馬祖 (海之戀商場)

Open Now

Now Closed

說好的2個小時任食也只有1個半小時，10點關門但9:15已是最後下單，而沒有通知。自取區域9:30已消失；雪糕融化再變冰提供給顧客；服務態度極差。這間餐廳真的很伏，以後唔會再幫襯，已加入黑名單。

湯底只有鹹味，仲要好鹹，好難食，鹹到食咗兩盤牛肉就唔想食，乜胃口都無哂，鹹到想嘔，返哂胃叫咗牛小排餐，牛肉ok,猪肉ok係出面攞嘅食物好普通，無特別，同大xx嘅質素差不多服務態度 ok,有禮貌整體：性價比低，不會再嚟

今晚忽然好想食火鍋，入到海之戀見到呢間有120分鐘一人一火鍋放題，加上有自己鐘意食嘅牛肩胛，於是就揀左prime grade牛肩胛肉放題套餐$228（星期五，六，日加$10）,另外揀左台式麻辣鴨血凍豆腐湯底+$10,個套餐嘅牛肩胛肉同無激素豬肉係可以無限追加，加上自助火鍋配料區，仲有飲品任飲同雪糕/雪條任食，120分鐘絕對夠時間食今晚自己都追加左三次牛肩胛肉，牛肩胛肉嘅肉同脂肪比例平均，都好有牛肉味，食多幾碟都飽哂，無激素豬肉都算ok,有豬肉味，個鴨血麻辣湯底幾濃，其他火鍋配料都好易索汁呢度d職員服務態度都算唔錯，會主動收碟幫客人加湯，仲會提示客人尚餘用餐時間，枱同枱之間比較窄，環境稍逼硤，但一路食火鍋一路對住晚上海景都幾嘆

一個過了繁忙時間的平日下午，其實都下午茶時，海之戀食肆林立，我想試這一間很久了，今天終有機會。我覺得這店的賣點是藥膳湯，所以就叫了藥膳湯豬肉餃米粉。很快送來，一嗅，那陣陣的藥膳味很吸引哩！不會覺得藥膳味怪。嚐一口，感覺暖暖。成碗米粉都有不少紅棗，平時少食，但今天卻全吃下了。當中還有點杞子，少少雲耳。豬肉餃都不錯，皮不會太厚，都多隻。要批評的反而是米粉，有點硬，我都再浸再拌勻才軟點。不過，我喜歡這幼身的。下午茶時間加$2便可飲凍的愛文芒茶（類似呢個名），大大杯。一望張單，加$8？！侍應話打錯，然後更改了。這個茶第一口有點藥味，怪怪的。再飲更感苦澀，我覺得麻麻。環境是舒適，不過客人少，都感到侍應的待客之度一般啦。我都會俾多次機會，或者下次試下飯。

收工去荃灣馬祖打邊爐🍲一人一鍋👍🏼頭幾碟d牛都唔錯，第四碟之後就比d超肥牛，有叫佢哋比瘦小小嘅牛，但連續幾碟都係咁質素參差⋯⋯之前元朗店都唔係咁，真係有啲失望😮‍💨

一直都好鍾意佢地的藥膳湯底米線。。。見都好耐無食，於是同幾個同事去食，點知呢次就遇到煮得差的廚師～佢呢到的水准都好參差，運氣好的，遇上煮得好。。呢次差的點是：米線好硬，入面都未煮熟，就算浸佢一陣，都依然係硬😖😖😵‍💫.呢次兩碗都好硬ge 米線😣😣😖藥膳雞湯米線 🐔$56.黑蒜藥膳雞湯米線 🐔$59.另外兩個同事嗌左兩碗。。。香辣藥膳牛肉湯手工麵 🐮$72大辣 同小辣～見佢地話呢個好味🤣😁 應該比我地的米線好🥺🥺.普通時段，凍飲+$8都好大杯～蜂蜜茉莉綠茶。。凍檸茶x2。。愛民芒茉莉花茶.下午茶時段飲品優惠些～.另外都有火鍋食。。以下是火鍋區食品，見飲品種類都多 (飲品果part 無影到🙈）

