大同老餅家

Open Now

Now Closed

想食正宗古法老婆餅，又唔想入元朗。我每次都會去利東街一間分店度買，雖然老婆餅嘅價錢間唔中就加，但係水準味道仍然keep住，既然慳咗車錢時間，價錢嘅加幅絕對可以接受。鬆脆嘅外皮，暖暖嘅糖冬瓜蓉餡，食一舊就已經好滿足。

每年都會去大同買月餅，今日趁午膳時間往買月餅，換來店員不耐煩對待，其實只是因某款月餅缺貨，問問會否再返貨啫，舖頭又唔係有客，仲要喺囍帖街遊客區，如果我係遊客，一定會對香港留下一個很差的印象，麻請店員留意一下你們的工作態度⋯⋯⋯⋯😡

每次經過店都會入去幫襯買老婆餅，每次買三幾個返去同家人分享。今日入去買，收銀用十級嫌棄尖酸刻薄的語氣話唔賣，中秋節唔會散賣老婆餅，要買就半打一打！咁大家連鎖餅店幾十年老字號，用呢啲銷售手法同服務態度，可惜。

這間「大同老餅家」感覺好「老餅」（老字號），行過灣仔地鐵站見到，好奇入去望下，有很懷舊的雞仔餅，老婆餅，棋子餅，迷你月餅... 也有我未見過 / 未食過的 白餅，白芝麻餅，鴛鴦條，荳沙條... 連臘腸都有得賣，最終，我各樣買些，送禮自用也好，順帶一提，「雞尾包」（HK$7.50）雖然不熱，但保留到香港原味道，好有「雞尾包」味，價錢 / 味道 / 服務 / 衛生都不錯！地點都好方便。好吃的話，還有分店在：元朗阜財街57號

早兩年都有買過大同的月餅吃，還可以的。因為喜歡吃有蛋黃的月餅，今年在大同買了一盒四黃和一盒十黃。早前開了個四黃吃，覺得蓮蓉較甜，而且蛋黃又細又乾又實，諗住可能剛剛呢個吾靚。今日切了個十黃，以為會好些少，點知D蛋黃除了乾和硬外，更沒有咸蛋黃的咸味，而且皮很厚，只吃了少許，不會再吃了，應該以後都吾會幫襯。其實我每年都會買不同餅店的傳統月餅吃，未試過咁差！本來想支持下本土的老餅店，但如果質素下降如此的話，相信以後都很難生存了！

今年中秋節係第一次自己買月餅🥮有時睇到大同啲報道，講佢哋幾代人用心做餅，經營餅店，同埋以前我細個都會喺元朗大同買麵包，都知道佢哋嘅出品真係唔錯☺️☺️今次就買咗一個雙黃白蓮蓉月餅同埋一個比較特別嘅燒雞草菇月餅😁😁 雙黃白蓮蓉月餅係超級好味我未食過月餅係清甜架！完全食到停唔到！簡直覺得過去咁多年食嘅月餅都係白食架！🔥🔥🔥 我以後絕對唔會花任何錢去買大型連鎖店嗰啲所謂月餅如果下次買，我會選擇三黃，因為雙黃嘅話，有一半左右嘅月餅係冇蛋黃，我都係鍾意有少少蛋黃鹹香味好食d😋雖然草菇燒雞月餅真係未聽過而且感覺好似怪怪地，明明係甜嘅月餅，點解要放燒雞，又要放草菇呢🤔🤔既然商店勇於嘗試，創造新口味，咁我都一於試一試啦😎😎草菇燒雞月餅食落係幾好味，其實就有少少似食緊五仁月餅，因為裏面都有好多果仁，不過就冇金華火腿，所以係冇火腿味，但係食食吓有啲比較硬嘅嘢我諗就應該係雞肉，係有少少鹹鹹地，但係就冇金華火腿嗰種甘香成個味道就係少少甜，又少少鹹口感方面，就係有果仁，又有少少柿餅感覺如果再有機會食，我都唔會抗拒但就未必特登買一個嚟食

灣仔利東街商場內~直接連結地鐵站,由地鐵站走過來,有條地下商店街小小的,但有好多唔同店鋪~其中有一間係大同餅家~最招牌係即焗老婆餅,每天新鮮焗製,味道清香而不油膩餡料不太甜,年青老人都愛吃除了提供酥餅類,仲有好多傳統餅食,另外有麵包,蛋糕,三文治等等供應~有光酥餅,豬仔餅,合桃酥,炒米餅,芝麻餅,豆沙酥 特大雞蛋糕,雞仔餅,老婆餅一件8蚊,而且創新了很多不一樣的味道有豆沙,黑芝麻等等~皮蛋酥都有,平均價都係$10以下,相當抵食麵包就有波羅包,雞尾包,蛋撻,鋪內有焗爐,都是由現場焗制,不是工場送貨,比較好吃呢~

屋企人想食五仁月餅，上網見到好多人推介，但始終月餅食太多都冇益，所以單買兩個試吓。真係好多年都沒有食過五仁月餅，原來都幾貴，不過好似健康少少。幾有咬口，幾香跟openrice指引去B2出口，中伏了，行多好多路，應該利東街D出口，一出去就見到，希望有關部門有時間就update一下個地址。

朝早食早餐，好多時都是求其食個包就算，但都想有熱食落肚暖下胃〜每朝經過都聞到好香麵包味，拎到手熱騰騰，應該是朝朝新鮮出爐菠蘿包 $6.5 ，正常size ，但外面層菠蘿酥非常厚，麵包又甜又鬆軟，最緊要是熱！之後又再試其他雞尾包之類，仍然無失望，好味又好抵食

I was surprised to see this old school bakery sell carrot walnut muffin cake and banana cake so got them.I wasn't impressed with the lady following me about in the tiny store. The receipt matched the old style bakery though printed in purple dotted ink.Not your traditional Western style carrot cake because it contains raisins and walnut and you can see it was quite oily.The banana cake wasn't nice because it was too sweet and there was no banana taste in it at all.

香港真正的老餅家是此店。因為恆香，榮華原本是茶樓，奇華則經營很多副業。仍堅持傳統風格的，只有此店。雖然都有開設跨區分店，推銷手法仍然陳舊。最新是此分店，骨子裡仍然守舊。我會推薦吃嫁娶二寶:雞蛋糕有蛋香，真是很高，保留大體積風格，不鬆散，不稠黐，感覺上其食物比其他三店專業。我更愛合桃酥，意指夫妻和合歡笑。入口即酥，合桃食品合我心意。惜傳統食品是缺點是太甜。其次，我覺得蓮蓉皮蛋酥很有特色。別店只供應蛋黃蓮蓉酥，皮蛋酥，此店在體積上，餡料上都是合體。我到元朗總店，是必食之選。此店的皮蛋稍硬，是客少，不新鮮之故。日常小食方面，我愛老婆餅。其他集團主要供應冬瓜蓉餡料，此店有豆沙，豆蓉餡料。惜焗爐保溫方面做得不及其他集團，影響了口感。仍有傳統的月餅會服務，即每月供款，中秋取餅（零存整付）。好「老餅」！蛋捲，臘味等未曾嚐試。在下圖的自動電梯往地牢，位置隱蔽。