台灣麵 (Closed)

👉🏻紅燒牛肉麵💲62👉🏻滷水雞翼肉燥飯💲60👉🏻蚵仔煎💲48👉🏻酥炸腐皮蝦卷💲48👉🏻黑魔（黑糖牛乳奶蓋）💲32 / 跟餐➕💲9次次食台灣嘢嚟嚟去去都係個幾間 今次試間未試過嘅🇹🇼聽講個紅燒牛肉麵好出名 果然好好食🤩係必食之選！個湯超濃味😽啲麵又好有咬口唔會太冧😋牛肉半根半肉😋如果食過呢間但冇食過呢個麵咁你一定要再試下🤣滷水雞翼都好入味幾滑😗伴碟多啲會開心啲🤣蚵仔煎係厚底架🤩都幾多蚵仔不過少少唔夠鮮🤨酥炸腐皮蝦卷炸得幾脆亦唔會好油膩👍🏻黑糖牛乳奶蓋都part得住啲名牌奶茶鋪👍🏻鋪內裝修都幾有特色好多燈籠🏮上菜都好快幾啱打工仔食lunch!〰️〰️〰️〰️〰️〰️〰️〰️〰️〰️台灣麵 (太子)📍太子彌敦道750號始創中心B1樓B02-B06號舖

前幾日喺網上見到有團購優惠就買咗，諗住今日中午同朋友去試下優惠嘅台灣野。去到門口等咗好耐無人理，如果無人帶位都可以喺個recep放個指示牌自己入去坐。入到去諗住坐張大少少嘅枱，點知一坐低就俾個職員大聲喝我地坐埋一邊，我地都見到無乜人，諗住可以坐得舒服啲啫，都唔需要咁差嘅服務態度。算，我地睇餐牌叫野食，放咗啲團購優惠卷喺枱面，點知剛才服務態度差嘅嗰位同事就一手搶咗我地啲優惠卷，話要收咗張優惠卷睇下用唔用到。我同我朋友諗點會用唔到，就無理佢繼續睇餐牌。我地叫咗兩個午餐，個麵都幾好食，但個湯底真係好咸。杯椰香杏仁飲品淡而無味，明明叫凍飲但無乜冰。諗住有優惠先嚟試下，點知食野嗰陣有個著白色衫嘅員工不時講粗口，令我地覺得好似去咗大排檔咁，而且服務態度差劣，下次再有優惠我都唔會再嚟食！

琴日食左始創中心地庫最近開咗一間台灣菜。餐廳面積都算幾大好多位， 所以等咗一陣就入到去。食物嘅款式好幾大路， 例如紅燒牛肉麵、肉燥飯呵仔煎、鹽酥雞、鹵水拼盤等等。比較特別嘅就係佢有雙拼嘅選擇， 可以半份牛肉麵，半份肉燥飯，啱晒好似我呢啲有選擇困難症又想食晒兩樣嘅人。最後我叫左鹵水雞翼肉燥飯拼紅燒牛肉麵。牛肉麵啲紅燒牛肉煮得幾入味，個湯底都同係台灣食嘅差唔多。至於個鹵水雞翼肉燥飯就不過不失，下次會試埋個香酥雞扒肉燥飯。另外再叫左一碟櫻花蝦炒包生菜，份量都唔少。埋單加埋百零蚊左右，價錢合理。

呢台菜餐廳選擇幾多，價錢合理，值得bookmark下次再食呀！呢個雙排雙格太餐抵食又岩哂多心我！一碗麵兩款食法，真係太好了，可以多一個口味試試！Order了香酥雞扒肉燥麵及酸辣麵...份量都唔算少，雞排有兩大件，肉燥都多。雞皮脆香，肉質嫩滑，非常惹味！而酸辣麵既配料都非常豐富，加上酸辣湯底，辣中帶酸，辣辣唔算太勁，但都十分惹味！套餐+$9就享受琴特飲，價錢合理。呢杯鳳梨綠茶沙冰真材實料真係有菠蘿肉，果味十足，非常解渴！食台菜當然唔少得食碗紅燒牛肉麵喇！麵條口感札實，每啖麵麵吸附著肉味濃郁突出既湯，當中帶點辣勁，好正！牛肉有四大件，半筋半肉，非常入味！再加杯珍珠奶茶，完完全全係台灣既味道呀！蚵仔煎餡料十分豐富，蚵仔好大粒呢！

