但馬屋 (新都會廣場)

Open Now

Now Closed

睇完戲就去食早場嘅一人鍋打邊爐, 可以同朋友各自揀自己鍾意嘅湯底確係幾好, 見佢出咗款蕃茄壽喜燒湯底就揀咗嚟試, 清新嘅蕃茄融合甘甜壽喜燒, 好開胃, 特別適合夏天食😛❣️北海道夢之大地豚放題套餐 $299第一輪嘅肉類會隨即送上, 分別有2碟豬同2碟牛, 壽喜燒鍋裡已經鋪好夏日嘅野菜（有蕃茄、冬瓜、秋葵、蟹味菇、蓮藕、洋蔥等, 勁豐富）當煮至野菜水份散出並出煙, 就可加入肉類, 再倒入自家製蕃茄壽喜燒汁, 煮熟就食得啦😋嗱, 識我嘅都知我係牛魔王嚟, 但今次我就覺得北海道夢之大地豚肉好食過牛肉, 口感好得, 肉質幼嫩油脂略帶甘甜, 原來佢嘅營養價值都好高, 所以我都有encore👍自助區嘅蔬菜選擇都唔少, 冬瓜、生菜、羽衣甘藍、娃娃菜、豆腐、金菇菜、木耳等🙂當然唔少得生果同雪糕任食, 雪糕就係Häagen-Dazs, 都有四隻口味揀, 仲要有最新口味雙重朱古力馬卡龍, 我埂係唔會放過依家仲有特別活動進行, 「千本引」拉繩小遊戲玩, 詢問店員就可挑選任何一條繩子, 拉起繩子, 就可獲取禮品

炎炎夏日曬到飛起+打風落雨嘅日子🥵小編就揀左假日來到商場舒舒服咁嘆返餐先🤣貴為葵芳打工仔，新都會但馬屋基本係同事們嘅常客。介紹返呢個夏祭限定🥘"日式火鍋 x 蕃茄壽喜燒" 推廣日期: 即日至2022年8月31日將清新酸爽開胃原粒鮮蕃茄，融合甘甜獨有特製壽喜燒汁 ,
完美將蕃茄「酸」平衡中和壽喜燒的甜味，熬煮成全新夏日開胃新滋味!蕃茄壽喜燒 TOMATO SUKIYAKIYA👉🏼廚師先在扁鐵鍋塗上少量欖油，並於鍋裡鋪上夏日野菜，👉🏼上桌後待煮至野菜水份散出並出煙 👉🏼沿鍋圈加入肉類(個人建議放豚肉)👉🏼再倒入自家製蕃茄壽喜燒汁 🥘蕃茄壽喜燒鍋內已配搭蕃夏日野菜:
蕃茄、冬瓜、秋葵、蟹味菇、蓮藕及洋蔥一人一鍋，另外就揀多個美肌鍋。另有5款湯底如千夜鍋、藥膳麻辣鍋意式蕃茄芝士鍋等任居選擇。呢晚就點左中價位最滿足嘅90分鐘放題套餐放題套餐] $389(小童$169)推介:⭐️⭐️⭐️⭐️⭐️🐮日本產黑毛和牛📌嚴選日本空運黑毛和牛，📌味道上乘色澤及油花頂尖👍🏼📌入口即溶柔軟口感再帶有一份甘甜的油脂香氣😋
🐽北海道夢之大地豚📌採用在北海道飼養的銘柄豚，📌營養價值高，其膽固醇驚低，📌肉質幼嫩油脂略帶甘甜，油花

📌 但馬屋 (新都會廣場) - 葵芳興芳路223號新都會廣場2樓251-255號舖🗓(16/7) 星期六 ⏰ 晚上5:30左右 💈特式：放假去左葵芳行新都會廣場，晚飯就揀左呢間但馬屋，但馬屋係香港都應該有唔少人識，佢其實係同牛陣同一個集團，不過分店就比牛陣少好多，得葵芳/觀塘/屯門3間。🥩🍔🌭🌮🥗🥯🥘🍲🍝🍣🥟🍤🍱食物：最近餐廳推出夏祭限定蕃茄壽喜燒，同拉繩抽獎遊戲活動，埋單時好彩職員提醒我可以玩拉繩抽獎遊戲，雖然獎品就唔係d咩名貴野，但勝左開心玩下，而家等我同大家講下🍲味道先。🍲🐷北海道夢之大地豚放題套餐 $299 - 我今次就揀左呢個晚市中最平嘅套餐，用餐時間就90分鐘，主力食夢之大地豚肉，但套餐都仲會包左可以任食澳洲產長期穀飼牛/嚴選牛肉/丹麥皇冠豚肉。🥘湯底 - 湯底就係一人一鍋的，當然就要揀期間限定嘅蕃茄壽喜燒，清新帶微酸嘅蕃茄，配合甜甜嘅壽喜燒湯底，比到一份好夏天feel嘅酸甜開胃口味，佢地上枱時係已經會舖上野菜，而且會用上傳統壽喜燒嘅扁鐵鍋，待燒熱後再加入肉，最尾再倒入蕃茄壽喜燒湯汁。另外嗰個就揀左甘露鍋，其實就係平時嘅甜豉油湯底，用嚟襯肉類唔錯，而其他湯底係會用返普通

