太陽蕃茄拉麵 (Closed)

這店子打正日本麵品牌，可惜經營困難，終於來到最後一天了，之前我未食過，原本亦唔打算食，因為我冇預算食$70碗麵的下午茶，不過店舖負責人在店前向我們說今天last day，日後要食便要去日本了，她那份誠意打動了我。很奇怪，門面完全沒有任何最後營業的字眼，而裡面只有一兩枱客，很冷清的氣氛。我沒叫拉麵，卻叫了客「炭燒鰻魚飯」 $58，配大阪風炸薯條$18，凍檸茶加$2。凍檸茶先來，冰卻融得很少，味淡，似沒有加甜。鰻魚不會太鬆，有咬口，醬汁不錯，可惜鰻魚太細，兩啖冇咗，剩下的飯不知用什麼配食。大阪風炸薯條份量少得可憐，味道正常而已。明白食店經營充滿挑戰，但若不思進取，只是懷愐過去，不去檢討競爭者及客戶需要，就只會失敗收場。

The so called signature food of tomato pork noodle （蕃茄叉燒拉麵) is disappointing. The soap itself lack of fresh tomato mixture, like water. Not so much material inside. The port itself does not have any taste, not soft. The noodle is very few and a little bit over-boiled. That's why this restaurant is not full even in prime hours. They have to improve the quality of their noodle and the soap gradients. Just once, no encore.🙁

幾年前已經喺日本東京食過呢一間拉麵，當時已經覺得好好食。之後一直都好想再去食，可惜每次去日本都唔會經佢地嘅鋪頭。後尾佢地嚟左香港開，一直都好想去試下，可惜嘅係佢開喺將軍澳，一個我一年都去唔到一次嘅區。講左都差唔多成年，今日終於的起心肝去將軍澳食佢地嘅蕃茄芝士拉麵。間鋪頭喺成個商場差唔多係最入嘅地方，都唔算太難搵嘅。一嚟到當然係要食招牌野蕃茄芝士拉麵，佢嘅拉麵係配雞肉唔係配叉燒！賣相同日本食嘅都似似地嘅，蕃茄味一樣都係好濃！不過芝士就落得比較少，如果可多d芝士應該會再好食d！拉麵上面亦都有d菜，感覺健康d，麵嘅軟硬程度亦都係適中，唔錯！另外再加多碟餃子，味道無咩特別，都係拉都好食d。唔去日本又好想食蕃茄芝士拉都嘅話，都可食佢頂頂先嘅！

叫咗個$268+10% 嘅二人餐，餐牌如果冇寫住"正常份量" 呢4 個字會好好多！冇諗過正常份量會係連放題嘅份量都冇。小食係蟹柳蟹籽沙律同炸雞軟骨。沙律醬少得可憐，雞軟骨有十粒左右。鰻魚大蝦炒烏冬 ～ 睇圖係好colorful 嘅一碟炒烏冬，一上枱我以為嚟錯嘢。鰻魚就係睇到咁多。另外叉燒蕃茄湯拉麵係ok 嘅，但冇乜肉。最後甜品係泡芙，仲衰過平價放題任食嗰啲質素。過度雪藏，塊皮好似紙皮咁，入面舊雪糕仔已經雪到結咗冰。

今日去新都城行街，點零鐘想去搵食；行晒成個場差唔多間間都要等位呢原本想食Pepper Lunch的，但要等位外還發現現在的Pepper Lunch一點都不便宜，一家三口想吃的加起來都Over ＄300了；咁既價錢，就覺得不太值得...　一直周圍行，行到差唔多盡頭的位置，原來有間太陽蕃茄拉麵，見不用等位就入座了。假期有Lunch Set，都算抵，有飯有拉麵可選，重有小食同飲品；由60幾到80幾定90幾，感覺點都抵過Pepper Lunch呢3個拉麵，3個小食，3杯凍飲，小食份量真的很少，但小食都意外地好吃。而且加凍飲同加一後都只係294，比在Pepper Lunch食重要平。仔仔點的太陽炙燒叉燒拉麵，配和風薯條；其實份量都幾足，不過對於發育中既男仔黎講，黎2 Set都冇問題，事關仔仔食晒自己的重幫我食左半個麵。依個拉麵既叉燒，係好食過我個元祖豚肉拉麵既叉燒好多好多。老公點的麵同仔仔一樣，只係小食改左做爆谷雞，爆谷雞係全餐最靚同最好味架啦原本見佢五顏六色，重以為佢會唔同色唔同味道；不過最後發現，原來全部都係一個味的，只係顏色唔同。我點的元祖豚肉拉麵，影相時配錯左小食呢；其實我係叫左炸尤魚鬚

