一碗肉燥 (喜薈)

Open Now

Now Closed

途經長沙灣，見到門口裝修好得意，比隻雞蛋裝修吸引咗，所以就入去幫襯。😁😁😁入邊嘅裝修喺長沙灣佢來講算幾特別，而且一坐低枱墊都好得意。😂😂😂😂午市時間去到，人流都算幾多。一坐低本身諗住揀牛肉麵，因為台灣最出名。但係見到佢寫住一碗肉燥，所以為咗試吓佢嘅肉燥，就叫咗豬扒肉燥飯。上豬扒飯嘅時候，侍應同時都上咗唔同嘅調味粉，有七味粉，海苔粉，仲有梅子粉。豬扒炸得幾鬆化，而且幾入味，調味料好充足。而且玉子蛋都好好味，但係反而重點推介嘅肉燥就比較普通。但整體都幾不錯😁👍🏻

有事要去長沙灣，未有時間食午飯，經過呢間台式食肆下午茶餐有我喜愛的牛肉麵。牛肉麵湯底濃，牛肉炆得好淋，好入味；麵條軟硬適中，加埋香辣肉燥，唔錯飲品失望，完全冇味湯麵同牛肉麵一樣味道，多咗少少酸菜。鹽酥雞不過不失，台灣腸較硬。加$15有一款小食，叫咗台式餃子、炸貢丸，又乾又硬，唔好食，嘥咗$30朋友話可能唔係專做飲品，奶味夠但茶味淡。

今日🤴🏻陪我去睇牙醫，睇下做唔做到箍牙，醫生要我先做補牙！咁要再諗諗🤔️🤔！咁不如諗諗中午食咩先😬😬佢嘅‘精挑細選套餐’好有特色，一人一份特別精緻！😚😚～～～精巧肉燥飯+板燒洋蔥🧅牛沙郎肉+桂花果醋雞中翼+冬瓜排骨湯～～～肉燥帶甜味足夠撈飯(碗飯好細🤣🤣），牛沙朗肉幾林身幾好味！雞翼非常香桂花味，但肉質一般！排骨湯味好淡😶😶～～～香蔥肉操拌麵+黑蜜汁燒豬扒+滷水豬耳拼滷蛋+豆香A菜～～～拌麵係用左上海粗面，OK嘅但肉燥都係配飯好食啲😅😅豬扒較乾身有少柴，豬耳夠爽口但冇咩滷水味😀😀兩杯飲品都好淡， 建議叫少冰😛😛～～～桂花仙草香食丸子～～～有桂花香，過吓口癮😃😃

今晚晚餐用app。很讚紅燒牛肉，配麻辣燥底湯麵，紅燒牛肉肉質好嫩，果然👍很讚！麻辣湯底很濃郁，湯麵本身無咩野味，亦唔太索到湯汁，所以要肉+湯+麵 一齊食先好味。好吃鹽酥雞排，配燥底飯，雞排一開始都幾好食，擺咗一陣無咁熱既時候，會覺得有少少肥膩，不過我都有食曬既😙。燥底飯既肉燥本人覺得比較肥膩，唔係好食得慣。蒜香台灣腸--好！食！煎紅豆燒餅：硬！熱柚子果蜜/凍檸檬桂花薏米蜜--幾好飲。

今次黎到長沙灣既一碗肉燥😋雖然屋企附近都有，但原來唔同分店選擇會有啲唔同😇一碗肉燥性價比好高，套餐包含好多野，好似有好多個餸咁！食完超飽！食物質素亦唔錯，想食台灣野可以一試 🤗🥳精挑細選套餐（$62）1. 精巧肉燥飯🍚肉燥飯大大碗，肉燥亦都好香但肉燥份量唔套夠撈晒成碗飯2. 小菜選一：香葉鹽酥雞🐔鹽酥雞炸得好香脆，而且皮算薄好食3. 蔬菜選一：金銀蛋娃娃菜🥬娃娃菜就冇咩特別，煮得好軟林3. 小食選一：豉香汁煎蓮藕餅🫓蓮藕餅就係新選擇，好似家常菜咁好食5. 套餐飲品選一：檸檬桂花薏米特飲🥤（凍）套餐仲有埋杯特飲，夏天飲薏米岩晒

同行三人 食個午餐（午飯時間一小時寫三張單 有兩張單退回 一張表示沒有鍋貼 一張表示沒有蛋餅 再揀其他款 好不容易成功落單 發現 原來只係落左兩個餐 落漏左一個上餐時間慢 店員態度亦一般 上班時間仲玩手機 比主管鬧客人用餐感受惡劣 這餐廳 不敢恭維

雖然去到見無咩人都驚有伏，但個場好大座位又闊寬，坐得好舒服，係街行到身水身汗入去坐低真係好開心餐牌好長好多野揀，有啲選擇困難症$10加左個紅豆燒餅，點知得兩塊仔，有啲失望但其實野食都好大份好多，性價比高👍🏻

餐廳位數都算多，等了20分鐘，終於可入坐，等位期間已經填好所需的午餐選擇，職員12:55落單，坐了20分鐘都沒有出餐，作為午市服務，實在太慢太慢，不會再作考慮食用

