一碗肉燥 (Closed)

今日睇完戲喺附近搵食，想坐得舒服d，就去左卓爾居食肉燥飯。我地每人叫左個餐，可自選三款配料，肉燥可以揀辣同唔辣。我揀左黑醋豬軟骨， 阿一蛋餃，貢丸蘿蔔，肉燥揀辣嘅，成碗裝滿滿，好豐富呢。豬軟骨酸酸甜甜又夠淋，好味，蛋餃無咩味道，貢丸蘿蔔普普通通，肉燥送飯真係好正，辣辣地好香口，重有隻糖心蛋好味。朋友揀左豬軟骨，脆雞翼，煎餃。脆雞翼似普通煎雞翼，煎餃一般，同飯好似唔係咁夾，原味肉燥都好食。飲品叫左熱蜂蜜紅茶同熱泡沬珍珠奶茶，味道都ok。

入到屯門又想食台灣野,選了這間一碗肉燥.叫了菜膽雞鍋加肉燥飯,飲凍蜂蜜紅茶.先講肉燥飯,肉燥好惹味又不會太鹹,那一隻有少少似溫泉蛋好正,很滑很新鮮感覺.菜膽雞鍋,配菜木耳,菇.味道略嫌太淡,但雞很鮮味,有很多肉,白菜亦好林.凍蜂蜜紅茶好清新,飲完精神一振.好解渴.

今日 lunch冇飯食， search 到公司附近有肉燥飯食，睇其他食評話態度麻麻，但又真係好想食肉燥飯，所以冒住比人黑面嘅情況下都要去試一試。成個鋪面以黃色為主，外型設計都好年輕化以女性店員為主，店員都好nice，又唔會話黑晒面喎都幾多人食，但因為一個人關係，所以都好易有位坐。見到一有客人食飽去埋單後，店員都夾手夾腳極速清理set枱，可能管理層有睇食評，換左啲態度差嘅店員掛？- 好吃鹽酥雞扒 + 燥底飯-放上黎時熱辣辣，雞扒都出晒煙，但蛋就稍為凍左啲，雞扒好大塊，份量都多，係肉燥同汁就唔係好夠，我點左辣味肉燥，辣度適中。有三種調味粉可以落海苔粉：普通紫菜味七味粉：由於我食辣肉燥，所以冇感梅子粉：好香!甜甜地帶微酸，又有梅子味，正!一定要試- 蜂蜜紅茶-中規中矩嘅一杯飲品，冇乜特別如果價錢可以再親民少少就好喇

番工放工人已經疲勞 習慣每晚都係附近商舖搞掂😆以前卓爾居有間名將係我地二人每晚首選 關閉後只有太興茶餐廳 定食8 同新開既一碗飯當時既一碗飯好多人 排長龍 門外見到一塊塊大雞排飯 決定一試！ 自從呢日起 已經成為此店熟客😊我两差不多一星期都食3-4次，選擇不多 可是轉換很快最可惜係現在無咗豆芽同+5$菜....但最值得我回頭既其實係服務！女職員居多 年輕人 第一眼感覺老實講 小朋友能有什麼服務！？錯了！這班年輕人做得非常好☺👍🏻👍🏻有玩具借又有糖氹小朋友等等....今晚！我两二人依舊幫襯！落單時，見隔離枱位先生被鉛筆插傷手！先生可能怕煩麻到人，只問職員有無膠布？不過著藍色衫既男職員「就係呢班細心年輕人👍🏻」急忙跑去拎消毒酒精幫呢位先生處理傷口👍🏻細心周到！換轉係我可能都只會比膠布 唸唔到咁多野！🙈講左咁耐，講番食先😋 很讚鹽酥雞一流juicy，焗豬扒飯 帶有小小茄酸味 唔同外面多芝士 留口！好食👍🏻飲品選擇少！蜂蜜太甜 建議各位小甜😋凍珍珠奶味重 熱既茶香 自選三送餐自由配撘👍🏻👍🏻

