太平館餐廳

Open Now

Now Closed

我很少來到這一間餐廳，對上一次嘅係幾時? 我都唔記得，因為睇了一篇文章關於這間太平館的歷史，講述佢啲食物，佢有講瑞士雞翼，燒豬髀飯，最緊要講燒乳鴿啦，講下又講到啲歷史，講下又講百幾年前嗰間廣州市嗰一間，又講下孫中山，又講下蔣介石，仲有好多歷史人物，講到我又好想去試下。想起一樣食物我係未試過好想試，所以就選擇這個這個午餐試一試嗰個感受，燒豬髀飯。去試之前我睇了一些食評，有好有壞，唔緊要咁就試下啦，上到去其實都九成滿，我非常幸運有最後一個卡位，環境係舒適嘅，裝修係有啲懷舊，不過都好舒服，至於侍應生的服務其實都不差沒有食評寫得咁差。這個午餐我叫了羅宋湯，味道夠濃，材料又足夠，我個人喜歡這個味道，滿意，至於個餐包，合格嘅，幾好，燒豬髀飯呢，我個人就覺得沒有什麼驚喜，配菜都係OK嘅，豉油汁係好味嘅，白飯正常。最後飲了一杯即磨咖啡，係跟餐嘅，都OK喎。好舒服咁坐咗一陣，埋單112蚊計埋加一，其實都OK喎，唔貴。埋單之後落樓在附近睇緊櫥窗一陣嘢，突然之間，太平館有個侍應生好似衝咗落嚟樓找我，他遞給我一個小銀包，我連聲多謝，原來剛才我大意留低。過了一陣我又衝返上去，給這個侍應生20蚊的小費答謝他盡責找

太平館餐廳是一家著名的廣東西餐廳（又稱「醬油西餐」），創立於1860年廣州，其後創始徐家後人全力在香港發展，現時在香港經營太平館有四間分店今次我選擇到了尖沙咀加連威老道分店懷舊一番。太平館從創始至今一直使用傳統的粵式郵政式拼音充滿懷舊感鋪有紅色地毯的梯級彷彿走進了時光隧道週未約三時，客人不多二人坐在寬敞的卡位侍應穿上整齊制服，主動端上熱茶送上餐牌，服務不錯下午茶可選擇款式不少我們選了兩個下午茶餐燴牛脷意粉意粉掛上味口濃厚醬汁牛脷份量足，厚切成條狀，軟腍無羶味，脂香高逸，好吃另外點了太平館瑞士雞翼配火腿蛋炒飯($72)，想不到下午餐茶也可一嚐招牌菜之一的瑞士雞翼招牌菜，源於一名外國人在太平沙太平館進食「豉油雞翼」後大讚：「Sweet! Sweet! Good!」。當時的侍應將該句說話轉述給一名當的客人請教，不知就裏而誤譯為「瑞士」，自此「豉油雞翼」就被稱為「瑞士雞翼」，名稱由來相當有趣太平館瑞士雞翼雞翼浸在獨門瑞士汁，有頭抽、頭抽、冰糖、紹酒、香料及上湯的味道，皮滑肉嫩，招牌菜當之無愧跟餐的火腿蛋炒飯粒粒蛋香，有火腿粒，炒飯粒粒分明，不會太咸，拌以瑞士汁吃味道剛好餐茶熱咖啡可自行加奶份量

太平館呢個名聽過好多次，亦已經開咗好耐，但亦從來都未食過。朋友提早兩星期打電話book，餐廳裝修雖然比較懷舊但一D都唔老肚，反而好優雅，而且座位好寬敞，仲有很多卡位添。瑞士雞翼，好滑身，而且瑞士汁味濃郁，甜甜地幾好食。燒豬肶，偏肥，有D鹹。乾炒牛河，瑞士汁做得好，味道很正。梳乎里很大，外皮光滑，入面軟綿綿，好軟熟，而食落有少少偏甜但可接受的，五六個人一齊share嚟吃就剛剛好。侍應雖然比較年長，但服務好好，對小朋友都好友善。

太平館已經開咗好耐，係香港人嘅回憶，每次經過都好想去食，今次去開尖沙咀參觀藝術館，就順便食個下午茶先🍵。下午茶都好多選擇叫咗著名太平館瑞士汁牛河，葡汁焗三寶飯，會牛脷意粉，甜品係叫了巨型梳乎厘，配飲品一杯。甜品糸巨無霸疏乎喱，差不多同頭甘大，超誇張，網上好多人介紹過，聞名不如見面，哈哈哈！太平館瑞士汁牛河，味道偏甜，河粉索了牛肉汁都好好味，牛肉入囗嫩滑，不愧為鎮店之寶。會牛脷意粉，牛脷口感比較韌，意粉味道正常。葡汁焗三寶飯，ok 好食，份量都唔少👍餐廳有一定歷史，老字號一間比一間少，真係要多些幫襯支持下。