熱辣辣的中午，未諗到食乜好，相約妹妹到葵芳Shopping突然諗起去烚吓烚吓，一於去一人一鍋90分鐘牛肉、豚肉放題。由於中午12:00開始營業，食頭輪，可以即時入座，入座即選2個湯底🥘美肌鍋及意式蕃茄芝士鍋。美肌鍋有2舊小雞肉，有淡淡的雞味，而意式蕃茄芝士鍋，味道適中，但沒有芝士味，整體2個湯底都可以。我哋選$179套餐，職員很快遞上牛肉和丹麥皇冠豚肉各2盒，每盒大約有8片，每款肉都係薄切，涮下涮下好快食得，牛肉冧滑，有肉味，丹麥皇冠豚肉，肉質香嫩，有咬口。再追加牛肉，上牛嘅速度極之快。自助醬料吧，有齊各樣醬料，喜歡食辣的朋友，一定要試18禁辣醬油，辣得有層次，而我最鍾意用原粒冰青金桔加金橘醬油，味道帶少少甜酸，增進食欲。🥬蔬菜區：芋頭、南瓜、生菜、津白、冬瓜、及我最喜歡羽衣甘藍。還有各樣丸子和什箘，烏冬、拉麵，款式甚多。🍨雪榚自助區有Ha”agen Dazs雪糕口味有雲呢嗱、朱古力、焦糖、士多啤梨和各種飲品、解茶、烏龍茶整體表現，整體表現，侍應主動，有禮。一人一鍋乾淨衛生，環境整潔，食物質素新鮮，價格合理，超抵，絕對有一次。

喺葵芳睇完戲，朋友想食任食邊爐，上網睇發現原來新都會有任食邊爐，即刻走去試六點幾，唔使排隊，直接入，職員態度都好好，亦推介多$30既餐，話啲牛會多啲牛味，不過因為同行朋友唔食牛肉，所以就叫咗最基本嘅。叫咗麻辣鍋，同埋美肌鍋，朋友話佢個麻辣鍋幾好食，我就覺得美肌鍋其實係基本雞湯底，唔算特別自助吧乾淨企理，選擇都唔少，女仔鍾意食菜多啲，有多菜嘅選擇好重要難怪職員會話加$30既餐牛肉味會濃啲，因為基本嘅呢一個，啲牛真係完全冇牛味，食落口少少靭👆第二round 既牛，同第一round差唔多豚肉反而幾好，有肉味，雖然都比較多脂肪，但口感上，就油潤好多埋單加埋一，$285一位，合價位，勝在地理位置夠方便，不過如果差唔多價錢，感覺台式嘅任食邊爐抵玩啲😆

依家自助火鍋店雖然分店不多，但一到晚市時段都好爆埸，如果唔早少少去到，都要等一段時價錢和其他放題火鍋差唔多，但係他們會因應你揀咗邊款肉類，去推薦鍋底選擇的配菜方面的確比其他大型連鎖的會少一點，但其實都已經好足夠，就算每樣試一件也好飽，而且最主要都係吃肉為主，配菜都只是一個加分點咁今次選了澳洲穀飼牛，牜肉油脂分布好平均，唔會食少少就覺得好油膩，配埋蕃茄湯簡直一流，酸酸甜甜的味道讓我不自覺清晒三盤肉🙈除咗蕃茄湯底之外，其他湯底我之前都試過，全部都好高質，可以放心食以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

一班人打邊爐總有人要妥協揀咩鍋底一人一鍋就可以解決呢個問題呢間有蕃茄鍋麻辣鍋鰹魚湯雞湯而個人偏心鍾意甜豉油甘露鍋多數會揀澳洲穀飼牛嗰個餐因為同嚴選牛肉嘅質素幾大分別兩款肉片都偏薄但唔會有雪藏味穀飼牛嘅口感比較嫩同牛味較濃另外餐包埋嘅豚肉都好食餐廳有幾款我好鍾意嘅食材一去到就要放入鍋嘅豆腐同芽菜有款營養成分較高嘅紫心蘿蔔如果唔食牛嘅話都有雞同魚嘅選項冬瓜雲耳萵筍都係我鍾意嘅菜類環境乾淨衛生坐得舒服仲有無糖茶同哈根大師雪糕除咗90分鐘食得有啲急之外成個配套都令我食得稱心滿意老人家同小朋友一樣食得開心👅

