大班麵包西餅

Open Now

Now Closed

路過大班餅店，見到門口有個圓圓物體好似幾吸引⋯原來係法式牛奶布丁包$12.5 拎上手係feel到有少少凍⋯可能雪過！原本以為好少燉蛋，切開左發現原來都唔少，而且啲燉蛋唔會驚變形走曬樣，個包好鬆軟，濃濃嘅奶香 蛋香味🤤🤤而且甜度適中，唔會話好甜⋯唔知熱食又會點呢？

大班麵包，早晨!當然很多人會看不起港式麵包，但我不。我覺得大部份的港式麵包，它們均自帶味道或含有餡料，都不用再搽果醬、牛油之類，很方便。而且麵包種類繁多，有咸有甜，方便挑選。大愛大班的菠蘿油，她的酥皮軟熟、中間夾的牛油既美味又足量…我會坐車專誠來買，只可惜夏天天氣熱，怕牛油融化變質，所以這些日子，他們家是不賣菠蘿油的；更喜愛丹麥提子條的油香、酥脆、提子乾粒粒甜蜜。那藏在角落的椰檳，椰絲滿滿，吃完油香滿嘴；還有新加坡原創的辣味肉鬆包，那非一般滋味…。歐陸麵包是比較健康的，奈何口腹之欲…既然管不住嘴巴，就多買個腸仔包吧！

香蕉不嬲係我飛佛，喜歡佢既香甜而且健康，今天心情不太好，就食下甜點開心下，據說香蕉係會有令人開心的作用，呢件pancake簡直係滿足我想吃甜點的同時又滿足了我對香蕉的喜愛，獨立包裝盒，好似舊磚咁大舊，入面全是白白的奶油，好挺身，雖則奶油不是滿記班戟的那種幼滑，佢係雙對地厚實了少許的，但都有奶油般的滑，奶油味濃厚，而且香蕉味十足，有幾大片蕉片，橫切面看，奶油比例多很多，班戟的皮亦不算薄，但韌性不錯呢，雖然不是十全十美，但食完心情係會有點好

最一星期前去大班訂左個蛋糕， 足足3磅ga壽桃蛋糕， 好靚呀，仲好大個。初時見佢咁光滑既壽桃身，仲以為佢係糖膠， 原來係cream, 個蛋糕師傅真係“文”得好靚， 加埋頂部紅色既點點，真係好似一個壽桃， 內裏係多層既雜果蛋糕， 鬆軟彈牙，好好味呀

今年老豆生日，我地响酒樓食飯慶祝，仲特登訂製個壽桃蛋糕來賀一賀佢！個蛋糕4磅重，直徑有成10寸，睇起上黎都幾有份量架！當然，大家見到緊係超開心啦！未唱生日歌之前，大家都非常忙碌咁影個蛋糕，壽星仔都比佢掠晒鏡！唱完生日歌，我地就砌蛋糕啦！其實，個壽桃表面係忌廉，裡面就係傳統既什果忌廉蛋糕。自己好耐冇食過大班既蛋糕，但係我覺得蛋糕比其他大餅店好食喎！個蛋糕好鬆，好有傳統既蛋糕香味，又多生果，忌廉比例OK，唔會覺得好"溜"！我地成廿六個人，每人都食左一細舊，仲有成四分一無食到，實在太飽啦！不過，响大家咁飽既情況下，我地仍然覺得個蛋糕好好食，咁佢真係好好食架啦！　當然，我地將四分一帶走，第二日食仍然覺得好好味！勁！

八月上旬‧晴今年第一次吃的月餅，是大班的冰皮月餅。一盒月餅內有八款味道，是日吃的是芒果脆脆及咖啡味。芒果脆脆味道不錯，冰皮煙韌，甜甜的又有脆脆口感，不會有不討好的道理；咖啡味道就真的甜了一點，比芒果脆脆還要甜，真的要少甜才好。比較起一眾的新口味，還是最傳統的綠豆蓉好吃。不過，不要緊，一向覺得冰皮月餅只是甜食，不是月餅。真正的月餅血拚，還未開始。