第一次去食 無大家講到咁差丫快餐店價錢 唔通expect佢d野食天仙咁咩我覺得幾好食 又抵 平價之選禮貌既野 我去個時無咩問題 呢個魚餅加豬軟骨加雞翼肉躁飯 3樣餸 連野飲 （珍珠奶茶要加錢）仲有荷蘭豆同蛋 52$ 抵食不過肉躁同豬軟骨既味都幾似下 可以唔叫豬軟骨叫第二樣餸鹽酥雞飯 D雞炸得好好食 好食過好多炸雞小食店不過呢個飯 如果一條友食一定dry到爆但我係同人share 個飯一齊食所以無呢個問題個人認為野食食落唔差 仲幾好食不過野飲就真係麻麻杯蜂蜜紅茶勁甜珍珠奶茶就無咩特別

同朋友諗住買外賣 拎翻屋企食住打機第一次食 遠睇個logo 仲以為係OpenRice 見大家都推雞排 奈何唔想食油膩野好在有識撈餐 可以揀三個餸 咩都試下 又唔想食咁多最令我驚訝嘅係 出餐速度真係好快啱啱俾完錢冇耐 唔洗五分鐘 已經有得拎服務員都算有禮貌 睇完OpenRice食評個心多少打左個底 係咪衰過茶餐廳我諗又未至於 起碼會講多謝曬拜拜 唔係俾完個外賣你 就完事野食就真係平平冇奇 算係咁上下都好過食太興嘅…聽朋友講 原來依間鋪係大快活開因為大快活大家樂等集團式餐廳係本人咁多年嘅選擇困難症入面 從來冇出現過 用一碗肉燥同自家品牌大快活相比一碗肉燥都算殺出一條血路不過依條路可以行幾遠 冇人知對了對了 飲完蜂蜜紅茶真係要刷牙 首先本人唔食煙 飲完之後 去廁所先發現染到我啲牙望落去好似食左好多年煙咁仲勁過飲咖啡

懶洋洋既星期六⋯突然間想食肉燥飯拍拖行行下街去到呢間一碗肉燥見到門面裝修都唔錯感覺應該都唔會中伏卦？入去個陣就快2點半一入去其實都無人招呼架啦不過算 小事小事見到有張吉枱就坐低但枱面未執好的只得一張上手用過既餐枱紙同紙巾等極都無人執枱 唔緊要 落餐點都見到卦？但由落餐 上菜 都仍然無人執過張枱算 小事來的 忍唔住叫人比張餐枱紙我都係轉達再轉達等左幾分鐘先做到食個午餐加左個蚵仔煎做小食上菜個陣 服務生唔小心跌左個醬落地成地都係 連我條裙同鞋都有但服務生一句對唔住都無淨係問有冇整到 連紙巾都係問完先比嘩 大佬有冇整到你都唔岩啦係咪？等左十分鐘先有人黎拖地平時男朋友脾氣超好都比呢間鋪頭既人搞到火起蚵仔煎味道就算啦 雖然難食但我絕對覺得呢間鋪頭既員工需要大大改善態度就算味道幾好食都係假囉更何況呢間餐廳絕對唔算得上正宗同好食蚵仔煎- 未食過咁樣既蚵仔煎後尾知道呢間鋪頭大快活旗下的都係個句 無下次😡用左openrice咁耐都係第一次嬲到要寫食評

沒有想像中難吃的一頓晚餐!鹽酥雞扒肉燥飯，外脆內軟👍不過等得比較耐。三杯雞，甜甜地幾好味😋不過炒得唔夠火喉。珍珠奶茶,珍珠又淋一抽抽!何其多冰!飲兩啖無晒。蜂蜜紅茶，又甜又澀有茶粉粒，唔知想點😓成杯無飲。服務幾好，知道我地share食主動遞上兩隻碗👍好驚訝嘅係藍衫女同事會主動問點解無飲蜂蜜紅茶同話換過杯😌由於趕時間關係，拒絕咗佢好意，不過佢都主動比杯水我地👍收銀員工居然會提示拎齊嘢。在於我立場，喺一個門口排隊既情況吓，這一切我覺得很讚! 下次再來，希望飲品有改善😋😋😋

卓爾居地下裝修之後，加入左全新食肆，不過就唔見晒麥當勞同KFC，焗你食其他價錢貴啲嘅鋪頭，喺太興燒味隔離開咗呢間台式料理，一碗肉燥，原來長沙灣都有，仲好似好受歡迎。今次試吓呢間分店，裝修都幾靚，夠cyber，叫咗炸雞扒飯，豬軟骨拉麵，仲有珍珠奶茶，同埋熱豆漿。炸雞扒飯，都算大塊，又夠鬆脆豬軟骨拉麵，夠入味都算淋珍珠奶茶，又冇茶味，珍珠右眼熱豆漿，冇乜特別，不過可以自己加糖所有飯同麺都會包埋肉燥，不過好鹹，同埋食完會好口渴，應該落咗好多味精。呢間野，都係試下就算啦，下次都係食返360仲正