今次請屋企人食火鍋放題請一家人最貴嗰隻有太貴所以平平哋$159 lunch性價比非常之高和牛之前食過一次已經好好味但今次budget有限所以選平少少個價掛住食都唔記得影好多相呢度我最深刻印象係蔬菜選擇有好多我第一次食冰菜好爽好有趙口🥰🥰🥰當然唔少得有哈根達斯嘅雪糕如果可以換一杯杯細杯裝就好啦可惜冇我鍾意食嘅焦糖味甘露鍋我真係好好味屋企人揀咗藥膳麻辣鍋太過辣啦唔識得辣嘅千祈唔好試麻辣味令到啲牛肉冇晒味 整體感覺非常好👍🏻

由於返工被人屈，激親，所以好想怒食發洩一下，揀左呢間一個人打邊爐都無問題嘅但馬屋3點半左右去到，餐廳人數都唔多，呢啲時間都有幾枱客算係咁揀左90分鐘嚴選牛肉放題套餐 （$179+10%）湯底： 美肌鍋湯低無獨立試飲，但都可以好肯定咁講裡面勁多薑，淥完啲野食都成陣薑味，唔太抗拒薑味，所以都接受到，但如果唔鍾意薑味就要小心因為唔係叫貴set， 所以肉類本身無期望好高，牛肉真係基本野，有少少鞋嘅🫣 相反，豬肉就有驚喜，encore 左2次🤭 豬肉竟然嫩過牛肉，可能因為豬肉本身較肥，仲要有豬肉味而無豬臭味，讚👍🏻（圖嘅肉全部都係第一盤，之後追加嘅就無再影了，但豬肉第一盤同之後黎果啲樣係有少少唔同，不過味道一樣好味）飲品以及外面蔬菜配料都係任拎同埋都有雪糕，仲要俾我見到我好喜歡 Häagen-Dazs 焦糖脆餅味… 點忍🙄 （減醣失敗）由於心情不美麗，怒食左2杯😂 好好味由於諗住可以舒服少少咁食，唔想太趕，揀左90分鐘set ， 其實揀60分鐘都得，因為食左半個鐘左右，肚已經頂住… 下次再一人邊爐真係叫定量60分鐘就可以，性價比會高好多

回想在觀塘APM分店，第一次吃但馬屋的特選日本黑毛和牛火鍋放題，牛肉那種入口即溶、軟滑、香濃牛肉味的感覺，令我記憶猶新！後來在葵芳新都會開設了分店，我就可以經常去惠顧了(平均每月兩次)。首先一讚，但馬屋是我食過那麼多間日式牛肉火鍋放題店，最老實，上肉最快及服務態度好的火鍋店。每次上碟的牛肉是即切，不會凍到夾不開，也不會出晒水，而且肉質穩定，通常都能保持該級質素，不會有太大落差。上肉方面，一般向職員下了單後大約7、8分鐘內會送上，而且訂了多少碟肉也會依正確數量送上。我們通常會點選最高的首兩個級數的日本和牛，因我們吃得比較多，相對抵食(我們兩人通常共吃10至12碟牛肉)。配菜方面尚算一般，有白魚蛋、日式魚腐、芝士腸、貢丸、龍蝦丸、蘿蔔 、羽衣金䕡、生菜、鮮冬菇、南瓜片等等。雪糕是大桶裝「哈仔」，飲品是罐裝的。

每到星期五，都係要諗去邊度食個滿足倒自己嘅晚餐，今晚同朋友去左葵芳但馬屋，我自己平時一想打日本邊爐都一定會揀但馬屋集團，因為質素都比較有保證，但係今日遲左係The Gulu拎飛，搞到等左45分鐘先入倒去。係但馬屋食肉，我大多都會揀夢之大地豚肉餐，因為佢地呢款豬肉好少出現係其他放題店，因為平時食和牛係香港好多地方都食倒之餘，質素都唔太大差別，但但馬屋夢之大地豚肉餐係比倒我感覺豬似比牛肉好食。今次食揀左麻辣湯底，因為同豬十分夾，不過可惜今次個湯唔知點解過咸，但係Overall食得好開心。員工質素亦好高，肉上枱好快。

疫情之下，N年冇食過呢間嘢，所以忘記咗之前嘅教訓。琴日行行街，諗住搵地方醫肚，咁岩行經過，又無乜人。Lunch嗌咗$179澳洲穀飼牛個任食套餐，第一碟牛好靚，油花分佈均勻。食完即刻encore 2碟，等咗十分鐘都未到，呢d限時任食上菜唔夠快已經有問題。催咗一次卒之嚟咗2碟，瘦到呀媽都唔認得，烚完又乾又柴，完全貨不對辦。出去攞其他嘢食嗰陣，幾乎見到枱枱都係咁瘦嘅牛肉片（實在叫唔出「肥牛」）。如果打邊爐諗住食齋，都可以試吓呢間嘅。

