高木炭火鳥燒 (Closed)

第一次係餐廳食到中途埋單走坐底叫左兩杯啤酒，等左十分鐘黎到，其中一杯酌得一半，點解個侍應咁樣就會放上枱？好奇怪。。可能個侍應飲左一半，算，咁之後叫返另一位侍應黎，佢先酌返另一半俾我之後等左廿分鐘，個侍應先走過黎話我填個張單唔見左，要我填過張，有無咁搞笑，但過一陣又搵返，等多另外廿分鐘，第一串串燒終於黎左，食完，頂唔順埋單走左，有無搞錯？第一次食到中途要走。最大問題係佢地既態度，完全無話想改，埋單時佢個樣話我知佢都知有問題，無能為力咁既樣，真搞笑，搞到話佢既衝動都無左，係一種好奇妙既氛圍下俾左$148無加一走左

尖沙咀一向多美食，今次經過門口見到一間有氣派嘅日式串燒店-高木炭火鳥燒，之前一直都想去試吓，今次終於有機會了！餐廳環境佈置以木為主，以小鳥為主題，牆上面有一幅有趣嘅圖畫，圖中仲有兩隻小鳥和一隻豬仔係中間，非常可愛。座位方面更有吧枱同埋二人/四人枱設計。隨即店員就俾咗兩杯熱茶我哋，非常體貼，服務周到。飲品方面更有多款清酒同埋Cocktails選擇，仲見到有好多支大酒擺放喺雪櫃入面。我哋一口氣就叫咗以下嘅美食 : 鹽燒豚肉-食落去半肥瘦嘅口感，好正，而且一啲都唔油膩。燒鱔-啲鱔好新鮮，最重要係食落去冇乜骨，而且外皮燒得好香脆，好Juicy啊。雞腎-質感好爽口，味道剛剛好。雞翼-雞翼香脆可口，外皮已經好入味，咬一啖肉汁滲透晒出嚟，可見是新鮮即叫即整的。汁燒豆腐-一大件用竹籤插住，仲有一啲木魚鋪滿豆腐面頭，食落去豆腐質感好軟林林，非常入味。車厘茄煙肉卷-一串有兩件，煙肉有咬口，而且番茄好鮮甜，兩者非常match嘅味道。除此之外，黑松露牛肉金菇卷、蘆筍、蘆筍豬肉卷、燒大蝦、燒羊架同埋香蔥牛肉卷都非常美味，食到唔停口。最後計算過我哋食咗超過10款串燒，都已經非常滿足了。價錢都只係$600有找，每人

好嚮往同朋友一邊食串燒，一邊飲酒。今次去到尖沙咀試吓呢一間串燒餐廳。門口大大個招牌寫住高木，而且出面仲有代客泊車，揸車人士非常方便。餐紙一張有兩版紙，分門別類列好晒出嚟。每一款串燒都好想試吓。我比較鍾意食蘆筍，所以叫咗一串蘆筍同埋蘆筍豬肉卷。蘆筍豬肉卷原來係豬肉包住蘆筍，食落去豬肉有點脆口，肉質好薄，而且好入味。蘆筍爽口，味道好新鮮。燒大蝦估唔到大蝦都幾大隻，大蝦外殼鋪滿海鹽，就咁用口剝食都得。蝦肉爽口彈牙，鮮甜無比。燒羊架一向鍾意食羊肉嘅我，每次去親日本/西餐廳都必叫。羊架燒得好香口，食落去味道一啲都唔騷，肉質仲好鮮嫩。香蔥牛肉卷一串有兩件，而且好大件，牛肉包住入面滿滿嘅香蔥，食落去煙煙靭靭之餘，仲有香蔥爽口嘅口感。我哋仲order左黑松露牛肉金菇卷、鹽燒豚肉、燒鱔、雞腎、雞翼、汁燒豆腐同埋車厘茄煙肉卷等，食完非常滿足飽肚。

明明上個月也還有.為什麼8月就沒有做 lunch menu 了.剛剛攀石涉水來到尖沙咀吃了閉門羹才知道,家人非常失望.這真是一個非常失敗的商業決定.晚餐串燒試過是不錯.但這樣的價位, 有更多更好的選擇.

