台灣麵

Open Now

Now Closed

今次去咗熊貓酒店悅來商場，雖然食肆選擇唔多，但呢間台灣麵分店真係值得一試！🍲酸辣湯白菜雲吞配新竹米粉 🍜 酸辣湯一上來已經香氣四溢，白菜雲吞又大又飽滿，仲有啲酸辣湯真係開胃，配埋新竹米粉，爽滑無比，整個感覺就係一字：正！🔥鮮茄濃湯白菜雲吞配粗麵 🍅 鮮茄濃湯味道濃郁，配埋白菜雲吞，真係好食到唔想停口。粗麵嘅口感好Q彈，每一口都係滿滿嘅滿足感。🤤台式豬軟骨刀削麵 🐷 台式豬軟骨飯真係香濃誘人，豬軟骨煮得好腍，入口即化，再配埋刀削麵，每一口都係幸福感爆棚！😋總結 價錢係略貴，但係質素真係保持到！整體來講，呢間台灣麵分店真係唔錯，值得一試！下次再帶朋友過嚟嚟食好嘢！🍲🍜🐼📍地址 熊貓酒店悅來商場

以前每次食台灣麵都在九龍灣展貿， 第一次到荃灣分店， 店內的裝修跟九展是差不多的， 餐廳主打台式料理，點了一個二人餐， 已包括兩碗湯( 酸辣湯和貢丸湯) 、肉燥油麥菜、 皮蛋豆腐、 豬軟骨肉燥飯、 牛三寶刀削麵、 柑桔檸檬和熱好立克。 二人套餐份量多，味道都算不錯， 就是豬軟骨有點硬。 整體菜式種類多，價錢合理。🏷️溫馨提示～ 整個用餐體驗均屬個人分享意見， 只作參考😊。 台灣麵地址: 荃灣荃華街3號悅來坊B1樓B102號舖

一講起台灣面個個人都會想食牛肉麵，但今日我想食吓其他，叫咗一個酸辣雲吞，一個雞扒蕃茄麵。麵質爽滑彈牙，湯底濃郁鮮味，酸辣湯辣到剛剛好。份量也足夠，價錢尚算合理。

成個悅來坊商場係台灣面呢間嘢叫做好食少少，但呢間嘢越嚟越貴，叫碗麵加杯凍飲至少六七十蚊，有啲台式飲品其實幾唔錯，例如胚芽珍珠奶茶我就好喜歡，但加錢再叫成個餐就會變咗七八十蚊，個人覺得性價比係偏低。印象中台灣麵以前係曾經收過一服務費的，但後來取消咗，但感覺啲嘢冇平到，其實係食物加左價，變相都係收咗加一。講返嘢食先，佢嘅飯麵組合係好多元化，可以自由組合，屋企人最愛蕃茄湯麵配椒鹽排骨滑雞扒，我自己就好喜歡佢嘅酸辣湯麵，配粗麵，幼麵，新竹米粉，米線都得，酸辣湯料多好味，通常我會加埋菜肉雲吞，大粒飽滿，相當滿足。

大大件無骨雞扒皮脆肉嫩，粟米粒午餐肉不是薄切，牛油方包已經飽飽地今日向熊貓酒店附近做野，見到台灣麵冇咩人就入去坐低佢個早餐系列都幾多款式香煎雞扒餐+$8既沙爹牛肉米（份量都大碗）

服務態度奇差，店員黑口黑面，使用點餐系統時遇到疑問都不想答我。上菜時食物掉在桌面，唔發脾氣都幾乎唔想換俾我，食物質素亦都唔得，可能佢哋個目標只係遊客，總之我就唔會再幫襯

晚上6點幾去食晚餐首先，服務，餐廳電子落單ok，但係隔離枱一班老人家想落order都叫人電子落order，好心啦，唔係忙就幫下人食物，order左花雕醉雞蔥拌粗麵，麵好食少咸，雞有苦味多碎骨，另外仲有酥炸排骨乾拌刀削麵，排骨味道正常無骨ok，乾拌麵勁咸麵未煮熟飲品，好飲，但order左少冰都成杯冰，天氣熱想幫手降溫？冰融到飲品味道，沖淡晒最後，清潔，好死唔死坐個位望正洗野位，阿姐清完食完碗碟，手都唔洗又做其他野，太那渣了吧好係咁，完，88，不喜勿插

3個唔係好餓既人想坐下，貪呢到位舒服。二人餐小食 - 皮蛋豆腐，汁好食小食 - 炸雞（黑松露醬）香脆好食菜菜 - 油麥菜，大碟好正貢丸湯 - 唔識形容，唔好揀就ok.酸辣湯 - 好正超酸同辣，好正醉雞 - 無酒味，雞滑係可以鹽酥排骨 - 好林，不過無乜豬肉味奶茶 正常朱古力

人生第一編劣評就送俾佢地😪😪工作關係不時到此午饍，入去冇人招呼已見怪不怪，現在用電子落單放低張紙就行開，作為一間普通餐廳，都不抱期望。但店員既態度真係好有問題！樓面眼見午飯時間有4個人，人手絕對足夠，但上菜勁慢，幾個店員見到廚房出左菜都唔會主動上菜俾客，經常排到出菜區滿晒，冇位擺啦先送餐，多客做唔切可以理解，但間鋪唔滿客都係咁，有時仲要刻意攞開啲，要儲夠幾碗先上菜，見過好多次店員經過都唔上菜！叫店員幫手，係要截停佢，佢先有反應！你望佢，佢地會避開你眼神扮睇唔到！揮手要揮到好大動作而令佢冇得唔理你先會過來，回應既態度仲要勁悔氣，我唔係要你笑吖，但我冇欠你㗎！我來食個飯咋！經常漏單和遲出菜！先講廚房，已經係零子落單，諗唔到點解可以經常漏單！不論客多定客少！同一個order實會漏一個，要你追先係叠單搵返個order出來！其實大部分餸都係預先整好或者加熱返，但煮碗麵要半個鐘？！最離譜係遲來落單既另一枱客仲上菜快過我哋，估計個廚房鐘意做邊張單先就做邊張，唔跟次序既！追店員單永遠都話你叫既野係耐啲，仲要黑口黑面！咁點解釋人地遲來既會快啲？我叫既野同人地既係「一樣」喎！跟住就黑面行開，唔好意思都冇句