平時行經呢間野都冇乜人等位，自己一個又唔知食乜好，今次就等我試吓先 ～喺門口睇左陣餐牌，有位阿姐出嚟介紹，見佢咁熱情，我就入去試吓啦 ～餐牌上太多選擇，除咗有蕃茄湯底之外，仲有豬骨湯底，既然呢間野叫太陽番茄拉麵，我就試個番茄拉麵我叫左一個太陽炙燒叉燒拉麵，炸雞軟骨，一杯巨峰可必思太陽炙燒叉燒拉麵蕃茄湯底好濃郁，淡淡蕃茄肉，加上淡淡蒜香，齋飲湯都好好味，唔太鹹，第一啖食落去嘅拉麵比較硬，番茄湯掛唔到係拉麵上，但d拉麵越食越好味，因為d拉麵開始比啲湯浸軟 炸雞軟骨好普通嘅炸雞軟骨，但將佢浸落去番茄湯入邊，別有一番風味，唔會太熱氣，正巨峰可必思好普通我會再返去食蕃茄拉麵

番茄叉燒拉麵 午市 $70價格：還可接受！服務：需加一，當然服務生也很勤快！裝潢：燈光和桌椅都不錯！賣相：NG，完全不靠譜，求其擺盤！拉麵：粗麵而且偏硬，更可能未煮稔。不過剛好我喜愛硬麵底，合我口味！叉燒：厚度足夠，而且肥瘦適中！雞蛋：雖然看上去不開胃，但咬下去好糖心，蛋味濃厚！湯底：超濃郁番茄湯，每一口也有茄蓉，甜酸度剛好，差不多喝完了也不膩不口渴，應該是沒有味精！真心只靠番茄湯底取勝，看其他評論都指其他食物不太好吃，我想店家還是繼續專注精進番茄拉麵吧！！！

中午同媽咪行街街，佢話好耐無食過拉麵，剛好見到有拉麵店，又有位咪入去試吓囉！中午套餐包杯嘢飲，媽咪叫咗個太陽叉燒蛋拉麵套餐，我叫咗個元祖豚骨拉麵(黑蒜湯底)，老實話D叉燒鞋咗D，隻溏心蛋只得半隻，但D麵幾Q，太陽叉燒蛋拉麵個湯底有蕃茄蓉，酸酸甜甜幾好味，媽咪連D湯都飲晒。我個元祖豚骨拉麵(黑蒜油湯底)都幾香味道不錯，但油多D食完D嘢只飲咗細半碗，吃完不覺口渴，湯底應無味精，味道不似出面有D拉麵店D湯重味到咸到死總之麵食算是OK啦！但杯奶茶無乜茶味，應該改善一下。

520跟他睇完戲，順便喺度食埋飯，度度都要等位，見到哩間5洗等，原來...係一個伏來的最鐘意食沾麵嘅我，叫左佢所謂嘅，京葱炸雞"醬油"沾麵見佢個沾麵湯，就心想不妙了...果然，真係同熱水無分別一啲味都無，莫講話係醬油味，連清湯味都無啲拉麵仲要好硬，撈落啲湯度，一啲味都無，我已經加左好多七味粉落去諗住吊下啲味出黎，都係一啲味都無...炸雞分量小唔緊要，係一啲都5好食。真正肉嘅只有2舊，其他都只係啲炸粉或炸雞皮，咁樣嘅價錢真係好唔抵。燒鰻魚飯，$68，飯5係用日本米都算了，鰻魚汁得少少，而且鰻魚仲要係暖的，有陣腥味難怪度度要等位佢哩度唔洗等2人食2樣嘢$160幾加埋一，我覺得好唔抵

太陽番茄拉麵 位於寶琳新都城二期的一個角落 店面設計非常日式 主打健康概念既拉麵店 強調佢地既麵係用豆乳製成 湯底無加味精 番茄湯底更用上完熟番茄 見到午市餐牌價錢尚可接受 於是決定試下一直好奇豆乳拉麵究竟係咩味道太陽番茄拉麵 $50自家製豆乳拉麵 店員話以前係幼身d 依家改粗左 令掛湯力加強 湯底用上三顆意大利產的完熟有機番茄無味精 飲曬都吾口渴這是真的 因為我飲左 都吾覺口渴拉麵質感偏淋 但我比較鍾意有咬口既雞肉用上雞扒 雖然知道係雪藏 但都幾好食小食加左兩隻煎餃子$15普普通通不過不失整體感覺係一間幾健康既餐廳～

