台站 (Closed)

記得之前見過有人話抵食好食，今日路過就試下。叫左個肉燥飯+雞排，黑椒台灣腸同埋醉雞卷，除左台灣腸，全部野都好似冇味既。仲以為自己味覺有事，屋企人平時食開清淡口味，食完都話冇味。雞排肉燥飯$29有咁既份量係抵既，但d飯口感係淋到爛爛地果種，好似唔識煮飯咁，雞排完全冇味。抵還抵，但食左半盒真係食唔落。醉雞卷仲離譜，連少少酒味都冇，肉質仲霉霉地。唯一有味既係條黑椒台灣腸，成件事唔係唔好食咁簡單。未試過寫食評，難食到忍唔住要寫。

Wow that’s one of the cheapest braised pork rice I’ve ever seen for years!Though the portion of braised pork is a bit small, what more can you ask for at $29?The braised pork is actually quite tasty and flavourful, being slightly sweet and salty at the same time! The pork is also quite fatty as it’s the belly part.Moreover, the egg is quite tasty too as it’s marinated with the sweet soy sauce that’s reminiscent of Taiwanese cuisines!

一間可惜嘅台式食品，依家嘅水準真係不復從前，甚至可以話差，以前都有間中去買，水準都唔錯， 因為疫情關係都好耐冇去，仲記得以前黎買雞卷一份都唔夠要爭住食，其他食物質素都可以唔，今次好耐冇食專程黎買，開始都仲期待，點知未開已經見到雞卷散爛，打開全無「醉」味，反而有雞肉嘅腥味，食落都感覺無調味，滿口雪藏同腥味，真係反胃，真係食唔落肚唯有吐返出黎，不復以前水準。三文治水準亦下降，無論麵包定餡料，麵包過乾冇煎/烘焗感，芋泥太稀無香味，只有肉鬆正常，鹹牛肉尚可。

經過見到係黄店當然要幫襯下。主打簡單台式便當， 滷肉飯 ，油拌麵， 還有日式牛肉飯(這是台式嗎，好奇怪)。最後點了滷肉飯，配小食花枝丸和飲品。花枝丸味道可以，主打的滷肉飯却令人大失所望，肉是切細了的半肥瘦，但却没一點滷水香味，台式便當一般都有很多配菜，它却只有肉和半只滷蛋。不知店家有否比較過隔壁的台店便當，它們一個便當的材料便比你們主食加小食多，價錢相約。所以十分奇怪為何有如此多好評？黃店也應該做好味道啊！店家看到評論也應該反省一下了。

主打台式小食，主要做外賣🥡 可以趁呢排支持一下😙 店有滷肉飯、紅油抄手、肉鬆蛋捲餅、蔥油拌麵等等😌 款式唔算多但叫做有齊主菜小食，價錢全部都係$1x-2x好親民～⠀🌯 台式肉鬆蛋捲餅 $25$25有成條捲餅真係抵😣 肉鬆好足料，而且蛋係半熟狀態，咬落去係流心爆蛋黃的😗 不過蛋皮偏硬身，有d似墨西哥卷🌮️ 單食還好，但配埋肉鬆就有d乾身，食到個口一pat pat😂 如果有醬就應該好好多😙 見佢仲有款醬汁肥牛捲餅，應該會冇咁乾身😗

見openrice 咁多好評，同埋係黃店所以試一下。點了排骨肉燥飯同古早味魯肉飯，排骨好咸，肉燥唔知有陣咩味，唔太得人鍾意。 魯肉飯稍為入得口，但都係好一般。 另外叫左個皮旦豆付，酸酸地咁，還可以啦。 價錢算係平既，但真係唔會再食多次。 希望將來佢地能夠改善一下，否則我諗未必會好多人鍾意食正所謂黃藍是政見，好味是良知。 要好味先好多人幫襯。 價錢平係平，但我情願你收多十幾廿蚊，好過比哩d質素顧客食。 希望店主睇到，能夠改善下

雖然戲院仲未開返....係武漢肺炎爆得咁勁之前，都去左荔枝角D2睇左場戲.....個日咁岩放工晏左，食唔切正餐，本身打算食出名嘅台灣牛肉麵，唯有買啲小食打底。行過見到台站都有啲人氣，就決定買啲台灣野補償番😂😂😂平時搭車都會路迴佢，會比佢一個咁鮮明嘅門面吸引到，同埋平時都幾多人嚟買，雖然鋪頭頭細細、生意都應該唔錯。台式肉鬆蛋捲餅：好多餡！我覺得味道係唔錯，不過我略略覺得如果個皮係熱啲會好食好多。惹味紅油抄手：抄手餡料新鮮，紅油香而微辣，好好食！黑白花枝丸：非常彈牙，加埋調味粉，真係想一個人食晒6粒😂😂😂😂整體嚟講，呢間小食店值得encore，下次嚟想試下佢個魯肉飯🤩🤩

