台灣麵

Open Now

Now Closed

每次去台灣麵食下午茶餐都叫雙拼厚多士，有9款味道可選擇，有花生、奶醬、奶油、草莓、朱古力、蒜香、椰奶奶酥、藍苺奶酥和奶油奶酥。我簡左奶醬同椰奶奶酥。即叫即整，熱熱既多士岀爐啦😋😋搽上一層厚厚既花生醬和煉奶，份量很多，美味可口。椰奶味很香，也不會太甜。升級之選加$7可配雪菜肉絲米粉、榨菜肉絲米粉、手撕雞米線和酸辣湯麵。平時我會叫手撕雞米線，今次試下食酸辣湯麵🍜如果你鍾意食酸辣湯，可以試一試。👍🏻👍🏻

今日朝早路經仁濟附近,諗近邊度有早餐食,茶記度度都好多人,所以行行下就入左悅來坊,又唔想食炸雞快餐...所以就搵左間食台灣野鋪頭!!雖然係食台灣野鋪頭,但係早餐其實都係親民茶記!!叫左個雞扒麵餐, 個麵好細碗!!不過加埋個雞扒份量都OK!!唔會話食完唔夠飽...不過雞扒真係精彩!!厚得黎又炸得啱啱好!!另外杯凍奶茶!!又係香濃滑, 茶味好濃!!入口絲滑, 值得一試!!

你們於4/7（日）上午10:15左右到達餐廳，落單叫了2次待應，她們居然裝作若無其事，扮睇唔到😳之後終於落到單，我們叫了3個早餐，全部都有牛油方包及飲品。❶吉列魚柳 腸仔奄列 牛油方包 （$37）：魚柳都幾大塊。❷茄汁蘑菇腸仔奄列 牛油方包 （$33）：熱騰騰的較為好吃。❸雞扒公仔麵 牛油方包 （$35）：雞扒蠻多，水平一般。台式飲品：胚芽奶茶 薄荷奶茶 芝麻奶茶台式飲品比食物好其他2個餐已經食完，茄汁蘑菇腸仔奄列這個餐仲未到，遲了差不多15分鐘先到，中途我們追問了3次待應，她們也愛理不理，令人無奈。

見到呢個名以為成間舖頭都係食台灣野，入到去睇到餐牌發現有酸辣湯系列、蕃茄濃湯系列，最搞笑嘅係有台式咖喱系列，真係好想知道台式咖喱同港式咖喱有咩分別😂😂不過佢叫得台灣麵應該叫返碗台灣麵比較穩陣，所以我叫咗碗紅燒牛筋牛肉麵，佢旁邊打咗皇冠，相信就係呢間餐廳嘅王牌啦，牛筋同埋牛肉嘅份量都算多，牛肉比較厚身，而且唔會好韌，牛筋炆得好淋，個面唔會滾得太淋值得一讚，因為我好怕食啲好淋嘅面，我幾鍾意牛肉麵呢個湯底，感覺冇乜味精，配埋熱飲$65可以接受

話說今日我同屋企人去嗰度食飯，去到已經好多人，入座後，好快就叫啲姨姨寫嘢，但係過咗20分鐘之後都未落到單，跟住就叫咗一個哥哥嚟了解情況，各位哥哥仲好有耐性咁樣問我哋要唔要再落多次單，之後之前幫我哋寫嘢嗰個姨姨就話佢已經寫咗單，不過未落，我見到嗰個姨姨仲要係態度好唔耐煩咁樣。環境衛生已經唔講，真係好污糟。 仲有大家去到一定要好好清潔啲筷子，真係好多油，好似冇洗過咁。 啲嘢食喺嗰度已經唔係好好食，仲要好貴，嗰啲咩特惠小食，已經>$30, 仲話特惠。👎🏻👎🏻👎🏻👎🏻👎🏻👎🏻

同小朋友2個人去食下午茶 叫左個餐加小食同杯野飲 野食算唔錯幾夠熱 分量都足只係服務態度麻麻地 由入去見有唔少位但無人執枱 企係度一陣先有人理😂 落單都要等4-5個侍應終於睇到我揮手先有人理 好啦 處理左小朋友食先拎起野飲 拎上手已經覺滑手 飲左啖都系逃不過成杯跣走左瀉晒 咁大動靜依然都係要我同小朋友揮手麻煩侍應處理 處理期間我都提過杯有油有啲滑手同講左聲麻煩晒同唔好意思 但當時位侍應無回應 黑晒我面仲唉左我一聲 算喇 我隔左陣見大家都無任何反應就叫過另外一杯野飲（當然係繼續強烈揮手）侍應問我係咪叫過另一杯 我答係 仲強調頭先果杯跣手倒瀉左 佢行去落單位 再行過黎話要單叫廿八蚊嫁喎 我覆加錢無問題先至幫我落🤷🏻‍♀️ 講真 杯野瀉左到我再落另一杯野飲 個個都無反應 您問左我係咪落過另一杯野飲我都話係 其實想點🙄