離開圖書館，下午茶未有著落，本打算去快餐店食TEA SET，經過大班西餅，看見店裡的迷你鮮果酥餅 ($11/3件)，很吸引，但我最後買了一個杏仁焦糖瑞士卷 ($16)。瑞士卷預先切成八件，蛋糕很鬆軟，不甜不膩，夾層杏仁奶油，中間有少許焦糖，吃時有少許黏牙，味道似honey crumb，值得一試！

朋友贈送了一個杏汁官燕綠豆蓉的冰皮月餅給我吃，是從大班香港仔分店買回來的一吃入口，綠豆蓉的確幾甜，但它的甜味把杏汁、官燕的味道掩蓋了官燕，我尚且能在月餅的綠豆蓉內找到；杏汁，我就無從找到了！雖然這份月餅對我來說是免費得來的，但以它的零售價而言，唔太抵食呢

推介有:1. 腸仔包($5.5): 條雞肉腸唔太鹹. 個人認為係眾多面包店中最好味的, 因為皇后, 聖安娜, 凱施的腸仔包, 條腸仔都係偏鹹.2. 珍寶長腸包($8): 這款包的珍寶腸係罐頭三花雞尾腸的味, 我好鐘意.3. 墨西哥包: 上面的墨西哥面唔會太油膩!4. 包裝的孖寶旦糕($6): 最鐘意咖啡+雲石, 好軟熟, 咖啡味又唔會太濃而搶去雲石旦糕的 味. 另外, 綠茶+雲石都好味!

都有成一年冇去大班買面包, 最近因為又食厭香港仔的聖安娜, 凱施, 所以去大班望下.摩卡包, 炭燒咖啡包, 藍苺提子包: $6, 大大個的家庭包, 好抵食. 雖然裡面冇餡, 但個包好軟熟, keep到第二日食都ok! 摩卡包, 炭燒咖啡包好濃咖啡味, 而藍苺提子包就好香藍苺味.芝士乳酪包: 上面是鮮奶球的面, 有幾粒朱古力粒點綴, 裡面的餡是酸酸的乳酪. 我通常會自己再搽上藍苺醬, 好match! 現在特價$4.5.吞拿魚包: 現在都係做緊特價$4.5. 裡面的吞拿魚冇溝沙津醬, 啖啖都食到真材實料, 而且仲加左旦白粒.焗吞拿魚軟包: 相反, 我有一次食上面鋪料的"焗吞拿魚軟包"就真係失望, 上面的吞拿魚醬是溝了沙津醬和薯仔粒的. 夾的時候覺得好多料鋪在上面, 但問題係食的時候, 才發覺上面的料實情係好薄, 而且沙津醬多到死, 反而得兩三粒吞拿魚碎. 或者師傅搽醬唔平均吧! 只好當我當日唔好彩! 這樣的質素下, $7就真係唔值. 不過, 總體, 大班的包都做得好軟熟, keep 耐左都ok!不過,

有日媽買左件芝士蛋糕應該係tiramisu俾我，點知淨係好大陣奶味完全唔好食。仲有一個唔記得咩紫米蛋糕，又係唔好食，怪怪既味道其實我自己對直多啤梨既副製品係好喜愛，但佢個士多啤梨果醬麵包真係好似食緊藥水味既jam咁另外個菠羅味又係得個甜字，完全冇菠羅味，裡面有件幾好食既蛋糕，不過同個麵包都唔夾既

黑焦牛肉蘇, 皮簿咸麻麻地靚. 冇咩黑焦既味道, 好多牛肉, 不過冇咩汁味. 有好大塊既洋蔥, 得個足料.芝士mousse批, 個餅底好好食, 最上面既package冇咩特別都可接受, 主角mousse 最難食, 好大陣奶味. 最後食哂最高同最低就算喇.一個仍然係熱辣辣既鬆餅, 唔係好鬆有d實.唔香牛油味.點解我會話佢懶呢...因為佢個面同整老婆餅呀蛋黃蘇個面既黃色皮一樣.而隻味亦都一樣....個皮同個鬆餅完全冇關係.

因有報紙優惠所以就就買一包兩個裝的冰皮迷你蛋黃綠荳蓉月餅($23.90) 。食落幾好味，特別是那些綠荳蓉好滑，蛋王Ok，但就不太喜歡塊皮。