台灣麵

Open Now

Now Closed

今日去了荃灣行街！我地去到悅來坊行行下就見到！有間好多人的餐廳！所以我們的午餐就決定食e 間！我們兩個人點了蕃茄牛肉麵蕃茄湯底好香濃！牛肉入味又淋滑！肉質真的是入口就容了！🤤😋😋😋麵質爽口彈牙！三寶牛肉麵有牛腩，牛根，牛肚，好入味！牛根好滑好淋！小食炸花枝丸好爽口彈牙！炸得外面脆脆內面軟軟！紅油抄手皮有點厚，汁不夠香辣！黑橋香腸沒有煎香！如果煎一煎會好食d鹽酥雞好好味，大大粒的雞肉！炸得脆脆！😋👍🏻👍🏻

朋友介紹悅來坊商場下面有間抵食台灣菜，環境闊落，好大間，職員仲安排左梳化位俾我地坐，菜單選擇多，我地因為好肚餓所以叫左一碗台灣三寶麵，牛筋好大舊，牛展好厚肉，牛肚好淋，粗麵彈牙，朋友叫左碗鮮茄濃湯牛肉粗麵，好足料，啖啖蕃茄香，無味精，小食叫左鹽酥雞好大舊啖啖肉，正，黑橋台灣腸味道較淡，紅油抄手唔算好油同辣，酥炸花枝丸香脆可口，仲有跟餐飲品加左4蚊叫左杯香芋珍珠奶茶，珍珠好淋，易嚼，香芋味好香濃，朋友就叫左杯凍豆漿大大杯。

在荃灣多年的台灣麵，有點港式茶餐廳feel既台灣菜，種類好多，麵/飯，麵既選擇都有3頁，台麵拉麵都有，仲有雙拼飯同麵都得，選擇困難症之選！-💕台灣紅燒牛肉麵 $61(+$8蜜桃玫瑰花釀)💕椒鹽排骨飯$58-💕 台灣紅燒牛肉麵⭐⭐⭐(3/5)雖然餐牌有寫辣，不過一啲辣都冇，唔食得辣既可以放心叫，牛肉就唔係一塊塊個種，係長條形既，肉質都好腍，份量都有4舊大既， 麵質都有口感。/💕 椒鹽排骨滷肉飯⭐⭐.5(2.5/5)滷肉飯味道略淡，唔會太油膩，排骨口感比較似豬扒多點，不過唔會硬。-環境：6/10服務：7/10好味指數：6/10回頭率：6/10

這間台灣麵有唔少分店，之前已經食過覺得唔錯，今日就同朋友試吓荃灣呢間佢哋嘅選擇認真唔錯，有唔少嘅台灣麵、飯，同小食揀，而且可以一碗揀兩款，仲可以一個麵加一飯咁樣一碗兩食，呢個係滷肉飯加紅燒牛肉麵，滷肉半肥瘦而且唔會太肥，牛肉麵肉質同湯底都唔錯。香辣牛肉麵加豆腐肉燥飯，辣到適中，怕辣嘅朋友都食得到，肉燥飯就夠香。鹵水豬耳，豬耳夠晒鹵水味，而且份量都唔少。鹵水雞翼，同豬耳一樣夠晒入味。海蜇燻蹄，我覺得呢個係必食推介！最後點咗一杯珍珠奶茶，同埋一杯荔枝玉露。

台灣三寶麵🐃🐂🐄平時食開紅燒牛肉麵，今次試下三寶麵啦😆牛筋、牛肚、牛腩都好入味👍🏻不過牛腩就唔夠淋粗麵麵質唔錯，都幾彈牙👍🏻湯底唔濃唔淡，味道剛剛好，好香牛肉味😚香芋珍珠奶茶🥛每次黎台灣麵都必叫😍好好飲😋👍🏻奶茶香滑， 香芋味濃，珍珠彈牙，甜度足夠，不過都可以少甜一點，健康少少💪🏻😬

真係咪講笑, 我第一次食間餐廳係一隻碗可以食到湯麵同埋飯,仲要係台灣料理, 最鍾意肉燥飯同埋牛肉麵,居然可以同時食晒2樣野,真係好特別既餐呀!!就係呢個餐牌,初初睇都不能置信,越睇越吸引不得了。。。魯肉肉燥飯配牛肉麵! 超足料又好食,個牛肉我真係食得返係台中最好味既味道!呢個都係鴛鴦, 個飯有小小不如,係豆腐,睇個樣,你真係點都估唔到嫩滑到不得了!小食一啲都唔小,好好味!豬耳,仲要暖暖的。。好好味呀! 魯水雞翼!!本身餐廳走飲筒,但我都係需要, 始終有珍珠難攪啲樣樣都好足料!! 爆肚了!