又到覓食星期一, 今次去到馬祖食火鍋. 平時我好鍾意食佢的米線, 火鍋就第一次食. 點左$228 Prime Grade牛肩胛肉眼. 共有十多款湯底可選, 最後揀左藥膳花雕雞湯同埋藥膳麻辣鴨血凍豆腐 (+$10).$228呢款牛肉味道, 肉質同口感都唔錯. Mr平時鍾意order一舊靚牛返屋企切, 都覺得幾OK! 外面的配菜自取, 有雞件同魚塊, 算係小驚喜! 其他都係丸, 菜, 菇, 麵等, 選擇上唔算太多. 飲品有2個櫃, 普普通通. 最吸引係雪糕雪條都有2個櫃. 食左好多, 正

呢間餐廳係小妹第二次幫襯，嚟得第二次當然有啲原因嘅～我同上次一樣，叫咗藥膳麻油雞米線（$57）。男友就叫咗未叫過嘅香辣藥膳牛肉湯米線（中辣）（$72）。另加兩杯凍檸茶（每杯加$8）。其中一個有返頭嘅原因，就係上菜夠快，3分鐘內就有得食，男友唔使趕頭趕命就倒碗麵落肚再衝返公司。藥膳麻油雞米線一上檯就好香麻油味。份量唔少，女仔未必食得哂，我俾咗2件雞同1/3米線男友都夠哂飽。雞好滑，有3件係髀位，其他位置都唔算多骨，而家仲幾滑😋食米線最怕唔煮得過淋，呢度嘅米線滑得嚟又有啲煙韌，不知不覺就清哂。至於個湯可以放心飲，我兩次飲完都冇口渴，唔錯。男友叫嘅香辣藥膳牛肉湯麵線（中辣）一上檯就搶飲頭啖湯😜中辣嘅辣度係X仔嘅10小辣咁上下，唔食得辣嘅我都絕對handle到，鍾意食辣嘅朋友可以直接叫大辣～呢個麵嘅牛肉係牛肋肉嚟嘅，有成4-5大嚿。食咗一嚿，我覺得可以再淋啲，但都入味嘅。蘿蔔冇試唔知點，但男友冇特別講乜就應該冇大問題。至於檸茶就中規中矩，大大杯好抵飲～環境就唔錯，我地都高大，坐卡位一邊都完全唔迫，係冷氣大咗啲，不過我地都好怕熱所以冇問題。服務都唔錯，一入門口有問清楚係食米線定火鍋。上菜另外俾多

今日下午行經荃灣西海之戀，試下一間台式料理。講起台式料理，我去了台灣都好多次也沒有試過藥膳雞，今次我就試下蟲草花藥膳農場雞白飯。現在環境尚算ok，坐位都舒服，坐低1，2分鐘我已經可以選定好食品，不到2分鐘已經放左係我枱面，聞到一股好香既藥膳味，先一8試個湯非常足味藥膳味也帶點點蟲草花味，雞肉就不過不失，不算是十分滑但也不會覺得會硬。雞味就一般般因為幾十元你都知咩料，食到一半，我決定了將個湯倒晒入碗白飯度，黎個藥膳湯飯，最後飯量都很多當然係食唔晒。置於會否再食？我諗會既但不會是明天吧！

叫咗麻辣湯底同蕃茄麻辣湯底兩個湯底都超鹹，加咗滾水都係一樣！任食放題只係食咗一碟牛一碟豬已經放棄埋單走人！反應俾個女部長聽，佢淨係問使唔使加水😂😂😂永遠唔會再嚟啦

😔有啲失望嘅台灣火鍋🫠香港台灣火鍋店開到琳琳立立，遍佈港九新界，今次嚟到荃灣海之戀，見到一間好特別嘅火鍋名稱，叫馬祖🥘就膽粗粗入去試吓(⊙ω⊙)*餐廳環境衛生*火鍋餐廳黎講，佢嘅地方算細，就連麥當勞都大過佢😅不過都可以容納到20台左右啲自助放題食物擺晒喺雪櫃內，都尚算衛生 ~餐廳侍應殷勤招待，有笑容有禮😊呢一方面十分欣賞👍🏻👍🏻👍🏻*食物貌相味道*呢間台灣火鍋店，喺90分鐘放題任食，有唔同級別價錢選取不同食材，今次我就揀咗$323一位嘅美國極黑和牛🐮、西班牙黑毛豬🐷、極上牛頸脊🐂、Prime Grade 肩胛肉眼、西班牙無激素豬肉片🐖湯底方面，我揀咗藥膳椰子青雞湯🥥、藥膳台灣沙茶湯！首先講吓椰子雞湯，超級濃烈椰子味，椰子味已經蓋過晒所有味道😅；另外一個沙茶湯，都是普普通通一個很濃嘅湯底，兩個都沒有藥膳味❌❌食完兩個湯底，非常口渴，應該有很多味精🤔🤔講返牛肉同豬肉，雖然佢有幾款牛肉及豬肉任食，但是質素同普通酒樓嘅肥牛豬肉片沒有什麼分別～可能我揀嘅價錢不是最高級，所以食嘅都是普通級數，但是三百幾蚊價錢，就有啲不值。。。。另外自助櫃食材方面，款式不多😮‍💨，連最普通嘅蟹柳都沒有。。。午餐肉很