今日同好友黎到太子行街, 之後肚餓就近近地去到附近既始創搵食~~見到有台灣野, 望下個MENU 都唔錯, 所以就入左去=]我地一人一個麵, 再加小食SHARE, 同埋叫左2杯野飲~我點左個碎雞麵, 轉米粉, 清清地諗住健康D, 醉雞好嫩滑, 酒香味重!而朋友點左個2格不同既麵, 一格係原味牛肉麵, 另一格係唐心蛋豆腐米~~ 牛肉好多, 啖啖都係肉, 唐心蛋都好正~~小食叫左個藍蟹餅, 入面啖啖都係蟹肉, 仲要熱辣辣!!最近2杯飲品分別有水果茶, 胚芽奶露, 好飲~呢度價錢好抵, 原來仲要冇加一!! 下次會再黎試其他野.

今晚同朋友係始創中心做完野後，個個都勁肚餓，我地就落始創地庫睇下有咩食，最後大家一致決定食台灣麵！大家一齊睇餐牌，呢間台灣餐廳原來有好多野食，唔止台灣麵，有肉燥飯，水餃，仲有好多小食！晚餐有呢個雙排雙格飯，好開心，因為可以揀兩款，好似燒味飯咁，有得雙拼！咁我就揀左滷水雞翼肉燥飯配糖心滷蛋豆腐肉燥飯，由於我太肚餓啦，所以揀左兩個飯！而朋友好多都揀左一飯一麵咁！糖心滷蛋其實唔係糖心，唔係平時食拉面個種糖心蛋，係一隻全熟的蛋！反而豆腐有驚喜，我咬左一啖，勁熱，好鬆軟，似豆卜多過似豆腐，仲要加左少少黑胡椒，又幾好食！滷水雞翼肉燥飯，我覺得雞翼同肉燥都係普普通通，好一般，肉燥唔香，都無咩肉！而有個朋友揀左食醉雞麵，我就試左佢一件醉雞，好好食，好入味，佢既醉雞最好食！另外我地仲叫左兩個小食，第一個係藍蟹餅，好蟹蟹肉係入面，都可以的，第二個係蚵仔煎，普普通通啦，口感好淋，我就一般般，但朋友又話好好食！每人大概$100到啦，咁既價錢配呢個質素，差唔多啦！

朋友話帶我去台灣喎，原來係黎呢到餐廳裝修好特別，一盞盞既天燈裝飾燈掛係天花，好懷念係台灣放天燈必食紅燒牛肉面呢到既牛肉係半筋半腩，咁樣既肉係特別軟腍，除左食到牛肉既口感，仲食到筋既彈性湯頭好香，飲完一啖接一啖 秘製醉雞麵呢個岩鐘意清淡啲既人既口味，因為麵係清湯，所以較淡口，可以自行加辣醬架雞胸肉用花雕酒奄得好入味，個汁好味到我連杞子都食埋雜莓沙冰奶溝埋莓果打到變幼滑沙冰，好fresh,而且酸酸地，好開胃最後一個完美既甜品作結。多士鬆脆，熱既多士配冰凍既雪糕同忌廉，好邪惡