I love tomato soup. Mixed with macaroni, it was something I remembered my mother made me when I wasn't feeling well. It's one of my favorite items to order when in a cha chan teng. But there are many places where the tomato based broth is watered down and just some red colored water.Taiyo Tomato Ramen is from Japan. I haven't heard of it but upon looking it up online, they have many locations throughout Japan! Boyfriend and I came across it in Tseung Kwan O and decided to eat here for dinner.Wha

其實我唔知所謂太陽拉麵係咩意思，不過行到攰想坐，同埋見有我鐘意既蕃茄湯底係招牌，又唔使等位就食啦。咁主餐牌響男朋友手上，我望住個二人餐餐牌248，有兩個主食加兩個小食同兩飲品，男朋友望完主餐牌就話叫餐，大概單點都唔平🤔男朋友揀咗番茄豬軟骨拉麵我就食蕃茄蟹柳海鮮拉麵。前菜就揀咗牛油煎帶子同蟹柳沙律，兩個都話飲橙汁益力多。飲品嚟咗先都幾好味。之後蟹柳沙律得三條平價蟹柳仲無乜沙律醬⋯咁我就慢慢將蟹柳整開自己撈落啲青瓜絲度。本來睇完賣相對佢冇乜期望，點知食落出奇地爽口👍🏻。牛油帶子用鐵板仔上，好夠熱帶子煎到好脆出晒煙，仲有啲粟米粒粒好香口。主菜上場，咁少豬軟骨嘅⋯⋯我果碗隻蝦雖然唔係主角，但啲炸粉個樣好似甩頭甩骨又濕左咁，賣相好求其。我果碗有兩條貴啲既蟹柳、兩魷魚圈、兩帶子、一隻蝦。近排出街食蝦嘅經驗都唔係太好⋯呢隻蝦又係有條黑色嘅連屎既睇😑究竟想點，真倒胃口。其實處理蝦腸係整蝦最基本嘅，乜而家啲廚水平咁低。算了，蕃茄湯底幾好，好多茄肉夠濃，所謂粗切拉麵都幾多，可能係因為話創業10周年加量30%， 煙韌度適中。男朋友果碗豬軟骨有啲咸，溫泉蛋半只但上菜已經打斜左流晒啲黃落湯哈哈。我坐個位因為同出

之前黎過，最後個次我講唔再黎。 因唔係叫做好好味兼價錢都唔算平。但今晚七點幾係呢附近，好多店都開始排隊，咁就諗起呢間，多數有位。 好！一於俾多次機會！ 在門口再睇多陣，有新餐牌添，好啦。。。入！叫咗一個舊有的，一個新。太陽蕃茄蜆肉拉麵到先，同之前分別不大，湯底就無之前咁'傑'，反而我比較鐘意。。。而女友碗吉烈豬扒拉麵都比較耐，仲以為精心制作件炸豬扒。。。 點知一到，豬扒好細，細都唔緊要，係一睇就知炸得唔好，有啲位好燶，有一兩舊嘅炸漿都好似未炸透咁，食落塊豬扒仲好似有點怪味，唉。。。都成$78蚊碗㗎，雖然你有個唔錯嘅蕃茄湯底，個啲配菜都要好味先得㗎。今晚食哂先記得影相，所以只係得碗蕃茄拉麵，同俾我哋拆哂出黎嘅炸漿相，多多包含😅

1. 職員有主動講新餐牌有新既菜式2.落完order ，繼續睇餐牌時，睇到封面既野，職員行過黎收餐牌。其實我睇緊封面係咩麵😑😑😑o 爆嘴3.我朋友食完麵就果黎收野，呢個係正常既，但收野時d湯彈左佢我朋友件衫到，對唔住都冇聲😤😤

最近食過幾次，差唔多每星期一次，因為家中有人好鍾意嚟。我試過招牌蕃茄麵、酸辣蝦麵、小食及飲品。蕃茄湯底真係好正，雞塊普通，麵軟硬度恰到好處，酸辣湯更好，唔算辣，通常飲晒啲湯。即叫即做，夠晒熱。我相信一般男士都要加麵先食得飽，小食好細碟，飲品不如都係叫罐裝汽水啦。通常好快有位，食碗麵其實都唔洗好耐，有啲似快餐店。