馬祖有三間分店在將軍澳戲院🎬看電影，所有試試將軍澳分店，點了 $229 豬牛放題套餐，店員服務態度很好，招呼周到。湯底選擇很多，有12款，可以一人一個鍋，各食各口味。椰菜雞湯必點，椰香味撲鼻，牛肉豬肉很掛湯，涮一涮就吸滿濃郁的湯汁；牛肉不像網上說的有瘀黑，每一塊顏色都很新鮮，雪花分佈的很平均（圖二）。豬肉是無激素的豬🐽，感覺比牛肉還要好吃😋只吃豬肉的可以點 $198 豬肉放題。自助區食物選擇很多，有鮮嫩的雞腿肉、沙茶牛肉（跟沙嗲牛一樣味道）、魚肉、還有不同的丸類及蔬菜。（圖4是芋泥貢丸，挺特別）甜品是回本關鍵，因為有movenpick和微熱山丘隨便拿，平時放題都是只限一件，馬祖可以隨便食，真大方🤣（圖7是店內座位參考）嫌遠的話，荃灣元朗也有分店。

我叫黑蒜藥膳農場雞新竹米粉，湯底味道頗清淡，但紅棗夠甜、黑蒜夠香、反而藥膳味唔算十分濃烈。我會唔食軟淋淋的雲南米線，轉食新竹米粉，比較有咬口，農場雞好肥，雞皮多，我好快唔食，俾隔離個位食，佢好似叫醉雞，但香港無咩地方醉雞好好味，所以我無試了。

食過兩次，分別係唔同分店。荃灣店：行完DONKI係附近覓食，見到馬祖原來除左打邊爐之外，仲有午市套餐，鍾意藥膳湯底嘅我就被吸引左啦。🤣是日午餐：藥膳養生湯農場雞米線以我個人口味黎講味道偏淡，我偏向鍾意濃濃藥膳湯底，而男朋友就覺得唔錯。元朗店：同樣地行經yoho見到有分店，事隔幾個月，男朋友又想食。是日午餐：🍜香辣養生湯農場雞米線🍚生薑豚肉香蔥海苔燒汁飯我就唔評論男朋友食嘅米線啦，因為佢一向都幾鍾意馬祖嘅湯底。而我今次揀左飯，唔知係上次冇留意定真係新出品，竟然有飯。😂 味道唔錯，都幾大碗下，如果啲汁多啲黎撈飯會更好！

因為疫情嘅關係，好耐都無同老公出街四圍行下匿係屋企咁耐終於都忍唔住出去抖下氣，所以今個星期日就近近地出去荃灣西行下行過馬祖見到依家有午市套餐，到三點之後仲送飲品雖然我去嘅時間就未到三點，但都係加六蚊啫，咁OK啦入去試下餐廳環境都乾淨同埋都算坐得舒服啦，光線充足。明明係星期日嘅午巿，但係都好多吉位，今時今日做做餐飲真係唔容易我㨂嘅係原菜豬肉餃米線加五蚊轉左香辣蕃茄湯有4粒白菜豬肉餃，好足料大大粒香辣蕃茄湯我叫嘅係少辣，但係都真係幾辣，我食到嘅辣度係譚仔嘅中辣，我覺得呢度嘅小辣係等於譚仔嘅小辣！老公見我話辣都「不」左羹湯飲，佢個嘴唇即刻變得好性感米線唔會煮到太淋，係我鐘意嘅un度食物份量足夠，食完絕對夠飽的老公叫嘅係生姜豚肉生蔥海苔燒汁飯，賣相都幾靚仔至於味道方面，老公話好食，同埋佢都話食完夠飽我同老公都一樣叫左熱奶茶，呢個奶茶飲得過好好飲又唔算，但以唔係茶餐廳嘅標準黎講已經算係好唔錯，我同老公都覺得意外因為老公唔鐘意打邊爐，下次去荃灣西都可以on list 考慮食呢個！