但馬屋呢間餐廳幾年前去日本旅行已經食過，當時已經覺得好高質😋 近年香港都開左唔少分店，主打shabu shabu，但一直都未有機會試🤔 直到近期佢地推出埋壽喜燒放題套餐，終於忍唔住要去回味下☺️日本產黑毛和牛及北海道夢之大地豚壽喜燒放題套餐🥩($389/人)個名好長呀🤣 總之簡單黎講，就係和牛壽喜燒，同豚肉shabu shabu。同一般日式邊爐有少少唔同，呢個新套餐包含左正宗日本壽喜燒😀 店員細心咁教我地，個鍋熱左之後先用牛脂搽下鍋底，然後放洋蔥爆一爆香佢，再放入和牛片爆炒至6-7成熟，倒入壽燒汁撈一撈，再點蛋漿放入口食🥹 呀！太感動啦係日本嘅味道呀！🥹 牛肉嘅油脂煎過之後好香，壽喜燒汁撈埋炒過嘅洋蔥更加甜，帶出左香濃嘅牛味，點埋幼滑嘅蛋漿係絕配！我地一連氣就chur左4-5碟牛🤣當你覺得食牛都7788啦，就可以叫店員換昆布清湯打邊爐，慢慢享受北海道豚肉😊 昆布湯較清淡，鍾意濃味嘅朋友可以喺湯底加壽喜燒汁，就會變成平時嘅甜豉油湯😀 薄切豚肉片放入去慢慢煮熟，索湯之餘仲好嫩滑。除左和牛豚肉任食，套餐本身有跟一個蔬菜拼盤，出面自助吧仲有醬油吧，多款丸類，蔬菜，麵食等等，全部都係任食自取。最值

呢間餐廳主打日式湯底為主嘅火鍋放題，嚴選各國優質肉類、季節蔬菜同配料🇯🇵由即日起至2023年2月14日為「冬季慶典饗宴」，食客可免費升級同時享用關西風壽喜燒❄️💗日本產黑毛和牛及北海道夢之大地豚放題套餐 ($389/ 位)🐃日本產黑毛和牛：由自家牛場直送到港，和牛呈雪花油脂分佈，肉質軟嫩細滑，牛味濃厚，油脂香充斥口腔🐖北海道夢之大地豚：豚梅肉油花均勻，肉質幼嫩爽滑，肉味香濃🐷丹麥皇冠豚肉：豚西冷肉質較結實細緻🥗蔬菜盛合：包括京蔥、洋蔥、秋葵、蕃茄、茼蒿、金針菇、紅蘿蔔、心內美、豆腐🥙火鍋配料：自助吧台提供多款蔬菜、菇菌類、丸類、麵類食用次序：1️⃣享用壽喜燒用牛脂肪、洋蔥、大蔥起鑊，輕炙和牛。再淋上自家製壽喜燒汁煎煮，醬油味甘甜醇厚。最後蘸上日本生雞蛋進一齊食，口感更甘香滑溜🥢2️⃣享用涮涮鍋倒下剩餘嘅壽喜燒汁同鰹魚清湯，加入其他肉類、火鍋配料同蔬菜🍲🍨甜品：提供4款口味Haagen Dazs雪糕，包括曲奇呍呢嗱、士多啤梨、呍呢嗱熱情果、比利時朱古力

今日嚟到位於葵芳嘅但馬屋分店，但馬屋喺香港都有唔少分店㗎，以各類嘅日式火鍋為主打。日本黑毛和牛及北海道夢之大地豚套餐日本黑毛和牛和牛嘅脂肪比例啱啱好，牛肉味道突出，肉質非常之幼滑，入口即化。北海道夢之大地豚豚肉入口有好香濃嘅肉味，加上脂肪唔算太多，食多幾塊都唔會覺得好油膩。喺自助區域，有脆皮腸同各種丸類，仲有羽衣甘藍等等嘅蔬菜可以選擇，選擇夠晒多，款式令人琳琅滿目。甜品方面，有幾款雪糕可以揀，啱晒唔同口味嘅人。整體來講，今餐嘅質素真係非常之高，估唔到可以一個咁平嘅價錢，食到咁多款唔同嘅食物。🫶🏻但馬屋 (新都會廣場) (葵芳)葵芳興芳路223號新都會廣場2樓251-255號舖#hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#冬季慶典饗宴 #觀塘火鍋 #火鍋放題 #關東煮 #鯛魚燒 #黑毛和牛 #壽喜燒 #黑毛和牛 #火鍋放題 #但馬屋 #葵芳 #放題 #限定北海