是假

一心同成班朋友燒烤，話明自助$88任食，無錯係任你食........不過"炭"就只有兩包???唔通一包六磅既炭可以燒4粒鐘???!!!從來都未試過"自助燒烤"加炭要比錢(炭-每包$18)，都怪友人無睇清楚!雖然如此，但講真o的野食又ok，因為食後又不覺有味精。只不過款式不多，但如果你鐘情於"燒雞翼"的話，佢都可以滿足到你。不過我不會再去了!

整體食用整得唔錯,好入味!超碼唔會種種肉食落都一樣味!不過種類軟小主打雞中翼,有大中小 ,咖哩,南乳,原味!咖哩好香...好正牛扒亦一流...不過無金菇粟米...有d失望....蕃薯又要另外加$...4個人有2包炭...本身應該夠,不過佢d炭唔知點解燒得好快....另加一包炭$18!我地燒左4小時用左3包炭!!環境十分一般...洗手間尚可接受整體唔錯,有下次!

好耐冇燒過野食, 今日特登請左半日假同Auntie &Uncle去BBQ, 本來諗住去大尾篤燒烤王, 點知佢話初十五先有做任食BBQ, 係咪咁貴丫? 唔一定要食你遮下嘩? 咁就改黎呢度啦, 今日係星期三, 我都預左冇咩人架啦, 由三點幾燒到七點幾, 成日見到既, 計埋我呢台都係得兩枱客, 想食咩就入去囉, 好鬼Free呢, 感覺上好似包左場咁 : )每位$88任食, 包開爐, 兩包炭(加多包都只係加$18), 一枝水同一罐飲品, 野食都係大路野, 有牛丸、墨丸、貢丸、黃蕃薯、粟米、魚旦、獅子狗、芝士腸、多春魚、雞軟骨、豬扒、牛扒、蒜蓉麵包、腸仔、雞翼就有好多款, 有原味、小辣、大辣、南乳, 雞全翼就得一款味, 豬扒勉強ok, 牛扒唔好食 : (墨丸、魚旦、蒜蓉麵包幾好食小辣雞翼好好味, 最好食呢個 : ))雞全翼就好大隻, 份量好夠, 埋單啪左好似7隻 黃蕃薯好甜, 大家都好滿意呢度做野位先生好有禮貎, 聽電話又好, 問佢野又好,走時仲好有禮貎同我地byebye, 直係值得一讚廁所同環境都好乾淨, 唔係大家講咁差. 但可能因為今日靜d先係咁,

I went to BBQ with my husband's friend at last month( 24/12), there is a very big TV for watching.The food are not very good, but we need not heat up the fire. and no need clean up after what u have, that is quite good choice for friend gattering.There are not so many choices about the food, but the big chicken rings, butter onion bread, "fish ball, meat ball" is okay~ The other things are not so good bor.....

星期六（２００８年１２月２０日）本來與一班同事去燒烤王的，但發現沒有任吃而且要開爐費三十大元一個，又要叫餐吃，我哋有十人，要叫十一人餐都未必夠吃，加上有一班廣西乜乜會在聯誼，又唱歌又抽奬，好嘈。於是就去了隔離的紅樹林燒烤場，$75任食，還有大電視睇，OK喎。特別係蒜茸麵包，我哋食咗好多，咖喱魷魚又唔錯，估唔到有咁多任食的款式，$75真係好抵。不過最後先同我哋講吃剩的要一磅$40，如果佢一開始講埋仲好。

尋晚第一次同屋企人去呢度BBQ. 個場比隔籬大草原和燒烤王細. 環境一般, 去廁所要行好遠.又污糟.$75任食4個鐘, 包一水一罐裝飲品. 我地共六人包兩包炭. 食物好一般, 雞翼款式最多, 不過味道麻麻, 唔夠入味, 雞全翼較好. 反而我同屋企人都覺得雞軟骨最好味, 不過好難"吉". 我去過咁多個燒烤場, 呢個場D職員服務態度最好, 最友善, 佢地初時開o左個細爐俾我地, D炭都著o左火啦, 我地突然話想要大爐, 個哥仔都好願意換俾我地, 全無不滿. 派食物D姐姐都好nice, 好多人同時問佢地攞食物佢地都好有耐性. 甚至之前我打電話去問個場D野時, 個老細都好有禮貌.最敗筆之處係D食物成日未解凍好, 問佢地攞豬扒牛扒金沙骨都成日未解凍, 幾乎去親都淨係攞到D丸仔腸仔. 連麵包都出唔切. 總括來講, $75唔係好值

2008年5月4日同班老友去大尾篤踩單車,經過呢間燒烤場,我就入去問一問價錢喇.估唔到個老闆同我講$75任食,送一罐汽水,仲唔收開爐費潻.我心諗星期日喎有無咁大隻(甲那)呀!!!我身為一個精明嘅消費者更喺去喇!就算再唔好食都喺一次啫.到攞嘢食嗰時,老細同我講佢哋最出名喺雞翼(有6-7種味GOOD)仲有香草galic bread都兔費任食我心諗老細更喺揾麵包攪飽我喇!點知到我食完一塊又一塊,真喺去燒嘢食未食過喲咁好食嘅麵包!雞翼方面呢我就最鐘意勁辣雞翼,其它嘢食都好滿意,最要一讚嘅就喺我燒完啲食物都唔覺口喝,燒咁多間都未試過,最抵死嘅喺.............................我嗰日無比到錢呀:!因為我嗰日牛一,老細聽到我班朋友同我唱生日歌,走過嚟問我喺唔喺正曰,原來只要有十個以上嘅人幫襯,正日生日嗰個就可以免費.(正正正).跟住仲比返$75蚊我潻,都未見過有人咁做生意!老實商人hehehe.............臨走嗰時仲成班員工同我哋講bye bye......真喺好nice.P.S. 嗰曰老闆潛水捉蟹,捉咗好多大花蟹送咗比啲熟客食. 好彩我生日我都有份啫

星期六即興同女友２個人黎左呢度BBQ入到去見到有部大電視係咁意問下　：　"請問今晚會唔會有波睇呀?"女職員："無喎! 我地得無線同翡翠台架咋...咪即係一樣... 呵呵呵"OMFG...太可笑了............... -.-凸一坐底就收左我地每人75...(想走都唔得添>_<...)揀野食...! 無金菇亦無粟米...食物款式太少勒.......不過以有限款式既食物黎講... 佢既質素係OK既是夜我地睇埋頭文字D先走無得選擇之下我地食丸食到飽呀！_！下次都係自備食物為妙