已N年無幫襯，今日下午茶，同朋友去食，點了瑞士汁炒牛河、蝦多士，想食埋梳乎里，點侍應叔叔份量會否太多，他説梳乎里只有一個size，有人食得晒，亦有人食唔晒，但要預半小時，最後河粉同多士到左，決定食埋梳乎里。環境冷氣充足，坐得舒服，瑞士汁不會過甜，好味，蝦多士雖不是金黄色，但無油益味。傾下傾下，梳乎里到了，造型100分，香噴噴，打卡👍👍👍有時有好多老餐廳保不住舊有嘅味道，但今次食得好開心， 仲好有人情 ，尾聲時侍應叔叔過來問我地食唔食得晒， 笑容好親切， 我話你下次可以同人講2個女仔都食得曬🤣🤣🤣

餐廳一切裝潢都停留在舊式香港的時期，港味甚濃。環境寬敞，而且有很多卡位，用餐時不易受旁邊影響、私穩度高。食物則以港式西餐為主：焗飯、燴意粉等等，今次先嚐一下干炒牛河和瑞士雞翼。 太平館干炒牛河 ($88)• 午餐會附送一貫香軟的牛油餐包和餐湯，我選擇的是羅宋湯，味道偏甜、雜菜頗多，辣度提高一點更惹味。• 河粉炒得頗為煙韌彈牙，每條都被一層油包裹著，吃起來充滿油香。• 牛肉味道香濃，炒的程度剛好，口感香嫩、彈牙而不起渣。• 當中有不少芽菜、蔥段以及蛋絲，令口感更有層次。• 份量適中，作為午餐是個不錯的選擇。瑞士雞翼(2隻)拼俄國牛柳意粉 ($88)• 這𥚃的瑞士汁味道獨特，咸甜的比例是5:5。雞翼則均勻吸取了醬汁的味道，頗惹味。• 牛柳香嫩，芡汁的份量很多，僅僅蓋過了整碟意粉，味道有點像改良過的洋蔥汁。

本來行過好熱諗住上嚟涼下飲碗湯海龍王鮑魚湯好足料不過冇鮑魚餐包好硬、牛油好硬我仲叫咗瑞士汁雞翼同埋乳鴿拎走好啦咁同咗經理講雞翼同乳鴿係拎走點知去到買單嘅時候佢哋竟然加埋晒一張單話淨係乳鴿係走10%因為外賣咁有咩理由好雞翼同乳鴿都係外賣點解雞翼要加10%？跟住收錢嗰個白髮魔女就喺度發癲咁喺度話咁你個我乳鴿後尾先加嗎、咪幫你請外賣囉雞翼唔轉得！跟住個經理已經即刻走過來同我講幫我校返張單不過個白髮魔女仲係咁喺度鬧🙄我都已經冇出聲㗎喇走嘅時候佢仲喺度鬧緊真係以後都唔會再理依間餐廳廢事買氣受🤬

老字號的西餐廳「太平館餐廳」，瑞士汁嘅由來係一名外國人在太平館食咗當時仲係叫「豉油雞翼」嘅菜式後，大讚：「Sweet! Sweet! Good!」侍應為了證實這句話的意思，向一位客人請教。可能口述有誤，最後，Sweet (甜)被誤譯成 Swiss (瑞士的)。自此，「豉油雞翼」就被稱為「瑞士雞翼」。媽咪話好想嚟試下佢嘅瑞士汁雞翼同疏乎厘，所以今日就嚟咗呢到😳 由於佢嗰疏乎厘好大，所以我哋一行八人KO佢🤣嗌咗呢啲⬇️ 我全部都試過哂😂 全部食物唔係唔好食，但係性價比真係好低，加上服務態度差，員工無乜耐性，但又無乜記性😅 落單嘅時候落落下又走咗去話你哋諗好先，又嚟錯咗3次嘢，叫佢收碟收咗幾次都無反應😅 由於佢嗰廁所係下面，要收銀嗰到撳掣先開到，想去嗰廁所都俾人呼呼喝喝😰 👉🏻肉眼扒餐 $360 - 鐵板上嘅肉眼扒餐跟薯菜，肉眼扒係淋嘅有牛味，但唔係特別靚嘅牛，薯條炸過火，我會講只值$180😂 可三思🙃 跟餐包、牛尾湯(好足料)、基本飲品同甜品👉🏻朱古力奶昔 $54 - 味道係okay嘅，但$54呢個價錢呢嗰容量呢嗰杯上就唔okay la😅 似平時餐廳加特飲嘅質素👉🏻疏乎厘 $148 - 好大