台灣麵荃灣荃華街3號悅來坊B1樓B102號舖今日難得黎左悅來坊呢邊做嘢，搞掂之後當然順便開埋餐啦，行過見到呢間專食台灣麵餐廳好似幾正咁，所以一於就入黎試下啦一睇meun就覺得呢個雙格餐好正，一個價錢就可以食到兩種食物，岩晒我呢d三心兩意，有選擇困難症既人，哈哈。。我就揀左原味台灣牛肉麵+咖哩牛肉新竹米粉 咖哩牛筋腩配新竹米粉---覺得呢個咖喱就比較辣左d, 但係份量都算幾多，而且牛筋炆得好淋身，值得一讚除左主菜，呢到既小食都唔錯架，我地揀左醉雞翼配海蜇，仲有雞絲粉皮。。兩樣都整得唔錯，特別係個雞翼整得好入味，食落有淡淡花雕酒既香味，好吸引

好耐冇食台灣麵，今次再食，叫了個2人套餐，包括：- 2杯台式飲品 - 3款指定前菜- 2款小食，點了香酥雞粒，外面香脆，好味，另外點了紅油抄手，這款有點失色，醬油夠味，但水餃唔好食- 紅燒牛筋，筋夠淋，夠入味，帶些肉- 1碟菜- 麵或飯，飯有份量，夠兩人一起食下次若再光顧，會叫麵食

很久沒有和表姐去荃灣尋覓美食，今日去了悅來坊shopping完後去找東西來吃，我們去到B1地庫見到一間好多人幫襯的「台灣麵」，忍不住我們就入去幫襯了。「台灣麵」梗係食台灣菜啦，食物及飲品超級多選擇，而且還可以雙拼，拼2款不同食品，配飯、麵、米粉等等，非常多元化。雙排雙格餐，必選「台灣牛肉麵」+「滷蛋豆腐飯」，份量絕不少，兩件牛肉很入味而且肉質好腍，粗麵夠彈牙，很不錯。再加上滷蛋豆腐都很好味，豆腐外脆內軟，還要熱辣辣，滷蛋味濃郁，贊！「萬巒豬腳麵」改配新竹米粉，豬腳不會太肥，豬皮Q彈骨膠原十足，沒有腥味，並且配上優質的新竹米粉，個人比較喜歡這個豬腳配新竹米粉。台式飲品可說是多姿多彩，款式多顏色又繽紛，我選了「青蘋果荔枝水果茶」，而表姐揀了「百香果乳酸三色Q果」，味道方面兩杯都不過不失，算合格的。

今日喺荃灣食下午茶叫咗一個煎豬扒飯配肉燥汁（$43)一個雞扒麵（$38)配新竹米粉（+$3)一個百搭套餐，要芝麻手撕雞配乾伴粗麵（+$3)小食揀咗酥炸花枝丸（兩粒）（$40)飲品就叫咗凍紅柚話梅凍頂烏龍茶（+$8)、同埋凍芝麻奶茶（+$4)加珍珠（+$3)煎豬扒飯配肉燥汁豬扒份量唔算好多，算係下午茶size，一個飯嘅份量就幾多下，下午茶食都夠晒飽。肉燥汁好好送飯，香濃惹味。雞扒新竹米粉麗都台灣麵，一定要加錢食佢呢個新竹米粉。新竹米粉同香港米粉嘅口感好唔同，真係要去食台灣菜嘅地方先至食到。新竹米粉爽滑，一定要試。芝麻手撕雞配乾伴粗麵乾伴粗麵都係用肉燥汁去撈，一樣咁惹味。芝麻手撕雞啲雞肉幾滑，都幾好食。

🍜 又到假期，周圍搵餐廳食飯，行過 這間餐廳，見到餐牌一格格，有好多套餐的拼合選擇，啱曬一家人不同的喜好。🥗 麵食好大碗，雙排雙格麵，可以揀兩款麵底加兩款餸 ，最啱我喜歡 試多啲口味的人。🐷 餸超多，一般滷肉蛋飯都係只有滷肉，但係佢加多咗兩大塊半肥瘦的扣肉，同樣咖哩牛肉麵有好多牛腩，又淋又大件。對於一個女生來說真係好大份，我知道 一定食唔曬，所以我選擇小食，雞絲粉皮的粉皮做得好爽滑， 還點了紅油抄手，小青瓜。🍹 選擇台式飲品都只是加$4 ，還可以選擇黑芝麻，木瓜等味道。😃