日日想夜夜想，心思思幾時可以再食到台灣嘅牛肉麵同滷肉飯，呢晚係長沙灣唯有搵間台式餐廳頂住先😬😬很讚紅燒牛肉套餐（原味湯底+$4燥底湯麵+香辣肉燥+半隻糖心蛋+檸檬桂花薏米水）賣相都幾吸引，首先試一啖湯底先，味道個人覺得有少許偏鹹，牛肉有四大嚿望落偏瘦，但燜得都入味，肉質咬落好腍，麵條都幾Q彈，糖心蛋流心度熟到啱啱好，飲品薏米水十分足料，酸酸甜甜，夏日炎炎飲感覺一流，比起之前嘅蜂蜜紅茶好100倍，整體都算唔錯香葉三杯雞鍋套餐（香辣肉操+半隻糖心蛋+檸檬桂花薏米水）一上枱熱辣辣，鍋裡仲吱吱渣渣聲，第一時間就聞到九層塔的香氣，氣味十分濃郁，見到除咗主角雞肉塊之外，配菜仲有雙色椒，洋蔥同埋好特別嘅地瓜，味道不過不失，但整個鍋感覺太油膩，差不多食完嘅時候見到鍋底嘅油量都有唔少🥴🥴小食 香葉鹽酥雞呢度似乎每一碟小食嘅份量都係很迷你🤣🤣雞塊有5嚿左右，外層嘅粉漿見到係地瓜粉，做法正宗嘅，外脆內軟，味道不錯只是份量唔夠喉

Went there for lunch. The restaurant was spacious, clean and nicely decorated.  I ordered a noodles with beef. Tasted good. My hubby ordered a rice with fried chicken. Also tasted good. The portion was big and the price was good. A thumb up. 

最近個個星期都食開加$7叫左杯特飲蘋果醋綠茶，request左少少冰，我同侍應A講咁多冰嘅叫佢換過杯，話無少少冰只得少冰，無換到，我叫第2個侍應，話杯走啲冰之後得返咁細杯，叫佢加返啲綠茶比我，侍應A話無得加咁既服務態度，唔怪得星期六咁少客，我同屋企人都唔會再幫襯

週五晚上吃到一家味道不錯的台式簡餐，不是鹵肉飯，而是肉燥飯，肉燥相較滷肉，更似肉醬，可以撿辣味，這好似就是台南台北的區別吧，小食選了鹽酥雞，很酥脆，三杯雞入味，裡面還有甜甜的番薯🍠以及茄子，台灣香腸味道也不錯，薏米桂花水必點，清香好喝推薦

今日午餐唔知食乜嘢，見到嗰度好多人食所以我又排下隊，入到去時個感覺已經唔係太好，店員呼喝我要scan bar code 或者填紙仔，其實個個都知道呢一樣野，我都未入舖頭，你點解要大聲呼喝我呢你都台灣嘅店舖，一定要食牛肉麵，一碗好食嘅牛肉麵，湯底濃烈得來唔會鹹嘅，而且麵條煙韌，即係台灣人講嘅Q彈。上枱嘅時候，我先來一啖湯底，已經感到不妥，點解會好似入滿死咸嘅滷水湯？ 跟住我連埋啲麵條一齊食，鹹嘅感覺仍然充滿在口腔之內，但係我見到其他人唔係食牛肉麵，我已經知道咩事，呢度牛肉麵唔係最出名，應該係炸豬扒嗰啲，為咗唔想浪費牛肉麵，我慢慢慢慢咁食咗你碗麵，離開店舖之後，我買咗一杯台式嘅飲料，但係飲完之後超級口渴，我懷疑湯底有師傅🥺有時我都好鍾意支持小店，希望佢哋可以對抗大財團，但係佢哋嘅品質方面真係好唔穩定，希望改善一下，有機會我都會再試，不過應該係食炸豬扒，😂

行人燈由紅色悄然轉為綠色，踩着斑馬綫，踏着輕快的步伐，隨意地推開了那扇玻璃大門。漫不經心地拿起了餐單，睬着普通的紙張。鹽酥雞、滷肉飯、珍珠奶茶也算是當得起台灣餐廳這一稱號。本着節省開支的想法，淺淺地劃了凍檸檬桂花薏米蜜旁的一格。今年的夏天格外悶熱，提着外賣的我汗流浹背，本應最為吸引的主食竟在那杯冰涼的飲品前黯然失色。回到家中，便迫不及待的拆開包裝袋，一手拿起飲料，一手用吸管將膠膜「督」破，再大啜一口，牛嚼牡丹似的。一股清流划過了干澀的口腔，清爽的風味在舌頭上爆開，檸檬的清香與桂花蜜的甜膩相輔相成，那甜像極了第九味中那淑女之德，淡而不膩，彼此纏繞出夏日專屬的風情。再啜一口，飽滿的薏米被吸上來，薏米自身淡而無味的，但當它加進了這杯飲料時，卻成畫龍點睛的一筆。清新的味道伴隨着粒顆分明的薏米，簡直令人欲罷不能。凝珠滑過杯身，在桌面上眾成一個小湖泊，而飲料亦所剩無己，一杯免加錢飲品卻襯得主菜平平無奇，其可怪也歟！罷了，總不能喝過一杯又一杯吧！凡事也要適可而止。托着頭，嚼着滷肉飯，心中默默地下了再次去「一碗肉燥」的決定

Took over 45 mins to get my food. Terrible staff just walking around and laughing with each other instead of working. AVOID!Food itself was acceptable but definitely not as good as other Taiwanese places I’ve had here in HK. The staff definitely ruin this place.