一碗肉燥 (Closed)

依排經常出入屯門搞裝修, 太攰都唔想再周圍搵食見到卓x居有幾間餐廳就行入去, 經過見到依間一碗肉燥, 黃色招牌好搶眼, 雞扒我地不嬲都favorite , 價錢仲包埋野飲, 都幾抵食！今晚我叫左鹵水拼盤, 老公就叫左雞扒肉燥飯, 包杯蜂蜜紅茶, 先講講鹵水拼盤, 唔太入味, 不過份量幾多, 我覺得唔使專登order去試, 至於鹽酥雞扒, 佢有三種調味粉比你簡, 因應自己喜愛去調配, 我覺得雞扒炸得幾香口, 但唔會一陣油味, 外表脆但肉質都仲幾juicy , 依個值得一試！杯飲品就同台式飲品一樣有少少偏甜, 如果有得簡少甜就更好啦！！依間餐廳我覺得大家可以一試!

晚市去左一碗肉燥食，叫左醬爆蝦球雞既一個小菜，配肉燥飯，另外仲叫左炸雞排配肉燥面。面條就好一般，湯底好淡，冇咩味。但雞排炸得幾脆，係油左小小，有得仼加三款調味粉，個人覺得梅子粉最好食。

晚餐黎左一碗肉燥食，叫左個台式三寶飯，揀左黑醋燻魚、黑醋豬軟骨、台灣腸，連埋肉燥飯。黑醋燻魚好驚喜，幾香口同幾脆，但豬軟骨就一般般，d肉唔係幾好食。肉燥飯如果再多d肉燥用黎撈飯就好lu。

同男朋友踩踩下單車，天黑晒又餓就決定上去試一試。上到去可能因為平日同太夜，無咩人，差d以為已經截左單埋左數添，店員帶我地坐好之後就落單。周圍既裝修都好可愛，好有台灣style，但我覺得咁多瓷磚感覺似係洗手間牛肉麵肉好冧，味道5錯肉燥飯（辣）超級好味，下圖表示食晒運動完再加辣肉燥夠晒惹味！我自己一個都可以食晒成碗！個碗都好有心思，食晒既乖寶寶先見到架！果3粒剩飯食極都食5到想逼死強逼症既人嗎？非常推薦中意台灣肉燥既人去試！

之前食過肉燥飯覺得幾好，今日黎食下煲仔飯。叫左個「窩蛋土魷肉餅滑雞煲仔飯」點知中伏！垃圾！🤢🤢🤢🤢第一次黎到，d雞係得兩隻雞尖，都唔緊要！但係d肉粉紅色點計先！🤮問左經理，佢都話係差少少，自動波幫我整過第二次其實d雞都有d粉紅，不過都好過頭先⋯⋯等左半個鐘先有得食，真係好餓！唯有照食！點知個味道⋯⋯我除左食到燶味之外，咩味都無！個燶味勁到蓋哂所有食物味道！根本食唔落！格離枱個女人見我叫，又話想食，點知佢都同朋友呻好難食！我都強烈建議大家唔好食依個煲仔飯⚠️⚠️⚠️強烈建議依間野唔好再賣依個煲仔飯⚠️⚠️⚠️❌❌❌⛔️⛔️⛔️🚫🚫🚫💢💢💢🈲🈲🈲

今日同朋友嚟食晚餐，我哋叫咗兩個肉操飯同埋一個小雞煲，呢度嘢食嘅味道唔錯，但係份量真心少。男仔的話完全唔夠食😂如果同小朋友嚟食應該係一個唔錯嘅選擇，因為店內裝修真係好可愛！😊

係我食過係屯門黎講最好味既既台灣野。食過小王牛肉麵，茶木，101都唔夠呢間整體都好好，價錢又平。其他三間既肉燥份量都好少，呢間最多。味道同茶木似，但茶木放好少肉燥。我食既豬排好軟好好味，但等左好耐，同檯後我十至十五分鐘叫，同我一齊上，應該成批成批咁整。煲仔飯仲快上（5分鐘）檯過豬排飯，應該整定，後尾大火加蛋就出餐。但味道都好好，大佬，出面茶餐廳有唔少貴啲，又無咁好食。所以呢間野整體真係幾好，仲包埋野飲。服務方面啲後生女係度幾大聲傾計，笑，可能太細個，間餐廳又無好嚴咁教佢地。收銀幾好，食完俾完錢想映下餐牌第日叫外賣俾自己睇，佢會主動拎另一張話可以睇下佢地有新野推出。

今日放工太累太肚餓，去到屯門卓爾居搵食，搵到一間叫一碗肉燥的餐廳。點了一客52元的自選三寶飯，溏心蛋做得不錯！飯量比較少，肉燥之中有冬菇，好味！兩粒貢丸個質感同平時食的不同，是比較軟身，餃子有三粒，不過不失啦！還有兩隻手搖雞翼，尚算有肉汁，但我不喜歡個炸皮，可能食得多M記那款，哈哈！隨餐附送蜂蜜紅茶！

