德豐打冷粉麵餐廳

Open Now

Now Closed

今早食完早餐約十一點幾，行咗一陣有點倦，要揾個地方坐下、飲杯嘢，但吾係好肚餓，行左一圈，搵左呢間，只叫了一份紅豆西多士share+一杯熱杏仁霜，及單叫一杯菜蜜，志在唞一下、坐下、傾下，其實都有點吾好意思……未見過出面有紅豆西多士，所以想試下，其實樣子同普通西多士差不多，只係加咗啲紅豆，不過呢份D紅豆好少，主要放在中間，如果多番多啲紅豆應該會更好……不過真係有D甜，試一下無坊的，下次都係搵番邪惡的"芝士西多士"好D，好耐冇飲杏霜，呢間都沖得幾好飲，吾會“稀了了”……因為坐卡位，所以都幾舒服

今晚想食煲仔飯，就近近地揀咗呢間德豐，叫咗一個荔芋排骨臘腸煲仔飯，一個臘味煲仔飯，一個小炒王。叫夥計落單，叫咗幾次，終於來了，全程夥計同我地零交流，我講完佢調頭就走。等候時間不長，還算快，夥計亦是放低就走，煲仔飯個蓋好熱，冇協助我揭開，我自己攞紙巾包住揭開了。排骨鹹到想打人，臘腸好硬，臘肉好肥，飯好爛，可能米浸得太耐，小炒王放好多豉油，顏色太深，腰果唔脆，蝦乾好硬。問夥計煲仔飯係咪配嘢飲？夥計望我地一眼冇出聲，我叫佢來兩個例湯，仍然冇應我，但約兩三個字之後，例湯來咗。草草食完，買單268，永遠唔會再幫襯。

有消息話又有颱風， 好大機會明天就8號風球添， 唉！見到街市人頭湧湧， 啲菜仲賣得好貴， 真係買唔落手， 於是走咗去德豐茶餐廳食下午茶冷靜下。其實之前都有去過德豐食晚飯， 水準唔錯， 原來佢啲下午茶餐都有好多選擇， 價錢都合理喎。炒貴刁 + 奶茶雖然個下午茶餐都要47蚊， 但貴刁份量都足，唔係迷李版， 啲貴刁粉滑而且炒得唔錯有鑊氣， 啲粉仲炒得好鬆好透，唔會叠住哂一舊舊， 配料份量都足， 叉燒， 火腿同芽菜都多嫁， 可惜咖哩味唔重， 唔夠辣, 風味就好似少咗啲。

夜麻麻已經10點叫個外賣俾小朋友食，等咗over半個鐘，入去鋪頭問，個阿姐仲要惡到死叫企外面等啦，有就叫你啦。氣線～絕對無下次，咁多選擇唔會再揀呢間！！！！！！

好耐未試過食飯食到想爆粗，叫咗個打冷鵝片拼盤，正常冇話特別好食都冇特別難食。叫咗個蠔餅完全唔脆嘅，可能佢怕我熱氣瓜。最經典係個海南雞飯，寫明配油飯，嚟到擺碗白飯落嚟唔出聲，跟住我問佢唔係油飯？佢話我冇。見到啲雞，呢個好明顯係蒸雞飯，點樣係海南雞飯呢？再細心一睇嗰浸油成寸厚，再夾起啲雞有肉嘅大概兩舊左右，其他嗰幾嚿全部都係骨嚟嘅，我諗畀隻狗食佢都吠你。$68一般都食到個冇骨海南雞飯,你有骨都唔緊要, 做咩要比d狗飯我食sorry, d野狗都唔可能食！！！其實你不如刪除咗呢個海南雞飯佢啦，唔好害人

深水埗有好多好野食，偶然有一日，ot 完，去食個飯，之前喺度食過野，味道中規中矩今次再會，因為佢選擇都幾多有粉麵，有潮洲野，炒野但點會諗到等個炒粉麵，等左45分鐘等左15分鐘時，問侍應佢答我，等左30分鐘果d都仲等緊感覺上左賊船，唔上唔落再催，侍應都係hea 答，整緊如果比我知道要等咁耐，我一定唔會入黎我都唔係惟一果個附近追食物的聲音始起彼落，只係見佢係咁出外賣如果供應唔到炒粉麵，都可以考慮夜晚唔好供應咁樣真係唔會想再黎

鹵水鵝片拼盤🦢 💰158 ❤️‍🔥7/10分鵝片肥瘦適中，有鵝味🤤鵝腸係新鮮嘅，有肥膏喺入面，食落唔羶🤘🏻腎都ok脆，豬皮、豆腐、墨魚無特別就唔講了，整體鹵水味唔夠，唔係好入味，所以無好高分〰️韭菜豬紅🩸 💰65 ❤️‍🔥6.5/10分豬紅無腥味，都滑嘅，個汁少少辣，但唔算惹味，韭菜得六七條就真係有啲少，多啲會開心啲🫠⚜️兩人食 免加一 共$223⚜️整體性價比 6.5/10分二十四小時營業，口痕想食下都ok嘅😌

好少寫食評,希望日後會改善下唔識做西式野,就專心做返潮州菜啦,最慘係外賣冇仇報白烚葡汁焗意粉,就咁放塊雞扒放喺個焗盒度就話焗意粉,意粉淡而無味好彩打返去講,個姐姐態度幾好