其實幫襯左好幾年以前ok staff 是 nice 的, 遺下電話翌日可以取回除台式特色飲品大多數是用粉沖晚上食客不多今次無食炸脾肉燥飯。叫左個椒鹽排骨同芒果蘆薈上菜是煎到極亁的無味豬扒, 没有椒鹽味是我吃過最難食的豬我的飲品是很甜的糖漿, 比開粉好少少友人叫户頭奶茶仍是粉沖的staff 落錯単比經理鬧左好耐果位員工全餐係我地後面個位嘆氣埋單係攞單出去cashier 另開有兩張單經理收錯貴果張好彩比我地發現blacklist 無下次

通常朝早覺好餓時,想食一份大大的早餐,都會想起這間位於悅來酒店B1的台灣麵,雖然叫台灣麵,但早餐食物的配搭,都加咗香港特色,飲品選擇就多台灣茶品。這份雞扒加雪菜肉絲米粉,塊雞扒就真係好大塊,係即炸,熱辣辣,皮脆肉嫩,味道都好夠,雪菜米粉,好大碗,但米粉就較粗"鞋",整體嚟講,都ok

約咗朋友食飯，由於朋友揸車關係，大半個荃灣，想搵個車位搵極都搵唔到位突然間醒起不如試下悅來酒店地牢商場度食嘢啦，嗰度都有好多食肆由於太肚餓嘅關係唔記得影個餐單，二人餐好抵食198又有一碟涼拌三拼我哋加咗一碟 滷水豬腸坐緊特價38上菜速度都幾快十分鐘到啲嘢已經出曬我哋點少食點左 滷豬耳 滷雞腎主菜我哋就叫咗臺灣牛肉配兩個肉燥面滷豬耳同滷鴨腎分量非常多佢仲有 一碟肉燥油菜198 真係覺得幾抵食仲包兩杯冷熱飲品另外呢個位置有啲小插曲幸好佢唔係喺我啲野食入面出現

食台灣菜總離不開牛肉麵同滷肉飯, 今次呢間台灣麵就一次過滿足晒我兩個願望啦。呢款雙排雙格餐, 有十幾個選擇任你配搭, 我就揀咗兩大經典, 紅燒牛肉麵同滷肉蛋肉燥飯($68)。呢嚿極具份量嘅肥豬肉驚喜十足, 食落肉質扎實, 加上一層厚厚脂肪, 再配上一口珍珠飯, 呢仲享受, 邪惡一點又何防。紅燒牛肉麵, 湯底比較清淡, 辣度輕微, 牛展同樣大大塊, 好足料。朋友點嘅咗雞脾新竹米粉併牛肉麵, 雞皮炸成金黃色, 賣相不錯, 新竹米粉口感幼細, 軟硬適中。鳳爪配海蜇 $60 無骨鳳爪十分脆口, 海蜇口感爽彈, 配上酸辣醬汁, 十分開胃。紅油抄手 $42 (6粒)餛飩餡料飽滿, 紅油唔多, 麻辣感不太明顯。

聽到佢個名係叫做台灣麵，以為剩係得台灣麵食啦，點知入到去一睇個Menu之後發覺原來有勁多種類選擇，亦都唔止台灣麵咁簡單，真係好似乜都有得你食，但係餐廳個名叫得台灣麵，我梗係食返台灣麵㗎啦，我就叫咗一碗麻辣牛筋腩麵，一碗椒鹽排骨麵，而佢面嘅種類都有幾款選擇我哋就揀咗平時比較少食嘅關廟麵，小食就叫咗個醉雞翼拼海蜇，飲品就梗係叫返正宗嘅珍珠奶茶啦，而朋友就叫咗藍蝶花台式飲品，嘢食一嚟到我哋就聞到勁香麻辣味，但係佢唔係話好辣，只係有少少辣味去點綴一下，所以唔食得辣嘅朋友呢碗麻辣牛筋腩麵都應該冇問題，而佢啲牛筋腩炆到好林好林，另外一碗嘅椒鹽排骨麵，顧名思義即係豬扒啦，豬扒整得好香，亦都好林，唔會乾身，而小食嘅醉雞翼肉質比較硬身，可能係要用酒調製嘅關係啦，海蜇個份量非常之多亦都好好味，最緊要係價錢非常之親民，而嘢食味道又不錯，值得推薦。

