太元樓

Open Now

Now Closed

放工後同屋企人黎食飯，晚飯時間都好多人，好彩我地早一步，見到好多都係街坊同屋企人黎食，又咁近附近既屋苑，好啱家庭聚餐👨‍👩‍👧‍👦.🥢妙齡乳鴿 $28 熱辣辣又香噴噴，見到幾乎枱枱都有點，皮脆而肉質鮮嫩🤤唔洗點淮鹽我都覺得好好味！而家優惠期先有咁平，真係好抵食，但每人只限叫一隻😲.🥢小籠包 $38 (4/5)小籠包皮薄，一咬開好多湯汁，味道鮮甜👍🏻.🥢砂鍋雲吞雞 $98/ 1/4隻雲吞同菜既份量都唔少😜雲吞好大粒，雞肉嫩滑，個湯仲好清甜😎.🥢金磚豆腐 $78 個皮炸得好薄好香脆，但裏面既豆腐都係勁滑😉加上表面有少少黑椒同鹽，好惹味😋.🥢賽螃蟹春卷 $38 春卷既餡料係賽螃蟹真係第一次食🤗感覺好得意🤣春卷脆口，但味道偏清淡。.🥢上海粗炒 $78個樣炒得唔錯，味道唔算好濃味，我覺得幾好，唔會太鹹，配料仲好足添👍🏻👍🏻.🥢高力豆沙 $16/粒 口感做到外脆，入面就非常軟綿🤩餡料有紅豆同香蕉，即使加埋糖粉都唔會過甜。值得試🥰

一星期前訂十位，店家說沒有圓枱提供，只有長枱。女兒回覆👌🏼，但仍交带清楚包括了一位小朋友。收到餐廳提供的餐單，約$3400另收加1，12位餐，奇怪單尾的壽桃或小籠包只提供6個及花膠雲吞鷄半隻，致電餐廳查詢，才獲知他們提供的餐單出錯，份量足夠12人吃。母親節當晚6時到達，只提供了4張泊在一起的2人枱，長枱頭尾都不能坐，兩邊都有其他食客，根本無位可換，9大1小迫坐8人枱。食物依序上桌，6冷盤及龍井蝦仁都可口。剛吃過菜單上的第2道菜，服務員居然端上甜品，子桂花糕欲放下。家人示意桌面已不夠位置，還在不適當的時候送上甜品，請服務員端回廚房，服務員表現錯愕，無奈地拿着甜品回廚房。鄰坐食客也覺好笑。總括整晚的食物，味道小小偏甜，但可接受的。奉勸各位，在時節的煩忙日子，不要尋新的食肆，免得食到一肚氣。

同朋友係北角做完嘢突然餓底上身，想食餐飽，又想食中餐，問下問下其他係呢頭返工嘅朋友，佢地就推介我地去呢度咁真心講，我唔係地頭蟲，一直誤會咗個位置，但好彩都揾到~去到朋友一見有水煮牛肉就話要食，我就要個上海粗炒餐，再每人加二十五蚊要小龍包同雞絲粉皮，再要多隻乳鴿大家share~order完之後，見到夾住我哋個兩枱真係叫到成枱都係，仲要份量唔少，我o地開始有d怕…懷疑自己係咪order太多…不過，個水煮牛真係好入味~而上海粗炒又唔會好油~最正係個雞絲粉皮，超爽口~小龍包都皮薄，真係要好小心夾~乳鴿就不過不失~因為份量多，結果都係要take away鋪頭大，乾淨企理，下次經過，我會再又嚟食

每次路經太元樓都見到好多人食，於是約左朋友一齊試食呢間京川菜。由於平日既人流唔算太多，不用等位就直接入座。餐牌上有好多不同種類既菜式選擇，最後決定叫擔擔麵，小籠包，糖醋魚塊，賽螃蟹春卷同高力豆沙。擔擔麵大大碗，帶有好香既花生醬味，辣辣地非常惹味。小籠包皮薄多汁，都唔錯，可以一試。賽螃蟹春卷味道相對其他食物較淡。糖醋魚塊甜度及酸度適中，非常適合配白飯食，好食！甜品方面，點左一份高力豆沙，入面有香蕉同紅豆蓉，上面加上糖粉，唔太甜，好食

早些時候 經過北角城市花園附近, 看見一間新開張的 滬菜餐館. 因為本人喜歡吃滬菜, 所以乘著假日 一嘗该餐館. 其實香港人近來都十分喜歡滬菜, 小小一個城市花園便有兩間以上的滬菜.餐廳內有包廂位置, 但是由於只是一兩個人吃便到大堂內. 其實餐廳最吸引我的便是哪些餐具,因為平時經過的時候也會看見的翠綠色的餐具在餐桌上十分搶眼.妙齡乳鴿 外乾內嫩 夫妻肺片醬汁正常, 但是有別於坊間一般的夫妻肺片用了大量的牛舌, 喜歡吃牛舌的人可以一試. 黃花魚外脆內嫩,細骨頭一可以吃(個人觀感不愛吃骨的不要吃). 最好的應該是擔擔麵,花生醬味濃, 小辣. 最後的酒釀丸子也不錯 可以和某間著名的滬菜餐廳一拼.嘗試以後覺得比城市花園內的另外一間滬菜好吃 至於服務品質上,由於是晚市,上菜時間也很快,並沒有和服務生太多交流.

