Video
1-min walk from Exit B3, Sai Ying Pun MTR Station
continue reading
Telephone
28652829
Opening Hours
Today
11:30 - 21:30
Mon - Fri
11:30 - 21:30
Sat - Sun
11:30 - 22:00
Above information is for reference only. Please check details with the restaurant.
我一向唔鍾意花時間寫評論，但我覺得一間食物同風格都咁好嘅舖唔應該因為服務態度而受到影響。8月25號嘅下晝大概2點鐘左右，我經過台灣郎，一入門口就有一位中年姐姐拿餐牌招呼我，帶我坐喺入面最後第二排靠牆嘅位，然後幫我寫咗一碗牛肉湯麵，呢刻我好享受餐廳嘅風格、歌曲同服務。過咗幾分鐘，有一家人入座，其中有一個坐喺我傍邊嘅人不停咳，令我有啲唔舒服。我想換位，我見後面有張長木檯冇人坐，就問招呼過我果個阿姐可唔可以俾我坐，幸好阿姐理解我坐在此座位的不安感，好友善地答應咗，令我仍然好享受。過咗五、六分鐘，一位短頭髮，大約五、六十歲嘅女士突然衝上嚟，樣子好似比我仲要餓，粗聲粗氣同我講「你唔可以坐呢張檯，呢張檯係用嚟擺外賣嘅，如果坐都唔係俾你一個人坐，係俾幾個人坐嘅」。我當時O晒嘴，真係莫名其妙，我望一望餐廳前面仲有十幾個位，已經唔係繁忙時段，點解唔俾客人坐得舒服啲，好好享受用餐呢？我當場再問一句「係咪我真係唔可以坐」，佢居然大聲答「唔可以」，連隔離果張檯都望到眼定定地望住，我真係有啲衝動，想同佢理論。幸好招呼我嘅阿姐見到情況，即刻走上嚟安排我轉咗另一個位，最終我食晒整個牛肉湯麵。我欣賞呢間餐廳嘅牛肉湯麵同風格，但我都提出一啲意見，我希望餐廳老闆可以睇到呢篇評論，加強員工嘅服務態度培訓，尤其係前線員工，因為佢哋係吸引客人嘅主要途徑。出色嘅服務可以吸引客人，而服務唔好嘅員工可能會令客人流失，更壞的是會影響店舖的生意額。希望呢篇評論可以引起餐廳嘅重視，提高客人滿意度。
continue reading
想講，呢間野我俾過3次機會佢。我用真人+金錢去認證: 「佢真係好難食！」大家想踩雷可以繼續去，唔想食第一肚氣，就聽我講：「唔好去食！」🔥🔥🔥台灣餐廳最基本嘅肉燥，都硬到好似柴皮咁。明明肉燥已經係最容易整嘅嘢，但係佢話自己係台灣餐廳都可以整到咁難食。我唔明點解佢可以生存到今日，真係可以咁難食都可以生存咁耐，而且佢又貴，又難食，我仲要見到有好評，有乜可能？除咗啲肉燥好難食之外，佢碗糖水都好難飲。嗰個花生糖水，我以為係水浸花生。😵💫🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮你哋要唔信我，信嗰啲假好評，我都冇辦法。我已經喺度警告咗大家！
continue reading
✔️台灣紅燒牛肉飯
牛肉煮得非常入味，肉質軟嫩而不油膩。紅燒醬汁濃郁醇厚，帶有淡淡的甜味和香料味，與牛肉完美融合。每一口米飯都吸收了紅燒醬的精華，口感豐富且滿足。✔️台南滷肉飯
滷肉炖煮得入味十足，五花肉的油脂與醬汁充分融合，肉質鮮嫩且帶有適中的油香。滷汁的味道香濃、咸甜適中，與米飯的搭配相得益彰。
continue reading
去完個event，在香港島行下行下，本來想去香港大學方法向食飯。行到一半時，看到這間食市，想到好似想食鹽酥雞，不如試下。明明是中午，一行進這食市，好似黑了，有d似去了食晚餐 坐好了，要了個午餐，當然是要鹽酥雞。個沙拉給我一個80年代的香港感覺，一個用雪糕勺的薯仔蛋沙律，有趣有趣。而我都是第一次試台南魯肉飯，好似在食細粒了的燘五花腩飯，而d五花腩都是5mm大，，有趣有趣。今次彩蛋可以寫很多東西，不過我選了寫老闆娘。看了其他人說服務態度的食評，好似給她看見了，之後態度有明顯的進步給你一個like
continue reading
蕃茄牛肉麵，湯底同啲麵都係一啲調味都冇咁樣，牛腩非常之韌…杯麵仲好食過佢鹽酥雞，又係無味，得好多油…滷肉飯有陣豬肉嘅臊味…好肚餓入去食，分量唔大都食剩真係啃唔落…之後要去麥記…#環境非常一般，好似冇乜開冷氣，非常多蚊飛來飛去，好多烏蠅仔…坐我哋隔籬個姐姐都不停拍蟲仔…(圖中啡色嗰啲紙巾就係用嚟拍蟲)兩個侍應姐姐，一個年紀大啲，一個後生少少，兩個都非常之冇禮貌，根本唔想有客咁樣總而言之， 160幾蚊啦，我寧願去食茶餐廳。#永遠唔會再去#一次都嫌多#絕不推薦
continue reading