台灣美食 (Closed)

在旺角逛街，突然下起大雨，又剛好有點餓意，便在附近坐下來吃點東西兼避避雨。來到這間台灣美食，裡面地方頗大，格局像一般茶餐廳，也坐得頗舒服的。 看看餐牌已立即被肉燥飯吸引了，這是其中一種我喜愛的台灣食物，每次去台灣都必吃。最後我們點了豆腐肉燥飯，椒鹽魷魚鬚，綠茶和珍珠奶茶。食物很快便到，果然很有效率。豆腐肉燥飯分量不少，賣相也不錯，而且有很多肉燥，這是很適合伴飯的。肉燥多汁，味道不會太濃，加上飯軟硬適中，因本人最怕太軟或太濕的飯，但配菜有點過份清淡，滷蛋亦沒有滷水的味道，但總體算是不錯。另外椒鹽魷魚鬚，感覺這是剛炸好，因為上桌時還是熱呼呼的，非常脆口而且條條都頗粗大，以炸物來說這不會太油太多炸粉在周邊，價錢合理只是$35。飲品味道方面中規中矩，分量好大柸，我們兩個吃得挺著肚離開，幸好吃完雨勢已經慢慢停下來，吃完又有動力再逛街了！！

不錯既台式餐廳 不過價錢略貴 講返質素 整體真係幾好幾好食炸物還OK 唔會好勁油益味野飲都OK 黑芝麻算幾好 雖然都幾明顯係沖出來 豬軟骨就幾好 本身鐘意食 而我都冇失望 GOOD!

經過一天的工作, 與同事三五成群吃宵夜!由於大家都好疲倦, 於是都想找一個坐得舒適, 價錢便宜, 味道又不錯的餐廳! 靈機一觸, 就去大家平時都去既台灣美食, 由於多種小食都好好味道, 二話不說就點了"台式六寶飯"($59), 內有炸雞翼、豆腐、雞球、肉燥、豬軟骨、腩肉! 因為太夜不想吃太多飯, 可免費轉配米線! 好豐富, 彷如置身台灣夜市, 仲可加配 任何價值$18的台式飲品😋

返屋企途中，諗諗下都係食埋飯先返去，去到花園街，兩旁都係食肆，於是求其入左間。豆腐肉燥飯，肉燥味道唔錯，份量都幾大。天時暑熱，叫返杯凍飲降下溫。白雪公主，荔枝味有少少人造，同埋甜左Ｄ。想平平地食個quick dinner算係可以，連埋野飲都係４０幾。

今日出左旺角SHOPPING完之後, 去左花園街搵食, 見唔使等位, 就入左去食下台灣野啦,看看餐牌都幾多選擇, 我地當然叫招牌菜試食下,  老公只叫左魯肉飯加香芋珍珠, 而我就叫了炸鷄魯肉飯配珍珠奶茶, 食物都好快到, 魯肉撈飯, 份量足夠, 好夠味, 但不會太咸。炸鷄都夠脆, 同樣不會太咸, 點秘制醬汁好開胃。至於奶茶呢，茶味較為淡, 珍珠數量適中,反而香芋珍珠的珍珠勁多, 多到食唔哂, 整體都不錯, 但成晚好口渴, 我地一致認為味精作怪 ~

由於太太的新攪作的緣故所以可以預計在可見的未來都會在這一帶出沒，很自然地亦相對地有極多的機會過來找吃.....是夜收工後四圍跑去搵食。在短短的一截花園街內差不多全都是食店，選擇可非少的 (但對太太而言卻是相反，原因當然是由於基本上她每天都在這一帶幹活)....她推介說這走台菜小吃路線的小店的東西很抵吃之餘味道還不錯。有身為地膽的她的推薦，自己也當然要相信及尊重了....星期五的晚上，店內呈兵荒馬亂之象，地方空間自然是甚擠。唯今之計便只好嗱嗱聲食完後立刻快閃....聽太太說這裡的飯與麵的份量是挺足的，故此叫兩碗三個人分享，看來是一定的了....但以小弟為食的性格，只叫兩碗嘢就實在不符合我那心多多的覓食風格....所以現在眼前便出現了一碟香芹墨魚餅了....餅咬落有點芹香的，但就稍嫌太油以及好像墨魚的份量太少。不過在醮點喼汁後食，香口的它也並非算太難吃....一睇到自己叫的八寶飯上桌時立刻呆了一呆.....心忖這怎能是如此的大件頭 ? 裡頭的配料有炸雞翼、豆腐、雞球、肉藻、豬軟骨、腩肉、大蝦及雞蛋。老實講是除了肉藻以外其他的每件都是大大份的，不用吃米飯光只吃料它已很飽。這裡的鹵水是出奇地夠