突然想起大阪串燒，於是約朋友去尖沙咀高木燒一燒以解相思之苦🍡🍢餐廳內裝修好有日本風格除左堂食，仲可以用網上外賣平台上網落單外賣食燒燒我的必食三寶，第一寶蒲燒鰻魚 ($68/條)，燒到外脆內嫩，非常香味。第二寶燒羊架($88/兩件)，熱辣辣的羊架加了少許海鹽於面一起燒，更能帶出羊肉鮮味。第三寶，燒雞翼我鍾意食😋這次我點了黃油雞翼($48/隻)，比一般雞翼大隻，雞皮較煙韌和肉質較鮮甜，正👍🏻安格斯牛($52/串)，牛味濃郁，燒得剛好非常Juicy岩蠔($48/串)，配上海鹽燒，更帶出蠔本身的鮮味藍殻鮑魚($78/隻)，加了清酒一起慢燒，味道很特別厚厚的燒牛舌($48/串)，爽口味濃，正！

跟朋友早在一星期前已經訂了座位，因為朋友十分掛念日本的美食，所以決定陪他去食日本串燒以慰單思之苦。因為是已訂座，而且是較早時間，所以沒什麼客人，感覺很寧靜店內佈置甚有日本居酒屋的風味每日時令精選都會在牆上黑板推介俾客人餐牌用心，有中文、日文同英文呢款魚日文叫kinki，中文喜知次，好多日本人都鍾意食，的確係因為肉質厚而重魚味炸河蝦，味道還可以的，加上少許椒鹽添了風味燒菠蘿~在面層涂了糖再燒，外脆內軟安格斯牛肉粒~燒出來後不會太乾，很juicy，肉味超濃，軟棉棉因為我們下午6時到，大約7時左右已座無虛席，雖然座位不多，但感覺確實很像日本的居酒屋，光是感覺已值得再來。

剛從日本回來，仍然很掛念日本的居酒屋串燒，剛巧有朋友介紹尖沙咀這間高質串燒，就同朋友預訂了來這裡試一試。位置比較偏遠，但勝在寧靜，遠離了繁忙的街道入座後，的確環境很寧靜，沒有日本居酒屋的嘈吵聲，感覺適合朋友們來食串燒飲啤酒聊聊天很多選擇出面啲串燒店都沒有單是這款螢光魷魚，相信只有正宗日本餐館才會有吧(如果不是請更正)食串燒冇可能唔啤啤佢，這是北海道生啤，超冰凍，易入口因為實在太多選擇，所以跟朋友決定每款都只叫一串，大家淺嘗。喜知次魚~燒完仍然保留肉質結實，好有魚香和鹹味剛好，美味之選睇錯日文寫天婦羅，原來係炸河蝦，哈哈，這個炸得很香脆，味道就不過不失啦。超juicy加香甜，未食過咁好食嘅燒菠蘿店舖整晚都好正，師傅認真串燒，沒什麼交談，樓面哥哥也很靜很認真，感覺絕對是認真製作的食店。記得去食要訂枱，否則好易沒位，眼見有兩枱walk in都沒位。

一早約定朋友收工食晚飯，點放工時間打三號波～不過見無乜風又無乜雨，無損雅興照去食！店內精細，燈光柔和～感覺親民串燒選擇都唔少，應有盡有😁羊架$88兩件,熟度適中，一點都唔騷，香口惹味😋串燒🍆，外脆內軟👍🏼其實燒茄子，要燒得好吃也不是易事🤭傳說中的牛肋條，牛肉肉質鮮嫩，好味多汁串燒鱔片，肉質厚身，而且新鮮，魚皮非常脆口，而且無骨😋芝士雞肉串，上面鋪滿芝士，芝士燒到黃金色,穩陣好味！雞皮串，從來未食過咁脆的雞皮，一咬就碎，好似薯片咁🤩鵝肝原來配上燒飯團，鵝肝表面脆口，比較厚身，香濃的鵝肝味加上香脆小飯團一試難忘😋

今晚約了朋友在尖沙咀吹吹水，想找一間可以坐耐一點又不想吃得太飽的餐廳。行到去棉登徑，就找到這一間很有日本本土風格的日式居酒屋，門外排了紅紅的燈籠，很適合我們上班一族。說到底是居酒屋，店舖不是很大，但卻很有日本味道。雖說店舖比較小，但食物種類繁多，肉類有豬、牛、雞，亦有海鮮如蠔，鮑魚等等，當然不少得的是wine list.燒羊架 ($98): 外面燒得很香, 但內裡仍很juicy.黃油雞翼($48): 有普遍雞翼及黃油雞翼，我們選了黃油雞翼，的確黃油雞翼比較有雞味。安格斯牛($52) : 燒到大約有6成熟，果然是安格斯，很有牛肉味。岩蠔($48):  燒得剛剛好，外面脆脆的，裡面卻不會燒得很乾。蒲燒鰻魚($68): 鰻魚厚厚的，外面燒得很脆。