今晚約了港島區朋友晚飯，大家都想食中菜，但為了避開母親節限定套餐，朋友就訂左呢間位於北角的京川滬菜舘。餐廳面積唔細，坐位多，環境佈置簡約時尚，感覺舒適，我立即讚下個friend, good choice太元手撕雞 ~ 配蒜香汁，好味黃金燻蛋 ~ 兩啖食完小籠包 ~ 記得要趁熱食，我地慢左😑火腿鹹肉炆津菜 ~ 個汁味濃，津菜非常入味😋燒乳鴿 ~ 好好食，夠份量，雖然做特價，但一啲都唔hea🤩👍雞煨麵 ~ 雞湯味濃，大大碗，好多菜和菇片👍😋炒鱔糊 ~ 朋友至愛，我好似只食了一口，便清了，太好食吧😁風味豬寸骨 ~ 有四支，一人一支，唔使爭😁，非常惹味，夠晒麻辣🌶，仲越食越麻👍😋

這天跟家人來吃午飯，這裡午飯時段是免收加一及茶芥費的。所以中午時段的人流也挺多，我們有幸獲安排卡位就座。午飯時段的餐牌有客飯、粉麵及商務套餐提供，並有豆漿或湯跟配。跟家人最後點了糖醋排骨飯、干煸四季豆、擔擔麵套餐各一份，再加配了一客小籠包及妙齡乳鴿一隻。下單後約數分鐘便上菜了，上菜速度挺快的，5分鐘左右都上齊了菜！即使是上班一族來吃午飯也不用擔心等候上菜的時間過長～味道方面，糖醋排骨的醬汁味道調得剛好，甜酸度適中，酸甜酸甜十分開胃，下飯一流，配的一大碗白飯都給我們吃光！而且肉質不鞋口及乾身，煮得挺入味的。  另外是擔擔麵，也是其中一道個人很喜歡的上海麵食，這裡的擔擔麵湯底帶點辣味及花生香，麵條煮的時間適中，不會過淋；吃麵時伴以豬肉碎及湯頭一同吃下，挺不錯。四季豆挺有穫氣，是住家菜的味道～來吃上海菜怎能不嚐小籠包？午市套餐加配的小籠包一客有3個($25)，皮薄，夾時要小心，一不小心便會弄穿，使湯汁溢出，肉餡量適中。

北角附近不嬲都出多好野食，特別係平價既親民餐廳！今日就黎左依間朋友介紹既太元樓食Lunch。太元樓係北角同炮台山書間，都係5-10分鐘路程。我地點左一個水煮牛肉套餐同回鍋肉套餐，另外加左隻妙齡乳鴿。水煮牛份量超大，一個人絕對食唔哂，入面有超多配料，仲有薯粉底！辣就唔算好辣既，比較岩香港人口味。回鍋肉不嬲都係我至愛，去餐依類京川菜館我都一定會點！依度既回鍋肉炒得好香，味道都幾濃，用黎送白飯簡直一流！而椰菜都口爽脆，充滿口感！紅燒乳鴿燒得外皮香脆，內裡肉嫩多汁👍🏻👍🏻👍🏻跟餐送豆漿食到飽哂埋單都係百零蚊！抵👍🏻

北角城市花園嗰度新開左一間上海菜館，門面非常大同靚，今日經過見到新開張午市客飯套餐免茶芥免加一，價錢都好公道，於是就走去試吓啦, 餐館內嘅座位非常闊落, 加上新裝修, 環境感覺光猛衛生👍🏼👍🏼糖醋排骨午市客飯套餐😋😋佢嘅糖醋排骨煮到好林，一咬落去可以話係骨肉分離😂😂，唔會韌，糖醋嘅比例都啱啱好酸甜適中，套餐可以揀豆漿或酸辣湯，又或者粟米魚肚羹，天氣熱熱地，我哋就揀咗凍嘅豆漿，原來佢哋嘅豆漿都係有機㗎，健康得來又唔會太甜，好有豆香味回鍋肉午市客飯套餐🐖🐖回鍋肉用豬腩肉, 辣味到位,唔會太過辣,而豬腩肉都好爽口, 一啲都唔肥膩,用嘅甜麵醬同豆瓣醬, 喺菜同肉上面都掛上汁, 配飯食就最啱乳鴿外脆內軟，不油膩，嫩滑而保持肉汁😍😍