在太子西洋菜南街有著那麼一家棕色店面的台式菜館，昨天與朋友途經不禁布些意外，因為店家不知是何等的人物，食店的店名乾脆就叫做「台灣美食」，心想這樣的店名想必食物也必然差不到那裡去吧！店內裝潢出乎意料的簡單，第一眼感覺和普通茶餐廳相似，比較不同的就是餐單相比起茶餐廳要的簡潔，基本就是各種台式食品配搭白飯或麵食。點好菜，等了差不多十分鐘左右便呈了上來，我點的是芝士吉列豬排牛腱飯，加上飲品一共用價五十元，最後呈上來巴掌大的一碗芝士吉列豬排牛腱飯，看上去其實份量感覺還是滿大的一碗，不過比圖片中看到的還是小上一點。芝士吉列豬排的份量比想像中大一點，店家把豬排切開讓我們可以清楚的看到中間的芝士流出，牛腱也有上四五塊的份量，而且碗面都佈滿了配菜，在這方面上說又似乎感覺物有所值。首先咬上一口芝士吉列豬排，溫度不是太熱，半化的芝士味道要比想像的程度淡上一點，既有芝士的香味同時又不會蓋過豬排本身的肉味，有趣的是口味中的主角不是芝士也不是豬肉，反而是夾在中間的火腿，一口咬下感覺和炸三文治有點像。牛腱片的味道相比芝士吉列豬排來的要清淡，基本上沒有嚐出是醬油還是滷汁煮出來的，不過相對而言口感清爽不油膩，而且牛腱煮

今次係小弟第一次寫食評，如果用詞不當，請見諒。 當晩由於老婆大人要加班，所以又剩下我一條老去搵食，咁啱想去金魚街買野，結果去左太子食我的孤獨晚餐，在路途中見到有台灣餐廳，個心又想食肉燥飯，結果走進了此店。店內裝修普通，坐位比較窄，由於得我一條老的關係，所以被店員安排坐係近廚房門口的二人位，一坐便立即點左個鹽酥雞球肉燥飯。一試之下發現鹽酥雞球，其實是一早炸定的炸雞球，老得黎又冇味，不過個肉燥確實是好食，所以我最後都可以食得囇，如果個肉燥難食的話，我諗我對住碗有排祈禱 ^^;食完碗飯後，發現一個好有特色的牙簽筒，如果是一般人見到這個牙簽筒實會覺得好寒酸和核特，但小弟覺得此牙簽筒有佢的特色和非常環保，所以小弟非常欣賞這個環保牙簽筒。總結黎講這間食店的食物質素，本人覺得是一盤，但看見這牙簽筒我本人會給予好評，希望日後有更多人支持環保！

去花墟買水仙頭，順便在附近吃飯，正值中午時段，間間食店都有人等位，魚蛋燒臘又不是我杯茶，經過這間台灣美食，入內店員說有張2人枱，菜牌上大多是飯類食物，主要是肉燥飯，我們2人要了一個豆腐燥肉飯加紅棗茶和牛腱燥肉飯加薑母茶。肉燥很鹹，豆腐外層深啡色，咬開豆腐內亦是啡色，萬年油可真要換新啦!!!豆腐乾身沒有豆香味，配有半隻滷蛋和一些椰菜。牛腱也很鹹，這一餐的鹹味等於我平日一天的鹽分還要多，唯一讚是飯很熱。薑母茶非常辣，薑味重，我飲一小口已覺嗆口，紅棗茶內碎紅棗仍有甜味，我們將兩杯飲品撈勻飲，薑茶內有紅棗甜味，無意間發覺這配對又幾好飲。

同妹妹去買花, 經過一試台灣美食.自己叫了一個鹽酥雞球肉燥飯+珍珠奶茶很快便送上大大碗鹽酥雞球肉燥飯， 鹽酥雞球份量真的多，食到尾還有幾件吃不下來，要妹妹幫手才吃清 。雞球外脆非常及肉質亦夠嫩口，真的有香脆感覺， 燥肉就比較多汁，放上飯面食落飯身感覺食淋飯一樣，但肉燥的味道好好 ，可令人吃清碗白飯。珍珠奶茶味道正常，珍珠方面就比較淋欠彈牙，可以比較煙UN一些就好小小。