餐牌上面既選擇唔多，飯既只有3款，反而小食既種類比較多。滷肉飯 29蚊呢個價錢真係幾平，不過一分錢 一分貨，份量都比較少，而且味道普通。滷肉太乾柴，好彩一半肥一半瘦，中和下令到口感好d。滷蛋味道偏淡，唔夠味。風味鹽酥雞 28蚊份量唔算少，但切得太細粒，感覺似食粉漿多過多雞肉，味道咸咸香香都ok。台灣腸 21蚊3條一打開第一個反應，哇！咁黑既...Overcook左，所以好乾，無晒肉汁。總括而言就係平，月尾無咩錢淨最啱食佢，哈哈

大失所望，喺附近返工，支持黃店所以午餐時間過去試下。不設堂食，專做外賣本來以為$29一個飯會好細分量，但係份量都可以不過！ ！雖然好平，但係味道完全唔合格叫咗豬扒肉燥飯同滷肉飯份量都叫做可以，但係d飯好濕，同埋個飯一啲都唔熱。豬扒超鹹小食方面尚算合格炸雞調味偏清淡，但係都可以接受蛋餅可能係成餐飯食過最好食嘅嘢生煎包本人沒有試，同事說很難食台式奶茶沒有茶味，淡得好像水般雖然明白小店有好多限制，但只要用一點心，應該都不至於會那麼難吃。尤其附近還有程班長，同樣台菜，要繼續生存，支持黃色經濟圈， 還需多加努力

聽聞荔枝角有一間野食 雖然要企係度食但係D野超平超好食 仲要勁多人排隊買今日黎到荔枝角緊係要試一試佢荔枝角地鐵站D1出口 行2分鍾就到 咁就腳唔怪得咁多人行過都停低買黎食啦古早魯肉飯大大盒都只係29蚊 依個時勢仲可以係邊度搵到魯肉飯在臺灣被視為極具台灣特色的民眾小吃，在全臺各地都有店家販售好多人以為其實姐係肉燥飯 但係其實兩者有少少唔同 依個古早魯肉飯 除左魯肉大大粒之餘D汁先係畫龍點精既位 用黎撈飯正爆 而且仲有半粒蛋補充PROTEIN惹味蔥油伴面本來對依個蔥油伴面冇乜期望 不過佢又整得幾好味 食得多營多撈 得閒轉下口味食下懷舊蔥油伴面都係一個唔錯既選擇惹味紅油抄手平時都好少會叫紅油抄手 因為怕辣 但係依個紅油抄手既辣 只係用黎吊一吊味 岩曬唔岩食辣既朋友醬汁肥牛捲餅如果食完個飯厭唔夠飽既話 叫多一個醬汁肥牛捲餅就岩岩好 佢用既醬汁酸酸甜甜十分開胃而且捲餅唔會太厚 值得一試!

跟menu話推介嘅嚟叫左小食惹味紅油抄手$15、風味鹽酥雞$28、主食懷舊肉燥飯配雞排$29另外再加秘制溏心蛋重點評論:幾樣野食當中最為推薦嘅係風味鹽酥雞!!!即使係外賣隔左成半粒鐘先食都冇淋到 但就無可避免涼左啲雞肉塊沾粉唔太厚 油炸都冇油益味調味亦唔錯 細仔睇可以見到啲鹽酥雞塊上面有胡椒鹽、椒鹽外皮脆卜卜鹹鹹地 鹽酥雞真係一流嘅台式小食而且28蚊嚟講份量都唔算少 幾抵食~另外惹味紅油抄手即係一般嘅豬肉雲吞 雲吞不過不失重點嘅紅油 對於我呢啲比較鍾意食辣嘅人嚟講就差左啲 辣味冇好突出 但對於唔太食得辣嘅朋友應該幾適合 呢個紅油雖然唔太辣，但其他味道都平衡到位 酸酸甜甜 又麻麻地(麻辣個麻) 幾過癮!