今日做完運動就向附近食個lunch，黎到位於卓爾居地下嘅一碗肉燥，啱啱開舖所以唔洗等位，好快可以入座，揀左一客黑醋豬軟骨肉燥飯配蜂蜜紅茶（$46）黑醋豬軟骨炆得唔夠淋，仲係好硬，肉燥偏鹹，食左半個飯就口渴左一日，成個飯最好味應該都係溏心蛋，蛋黃做到啱啱好流心，味道亦唔錯，不過主角豬軟骨同肉燥都唔ok，所以都唔會再黎食。

打完風2日，依然悶悶地，晚餐唔想花精神去諗，反正响屯門，就去卓爾居揾食啦，貪佢無咁多人，中港台日泰西餐都有，去到先至慢慢揀。想食啲濕濕地嘅嘢，一段時間沒吃肉燥飯，就揀佢啦。肉燥飯可以配不同主菜，友人點了鹽酥雞扒，我選花膠雲腿雞鍋。鹽酥雞扒先來，切件擺放凌亂，肉燥飯上的四季豆粒，黃黃的不是青綠色，賣相比往常遜色，食落也不夠鹽酥。花膠雲腿雞鍋上來，面上浮著一堆泡沫，看著有點倒胃，忍不住用湯匙撇去才影相。小小的花膠有2片，幾十蚊算係咁，雲腿絲放在雞上，是看得見但味道不在湯裡，可以不喝，雞肉唔“鞋”尚可還是那碗肉燥飯最好味。套餐送的蜂蜜紅茶，少甜剛好去油膩。整體不過不失，OK啦!

某日假期沒人煮午餐，就叫外賣吧。附近商場的台式餐廳，之前吃過性價比不錯，所以再來一次。上次食過鹽酥雞排，今次喉嚨不太舒服，就不要炸物了。-台式雙拼肉燥飯，選了黑醋豬軟骨，台式腸黑醋豬軟骨掂，微酸開胃入味，我一直覺得豬軟骨骨不軟就不叫豬軟骨難得遇上軟爛的真豬軟骨，合格了！至於台式腸，燒到爆開，較乾，正常味道。肉燥足料，香菇很多，味濃，很好下飯。溏心蛋很流心，但沒有滷味。最台式的部分應該係飲品，跟餐的是蜂蜜紅茶，真的很有台灣古早風味，同台灣早餐店的味道非常相似。-拉上補下，合格有餘，下次再戰豬軟骨。

今日係屯門卓爾居果度搵倒間好野食😆🤭見倒一間裝修好光，好清新自然既餐廳所以就入左去試下我同男朋友每人叫左個肉燥套餐高雄蔥香肉排，香辣味肉燥，跟熱蜂蜜紅茶我個人黎講真係唔太食得辣呢個香辣....我覺得還可以食倒...但要邊飲野邊食鐘意食辣既朋友一定要一試喔唐心蛋流心...好好味！讚好軟軟的肉排真心覺得好好味！勁力推介呢個就稍微有點遜色...比較凍..味道較淡總括來說，這家餐廳是非常親民喔一個套餐約$50連飲品抵食

探訪親友嚟到屯門卓爾居，入去試下呢度嘅台式肉燥飯，平時搭車見倒已經好想試下。下午3-4點時間，人客唔算太多。我點左【很讚紅燒牛肉燥底飯】（香辣），飲品【蜂蜜紅茶】。很讚紅燒牛肉味道濃郁，牛肉煮得很淋身，肥瘦適中，汁料亦配合得好好。燥底飯辣味適中，能吊起你胃口，肉燥份量亦好多。另外加左個肉燥扒菜同蜂蜜紅茶都

呢排天氣實在太熱啦，約咗朋友食下午茶又唔想去太遠又想坐得舒服於是就揀咗呢間一碗肉燥試下，環境乾淨，招呼週到。餐牌以下午茶來講都算多選擇，價錢由最平21元到最貴50元，套餐轉配特飲都喺加3至8元，可謂豐儉由人迷你香菇肉燥飯拼煎餃子配凍蜂蜜紅茶我就點了迷你香菇肉燥飯拼煎餃子配凍蜂蜜紅茶，天氣熱無乜胃口本來想叫新竹米粉，但店員話米粉的肉燥不可以選辣所以唯有叫飯食囉。份量真喺迷你啱細食的女士，肉燥夠香微辣加入冬菇夠惹味，鹵水蛋做得夠糖心入味配埋肉豆粒夠貼心，而餃子只是微煎不會太硬太脆再蘸埋跟餐的餃子醬非常好味，而跟餐嘅蜂蜜紅茶就有點澀，整體嚟講尚算好味。

今日午餐試左一碗肉燥，覺得個餐廳名好特別。午餐都唔太貴，味道都唔錯。有一張點餐紙點餐，試左豬軟骨燥底飯，肉燥可選原味同辣味，個人覺得辣味比較好食。豬軟骨好入味，都唔錯。餐飲叫左凍的蜂蜜紅茶，味道普普通通都可以。