外賣盒每個2蚊比錢之前冇講 舖頭冇貼外賣盒要收費成個感覺係硬食我冇堂食 又唔見你減返租金比我剩係識年年加價 依家衰到加埋外賣盒都要加價講真幫襯你都係念舊唔通貪你好食咩加價只會趕客

是日剛巧路過荃灣悅來坊，心血來潮想食個台灣麵下午茶，於是便到訪"台灣麵"。下午茶餐~~C餐百搭套餐日式叉燒粗麵炸韮菜肉雲吞(2粒)凍椰果青蘋果茶E餐煎雞扒配粗麵熱珍珠奶茶下午茶份量都算多，不過不失。

25-9-2023(Mon)同老公放假,瞓醒去買餸前食早餐,我哋嚟到呢邊食,入到去,有啲位冷氣唔夠,好彩自己揀嗰個係冷氣風口隔離,吹到啲但唔係吹到正.睇完menu,老公要$39.00C4A餐,雪菜肉絲米配牛油方包腸仔炒蛋,飲熱檸水.我就要$38.00嘅D8,要清湯腸仔炒蛋通配牛油方包,飲熱柑桔檸檬蜜.兩杯嘢飲到嚟,見我杯熱柑桔檸檬蜜顏色都幾深,而其實我係想要凍豆漿但冇晒.呢個飲落味道都幾甜,柑桔檸檬味都飲到,我飲到一半都要右返啲水沖淡.味道:3分然後一件牛油方包(?)到嚟,方包變餐包,呢個都幾鬆軟,亦食到有牛油香.之後老公嘅雪菜肉絲米到嚟,我冇問佢覺得點,然後係我嘅清湯腸仔炒蛋通到嚟,當我未舀起食前,老公嘅腸仔炒蛋同牛油方包(?)到嚟,睇見佢有兩條腸仔咁多,我就舀起的嘅炒蛋睇,原來冇腸仔,我條腸仔去咗佢喥,真係要心水清記得自己叫咗咩食至得.咁我就開始食喇,通粉比較腍,清湯都幾舒服,炒蛋全熟冇蛋汁,來貨腸仔鹹係正常.味道:2.925分服務:長馬尾嗰個女侍應會幾多口,但見佢對住啲長者客,就問佢哋識唔識用QR code落單,唔識就會幫佢哋落.抵食係 2.8 分上次食評係2018年7月6日刊登

荃灣店服務態度有待改善，差。叫食物愛理不理。啲店員似要人服侍的態度。少甜等於普通。做野 hea。錯、漏，都係預左，基本。食物還可以，除了肉、多油，和肥膩外無乜問題。但啲店員啲咀臉像山大王一樣。荃灣店長愛理不理，有恃無恐的態度。同佢講都係一副態度。見路過附近無乜野食，入過去，都怕怕。其他台灣麵我幫襯過，無咁大問題。而最近再到荃灣見到有其他台灣食物店，比較競爭下，就真係差好遠。寧願去第二間食。而且荃灣果間台灣麵啲野食貴，一般求其食個麵或飯都 70-80 蚊。比同區貴一截。加上咁既服務態度，用戶體驗差。肉重油多肥膩，服務態度極差。

台灣麵是台灣獨特且令人著迷的美食之一，它擁有獨特口感和豐富的風味變化，給人留下深刻的印象。牛肉麵是台灣麵中最受歡迎的口味之一。如果你喜歡辛辣的口味，麻辣牛肉麵絕對是你的首選。這種台灣麵以辣椒和花椒為主要調味料，辣味濃烈而香辣。一碗正宗的牛肉麵通常由軟嫩的牛肉片、彈牙的麵條和濃郁的湯頭組成。牛肉片經過燉煮，入口即化，肉質鮮嫩多汁。麵條有嚼勁，完美地吸附了麻辣湯汁。湯汁中的蔬菜和肉片豐富了整體口感，為麵條增添了豐富的層次感。每一口麻辣麵都充滿了辣椒的刺激和花椒的麻感，令人上癮。由於我很喜愛新竹米粉，所以將麵底換了。仍然保留美味。結論：台灣麵以其獨特的口感和豐富的風味在全球范圍內贏得了廣泛的喜愛。從牛肉麵的濃郁和柔嫩，到麻辣麵的辛辣刺激，每一款台灣麵都展現了不同的特色和風味。品嚐台灣麵，你將被帶入一個充滿美食瑰寶的世界，每一口都是一次令人陶醉的味覺享受。不論是當地居民還是遊客，台灣麵絕對值得一試。不妨到台灣麵店一趟，品味這些令人迷戀的風味瑰寶，讓你的味蕾獲得一場難忘的盛宴。

It is different from traditional Dan Dan noodles. The bowl of noodles is not spicy and is my cup of tea. The dishes are served at my table streaming hot. There are full of peanut favour and minced pork in broth. I chose the thin wheat noodles with generous portion, which is nice chewy texture and a perfect match with Dan Dan broth.I am impressed with Dan Dan noodles in this restaurant.My friend ordered a rice noodles with tomato broth. She also appreciated the dishes in this restaurant.