早幾日聽見老豆話心掛掛台灣的牛肉麵， 但又冇得去台灣旅行食和玩，做女嘅咪唯有帶佢去台灣麵到食返碗牛肉麵頂住下先。今次同老豆去左熊貓酒店樓下的分店食， 老豆見到呢到d 餐可以雙併好開心， 佢就叫左碗紅燒牛肉麵配韭菜雲吞乾麵， 來到見到乾麵上會有d 肉碎拌麵食，老豆話唔錯， 牛肉夠哂入味和淋。而我又係花心鍾意多款， 我特登叫左出名的紅燒牛肉麵配豬腳肉燥飯， 感覺好好喎， 紅燒牛肉連湯有一點點辣幾惹味送麵一流，而豬腳好有骨膠原岩哂我地d 女人食，下面好多肉燥，當堂食多左飯。飲品方面跟餐加8蚊有特飲， 老豆叫左杯好夢幻的紫背天葵檸什花釀，而我就叫左杯青檸柑桔愛玉凍加珍珠，飲落甜甜酸酸，加上愛玉好滑，解一解食左咁多肉幫助消化下。

都好耐冇嚟呢度食嘢，係悅來坊商場買完波鞋後，順道食埋野，呢度晚市都係$60左右包飲品，幾抵食，選擇亦多元化。今日試咗雙排雙格餐，即刻1個餐內可以點兩款菜式，而兩款菜式放喺一個大碗入邊，碗嘅中間分隔開唔會將啲味道混合一齊，幾好嘅設計。台式咖喱牛肉跟乾拌麵及蒜香雞翼新竹米粉，咖喱牛肉其實係牛展，咖喱辣到有兩隻辣椒；新竹米粉比廣東米粉幼一些，更滑口。滷肉蛋飯及白菜雲吞粗麵，老玉變咗兩舊大嘅五花腩，一舊肥一舊瘦，兩舊都好淋，雲吞都有水準。涼拌雞絲粉皮、紅油抄手、小青瓜、滷雞腎都各有特色，我幾樣都咁鍾意食。芝麻奶茶，香香濃濃芝麻味，飲落亦成口芝麻，感覺健康。

今日係星期日朋友要返半晝，所以我約咗佢係佢返工果頭食lunch，問佢有咩推介佢畀咗幾個選擇我，我就揀咗呢間台灣麵。。。 (因為呢幾日旅行癮又起好想去台灣😭😭)去到差唔多一點基本上都全場爆滿，好彩仲有最後一兩張檯👏我地叫左個牛三寶新竹米粉，黑橋香腸，鹵豬耳同埋一杯珍珠奶茶share～牛三寶湯底非常濃郁，牛筋炆得好淋好入味，牛展淋身同唔韌😋個人嚟講好鍾意食正宗新竹米粉😁 爽口彈牙，同其實牌子煮出黎好淋既米粉/煙韌到好膠既好唔同👍👍黑橋腸肥瘦適中 ，唔會好油膩，食多幾舊都唔怕濟～鹵豬耳份量超多！！$36好抵食😂😂 爽口入味～埋單仲唔駛加一，非常抵食👏👏

台灣菜有兩味代表菜，就係牛肉麵同魯肉飯，同食港式野要食燒味一樣。而我見到佢既牛肉麵選擇好多，有傳統常見既，又有D新鮮少見既，由於我係蕃茄控，就叫左個蕃茄湯牛筋腩麵。佢呢到冇魯肉飯，只有肉燥飯，兩者其實分別好大，因為魯肉係有肥肉，食落去口感係唔同。唔知點解HK多數台式餐廳都係得肉燥飯而冇魯肉飯，所以未能一試。希望佢地日後會考慮出魯肉飯。由於見到佢有新菜介紹 - 萬巒豬腳麵，望落去張相都幾吸引，就叫左份，配關廟麵，因為唔知咩來，所以想試下。另外值得一提既係，呢到既人手比例充足，唔會好似有D餐廳，搵人落單都要等。上菜速度都好快，要比個like。蕃茄湯牛筋腩麵 - 個湯好濃蕃茄味，有兩大舊牛腩同一大舊牛筋。如果佢切細上都更好。萬巒豬腳麵 (配關廟麵) - 我完全分唔到關廟麵同米線有咩分別，至於舊豬腳，好足料，配上滷水汁，好惹味。但如果舊肉煮淋D會好D。跟餐+$4可轉台式飲品，叫左台式coffee同杯芽奶茶。冇叫少甜，但杯杯芽奶茶自動少甜，更特顯荼味。杯咖啡都唔錯。埋單$137，食飽飽，ccp值高。