今日同個同事傾開計，講起點解成個三月都冇紅日，大家都十分抑鬱，有4日假都可以飛轉台灣啊，但奈何三月又真係冇紅日，想去個短trip都要請兩日啦。。於是我地收工去咗食「台灣麵」一解鄉愁。❣️環境餐廳喺地面落一層，可以喺櫥窗見到每一道菜餚係點樣誕生，我地兩個安排係靠牆嘅梳化位，抬起頭就見到好多有台灣特色嘅迷你天燈，七彩繽紛咁。餐廳面積都幾大，座位數目都唔少，同隔離枱又有足夠嘅距離，私隱度幾好。❣️Menu我哋夜晚6點幾黎，餐牌主要係散叫嘅，但叫一個主食就可以半價加嘢飲， 性價比都幾高。✨原味牛肉麵 轉新竹米粉 ($58)其實一見到餐牌已經超開心架啦，呢度有新竹米粉食啊！仲係免費轉既，市面上都好多台灣店，但唔係間間都有新竹米粉食，新竹米粉係比平時茶餐廳果d幼，同埋滑既，稔稔地但又唔會煮爛既，同埋都索到唔小湯。牛肉方面，份量都幾多，亦都軟稔，d筋位已經煮到唔洗大力咬開，好似啫喱咁。✨鹽酥雞件 ($40)即炸既鹽酥雞，好脆卜卜，仲伴有木魚絲，炸完既雞肉仲keep到嫩滑多汁，調味又剛剛好，唔會過鹹。✨涼拌雞絲粉皮 ($58)淋左滿滿既麻醬，仲有大量既青瓜絲、雞絲，on top仲加左d炒香左既黑白芝麻。將

原味牛肉面拼雞扒肉燥飯+珍珠奶茶先食雞扒肉燥飯，雞扒香脆，多汁。肉燥方面，個人較喜歡有冬菇的肉燥，同佢呢個唔同。跟住食牛肉面，一食落口，即時聞到鹼水味，諗住攪下個湯，沾一些湯汁，再食一口，都係頂唔順鹼水味，即刻問佢攞醋。落完醋就可以入口，唔知係咪厨房唔記得落醋。珍珠奶茶唔會太甜，只係加4元，都唔錯。

今晚突然想食牛肉麵，朋友就提議我地去食台灣麵，去到環境都幾舒服，因為我地好早去到就好快有位可以坐了。都有幾多食物可以揀，我就揀左個台灣牛肉麵，黎到好大碗，湯既顏色好深味道好濃，然後上面牛肉好大件，而且重要有筋，牛肉一咬就斷，好林好入味。而朋友就叫左碗秘制醉雞麵，麵同雞分開上，朋友話夾起就聞到酒味，好濃味，鍾意食醉雞一定要浸多d湯汁，我都食左件，好香好濃酒味。另外叫左份紅油抄手，唔會話好辣岩岩好。另外朋友話我牛肉麵d肉好好味，所以就另外叫多份滷水牛展，真係啖啖肉而且好夠味。飲品我朋友好鍾意飲黑糖牛奶，所以佢叫左杯黑魔（黑糖牛乳奶蓋）而我就叫左杯藍梅巨峰烏龍茶，兩杯都唔會太甜。

去開太子覓食，係始創中心落一層都有好幾間食肆，呢間叫台灣麵既望落光猛闊落，好似幾乾淨，環境都算舒服😌閒日夜晚去人唔算太多。.🍜紅燒牛肉麵 通常食台灣野我都會先試紅燒牛肉麵。呢碗牛肉又多又大舊，最緊要夠淋身。湯底香濃微辣，配埋蔥花酸茶，令人幾開胃😋 麵條係粗身較煙韌，雖然個人較鐘意偏淋既麵條，同埋份量都唔少😆呢個價錢都幾抵食👍🏻.🐥塔香三杯雞 本身想試滷水豆腐同糖心滷蛋竟然賣哂，傷心💔所以就叫左個塔香三杯雞，反而有驚喜🤗九層塔既味道好勁，食落熱辣辣而且非常惹味，肉質仲好嫩滑👏🏻.🍜蚵仔麵線朋友就點左個蚵仔麵線，望落有啲細碗，但蚵仔份量都唔少而且好大粒！湯底唔算太稀。.🥤黑魔 (黑糖牛乳奶蓋)另外跟餐可以半價加飲品，我一見到有點糖牛乳奶蓋，就二話不説揀左佢🤩珍珠有咬口，黑糖花紋算整得唔錯，味道唔算太甜，奶既份量偏多，但以半價黎講真係好抵飲🤪