今晚約咗個朋友去食日式串燒，原本都無望有乜特別，都係串燒啫。但試完之後覺得唔錯，都幾特別🤩，仲好好味添🤤。第一次嚟高木炭火燒鳥，燈光較暗，座位唔多，幾張獨立枱同幾個bar枱座位。所以要食就book定穩陣D😉。兩個人order 燒鱔，雞皮，鵝肝，羊架，鹽燒豚肉，牛肋條，芝士年糕，明太子飯團，芝士大菌。燒鱔皮脆肉嫩滑雞皮好薄脆唔油膩鵝肝燒到啱啱好，內里香滑，有口感!羊架約7成熟，多計肉嫩，正！睇嚟手勢唔錯😏。鹽燒豚肉，望去白白地以為成夠肥肉，咬落先發現肥瘦啱啱好，有肉汁，口感唔錯，唔會有過熟感覺👍🏻。牛肋條都唔錯，正常味道，但說不上特別😝芝士蛋糕，對於我嚟講都幾特別，外皮烘得脆脆地而裏面嘅芝煙軔，食完唔覺膩，可以繼續食！明太飯團🍙，原來外層係燒過下嘅！因此食落去脆脆地。連我唔鐘食飯焦嘅人都覺得唔錯，鐘意食飯焦嘅人應該好鐘意食。芝士大菌係鮮菇肚內加芝士燒成，多汁鮮甜。不過要提嘅係趁熱食。一個芝士大菌份咗4份，新鮮熱辣時食咗一份，好好味，差不唔食完D食物時，再食埋個1/4份，感覺上比熱食無咁好味。

昨晚經朋友定位，進入餐廳後，感覺環境非常擠迫。桌面非常細小，不足夠地方擺放食物。吃到一半的時候，問女服務員請問我們的食物齊了嗎？她服務態度極差地回覆，”還有一條魚，煮緊”，然後就走開了。食物方面，串燒燒得太乾，鮑魚又不新鮮。你們可以想像一個客人可以吃到一半埋單，去其他地方吃飯，也不願意繼續留下來，連最後條魚我們也只吃了¼便走。看見這裏的食評有這麼高分，本人有被騙的感覺，這樣的食物質素及服務態度，深信在香港很難生存。

又有機會來到尖沙咀這條我最喜愛的小街 - 棉登徑吃晚餐! 今次跟朋友吃串燒!本來看見小小的廚房也沒有太大期望會有很多款式的串燒，但準備點餐時看見餐牌上林林總總不同的菜式確實是喜出望外！很多普通串燒店不會煮的燒物都可以點，突然十分期待這份晚餐！先點了菜款開開胃，中間這串露筍豬肉卷十分好吃！薄薄的豬肉片包着清甜的露筍，不會太油膩！免治雞肉是第一個驚喜！因為配了生雞蛋和醬汁！！！有吃過的朋友便知道，不是所有地方都有這個配搭，更多時候只有乾乾的一串雞肉棒。另一個驚喜是海鮮！帶子串size不少之餘火喉亦較得剛剛好，超級好吃！最後是的喜之次！這燒魚真不是所有地方也吃得到，然後味道也很鮮肉很嫩滑，十分滿足的一個晚上。

和姊妹晚上做完yoga, 時間不早又唔想食咁多，於是我們去了尖沙咀天文台附近一間日本居酒屋食日本串燒～！餐牌有前菜、海產物、雞肉、牛肉、羊肉、豚肉、野菜，亦有飯團、烏冬、燒日本芝士年糕、明太子飯團等～此外亦有多種日本酒等⋯食得了！ 燒得很靚很香！唔知好味否呢？牛肋條 $48。鹽燒豚肉 $36咬落肉質好爽，仍保留肉汁！👍🏻黑松露雞脾菇 $32燒雞脾菇爽脆，配上黑松露👍🏻紫蘇雞胸 $28。燒明太子 $68我們最喜歡這個❤️日本A4和牛 $98好多汁明太子飯團 $38

途經棉登徑，見到尼一間好有日本feel嘅串燒小店推門入去已經見到有幾個日本人坐係四人枱，我地倆人就選擇長長嘅吧枱，享受置身日本居酒屋嘅感受日本A4和牛，入口即溶，牛味重， 肉質超軟熟，必吃之選雞皮蝦，個名好有趣，所以叫黎試下，蝦頭燒得好脆好野味，雞皮包住蝦，囗感有趣馬刀貝，鮮甜美味，蜆味濃貴妃蚌，火喉啱啱好、爽口彈牙， 而且海水味十足 勁鮮甜雖然店舖細細，但氣氛好好，食物水準高，食材新鮮。有好多清酒供選擇，愛好飲酒人仕、必定大愛。逢星期一至日 Happy hour 係4:00-6:30免收加一，而6:30前結帳及離坐有八折優惠值得一讚廚師細心，食物上完一串再一串、唔會一下子燒哂上枱，比客人可以慢慢品嚐食物，又唔會攤凍哂！三五知己或者情侶談心嘅好地點！

If you are looking for a realJapanese food, this apparently isn’t the one. Poor food quality which are just too expensive. For instance we ordered two Tsukune but only one raw egg came. Hatsu was soooo tiny with only three pieces which was hard as a rock. These are just a few examples of many. Never ever go again.