北角附近不嬲都出多好野食，特別係平價既親民餐廳！今日就黎左依間朋友介紹既太元樓食Lunch。太元樓係北角同炮台山書間，都係5-10分鐘路程。我地點左一個水煮牛肉套餐同回鍋肉套餐，另外加左隻妙齡乳鴿。水煮牛份量超大，一個人絕對食唔哂，入面有超多配料，仲有薯粉底！辣就唔算好辣既，比較岩香港人口味。回鍋肉不嬲都係我至愛，去餐依類京川菜館我都一定會點！依度既回鍋肉炒得好香，味道都幾濃，用黎送白飯簡直一流！而椰菜都口爽脆，充滿口感！妙齡乳鴿燒得外皮香脆，內裡肉嫩多汁👍🏻👍🏻👍🏻跟餐可以揀豆漿，唔會好甜！食到飽哂埋單都係百零蚊！抵👍🏻

整體食物都比其他食店偏淡，但都好食的，賣相唔錯，能夠增加食欲。蟹肉春卷： 個皮有啲硬，入面無咩味，唔係我想像中甘好食。點埋個汁都唔好食。小龍包：小籠包皮簿肉多，亦有好多汁，超好味。水煮魚：好大的一盤，有魚，有好多辣椒，有粉皮，有豆腐皮，有豆芽，有萵筍等食物，粉皮好好食，成盤野好入味。黃金蝦：百幾蚊好細碟，但岩岩好，食多兩三隻已經好流，但超級好食，蝦好大隻，用口剝殼，殼唔會好硬，都易剝。服務： 侍應態度都幾好，上菜快，會黎收碟。環境：燈光明亮，坐位舒適。

我地成家不嬲都好鍾意京川滬菜家姐話公司附近呢間太元樓幾抵食一於試試佢🤣門口大大隻字寫住招牌乳鴿仲要28蚊咋，好抵！新鮮炸起，正值得encore!!煙燻糖心蛋煙熏味唔算好入味不過不失手撕雞啖啖肉唔使損骨，好方便雞肉都算滑我幾鍾意呢碟餸奶油津白份量比我想像中多好似夾極都仲有咁超級抵食小籠包最緊要就係個皮呢度嘅皮唔厚又有肉汁不錯鱔糊炒得幾入味唔會太咸好快就俾我哋清晒haha🤣我最愛嘅嫩雞燴麵呢碗麵 嘅份量比平時係其他餐廳食多好多而且質素亦都好麵條夠淋湯好香濃😍因為我呢排戒食辣所以冇食到呢一碟不過見家姐好似食得幾滋味🤣🤣🤣

整體黎講，呢間食市非常好。服務很好，我地張台係二人台，我地食完野嘅碟會好快收走，等我地有位放其他食物。每樣食物質素都好高，擺盤好靚，會增加食慾。乳鴿唔會太咸，想咸啲有鹽可以點。坐低就會送上小食，份量好多，我諗佢係比人開胃。小龍包皮薄多肉多汁，放左個籠到，賣相好吸引。蟹肉春卷入面係白色，有適當的蟹肉味。黃金蝦有好蟹蛋黃，好食到唔停得口，蝦大大隻，好多肉。水煮魚有好多料，有魚、豆腐皮、芽菜、菇、水晶粉、芫荽、萵筍，愈食愈辣。每台有一壺茶，個壺係藍色的，好靚。

家人想食上海嘢，結果選了這間外觀裝潢不錯的食店。雖然已過9pm，但店內依然接近爆滿，好在仍有幾個卡位任我們選座。因太夜故未有柯打太多食物，只叫了上海粗炒、蒸銀絲卷及砂鍋雲吞雞。先講上海粗炒，色澤不俗，店員送到餐枱已聞到濃厚香味，可能是肚餓關係，特別覺得好吃，好快就KO晒成碟。呢碟粗炒，麵條唔太韌唔太「林」；味道也不太咸，兩個字講晒：好味跟住點評下蒸銀絲卷，呢一味主要是叫給同行的小朋友食，結果小朋友連食兩個，筆者只食了1/3件⋯⋯銀絲卷蒸得好透，能夠逐條逐條撕出來點煉奶食，值得推薦最後登場，是全晚個人覺得最正的一味餸——砂鍋雲吞雞﹗呢煲湯熱辣辣充滿濃郁雞味，湯入面半隻雞浸得唔算太「林」，邊飲湯邊嘆雞肉；至於雲吞，亦大大粒，配合雞湯，夠晒juicy，大滿足

環境環境優美，以藍色為主，碟同茶壺都係藍色，好靚。服務侍應有良好的服務態度，上菜時亦會小心翼翼。小食一坐低就放有小食，一碟有花生同青瓜，有少許醋味，好好味，令人好開胃。賽螃蟹春卷有三條，每條剪開一半，春卷皮好脆，內有蛋白同蟹肉，食到蟹肉嘅香味。水煮魚好大的一碗，內有魚、豆腐皮、豆腐泡、萵筍、芽菜、菇、水晶粉皮、西芹、芫荽等，非常豐富，夠晒辣。黃金蝦擺設好靚，整得好入味，外面濃濃的蛋黃，令人不想停下來。小龍包皮薄料多，有好多肉汁，等佢無甘熱食果陣成舊放晒入口，簡直人間天堂，肉汁、肉同皮都係個口到混埋一齊，非常好食。