今日放假遲左起身 就諗住食多次呢間試下個珍珠奶茶!(本身諗住過華都試雜大大 不過太餓無去 返到屋企先知今日無開 好彩姐!本身諗住會好多人 去到出面一個人都無可能未到下午茶 所以無咩人問左出面cashier 姐姐幾點下午茶 見仲有15分鐘度就諗住等埋先食一入到去 睇一睇有咩食先(因為拎左張返屋企 所以相唔係當時影)因為主要係食個肉燥飯同試珍珠奶茶 所以就自己就叫做個BB肉燥飯就算 (之前食過台灣腸 好油唔好食)咁屋企人就叫左個黑醋骨+手搖脆雞翼肉燥飯(辣) BB肉燥飯 O岩D唔食得多 少少o地咁食下份量就good喇味道就...唔係台式肉燥飯囉佢個珍珠奶茶自己落糖漿 飲落去奶水咁...好難飲d珍珠硬到...好似未煮淋咁...好唔掂 下次都係唔加$5轉 太凍 忍唔住整走D冰 紅色果隔係"不"出黎o既冰...多到...呢個就屋企人食o既 辣都幾好食 不過對於我黎講就辣左d 雞翼比上次食果時細左一半 味道就一般啦一個下午茶黎講 算係不過不失啦味道無咩驚喜 食飽就算不過我想話 如果要再食 我情願叫外賣返屋企食我屋企人都算係順得人 咩都無所謂 但佢食完都話d侍應個個都黑面咁款笑都唔笑下 作為一個客人

作為屯門人，知道卓爾商場開咗一間新嘅台灣餐廳轉食肉燥飯嘅，而且我見到佢嘅裝潢都幾有特色係要黃色咁，所以呢就去試吓啦！點知呢原來都係得個名，感覺菜式都係好港式，而且入到去就好似冇嗰種台灣嘅feel，先唔講嗰種裝潢先，食物方面還可以，因為晚餐都食咗$60-＄70架，感覺飯嘅份量好少（已經叫咗多飯），叫咗個鳳梨汁豬扒都算係幾有特色，但係台灣真係有呢一味菜式嗎？然後拉了一杯泡沫珍珠奶茶，唯一好嘅就係佢未加糖水嘅，你自己加落去調整嗰個甜度，咁所以呢一個係唔錯嘅！總括來講，都係未夠正式嘅台灣菜，我不如去返食台式101肉燥飯仲好，後來發現原來朋友話呢一間餐廳都係大快活嘅集團嘅，咁我先大開眼界啊！

晚餐時段，我一個人食晚餐，被安排同枱另一位都是一位客人坐對面。但似乎帶位無同裡面同事交帶同一張枱號有兩個人唔係一齊的人坐。令客人感到不便。點菜紙上我叫了紅燒牛肉飯，加芽菜，加珍奶第一，我點菜後收到點單紙，發現職員無睇清楚張紙我點了芽菜。第二，芽菜到了，落左比對面位客人第三，我差不多食完碗飯剩3啖左右，杯珍奶都未到，我叫了侍應幫我睇，因為其他客人都有飲品了，侍應回來就同我講整緊。第四，從我講出佢地漏呢樣果樣，一句"唔好意思"都無講過一句第五，紅燒牛肉飯的牛肉份量好少呢餐飯埋單$71,服務和價錢比帶旺區的銀x茶餐廳差，令我好失望。

見新開幕今日下午十二點幾想試下，點知好多人等位，見到有位但帶位姐姐唔叫飛入客，搞到好多人係門外等位，吾知係做吾切定係有心唔入客，結果我地都係無食到，有點兒失望見到要等成十幾張枱，結果問收銀姐姐點解唔入客，收銀姐姐好有禮貌話吾好意思要等一等有同事帶緊位，見到收銀姐姐好亂，好多人走去問嘢，但收銀姐姐好有禮貌甘一一回答，這個我好直得欣賞嘅地方，下一次我希望我會食到拉