本身行到去個頭想食譚仔，見到有台灣野又想食肉燥飯就入左去。一入到去勁家庭式同勁逼，仲要係食飯時間好多人，但人地似食快餐店，食得好快食完就走。原來間野都唔平，個飯要四十幾蚊包十八蚊既野飲。叫左個鹽穌雞肉燥飯加香芋珍珠，另外再叫左個十四蚊既豬古力吐司。鹽穌雞肉燥飯大大碗，但雞粒就得個小小，仲有小小菜。仲有個醬，應該係醋黎既俾你點。先講鹽穌雞，唔係即炸既，咬落去好硬，一啲都無酥脆鮮嫩既感覺，可以唔食。啲飯正正常常，酒樓個啲飯，肉燥過咸同太油。碗飯我食左一半都無就無食，好浪費同哂錢。到豬古力吐司，唔好睇佢個樣靚靚仔仔咁諗住會唔錯好似仙跡岩個啲咁好食。豬古力醬係正常平野個隻，個吐司焗得唔夠，一啲都唔脆個邊唔好食。仲有佢切唔開，最後只可以用手食到成手豬古力醬。唔知點解杯香芋珍珠係最遲先黎。同平時台灣菜既餐廳無得比，杯野落唔夠香芋粉不特只，仲要啲珍珠淋到好似浸左一日咁。呢間野同旺角個間西門町真係無得比！

上星期又再次來此店食lunch..其實味道都ok架, 特別係d肉躁勝在夠多配飯就一流,而且肉燥鹵得入味又唔會偏咸 加上內裡有點冬姑粒食落軟軟好有口感, 最喜歡佢地既飯粒粒分明軟硬適中就係我至愛既米飯 反而佢地d小食鹽酥雞就麻麻, 基本上同一般既炸雞無咩分別.唔知係咪樣樣都係肉呢..食到最後覺得好飽漏.下次都係叫番少d肉比較岩我d.

8月30日, 前幾星期食過附近嘅翠苑, 發覺原來呢條街都幾多食肆, 而家嚟太子就多咗一個開飯點喇! 今晚去新世紀睇戲, 當然近近地去咗呢度搵食, 有間台灣野, 都好耐冇食過肉燥飯, 見佢入面都有d人, 就食佢啦~::: 馳名肉燥飯 + 珍珠奶茶 ::: $35簡簡單單叫個肉燥飯, 滿足一下自己嘅台灣癮先~ 碟頭都算大, 肉燥鋪咗一半, 加埋d椰菜同滷蛋, 賣相都ok~ 肉燥味道好好, 滷水味夠, 肉粒好入味, 仲有d冬菇添, 撈飯好好食~ 滷蛋亦能夠增加口感, 雖然凍咗同埋應該整咗好耐, 但係都唔太差~珍珠奶茶亦都好有台式風味, 奶夠濃滑, 珍珠都夠爽口, 成個飯$35連飲品, 好超值~一間小小店, 座位唔多, 但係都keep住有人入嚟~ 自從連鎖式台式食店執下執下就嚟冇晒之後, 都好耐冇食肉燥飯, 好回味~ 今晚得我食, 呀菲冇得食, 不過見我食得咁開心, 佢話下次一定要嚟番食一次, 咁好食當然我都要番兜啦~

看了之前的食評，不禁懷疑自己的眼睛有問題，又或是理解能力低。明明內容在稱讚台灣美食的食物，結果卻給了喊面評分，為什麼呢？是不是按錯了？是夜晚餐，我們吃了～台式六寶飯($48)：其實我分不清六寶有甚麼。所有配料中，我最喜歡炸雞粒，微辣兼香脆，正！雞中翼亦是剛炸起，不算非常油，又香又多肉。豆腐有一大塊，其他肉碎滿滿蓋着白飯，材料豐富，唯一美中不足是飯太少了。雙拼河粉($33)：本來有點擔心河粉會淡而無味，幸好湯底味道較濃。餐牌上聲稱湯底是用新鮮湯骨淮山海帶、柴魚等多種材料煲製而成，有益健康，但我沒有喝，因感覺內有味精。雙拼配料方面，我選了蟹粉蟹子丸和芝心蝦丸，前者沒甚麼特別，反而後者超讚，芝心蝦丸可先炸再吃，熱騰騰，一咬便有溶化的芝士淌出，正！兩款食物均送一杯$18以下的台式飲品，如要點$19或以上的飲品，只需補回差價，所以選擇很多。我們喝了～芒果珍珠：原價$18，有芒果香，珍珠彈牙，但略嫌冰太多，喝至中段味道已開始變淡，建議要求少冰。白衣天使：細杯裝原價$20，香蕉味不夠濃，味道只屬一般。總結而言，台灣美食食物尚可，價錢合理，可以多試。

肉燥飯很有台式風味 - 偏甜, 飯也夠熱, 拌勻真好吃, 還有半隻鹵蛋再加一些烚椰菜蛋白魚腐拉麵則比了下去, 拉麵過硬兼有梘水味, 蛋白魚腐入口雖略帶些微的魚肉味但偏咸 , 口感不夠也偏淋跟餐點了一杯鴛鴦珍珠和一杯咖啡珍珠, 鴛鴦珍珠是由奶茶溝咖啡而成, 入口突出了濃濃的茶味, 至於 咖啡珍珠, 入口則感覺由三合一的咖啡粉沖成, 偏甜和沒有咖啡的香濃味道