放工約左女朋友去荔枝角ge某某商場玩，順便食下晚飯，我哋揀咗呢間台站臺式外賣店，一黎到發現超多人排隊，可能因爲剛好是放工時間，而且呢到價錢有真係幾便宜，每樣大概都係$30左右，一份滷肉飯都先係$30内，睇見都心動，佢咁多人幫襯都正常的。行到去櫃檯旁邊攞左張menu紙睇下,不過我都只係睇下者，decision maker都係我女朋友。哈哈！女朋友大大佢點完一大堆野之後，我就負責等位。滷肉飯個份量都幾多，而且滷肉半肥瘦幾香，飯粒口感有少少腍，硬身少少會更好。蔥油拌麵都幾香，齋食拌麵會有點寡，所以叫多個紅油炒手辣辣地呢個配搭都唔錯。肥牛捲餅係店家推介，有甜醬味，甜甜地，餅皮幾脆，都好好食。最為推介係櫻花蝦烏醋燒茄子味道帶少少酸酸地幾開胃。大滿足！

講到打工仔午餐，最緊要快平正，所以「台站」完全滿足到上班族要求。「台站」主食選擇唔算多，有魯肉飯、蔥油面，但勝在多小食，可以按自己口味Mix and Match。而小店價錢相當親民，一個主食三十蚊有找，而且出餐速度又夠快，簡直係打工仔既恩物。懷舊肉燥飯配雞排 ($29)份量相當大方，目測有兩碗飯份量，而肉燥係瘦肉，入口雖然無入口即溶既油脂感，但勝在夠曬健康，食多幾啖都唔怕肥。而雞排就有酥炸過，相當香口。我仲加多咗隻溏心蛋($7)，蛋黃撈飯食，一流。櫻花蝦烏醋燒茄子($18)呢個勁啱我口味！醋酸得嚟帶有微甜，口感好平衡，同埋夠開胃。加埋櫻花蝦做點綴，賣相很不錯！而且仲要係冷盤，啱曬咁熱既夏天食。涼拌皮蛋豆腐($18)台灣菜嚟講，我個人中食皮蛋豆腐，因為每間店既皮蛋豆腐都有自己做法，所以係唔同店點嚟食，都有唔同既風味。而台站既皮蛋豆腐味道相當簡單，仲加咗肉鬆，不過我個人覺得太水，浸走咗豆腐原本既豆香味。台站係外賣店，但店內都有少量既立食位俾大家進食。

一直經過都想試下，終於得閒同朋友入左黎食！今次我地兩個人叫左4個小食， 樣樣都精緻小巧， 絕對可以媲美出邊的台式大餐廳。先介紹吓我食咗嘅四度餸先： 【味道】1. 第一道餸係黑白花枝丸顧名思義係黑色同埋白色；每隻色有兩粒; 黑色我相信加咗墨魚汁。 打開個盒嘅時候的確非常之有驚喜👍👍， 係熱辣辣♨️㗎! 因為係即時整熱嘅,所以味道非常之香♨️未食已經聞到佢有浸香味, 兩個人一齊食一份每人每隻色有一粒,咁就可以留返個肚食其他嘢啦!2. 第二道餸係花雕雞卷推介你一味餸真係非常之推介, 亦都係我四個餸入邊最鍾意食嘅. 雞肉非常之嫩滑，有十分少少酒味雞皮亦不太肥, 最重要系啖啖肉沒有骨如果有骨，就算系小朋友食都吾怕。推介⭕️3. 第三度餸係肉鬆蛋卷餅推介未食之前先問一問佢發出嚟嘅香味，因為個卷餅都係熱嘅，望落去有少少似印度手餅，由於個人非常之鍾意食肉鬆同埋芝士所以非常之喜歡食呢度餸🥰， 芝士味非常濃郁而且肉鬆有少少甜甜地香香地嘅肉味加埋麵粉嘅香味10分一流；不過我建議係要趁熱食，♨️凍咗可能就會比較曬左個香味。4. 第三道餸係蘇炸芝麻雞翼食炸嘢可口，咬落去好香脆入邊仲有好濃郁嘅臭豆腐味道♨️, 鍾意食臭豆

行過D2 place Two見到呢間黃到發光既黃店 成間舖都係連儂牆～上openrice 見到 肉鬆蛋捲餅係熱門推介 緊係要試一試 另外再叫左個元祖台灣腸先講個捲餅 唔知點解一開就有勁多條毛係個捲餅既內內外外 食慾都冇埋 最後食左冇毛既部分 但係肉鬆+捲餅呢個組合食完有啲口乾 下次唔會再叫 反而我朋友食左醬汁肥牛捲餠話好好食 比魯肉飯更出色另外就到個元祖腸 佢有原味同黑椒味 我呢個係黑椒味 一開比個樣嚇一嚇 不過食落去係好好味 外脆內有肉汁 有咬口 值得一試最後要提一提既係 舖面成日冇店員係到 要等好耐先有店員行出黎落單 希望可以改善下