偶然幫襯下這間茶記食早餐，當食用他們餐鹽的時候，發現太多米粒在鹽樽內，明白裏面通常這造法係防潮關係，已經反映過無數次實情！但經過數個月的觀察所得（間中幫襯食早餐），經過勸喻仍然未有改善，不是一兩樽餐桌鹽有這現象，係絕大部分餐桌鹽樽內，都係米多過鹽（比例係9:1），已經反映過數次，都係不了了之！他們的服務態度仍然無動於衷！（仍然更換有問題（多米粒，部分都有潮濕）的餐鹽樽）！縱然這餐廳食物保持一般水準，幾好生意，在區內都頗受歡迎，可能係唔憂做的關係，但啲服務態度有改善空間！（以後不再幫襯）最後備註！

8/6 晚 叫左個鼓椒鮮魷飯黎到見個汁都有啲奇怪 有啲一粒粒食落 頂 咁多蒜蓉既我未曾食過鼓椒汁溝蒜蓉廢時換來換去又要炒過 食完同侍應講 個阿叔叫我下次講定唔要蒜容大佬 我食左幾十年鼓椒 未曾食過有蒜容仲要我打緊呢篇野時 個口仲有蒜蓉苦味阿叔仲夠膽同另一個後生侍應講 叫認住我咩意思 恐嚇呀幫襯呢間野都幾十年 雖然少夜晚係德豐堂食但都覺得佢d野算係咁估唔到越黎越差我知佢地老板會睇open rice 評語架希望改善下廚房同樓面質數最嬲係叫認住我 正常人 都應該話可能錯手撈左蒜蓉落去丫盛咁 話認住我 咩意思

今天陪媽媽到深水埗辦事，順路到老舖探２隻貓店長 (２隻喵喵已經16歲，疫情下，２年沒見，喵喵仍然記得我！)探完貓店長，路過福榮街，想喝杯絲襪奶茶，walk in 德豐打冷粉麵餐廳，點了以下的：#沙嗲牛肉包：下午茶餐，35元配熱飲，沙嗲牛肉味道挺不錯，麵包翻熱過度，有點塌！#咖哩豬扒飯：午餐，57元配熱飲，咖哩香濃，伴白飯，好吃！豬扒份量多，吃不完！#熱奶茶：紅茶濃淡適中，淡奶的比例合適，不用加糖，好喝！#熱咖啡：帶酸味！我們都不喜歡酸味重的咖啡！

之前睇到飲食雜誌介紹德豐的煲仔飯有幾老字號，又幾好食，但是個日咁啱同幾個朋友去深水埗就去試下，叫左個黃鱔加立腸，嘩⋯難食到一個點，你哋是否比錢飲食雜誌賣廣告呀，立腸全部係肥肉，咬一啖成口油，黃鱔又唔新鮮，d飯又臭，仲話係老字號，我相信係附近無賣煲仔飯，你哋才可以生存，食完個餐嬲到，平日不寫食評的我，都忍唔到要上去寫下食評，如果不想自己身體出問題最好就唔好去食佢哋的立腸，食完一定會爆血管，你哋煲仔飯真係要改善下

好地地叫煲腊味拼油鴨髀煲仔飯係我誤解左雙拼嘅意思定你地太過份加10蚊雙拼得一舊仔油鴨（仲要有一大舊骨）我諗無人會expect 你叫雙拼其中一味得一舊仔就叫拼左囉你不如同我講無得咁拼啦.\_/.凸定我誤會左你，其實你個油鴨脾飯$70得兩舊仔

其實平時選擇好少會揀打冷！但今次比啲煲仔飯吸引咗去呢間餐廳！荔芋腊長排骨：排骨肉質細嫩, 芋頭粉林, 而且好足料同埋好多飯焦！椒鹽九肚魚：呢個就差少少但好食嘅係面頭嗰層炸皮太厚！簡簡單單$163既晚飯食到想食既野算okay呀！😀

深水埗不嬲都係美食集中地，區內餐廳競爭大，粥粉麵飯唔少得，仲搵到性價比高嘅潮州菜館，質素唔錯之餘，仲好經濟實惠。同朋友兩個人叫咗3樣嘢，一煲蠔仔肉碎粥，滷水鵝片，香煎鹹牙帶魚，份量夠，食過返尋味蠔仔肉碎粥 （$95/ 1 鍋）蠔仔肉碎粥份量大，如果唔係好肚餓，都足夠四個人食。入面有魷魚、豬肉碎、蠔仔等配料，好足料，一聽配料就知道好鮮味，食落仲有胡椒粉，完全食唔到有任何蠔仔既腥味，飯同湯嘅份量啱啱好，非常順口，食完一碗又一碗 香煎咸牙帶魚 $55 牙帶魚唔係成日都搵到嘅魚，所以一見到呢一味菜就即刻叫黎試。香煎牙帶魚唔油，好乾身，食落鹹鹹地，送粥一流。滷水鵝片 $115去得潮州打冷菜館，當然一定要試吓佢哋補水鵝片。鵝片切得好薄，滷水汁一啲都唔肥膩，都唔會太鹹，食到有淡淡的草藥味，伴埋墊底嘅滷水豆腐同花生，同樣惹味。值得一提嘅係，呢間餐廳嘅服務員態度殷勤爽快，以潮州菜館來講，性價比不錯。如果外賣套餐仲有唔同嘅選擇，係抵食之選。下次可以黎試吓佢嘅潮州粉麵，好多選擇，價錢也合理