我不嬲都幾鍾意食台灣嘢食，有朋友推介左呢間喺始創中心嘅台灣麵，咁就一齊去試吓啦。呢間台灣麵裝修都唔錯，環境幾乾淨，我地叫咗一碗牛肉麵，一個壕餅，同埋一啲小食share。首先碗牛肉麵個湯底幾濃郁，牛肉都幾鬆軟入味，以呢個價錢來講算唔錯，其他好似鹽酥雞，壕餅，雖然係咸左少少，但味道總括來講都算幾好食。成間餐廳總括嚟講都幾好，位置又方便，距離太子站只不過需要5分鐘嘅步程，如果約埋一大班friend喺度食嘢都唔錯，值得推介!

同屋企人係始創中心買完野之後，就順便係始創中心食埋野！已經好耐無去始創中心的我見到有間台灣面好像好吸引，所以就入左去同媽媽一起食。餐廳裝修簡約明亮，而且乾净企理，天花上仲有一些天燈做裝飾！餐廳原來除了面食之外，仲有台灣小食可以選擇。仲有台式飲品，例如珍珠奶茶同水果茶等等。原味牛肉面：牛肉面一上台已經香氣噗鼻，湯頭清澈濃郁，而且充滿牛肉的味道。牛肉軟腍重牛味！麵條粗幼和軟硬度適中，麵條挂湯帶有少少韌性，加上鮮綠的蔥花，令人吃不停口。牛肉基本上都使用要牛根腩，每一舊都晶瑩剔透而且很軟腍雲吞肉燥面（白菜): 湯頭一樣清澈濃郁，白菜雲吞餡料很足！連平時嘴尖尖的媽媽都說餐廳的麵條好食。腐皮春卷：春卷外層脆卜卜，内餡足料彈牙！好香口好快就比我地食曬。内餡除左有蝦之外，仲有魷魚，花枝等等！口感彈牙惹味。飲料裏面更有果肉~餐廳價錢便宜，CP值好！值得再次光顧。

今天在旺角逛街，經過了始創中心，看見有一間台灣麵，想起好像很久沒有吃台灣菜了！這間餐廳地方也很大，座位也不少。看見餐牌有一個雙併雙格餐，非常特別！就是一個碗可以同時滿足兩個希望，對於選擇困難症的我，表示高興😆叫了晚餐加$4便可以台式飲品，當然是叫我自愛的香芋奶茶，也可以叫少甜， 正合我心意。蚵仔煎也是我至愛的台灣菜！在香港很少可以食到正宗的蚵仔煎，這間的煮法絕對合格。終於來到主菜，我選擇了原味牛肉麵併香酥雞扒肉燥飯！牛肉及雞肉分別有兩件，這裏的肉燥不是太油，而且牛肉麵裏的肉非常滑及入味！份量也不少，而且一個人可以嘗試到兩個味道真的很特別。

去完台灣，對台灣美食念念不忘。今日約咗朋友去太子，原來始創入面開左間台灣餐廳。我的不假思索就決定入去回味台灣美食我哋叫咗兩個小食，然後每人一碗麵。蚵仔煎同鹽酥雞，實在係食親台灣野都必點嘅小食。鹽酥雞炸得好香脆，而且唔會好厚粉，拍得住台灣嘅街頭小食蚵仔煎方面非常足料，暫時係我係香港食過最好食嘅蚵仔煎最後當然係叫一個必要嘅台灣牛肉麵。每次食牛肉麵除咗牛肉之外我最重視嘅就係湯底，呢個牛肉麵嘅湯底非常濃郁，而且好有牛味，加上佢啲舊肉係林嘅，唔係平時出邊好n咬唔開嗰啲，所以呢個牛肉麵我比9.5分