見好耐冇去太平館就同媽咪一齊去食下午茶。叫咗一個乾炒牛河 咁侍應上菜嗰陣我哋就問佢「唔該 可唔可以比埋辣椒醬？」點知佢冇反應掉頭就走咗 咁我哋以為佢聽唔到啦 咁咪講多次問佢拎辣椒醬 點知個侍應突然擰轉頭大聲話「辣椒醬！辣椒醬！而家咪行去拎緊俾你囉！」聽到佢咁講果下火都嚟埋 好聲好氣問你拎嘢 見你冇反應先講多次啫 你唔應點知你聽唔聽到呀？其實你當時應一句好啊或者俾反應咁人哋咪唔會再問囉 咁我哋咪即刻咁樣同佢講「你唔出聲我點知 知道我哋就唔會再問啦」跟住個侍應竟然駁返我哋轉頭話「我頭先有點頭㗎 係你哋自己睇唔到」其實成件事好小事 但我哋覺得佢真係好冇禮貌 講到好似我地唔啱咁 其實佢當時出句聲就唔會令人誤會啦 呢度又唔係收得平 我哋都唔係要求啲咩服務 但都唔使咁串貢貢？？😡😡😡而且嘢食我覺得冇以前咁好味

已致電留位，講明兩大人一小，要有嬰兒凳，去到只是安排兩人枱，坐出路口，有空置四方台也不安排。上菜還是靠近小朋友上菜，服務的人年紀大了，不細心也未見有愛心，服務不到位。

嚟到呢到 當然必食佢地嘅名物超巨型梳乎厘🤩🤩上枱嗰下真係嚇親 超級大個！！食落去好fluffy 好鬆軟 入口即溶咁😍個蛋香味好濃郁 唔會好重麵粉味！雖然好大個 但都幾空氣感 食食下就食晒😎

野又難食 難得食個梳乎厘 有一半好似奄列咁 一塊塊蛋白 問佢點解會咁佢答「係有蛋白架」講到我未食過梳乎厘咁😅態度又差 黎幫襯好似欠左佢咁 D雞翼玫晒😅點解咁都仲收咁貴🤨

#太平館餐廳 由於佢地太多招牌菜，最後我地四個人嗌咗4個Lunch set share，咁就可以試多D招牌巨型疏乎厘😨大過我個頭👀呢到最出名既甜品～必點！依舊好有蛋味🥚🥚🥚唔知落咗幾多隻蛋黎整呢太平館瑞士汁炒牛河
雖然個汁睇落好深色但其實個咸度啱啱好👍🏼👍🏼係好好味😋牛肉都好入味另外一個葡國雞飯同白汁燴石斑意粉都好有舊既風味，係好好食😋👍🏼👍🏼好似而家出面都冇呢個味啦。。📍 太平館餐廳 (尖沙咀)尖沙咀加連威老道40號地舖

細細個就聽過太平館好耐,亦都好多次想去試下!聽聞佢嘅乾炒牛河、瑞士雞翼係超級好食! 仲有大過你個頭嘅必食梳乎厘!但可惜咁耐都冇去過, 結果前兩日終於的起心肝去試下啦!企都未企定已經畀人當狗咁樣喝…掃咗咗安心出行未? 掃咗針卡未? 量體溫未?我已經好乖, 好溫柔咁樣答佢…做曬啦!期間有一台客叫咗佢兩次落單, 佢差啲想鬧個客話"你睇唔到我帶緊嗰啲㗎咩?"跟住就好惡咁樣叫我哋坐路口嗰一張枱!當然我個選擇就梗係唔係坐低, 而係你離開啦!對唔住我係冇被虐待狂嘅!就算你啲嘢好食到識飛都好, 我都唔會選擇坐喺度受你氣!點樣好食嘅餐廳請著你啲夥記絕對係趕客!我呢一世都唔會再想去嘗試太平館!

裝修真係好舊式，連啲侍應都好似凝固咗喺以前嘅年代咁，與時並進嘅似乎只有佢嘅價錢😂1. 瑞士雞翼👍🏻 心諗咩雞翼要90幾蚊四隻？不過話曬呢度係發源地，點都要試下嘅。啊不過佢又幾大碟，隻雞翼手掌咁大，都叫冇咁肉赤。食得出瑞士汁同出面嘅好唔同，隻隻都浸到入晒味，好食。2. 葡國雞飯👌係點都好食過出面嗰啲港式西餐廳嘅，但真係太貴了，可以唔使特別試。3. 乳鴿👍🏻👍🏻👍🏻超好食，外焦內嫩，多汁有肉地，咬落去啲油滋曬出嚟，有椒鹽味又唔會好咸，好香口。4. 梳乎厘👌好大份，真係兩個人食唔晒，質感好動L，味道就只係普通白糖味，第一啖唔會好甜，但因為太大舊會愈食愈甜。5. 煉奶啫喱👌冇嘢特別，唔需要試。我覺得佢嘅乳鴿同雞翼都令人深刻，係貴咗啲，不過可以try try 。