Video
Telephone
25136828
Opening Hours
Today
09:00 - 21:00
Mon - Sun
09:00 - 21:00
Above information is for reference only. Please check details with the restaurant.
何解餐牌座寫住大方食家？已經轉手？但以前收銀四眼仔仲係度喎，換名不換人？基哥說好的挑戰群記清湯腩呢？山渣烏梅茶，我都唔想飲野，嬸嬸非常堅持免費送贈涼茶過我解毒，我樣子很毒嗎？多謝多謝。甜甜地有少少似涼粉味，暖暖地入口可以可以。凍豆漿，感覺到的新鮮自磨，室溫完全唔凍，厚厚黏黏無糖充滿豆味。紫菜四寶河，魚札、魚蛋、肉丸、魚皮餃，過份平庸唔難食，非常平淡的演繹食完都唔記得。淡淡湯底清澈見底，搭上結實淡淡幼河粉，求其撈辣椒油連湯帶紫菜跟河粉全部掃入口，完！炸醬撈麵，點解突然有股濃烈酸宿味呢？左索右索原來係我面前碗炸醬麵，得唔得架？食完會唔會入醫院架？肉絲粗糙乾硬鞋到刮損我口腔內側。成舊麵餅黐到實，花掉成分鐘撩散再跟汁撈均勻，發現有榨菜既？單調的炸醬甜味突出而無辣味，少少酸多多嗅宿味。希望椒油可以救我一把﹗誰知辣椒油的香辣味道效果不及甜炸醬，失敗﹗蠔油菜芯，好壞參半唔難食，有爽甜、有腥澀。瑤柱牛孖筋金錢肚麵，爽肚滑筋，平庸普通。鹼水麵散發微壓可接受，夾著大量香辣辣椒油較舒服。辣椒油，不香不辣，過份陰沉無刺激感覺。烏蠅滿場飛、枱面及調味料油淋淋！無帶消毒濕紙巾抹枱，張枱笠黐黐。南乳豬手撈粗麵，墊底生菜有蔥味兼帶澀。白雪雪的南乳豬手，皮多無肉食，實屬豬腳。皮膠黏軟綿綿，味道清爽蠻滿意。咸到癲的南乳汁蠔油撈粗麵，剪到碎濕濕短實實的粗麵極度討厭﹗我要完整長長，長啜長有可以一氣呵成大啖食先夠開心舒暢﹗*南乳豬手撈粗麵，諗住辣椒油可以幫助一下減低咸度，誰知辣中帶濃咸呢﹗更加難受。魚蛋崩砂腩粗麵，崩砂腩頂級色香味﹗軟綿腩甜多汁，雖然完全食不到崩砂效果。大大粒圓轆轆白雪雪魚蛋，魚味咸鮮帶彈合格。粗麵滑滑有麵香，麵質彈牙加分不少。沙嗲肥牛撈河粉，師傅可能首次處理撈河粉，份量勁多勁抵食！飽到感覺係灌落兩大碟乾炒牛河，非常滿足！沙嗲肥牛撈河粉 $46 蚊值回票價。雖然沙嗲汁水汪汪，味道尚算清香帶甜不辣。幼河粉實淨帶滑夠完整不短不散，夾著大量沙嗲汁長啜長有，期間帶著嚥韌肥牛大啖塞，更是暢快﹗潮州魚片頭手打牛丸麵，片頭果真有料到﹗外層炸得香口包著咸鮮滑滑彈彈白肉在內，趙得津津有味。手打牛丸屬優質牛肉，其肉味濃厚，調味清香美妙，肉汁滴滴閃令令，真心堅爽彈彈射出肉汁，使人唾涎欲滴。魚片崩砂腩粗麵，咸鮮濃郁滑魚片夠晒香口，搭上微辣辣椒油連彈牙粗麵，使得我欲罷不能大大啖吸啜。紫菜墨魚丸手打牛丸河粉，明顯自家製墨魚丸，充滿彈性，有肉粒有蔬粒，散發墨魚咸鮮。紫菜湯，不孤寒份量足，咸爽味甜飲得舒暢。雲吞魚皮餃麵，魚皮餃滑嘟嘟嚥嚥韌韌有魚鮮，食得過﹗炸魚皮，測試炸魚皮，掉落湯即時叫得凄厲，喇喇聲﹗撕裂的聲音，脆卜卜無通風。牛肚牛孖筋撈麵，居然可以揀一個或兩個麵底，而且送紫菜湯抵飲。輕食一個麵試試，只啜兩啖已經全部消滅。生菜硬係有蔥腥味，用蔥水浸過？金肚肚羶得利害差點吃不消，牛筋極腍極軟綿我鍾意。
continue reading
想搵間茶記以外的地方食午飯, 意外地在一個毫不起眼的角落發現這家粉面小店, 入内坐下發現大部分食客一來到都會點猪雜粉/面, 看來是店鋪招牌菜。猪雜怕有部分食材我接受不了, 所以穩陣D點了一碗猪膶肉片米粉, 如不愛米粉可選擇飯, 粗幼面, 米線等。不消10分鐘, 熱騰騰的米粉來到。 落了薑絲的猪骨湯底顏色清澈, 猪膶挺身有咬口, 咬落都不會散開, 瘦肉軟腍, 加上枸杞葉和几粒枸杞籽作配料, 賣相讓人感覺好健康。慢慢享受這碗米粉, 整體評價是所有食材都好新鮮, 味道清甜, 值得推介!除一般魚旦雲吞粉面外, 食店還有外賣打邊爐用的特色湯底, 只要60分鐘前致電預訂到取即可, 下次可以試試。
continue reading
一間路邊好味的地方，常會路過見到，就會忍不住走進走。只因枸杞豬潤湯，海參花膠湯，黃酒雞湯……味道超吸引。今次人少少馬上坐下叫碗黃酒雞湯米，開心享受一下。今次黃酒味唔算濃，酒香味唔大；紅棗粒粒去了核，有心機；雞肉份量多，藉得俾like.如果鍾意補身，真材實料，就要嚟呢間地道小店#大埔覓食好地方#都要眉精眼企，要識找路#眼大睇過龍就幫唔到你#真心好食，食飽都行過都再叫嘢食#黃酒好香#枸杞好嫩#要嚟試吓
continue reading
今日簡簡單單諗住食一個lunch，於是就喺公司附近搵咗呢一間大方食家！坐低嘆一個雲吞麵❤️呢一度嘅雲吞麵真係好有質素，雲吞大大粒，而且雲吞入面嘅餡料都非常之充足！有皮薄餡靚嘅感覺，再加埋呢一度嘅面好爽口！$38可以食得到呢一個雲吞麵真係好抵食！
continue reading
🇭🇰 大方食家 ·自家爽滑墨丸米$35 l 新鮮豬肉鮮蝦雲吞麵$38 l 韭菜水餃 +$8呢間係我媽咪推介我哋食既 佢食過話覺得唔錯 所以難得我哋嚟大埔就嚟咗食啦😎佢個墨魚丸真係超級彈牙 而且佢個墨魚味好濃 質感都好好 仲要超級大粒 好抵食😍😍之後佢個鮮蝦雲吞相對上就冇咁出色啦 佢個肉餡係多啲豬肉既 食落無咁似雲吞🤣·📍大埔富善街6-14號永祥大廈地下D9號舖·#rbyeat #rby好去處#rby港式 #rby甜品飲品#rby大埔
continue reading