五月中去完台灣旅行後一直遺憾著無食到台灣的牛肉面！！今次經過見到台灣面即刻一秒就入左去，因爲實在太懷念台灣美食的味道了。我點左雙排雙格餐！一個叫左原味牛肉面，令一個就點左拼豬扒面，呢次真係一碗滿足我兩個願望^^。牛肉面的湯色清透濃郁，味道猶如去了台灣食一樣！令人相當滿足。加上十分鬆軟的半根半腩牛肉與麵條湯底都配合得相當得宜。豬扒面：肉燥豬扒面我轉了台灣有名的新竹米粉，米粉十分細幼但卻很挂湯！豬扒分量都不少，沒有半點偷工減料。麻油拌牛肚：牛肚絲每條的大小均一，而且非常軟霖！鹵得很入味加上麻油攪拌令到整題口感更香口。腐皮蝦卷; 蝦卷裏面的材料十分豐富，外層酥脆！内餡彈牙，而且顯味十足。值得一試。

大好星期三嘅休息日， 媽咪一早就拉我起身，話要去掃貨🙄😪😴。原來今日係某日本百貨嘅減價日。噢my! 原來請假都要擇日架囉。山長水遠返到荃灣， 媽咪買到的。。我兩手都係食材， 又攰又渴， 我就話不如搵間餐廳坐底飲杯野食個lunch啦。今日揀左呢間台式麵館， 因為我想食啲濕濕地嘅野。我點左招牌嘅台式紅燒牛肉麵。而媽咪就要左炸雞腿肉燥飯。另外點左個炸韮菜雲吞。然後我仲點左杯檸檬玫瑰花釀，事關我真係好頸渴。估唔到佢個牛肉麵都幾好味架喎， 牛肉是牛展部分， 所以特別軟熟同滑。媽咪就最鍾意個炸雲吞， 韮菜好香。反而個雞腿就乾左啲。不過肉燥好惹味而且一啲都唔油。配埋杯凍飲，Archhhh.. 我終於番生喇! 

之前同fiancé 係太子食過台灣麵覺得幾好食，今日去開荃灣呢頭經過悅來，見到有台灣麵，見到坐滿人好墟陷，去完台北之後食台灣野鋪癮重未止到🤭又走去左食🤪誓要食晒香港啲台灣野先安樂😂😂😂呢間同太子好唔同，太子個間新開，menu係多啲菜色，甜品都有，但呢間就無，價錢平少少。叫左原味牛肉麵、肉燥油墨菜、涼伴青瓜、燻蹄拼海蜇同檸檬柑桔愛玉凍。原味牛肉麵賣相同太子食過既爭好遠，不過上次俾錯左，原本叫原味但俾左紅燒，今次食到原味喇！相比紅燒牛肉麵，佢既湯底淡好多，但又另一番風味，牛腱有四舊，同之前食過一樣係厚切，鍾意厚厚既質感，咬落去食到肉同筋好分明，而且牛味香濃，炆得軟腍。麵質滑，用左關廟麵，唔會煮到腍bad bad👍🏻肉燥油墨菜好健康，就咁烚完加肉燥，無乜油。無overcooked，仍然keep到爽脆。天氣咁熱，唔想食咁多熱辣辣既野，叫左涼伴青瓜，落左啲醋同麻油，酸酸地好開胃，夠晒消暑。另外重叫左燻蹄拼海蜇，海蜇香麻油味，煙煙韌韌好彈牙，燻蹄啲皮好爽彈，肉唔會太鞋拾拾。檸檬柑桔愛玉凍酸酸甜甜好好味，重有啲滑挘挘既愛玉凍食，好正！俾錢先知涼拌青瓜同肉燥油墨菜做緊優惠，平左🤣🤣好抵食既晚餐！難怪座

好耐好耐冇食呢間台灣麵喇！今次朋友突然話想食🤣.台式酸辣湯麵 $49好大碗，好好味！😍酸辣湯好足料！👍🏻酸酸辣辣咁好開胃！麵質都唔錯！而且仲幾入味🤤.鮮茄濃湯牛肉麵 $68蕃茄味濃郁！但唔會好酸又唔會甜到假咁👌🏻幾好飲，好想飲多幾啖！🤣牛肉大大件，肉質算腍，幾好食呢！.鹵水拼盤 $68拼盤最岩share食，咩都可以try少少🤣鹵水拼盤夠豐富！我哋都覺得滷水要再入味啲，會更好食。.紅油炒手 $42幾好味，可能我哋話要小辣嘅關係？🤔出到嚟係勁微辣，紅油炒手都係辣啲正宗啲🤣芝麻奶茶茶底濃郁，幾好飲，不過芝麻粉未溶入奶茶入面，令到個口感冇咁滑🙈